Quote: الاستاذة سارة طه تكتب: المعاشرة الزوجية وآداب الجِماع دي ما دايرة ليها مختص عشان يجي يقولها في تلفزيون قومي زي تلفزيون السودان ده. وده ما وقتو ذاتو عشان نتكلم في حاجات زي دي لأنو معروف المعاشرة الحسنة أساسها (الوازع الديني) وممكن تكون منفصلة ويمكن للتلفزيون يتحدث عنها لضمان حياة سعيدة بين الطرفين. ولو كانت المعاشرة سعيدة فيبقى (اوتوماتكلي) كدة (الجماع) أو (المجامعة) بتكون صاح وبصورة حبية بين الطرفين. اللهم الا كان البنت دي عندها (فنون جماع) جديدة وحركات بهلوانية في السرير عايزة تورينا ليها.. أي بالواضح كده. الناس الان عايزين طريقة للحياة الصحيحة بتوفير كافة لوازم الحياة وتوفير العيش والغاز وكل ضرورات الحياة المعيشية اليومية، وما محتاجين لنصائح (جنسية) وحركات (هناي) جديدة. الناس عايزة تملأ بطنها دي اول حتى بعدين يشوفو (الهناي) كيف وكيف. وبعدين هسى عليكم الله مع (الصفوف) دي اصلا في طريقة (هناي) ودروس في (الهناي). عليكم الله كونو واقعيين يا ناس تلفزيون السودان البقا كل كلامو (هناي في هناي ده).
أنا واضحة شديد وما عايزة فلسفة (فليسقط الهناي) لو اصلا بقا الهناي عايز دروس منكم). فليسقط (الهناي) البتتحدثو عنو والبدلتوهو بالحديث عن الصفوف وإغلاق المدارس والشلهتة في الأفران ومحطات الوقود. ياخ فليسقط الهناي ذاتو. عليكم الله إتكلمو عن الأساسيات والضرورات للمواطن اول وخلو (هنايو) يشتغل بمزاجو بعد توفير طاقتو. غايتو جنس (هناي) عليكم يا ناس تلفزيون السودان#منتهي #قاوم_العواليك
Post: #2 Title: Re: مقال +18- أصحى يا تلفزيون :( Author: الشيخ سيد أحمد Date: 07-01-2021, 03:21 PM Parent: #1
التلفزيون في فتيل :(
Post: #3 Title: Re: مقال +18- أصحى يا تلفزيون :( Author: محمد حمزة الحسين Date: 07-01-2021, 03:47 PM Parent: #2
بالله جابوها لايف بي يبالغوا بوليغ ...
كان عندها اعلان عن محاضرات ولايف بلوها فيهو بل السنين ...
الشيخ يا بلد كيفنك يا حبوب هسة عليك دينك الفي فتيل منو ؟؟ أعتقد والله أعلم أنت واللخت الكتبت الكلام دا في فتيل بنسلين وليس التلفزيون صاحب الرسالة العلمية حيث لا حياء في العلم . طيب .. اللخت شبكت الناس البقرأوا ليها دي ايحاءات ومصطلحات وتلميحات والله أخير منها الواحد يشاهد (الهناي) دا لايف... لا وواثقة أنو (الناس) ما عايزين حاجة زي دي ما بعرفا سألت الناس متين ( فيها عرق من صاحبي عمر التاج) جنو يقول الشعب عايز والشعب ما عايز . أما أنت فيكفى أنك خميت كلام (الهناي) دا جبتو هنا للشاف والما شاف اسهام فاعل في الترويج خخخخخخخ وعليه من فضلك دخل نفسك في فتيل وكلم اللخت دي تدخل بعدك أو قبلك لا فرق .. المهم الاتنين اتفضلا فانحشرا جوة خخخخخخخخ
كيف الكلام ده ده ح يبقى لايف عديل كده يا طلحوف اقترح تحشرو مع عمر التاج
Post: #7 Title: Re: مقال +18- أصحى يا تلفزيون :( Author: أحمد محمد عمر Date: 07-01-2021, 07:23 PM Parent: #6
Quote: معروف المعاشرة الحسنة أساسها (الوازع الديني)
معروف كيفن؟ والعرفو منو؟ ودخل الوازع الديني بغرفة النوم شنو؟ يعني كل الكائنات الحية البتتكاثر بالمعاشرة دي عندها دقن؟
Post: #8 Title: Re: مقال +18- أصحى يا تلفزيون :( Author: علي عبدالوهاب عثمان Date: 07-01-2021, 07:25 PM Parent: #6
Quote: وحركات (هناي) جديدة.الناس عايزة تملأ بطنها دي اول حتى بعدين يشوفو (الهناي) كيف وكيف.
تحياتي الحبيب ودالشيخ
احسن شيء في المقال أني عرفت المقصود من ( هناي )
ما في اي تطور في الانتاج والمعايش فقط في التنظير بعد شوية ورش عمل .. وتقديم ورقة
Post: #9 Title: Re: مقال +18- أصحى يا تلفزيون :( Author: عمر التاج Date: 07-01-2021, 10:53 PM Parent: #8
ومالو الهناي لو عرضوه في تلفزيون ناس هناي؟ ما قبل يومين عرضوا واحدة بدون هناي .. وقالوا ثقافة هنائية وقبل اسبوع بثوا برنامج حواري مباشر مع واحدة قالت حملت من عشيقي وجبت بيبي وابوي رفض يستقبله ، الا خالتي جزاها الله خير استقبلتني واكرمت اقامتي الخ الخ والغريبة في ناس هنايين اتعاطفوا معاها وقالوا من حق أي إحسان انها تهرب مع حبيبها زي ما عايزة لدرجة أنه أصبح عادي جدا تجيك هناية ديك وتوريك في التلفزيون المكشن بالهناي يحدث كل هذا وشايف هناي داك في المنبر ده عاجبه الموضوع ده
Post: #10 Title: Re: مقال +18- أصحى يا تلفزيون :( Author: Ahmed Yassin Date: 07-01-2021, 11:30 PM Parent: #9
سيبوا حركات الهناي البتعملوا فيها دي
Post: #11 Title: Re: مقال +18- أصحى يا تلفزيون :( Author: الشيخ سيد أحمد Date: 07-02-2021, 02:53 PM Parent: #10
شكرآ يا حلوين على التفاعل. امسكو في وصية (عادل إمام) كويس:)