Post: #1
Title: عدد من الأحزاب تدشن تحالفاً جديداً يضم (10) مكونات أبرزها المؤتمر الشعبي
Author: زهير عثمان حمد
Date: 06-29-2021, 08:21 AM
08:21 AM June, 29 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم: سودان لايت
دشنت عدد من الأحزاب السياسية ومنظمات المجتمع المدني المؤتمر التأسيسي للحراك السوداني الجامع الذي وقعت عليه عدد (10) من الجهات التنظيمة والأحزاب السياسية أبرزها المؤتمر الشعبي.
وتضمنت المبادئ الأساسية للمؤتمر التأسيسي للتحالف الذي استضافه مركز الحاكم للخدمات الإعلامية اليوم (الإثنين) الالتزام بتحقيق كامل أهداف الثورة، الالتزام الكامل بسيادة حكم القانون، تمكين مؤسسات العدالة الأحتكام إلى دستور السودان الانتقالي للعام ٢٠٠٥م
ودعت ديباجة التأسيس القوى الموقعة على الميثاق إلى الالتزام بالعمل على تغيير الحكومة الانتقالية وطالبت آليات وإجراءات التحالف بتأسيس الدولة المدنية باختيار رئيس للدولة معنى بالسلطات والصلاحيات السيادية ينتخب من الشعب.
وأشار التحالف إلى أن من بين أهدافه دعم وتمكين مؤسسات العدالة الرسمية وتشكيل حكومة كفاءات وطنية ووضع الدستور الدائم للبلاد.
|
Post: #2
Title: Re: عدد من الأحزاب تدشن تحالفاً جديداً يضم (10)
Author: Gafar Bashir
Date: 06-29-2021, 01:38 PM
Parent: #1
منو ال 9 الباقين
|
Post: #3
Title: Re: عدد من الأحزاب تدشن تحالفاً جديداً يضم (10)
Author: adil amin
Date: 07-01-2021, 03:26 AM
Parent: #2
| Quote: حكم القانون، تمكين مؤسسات العدالة الأحتكام إلى دستور السودان الانتقالي للعام ٢٠٠٥م |
الشعبي ده جزء من الانقاذ واخوان مسلمين ساقطين
دستور 2005 ده ما بقدرو عليه
فيه محكمة دستورية وفيش وتشبيه انتخابي وطشت كمان
وتراجي موجودة
كيزان تاني ما يلزمونا في السودان وطني ولي شعبي ولي عدل ومساواة
اصلو السودان ده غير الحثالة ديل وبعاعيت مايو ما فيه سياسة ولا سياسيين ؟؟
فعلا بلد تعيس
يبارو التافهين سنين وبرضو يستمرو في نفس الاتجاه
مرحب بي دستور 2005 والمحكمة الدستورية والانتخابات
عشان نشوف السودانيين منو في السودان ؟؟؟
|
Post: #4
Title: Re: عدد من الأحزاب تدشن تحالفاً جديداً يضم (10)
Author: محمد حمزة الحسين
Date: 07-01-2021, 03:01 PM
Parent: #3
غايتو يا عادل أمين دكتور المشرف مو خاتي عليك ...
الناس ديل بتكلمو عن اليات قابله للتطبيق وانت بتعيد وتكرر في أمنيات ...
يا عادل روق التجمع دا جاك في قبولك قول خير ياخ انت لا عاجبك العجب ولا الصيام في رجب ننبش لك جون قرن ومحمود والميرغني والإمام يجو يحكومنا تاني والللا الفهم شنو ...؟!
|
Post: #5
Title: Re: عدد من الأحزاب تدشن تحالفاً جديداً يضم (10)
Author: adil amin
Date: 07-02-2021, 04:06 AM
Parent: #4
Quote: غايتو يا عادل أمين دكتور المشرف مو خاتي عليك ...
الناس ديل بتكلمو عن اليات قابله للتطبيق وانت بتعيد وتكرر في أمنيات ...
يا عادل روق التجمع دا جاك في قبولك قول خير ياخ انت لا عاجبك العجب ولا الصيام في رجب ننبش لك جون قرن ومحمود والميرغني والإمام يجو يحكومنا تاني والللا الفهم شنو ...؟! |
وانا قلت شنو
المحكمة الدستورية والاقلمة والانتخابات
ما بتقدرو عليها وجربناكم في انتخابات 2010
زول بجي يقعد في راسنا بدون فيش وتشبيه من المحكمة الدستورية واعلام حر ما في
والكعوك ديل ما بيالكلو عيش في السودان اطلاقا
الشعار واضح السودان للسودانيين وليس لاهل السفاهة علمانيو ولاا اهل الرجس اسلاميو
شغالين لي صالح الخارج دون حياء والحياء شعبة من شعب الايمان
الشعب بحدد داير منو وكيف لمن يتوفر الاعلام الحر البنشر غسيلكم القذر والموثق حتي شيخ اب زيد دخلتو بيوت اشباح
انتخابات حرة بي معارير دولية ما بتجيب شيوعي ولي بعثي ولي ناصري ولي كوز ولي سلفي حتي يلج الجمل في سم الخياط
وقرط علي كده
انتخابات تاني تجيب حثالة زي ايتام الترابي وايتام بابكر عوض الله مافي
|
Post: #6
Title: Re: عدد من الأحزاب تدشن تحالفاً جديداً يضم (10)
Author: adil amin
Date: 07-02-2021, 04:31 AM
Parent: #4
| Quote: غايتو يا عادل أمين دكتور المشرف مو خاتي عليك ... |
انت وهو صفر علي الشمال
فعلا الناس القصار طالو
كفاية صورة المقبور الترابي عشان اعرف حدود وعيك
قال د مشرف
خلي يقيم نفسه هو اولا مباري شنو ولي منو عشان نعرف مبلغه من العلم زيك
وتعالو مارقين لي الاثنين في البوستات المفتوحة عشان نوريكم كيف اللعب تحت شعار عوض دكام
القدم بي القدم والامات خدم
نحن وصلنا مرحلة نعوم تشومكسي وانت مباري كلب الحر الترابي يلهث لامن مات ما انجز حاجة واحدة مفيدة في السودان
شغل المشاطات ده ما بنفع معاي انا برضه عندي راي فيك وفيهو
https://top4top.io/
|
Post: #7
Title: Re: عدد من الأحزاب تدشن تحالفاً جديداً يضم (10)
Author: adil amin
Date: 07-02-2021, 04:39 AM
Parent: #6
Quote: اصلو السودان ده غير الحثالة ديل وبعاعيت مايو ما فيه سياسة ولا سياسيين ؟؟
فعلا بلد تعيس |
كدي جاوب السؤال ده يا جحبور الترابي
السودان ده ما فيه وعي او رؤية غير الكيزان والشيوعيين ؟؟
نكتة
زمان بوليس لقي 2 مساطيل يسطلو بالليل جنب مبني التلفزيون
اشتبه فيهم قال ليهم انتو قاعدين هنا ليه؟ قالو ليه نحن شغالين في التلفزيون
قال ليهم شغالين شنو التلفزيون انتهي الارسال هسة
قالو ليه هسة لو فتحت التلفزيون مش بتسمع ششششششششششششش
قال ايوه
قالو لي ديل نحن البنقول ششششششششش ديل ...
هسة اي كوز ولي شيوعي في البورد وفي السودان يتوهم انه ما في حاجة غيرهم في السودان معاهم ناس شكرا حمدوك يعرفو
الشعب 95 % مغيب وتائه وفي الالاف احسن منكم ومن الببرطعو في الساحة من 1964ولحدي الليلة 2021 مليون مرة
هسة يا الحيبب
لو فتحت البورد وشفت المنبر الحر ما في غير بوستات الكيزان والشيوعيين البايرة والبليدة ؟؟؟
ديل نحن بالنقول ششششششششششششش وكل الكلي الكو وارا واري اللو
|
Post: #8
Title: Re: عدد من الأحزاب تدشن تحالفاً جديداً يضم (10)
Author: adil amin
Date: 07-02-2021, 04:48 AM
Parent: #4
| Quote: ننبش لك جون قرن ومحمود والميرغني والإمام يجو يحكومنا تاني والللا الفهم شنو ...؟! |
وانت برضه الترابي مش مات ...مباريه ليه لحدي هسة ويحكمنا ليه
مش كفاية تجربة نميري والبشير
الختمية بجو بي الانتخابات والحركة الشعبية ايضا والكلام ده جايب ليكم صمرقع يا ناس الخرتوم "الاقليات المشوهة "
جماعة الترابي وبابكر عوض الله وخايفين علي هيوتكم المضروبة تنفضح تطلعو لا كنتو عرب ولا سودانيين كمان
ياخ انا قايلك ذكي والله خيبت ظني فيك
عليك في سوداني حر وذكي بباري الترابي ياخ ما قريت سورة التغابين وخصام اهل النار
عايز تشيل مخازي الزول ده معاك الاخرة لي شنو ؟؟
تاني ما تتحشر تحت حنكي في بوستات زهير
راي ورؤيتي واضحة ما عايزة درس عصر
جون قرنق احسن من الترابي حقك ده مليون مرة
|
|