Post: #1 Title: ااا ويين يااا كوز يا تافه.. قال حق التظاهر قال!! Author: محمد حيدر المشرف Date: 07-01-2021, 01:56 PM
في الكلام العجيب بتاع انو الكيزان بتاعين المؤتمر الوطني وساء سبيلا ديل عندهم حقوق دستورية من ضمنها حقوق التظاهر وبتاع
وده كلام فارغ ساي ..
في ثورة قامت وفي ناس دفعت حياتها من أجل هذه الثورة .. اي زول طلع في مواكب الثورة كان مشروع شهيد لانو عارف انو الكيزان ديل ذاتهم ممكن يقتلوهو.. قتلو اكتر من ٢٠٠ شاب وشابة في ظرف ٣ ايام إبان انتفاضة سبتمبر المجيدة ٢٠١٣ ..
اها الثورة دي قامت عشان تعيد ضبط الأشياء وموازين الصراع في السودان ..
لن نكافي اي انقلابي استولى على السلطة بالقوة وسرق اموالنا وحكمنا قهرا لمدة ٣٠ سنة.. شال قروش الفقراء والمساكين من اهل السودان وابتنى امجادا فكرية وثقافية واقتصادية واجتماعية بأموالنا ثم يأتي الان بكل هذه المكتسبات المهولة والمتراكمة المسروقة مننا عشان يدير معانا صراع سياسي كتفا لكتف
اه ويبين يااااا يا كوز يا تافه ..
تساوي كتفك بي كتوفنا وتحاذي سدرك بي سدورنا وترجع اي مليم سطوت عليهو مننا .. مش كده وبس.. بل كل ما ترتب علي لصوصيتك دي واحترافك الفساد يا حرامي .. ترجع لينا اي سطوة ثقافية وفكرية واجتماعية جمعتها من سرقة قوت الشعب السودان.. ثم بعد داك تعال للصراع المتكافيء بين المكونات الوطنية .. آنذاك نحلب فيك ليمونه و نعتبرك مكون وطني .. شفت كيف؟!
هكذا الثورات حالة فوق دستورية .. وان انتهى فعل الثورة العنيف بسقوط النظام الا ان الثورة العميقة مستمرة وعندها جذرها الثوري المتقد الفوق دستوري ..
مافي كوز يطلع مظاهرات .. مافي كوز عندو حق التظاهر .. ده حق يسري بين ناس متساويين.. ما ممكن تسرقني وتنهبني ٣٠ سنة وتجي تقول لي ندير صراع بخلفية الفرص المتكافئة في دولة القانون ... كان ليك يا وهم .. نحنا اوعى من كده ..
قال طحنية قال😡
Post: #2 Title: Re: ااا ويين يااا كوز يا تافه.. قال حق التظاهر � Author: Osman Musa Date: 07-01-2021, 02:07 PM Parent: #1
( لن نكافي اي انقلابي استولى على السلطة بالقوة وسرق اموالنا وحكمنا قهرا لمدة ٣٠ سنة.. شال قروش الفقراء والمساكين من اهل السودان . ) ... الأخ د. المشرف سلام ودا كلام الجدعنة واحد. الطراطير ديل دايرين العين الحمراء .
Post: #3 Title: Re: ااا ويين يااا كوز يا تافه.. قال حق التظاهر � Author: Elhadi Date: 07-01-2021, 02:07 PM Parent: #1
Quote: لن نكافي اي انقلابي استولى على السلطة بالقوة وسرق اموالنا وحكمنا قهرا لمدة ٣٠ سنة.. شال قروش الفقراء والمساكين من اهل السودان وابتنى امجادا فكرية وثقافية واقتصادية واجتماعية بأموالنا ثم يأتي الان بكل هذه المكتسبات المهولة والمتراكمة المسروقة مننا عشان يدير معانا صراع سياسي كتفا لكتف
لا ياخ ؟؟
والكلام ده انكلودنق حميدتي والبرهان ؟؟
ولا ديل برة ؟؟
Post: #5 Title: Re: ااا ويين يااا كوز يا تافه.. قال حق التظاهر � Author: محمد حيدر المشرف Date: 07-01-2021, 02:37 PM Parent: #3
لا ياخ دي شنو مثلا يا الهادي ؟!
كلامي ده انا كتبتو ومقتنع بيهو .. عاوز تناقشو باحترام حبابك ١٠ نناقشو معاك باحترام .. عاوز تسال باحترام تسأل طوالي .. عاوز تقل أدبك وتتصعلك اسفيريا ففي الحالة دي ممكن ارد عليك وممكن اتجاهلك حسب المزاج..
اها دحين هسع بالنسبة لي سؤالك ده .. هل سألتو بي احترام ولا ما هل ؟ عشان نعرف نجاوب ولا نتجاهل السؤال البسيط ده
Post: #4 Title: Re: ااا ويين يااا كوز يا تافه.. قال حق التظاهر � Author: محمد حيدر المشرف Date: 07-01-2021, 02:23 PM Parent: #1
مكرر
Post: #6 Title: Re: ااا ويين يااا كوز يا تافه.. قال حق التظاهر � Author: عمر التاج Date: 07-01-2021, 02:52 PM Parent: #4
تحياتي يا دكتور ..
Quote: لن نكافي اي انقلابي استولى على السلطة بالقوة وسرق اموالنا وحكمنا قهرا
ولكأنك تتحدث عن .. نميري والحزب الشيوعي والجهة الإسلامية والمؤتمر الوطني وحزب البعث الان والبرهان وحميدتي .. ومن عاونهم أمثال حمدوك وسلك وأسوأ أولئك جميعا .. كلهم حكم الشعب دون تفويض وكلهم خدع المواطن بان قال وعدا وطنية ونفذ جندا أجنبيا غير الذي قال .. فهل تستطيع أن تكافئ كل هؤلاء بما قلت؟ أن قلت نعم .. فابدأ لنا من تحت.. وان قلت لا .. فنحن نعم لماذا لا .. أما الشارع فهو للجميع .. ولن تستطيع حكره لأحد أو معتقد وان حرصت الذين هتفوا في الشارع أمس وان كان فيهم كيزان: - فإما أنهم لصوص وأنت كسلطة تعرف جرائمهم ثم لا تودعهم السجون .. وفي هذه الحالة أنت مجرم مثلهم - أو أنهم شرفاء لم يثبت جرمهم ، وبالتالي فكلهم يستحق ما استحقه البرهان وحمدوك وحميدتي .
Post: #7 Title: Re: ااا ويين يااا كوز يا تافه.. قال حق التظاهر � Author: زهير عثمان حمد Date: 07-01-2021, 02:55 PM Parent: #4
يادكتور عسك بخير ومتعك ربي بالعافية ما تحرق دمك مع الاوباش وحثالة بني كوز ديل عمرهم ما كانوا منا ولا بعرفوا عميق ما في شعبنا ولابد ان تكون علي يقين لن يغيروا في الواقع الجديد قيد أنملة وأنها أمنيات وفرفرة من فقد زمام المبادرة مع كل الود
Post: #8 Title: Re: ااا ويين يااا كوز يا تافه.. قال حق التظاهر � Author: محمد البشرى الخضر Date: 07-01-2021, 03:11 PM Parent: #7
المشكلة يا دكتور انو الحالة فوق الدستورية دي قد بل وأكيد زي ما علمنا التاريخ سطوتها ستتعدى الكيزان و تشمل في من تشمل ابناء الثورة ذاتهم بعد شوية! وتبقى في الناس قصة أكلت حقوقي الدستورية يوم سكت وقبلت بل وطالبت بأكل الحقوق الدستورية الثور الاسود! مشكلتي مش مع الكوز وبعدها نقطة، لا مشكلتي مع السرق ومع الظلم ومع الاكل بالباطل ومع القتل ونزولا حتى مع من سكت ساي على الظلم يمارس أمامه و برر او اكتفى بالصمت! وديل حقي منهم يؤخذ بالمحاسبة بالقانون، منعهم من التظاهر لن يكفيني!
Post: #9 Title: Re: ااا ويين يااا كوز يا تافه.. قال حق التظاهر � Author: محمد حيدر المشرف Date: 07-02-2021, 04:27 PM Parent: #8
باشمهندس محمد البشرى تحياتي يا صديقي وطالب مساعدة في رفع الفيديو ده هنا ..
وهو في الرد على مداخلتك ومداخلات بعض الأصدقاء هنا وهناك
Post: #10 Title: Re: ااا ويين يااا كوز يا تافه.. قال حق التظاهر � Author: محمد البشرى الخضر Date: 07-02-2021, 04:53 PM Parent: #9
اتفضل يا دكتور
Post: #11 Title: Re: ااا ويين يااا كوز يا تافه.. قال حق التظاهر � Author: الشيخ سيد أحمد Date: 07-02-2021, 05:10 PM Parent: #10
محمد المشرف...حبابك يا صديقي
حينما ترفض ممارسة مواطن سوداني حقه الدستوري في التعبير عن رفضه فما الفرق بينك وبين النظام الشمولي الذي مارس ذات الكيفية في إدارة الدولة؟؟ كل من إعتدى وسفك الدماء وإستغل السلطة لمآرب ذاتية عليه أنيخضع للمحاكمه. هذا جانب. الجانب الآخر هو محاولة إيجاد علاج لحالة التشفي التي يزخر بها المشهد السياسي الآن. فإن لم نستطع الخروج من هذه الرؤية سنكون دائرين في حلقة مفرغة- سيأتي آخرون يجلسون على سدة الحكم وسيبدأون في التشفي والإنتقام وهكذا. ماذا انت فاعل بعضوية المؤتمر الوطني والتي تقدر بالآلاف ان لم يكن الملايين؟؟ كيف ستستوعبهم في مشروعك الذي ينادي بالتوازن- وهم يرونك تمارس التشفي ولم تقدم شروط منطقية في ممارسة حقوقهم الدستورية؟ أختلف معك في طرحك في الفيديو- ويبقى ما بيننا من ود.
التحايا مرفقة طيه.
Post: #12 Title: Re: ااا ويين يااا كوز يا تافه.. قال حق التظاهر � Author: عبدالعظيم عثمان Date: 07-02-2021, 05:19 PM Parent: #11
المؤتمر الوطني حزب محلول بالقانون حقوق شنو لي جماعة إرهابية أسقطتها الجماهير كلام المثاليات دا حيجيب أجل الثورة الكيزان ديل غير البل مافي أي حاجة تنفع معاهم على طول الفترة الإنتقالية الكيزان ما عندهم مكان في الشارع الشارع فقط للثوار الكلام دا منتهي
سلامات يا مشرف يسلم قلمك
Post: #13 Title: Re: ااا ويين يااا كوز يا تافه.. قال حق التظاهر � Author: Yasir Elsharif Date: 07-02-2021, 07:04 PM Parent: #12
سلام يا مشرف
Quote: المنبر الحر - د. أحمد المصطفى دالي - هؤلاء هم الاخوان المسلمون.. لكي لا ننسى Aktuell 6 Zuschauer Aktiver Livestream seit vor weniger als einer Minute 0 0 Teilen Speichern Alfikra 9370 Abonnenten بسم الله الرحمن الرحيم
المنبر الحر - د. أحمد المصطفى دالي يلتقيكم في بث مباشر
هؤلاء هم الاخوان المسلمون
لكي لا ننسى
الجمعة 2 يوليو 2021 السابعة مساءً الى الثامنة والنصف مساءً بتوقيت السودان
Post: #14 Title: Re: ااا ويين يااا كوز يا تافه.. قال حق التظاهر � Author: محمد حيدر المشرف Date: 07-02-2021, 07:43 PM Parent: #1
هل في زول ممكن يساعد على اظراج الفيديو هنا ؟
Post: #15 Title: Re: ااا ويين يااا كوز يا تافه.. قال حق التظاهر � Author: محمد حيدر المشرف Date: 07-02-2021, 07:45 PM Parent: #1
يا سلام عليك يا باشمهندس
شكرا جزيلا
كنت السبب المباشر في محاولة تجريب فكرة الفيديو دي
Post: #16 Title: Re: ااا ويين يااا كوز يا تافه.. قال حق التظاهر � Author: محمد حمزة الحسين Date: 07-05-2021, 03:15 PM Parent: #15
دكتور المشرف سلام ... دي زعلة يا دكتور ولا بتاع الفديو دا مسكك ضنب الككو ووقع لك فوق جرح ... عليك الله يا قريبي ما تديني بالجنبه الفيها الحديدهـ الإديت بيها الهادي خسمتك بالرسول
Quote: على طول الفترة الإنتقالية الكيزان ما عندهم مكان في الشارع الشارع فقط للثوار الكلام دا منتهي
يا عظمه الكيزان زات نفسهم قالوا كدا لكن هناك فشل يتم التغطيه عليه بفزاعة الكيزان وعودتهم ... ما يقوم به الكيزان فلسفة (ما ينوم) ونظرية اسمها سهر الجداد ولا نومو يبرر ليها الفساد والفشل لحكومة قحط ...
أما (الحملنة) البي يتكلم عنها اللوايفي دا ما عايزا ليها رفع ضوء ... لانهم قطيع ساقهم صلاح قوش لتحقيق مأربه ضد مناهضيه وفتح لهم زيبه ما سمي لا حقاً بأرض الإعتصام ، وعندما قنع من خيراً فيهم تم طردهم فيما سمي بمجزرة فض الإعتصام ، وعندما هاموا علي وجوههم في الطرقات إستلمهم وجدي وجماعتو ,اهو لسع بعلفوا ...
Post: #17 Title: Re: ااا ويين يااا كوز يا تافه.. قال حق التظاهر � Author: منتصر عبد الباسط Date: 07-05-2021, 03:25 PM Parent: #16
التفاهة لو بقت محصورة في الكيزان ما مشكلة ممكن يعملو ليهم سد زي العملو ذو القرنين لياجوج وماجوج لكن المؤسف إنو كل الأحزاب السودانية الحاضرة الأن من يسار ويمين يتمتعون بقدر غير متناهي ا من التفاهة والإنحطاط الأخلاقي
Post: #18 Title: Re: ااا ويين يااا كوز يا تافه.. قال حق التظاهر � Author: محمد البشرى الخضر Date: 07-06-2021, 02:29 AM Parent: #17
تحياتي ود المشرف، كتبت رد في حينه على الفيديو لسبب ما لم يتم ارساله وضاع في اسافير الله دي المهم، انا بس عايز اذكر بقصة شبيهة، و التاريخ بدينا دروس وعبر، اين نشطاء حركة تمرد الآن، بل أين رموز ثورة يناير، اين حركة كفاية و ستة ابريل وكلنا خالد سعيد! بل اين كل من تظاهر مؤيدا لمنع حق التظاهر؟
