هل صحفي أو مهندس قناة الجزيرة تم "اعتقاله" فعلا؟

08:41 AM July, 01 2021

سودانيز اون لاين
Deng-
مكتبتى
رابط مختصر

الخبر والفيديو الذي نشرته قناة الجزيرة حول اعتقال أحد موظفيها بالسودان بأنه قد تم اعتقاله بواسطة الأجهزة الأمنية، هل فعلا تم اعتقال ذلك الشخص ؟

صباح اليوم أعلنت قناة الجزيرة أن الصحفي قد تم أطلاق صراحه.

فمن هي الجهة الأمنية السودانية التي اعتقلت صحفي قناة الجزيرة

https://www.aljazeera.net/news/2021/7/1/%D8%A7%D8%AD%D8%AA%D8%AC%D8%A7%D8%AC%D8%A7%D8%AA-%D8%A7%D9%84%D8%B3%D9%88%D8%AF%D8%A7%D9%86-%D8%A7%D...B5%D8%AD%D9%81%D9%8A

في هذا اللنك يمكن أن تشاهد فيديو الاعتقال وتفاصيل الخبر من وجهة قناة الجزيرة

هل يعقل أن يقوم شخص واحد فقط باعتقال شخص أخر بمثل هذه الطريقة؟؟

فضائية الجزيرة امراة لوط
فضائية العربية امراة نوح
لوعندك اعلام سوداني حقيقي ما كان انصاف المفكرين والمثقفين والسياسيين من مخلفات الايدولجيات الماضية بمشو ينعقو فيها ليل نهار\
ويعطو صورة متواضعة لذكاء ووعي السودانيين
اعلام الخليج جزء من اللعبة المدمرة في المنطقة
والسودان مفروض يزح من العرب بعد ده نهائي
هم خصما علي السودان وليس اضافة اليه
https://top4top.io/

هل يخرج لنا الصحفي علي أبو شلة ويشرح لنا ملابسات اعتقاله ومن هي الجهة الأمنية التي قامت باعتقاله؟

الأخ دينق
سلام
غايتو أمس كان في قبيض شديد للكيزان في امكان
مختلفة من المدينة.
لكن انا اشك في طريقة خمش الصحفي دا .
الصحفي شكلو اتخن كتير من الزول القبضو ورفعوا في البكس.
زي الفي ملعبة في التصوير .

بتخيل لي الكيزان ممكن يعملوا أي شي .
..
وبرضو العشوائية في طريقة الاعتقالات في السودان موجودة .

عادل امين ركز في الموضوع لو سمحت

Quote: عادل امين ركز في الموضوع لو سمحت

ابيت يا كوز
ليه ما اضامنت مع احمد عبدالقادر بتاع فضائية الحوش
الايام دي الغرف من الدوحة ولي شنو

شوف حجم الصحفي وحجم رجل "الامن"!
أي شخص عندما يتم اعتقاله فهو سوف يحاول ان يقاوم الاعتقال، خصوصا أن رجل الامن المزعوم يظهر في الصورة والفيديو وحيدا.

ياخ رجل الامن المزعوم حتى ما قادر يشيل الصحفي ده!

Quote: ابيت يا كوز ليه ما اضامنت مع احمد عبدالقادر بتاع فضائية الحوش الايام دي الغرف من الدوحة ولي شنو

يا جماعة عادل امين ده بقرا ويفهم كيف؟

هل هو فعلا قراء وفهم هذا البوست ولا جا لافح ساكت؟؟

حبيبنا دينق .. تحياتي
موضوع البوست كان اكثر خبر انتشاراً في قناة الجزيرة
في مداخلة في قناة الجزيرة على ما أذكر واحد اسمه فايز السليك قال
أن هذا الاعتقال تم عن طريق لجنة التمكين وليس الامن

لا أعرف في كم سلطة تعتقل في السودان

حبيبنا دينق الموضوع يحتاج الى نقاش عميق عن مثل هذه الممارسات
حسب ما أرى فيه تشويه لسمعة البلد .. وخاصة طريقة الاعتقال

تحياتي الحبيب دينق

Quote: الأخ دينق سلام غايتو أمس كان في قبيض شديد للكيزان في امكان مختلفة من المدينة. لكن انا اشك في طريقة خمش الصحفي دا . الصحفي شكلو اتخن كتير من الزول القبضو ورفعوا في البكس. زي الفي ملعبة في التصوير . بتخيل لي الكيزان ممكن يعملوا أي شي . .. وبرضو العشوائية في طريقة الاعتقالات في السودان موجودة .

الاخ عثمان موسى

مظاهرة الأمس أستغلها الكيزان وهم يريدون إسقاط النظام أسوة بالحزب الشيوعي الذي يمارس في طفولة سياسية غير معهودة عليه.
أما موضوع هذا الصحفي الذي "أعتقل" أعتقد أن الموضوع يحتاج الى توضيحات كثير ة من الصحفي نفسه,

سلام دينق
هو ليس صحفي
هو مهندس البث الفضائي
و ليس بالضرورة ان يكون تابع لقناة الجزيرة
هذه الأجهزة يمكن استئجارها لصالح اي قناة و معها مهندس البث و بعض الفنيين

تمثيليه رديئه من الجهاز
الناس تتذكر ال2 بوكس لما سعد الدين حسن كان بيقدم تقرير ممن الشارع وكميه الركاب فى كل بوكس؟
شخصيا ايام ظلام الانقاذ وانا طالع من ج النيلين شاعدت اعتقال شاب قريب مدرسه جمال عبد الناصر
طبعا شاب حجمو دقيق بكن خمشو زى التقول خروف من اليدين والارجل وجدعو فى البوكس لدرحه اتوقعت انو ممكن يكن اتكسر فيهو شى
صاحبو معاهو كان بيحاول يلحقو واحد نزل بقى ييطقع -زميل الطالب المعتقل عشام يعطلو من اللحاق بيهم - بالحجار لغايه البوكس اتحرك ولحق ركب
اعتقال زى دا ينفذو بكم زول
ويجو يطلعو بتمثيليه رديه زى دى ويبدو انو الصوره تم التقاطها زى مايكون منتظر الاعتقال يحصل
بعدين مخرج (حسب كلام ناس طيبه) او مهندس بث مش مفروض يكون قاعد فى عربيه متابع من جهاز عمليه الاخراج والبث ؟؟ البحومو شنو ؟؟

دا منطق سليم وملاحظة في وقتها ومكانها الصحيحين
واحد (سمين) زي البغل لايقل وزنه عن( 95 ) كيلوجرام
شايله واحد ما يوزن حتى ( 60 ) كيلو، والغرببة شايله من الخلف
ومدخل يده الشمال بي رجلي السمين من تحت واليد اليمين من الناحية
الاخرى ..حتى الخروف ما بتشال كدة.
ولا يوجد احد لا مصور ولا مهندس ولا متفرج ورجل الامن المزعوم لوحده
طيب ..بعد ما شال الخروف ورماه في البوكس ..حيلف عشان يركب ويقود
العربة المكشوفة .... هنا الخروف ممكن يشرد خاصة انه لا يوجد حبل .. اقصد
( شلنكبات)

Quote: حبيبنا دينق .. تحياتي موضوع البوست كان اكثر خبر انتشاراً في قناة الجزيرة في مداخلة في قناة الجزيرة على ما أذكر واحد اسمه فايز السليك قال أن هذا الاعتقال تم عن طريق لجنة التمكين وليس الامن لا أعرف في كم سلطة تعتقل في السودان حبيبنا دينق الموضوع يحتاج الى نقاش عميق عن مثل هذه الممارسات حسب ما أرى فيه تشويه لسمعة البلد .. وخاصة طريقة الاعتقال تحياتي الحبيب دينق

مرحبا يا حبيبنا علي عبد الوهاب .

لا أعتقد أن لجنة إزالة التمكين لديها جهاز أمن يقوم ب تنفيذ الأوامر.
الموضوع ده مشكوك فيه من الاول.

فيلم هندي واضح
الصجفي دفع لامنجي ومصور
وكمان موقفين العربية بعييييد عشان المشهد يظبط كويس
بس مافي امنجي بوقف عربيتو بعيد كدا ويمشي يلقط الناس ويشيلهم براهو
الحاجة دي بتحصل في سوق البهايم

Quote: سلام دينق هو ليس صحفي هو مهندس البث الفضائي و ليس بالضرورة ان يكون تابع لقناة الجزيرة هذه الأجهزة يمكن استئجارها لصالح اي قناة و معها مهندس البث و بعض الفنيين

مرحبا يا خضر.

هنالك خبر في موقع قناة الجزيرة يصف هذا الرجل بأنه صحفي.

السودان.. السلطات تفرج عن صحفي الجزيرة والشبكة تطالب بمحاسبة المسؤولين عن اختطافه

نددت شبكة الجزيرة بالطريقة المهينة التي اعتقل بها صحفي الجزيرة علي أبو شلة والمعاملة السيئة التي تلقاها، وطالبت بمحاسبة المسؤولين عن هذا التصرف المستهجن

أفرجت السلطات السودانية عن الصحفي في شبكة الجزيرة الإعلامية علي أبو شلة بعد اختطافه ظهر أمس الأربعاء أثناء تغطيته الاحتجاجات في العاصمة الخرطوم، والتي طالب فيها المشاركون بإسقاط الحكومة، وتصحيح المسار، وتحقيق مطالب الثورة التي أطاحت بنظام الرئيس المعزول عمر البشير.

وإذ تعبر شبكة الجزيرة عن ارتياحها لعودة الزميل علي إلى أهله وزملائه فإنها تندد بالطريقة المهينة التي اعتقل بها، والمعاملة السيئة التي تلقاها، وتطالب بمحاسبة المسؤولين عن هذا التصرف المستهجن.

وتجدد الشبكة التزامها بنقل الخبر والصورة الكاملة من أنحاء العالم بموضوعية واحتراف، بما في ذلك الأحداث التي يشهدها السودان حاليا.

وتندد شبكة الجزيرة بأشد العبارات باستمرار استهداف الصحفيين واعتقالهم، وتطالب بحماية كل صحفي وتمكينه من أداء مهامه دون خوف أو استهداف.

وكانت السلطات الأمنية السودانية قد اعتقلت الصحفي أبو شلة أثناء تغطيته مظاهرات الخرطوم، دون أن تتضح ملابسات اعتقاله أو الجهة التي اقتيد إليها.

وأمس الأربعاء، نظمت احتجاجات في الخرطوم ومدن سودانية أخرى في ذكرى مظاهرات 30 يونيو/حزيران 2019 أو ما تعرف بمجزرة القيادة، والتي قتل فيها أكثر من 100 متظاهر خلال فض اعتصام أمام مقر القيادة العامة للقوات المسلحة، كما أن اليوم يصادف ذكرى الانقلاب العسكري في السودان عام 1989 بقيادة الرئيس المعزول عمر البشير.

المصدر : الجزيرة

معقولة ، زول يتشال زي الخروف كدة ؟
تمثيلية بايخة ، المهم مين الجهة الفبركت المسرحية دي؟

استنو تقرير الكوز المندس
فوزى بشرى