صحح العنوان يا ابو الأمير و هي غاية الآمال مش غايت ! برضو تقول لي اربجي فيها تعليم ؟ مفترض ان يكون العنوان .. هذا ما يقوله بعض الموسيقيين و النقاد عن اروع الألحان
Post: #4 Title: Re: بعض الموسقيين والنقاد بقولو اروع الحان ود Author: زهير عثمان حمد Date: 07-02-2021, 05:54 AM Parent: #3
خضر انت عامل بتاع لغة عربية غايت بلغتنا الدارجة عرفت يا عروب يا بتاع الفسيخ انت
Post: #7 Title: Re: بعض الموسقيين والنقاد بقولو اروع الحان ود Author: زهير عثمان حمد Date: 07-02-2021, 06:02 AM Parent: #4
يا ود الامير الامير متعك ربي بالصحة تعرف بقولوا زملاءنا والزميلات في الصحافة الفنية السودانية انه بالاضافة لعمل ودي الحاوي وابراهيم عوض هنالك خمسة اعمال خالدة في تاربخ الاغنية السودانية هي حبيبي اكتب لي- إبراهيم الكاشف للشاعر عابد عبدالرحمن يا وطني لسيد خليفة طفل العالم الثالث للراحل الخالد مصطفى سيد أحمد اللي بيسأل ما بتوه- البلابل سلم مفاتيح البلد لمحمد وردي تعال نسمع ديل وبعدها نقول راينا مع خالص ودي
Post: #5 Title: Re: بعض الموسقيين والنقاد بقولو اروع الحان ود Author: خضر الطيب Date: 07-02-2021, 05:58 AM Parent: #3
هذه الأغنية للراحل الشاعر الرائع سعادة اللواء عوض أحمد خليفة و إسمه الحقيقي العوض وداعة الله أحمد خليفة عندما يلتقي العمالقة احمد الجابري و عبد اللطيف خضر ود الحاوي وسعادة اللواء عوض احمد خليفة هنا تكمن الروعة شكراً بدر الدين
Post: #6 Title: Re: بعض الموسقيين والنقاد بقولو اروع الحان ود Author: خضر الطيب Date: 07-02-2021, 06:02 AM Parent: #5
ابو الزوز يا حبيب ياخ خليني اتجدع في بتاع اربجي دا انت اللغة دي ذاتا ما حقتك
Post: #8 Title: Re: بعض الموسقيين والنقاد بقولو اروع الحان ود Author: زهير عثمان حمد Date: 07-02-2021, 06:05 AM Parent: #6
كويس يا خضر كدي شوفي الاغاني دي حسب مقالات الشباب والاستاذ الصادق الياس
Post: #9 Title: Re: بعض الموسقيين والنقاد بقولو اروع الحان ود Author: خضر الطيب Date: 07-02-2021, 06:24 AM Parent: #8
Quote: والاستاذ الصادق الياس
ابو الزوز انت قاصد تجهجهنا؟ الصادق الياس شاعر فخيم و عميق هاك دي حكاية ملام
غاية الامال و "جايي تسأل عني تاني" اجمل ما غني ابراهيم عوض .. مشكلتنا او مشكلتي انا يمكن ، ما عندنا اهتمام بالملحن والكاتب وما عندنا توثيق كويس في النت بنسمع الغنا بس ونادر نعرف اسم الملحن ورونا اغاني ود الحاوي غير العملا لي ابراهيم عوض
Post: #12 Title: Re: بعض الموسقين والناقد بقولو اروع الحان ود � Author: بدر الدين الأمير Date: 07-02-2021, 01:58 PM Parent: #11
من قبل سنوات كنت بصر وبقول ان المصير هى اروع الحان ود الحاوى
والله يا بدر مصير الدسوقي ما ساهلة بس لحن غاية الآمال احسن واغنى كتير
لحن المصير مع طول النص يمكن تحس فيه بشوية رتابة وعدم تنوع
نفس الشي دا بتلقاه في لحن اغنية صدقيني وحياة غرامنا عند عثمان حسين ويمكن دا اللحن الوحيد عند أبو عفان الما بتحس فيه بطعم عبقرية ألحان عثمان حسين
Post: #14 Title: Re: بعض الموسقين والناقد بقولو اروع الحان ود � Author: بدر الدين الأمير Date: 07-04-2021, 05:20 PM Parent: #13
خضر الطيب يابدوى الدويم دى آخرتها جاى تطاول على ابوالزهور ود أم درمان حيث الاذاعة والتليفزيون عالم وهم
Post: #15 Title: Re: بعض الموسقين والناقد بقولو اروع الحان ود � Author: بدر الدين الأمير Date: 07-04-2021, 05:32 PM Parent: #14
ابو ذر برضو من الحان ود الخفيفة وجميلة سال من شعرها الذهب كلمات ابو امنة حامد ذكر لى ود الحاوى انه استلهم اللحن من ضربات عجلات القطار على السكة حديد حيث سافر بالقطار في رحلة فنية لاحدى مدن السودان وكان معه النص
Post: #16 Title: Re: بعض الموسقين والناقد بقولو اروع الحان ود � Author: بدر الدين الأمير Date: 07-04-2021, 05:44 PM Parent: #15
عبدالله ود الحاوى من الصعب الحانه لكن غير مستحيلة لكن ممكن بناته سماح وعناب يقومن بالمهمة لقد زملنى لفترة بالعمل في الشركة وود الحاوى اغتراب لفترة طويلة بدولة قطر وكان من مؤسسة فرقة الاذاعة والتفزيون بقطر طبعا ود الحاوى بدا التلحين باكرا اي من عمره 18سنة وهو الان في 90 من عمره متعه الله بالصحة والعافية ولقد لحن لمعظم الفنانين الكبار وجيل الشباب