الحكومة .. صار هواها شيوعياً وجلابياً وخرطومياً .. أقترح نظام الكفالة السياسية للهامشيون!

06:22 AM June, 26 2021

سودانيز اون لاين
Biraima M Adam-أمريكا الشمالية
مكتبتى
رابط مختصر

خيار من خيار من خيار .. بخ بخ!

وهذا يعنى ليس كل الشيوعيين جلابة .. وليس كل الجلابة خرطوميون ..

حمدوك كبش فداء في هذه الرصة .. فهو دخيل علي الخرطوميين .. القائد حميدتي ملاك من السماء الخارجي .. فهو لا شيوعي لا جلابي ولا خرطومي ..
وهكذا تجدون وزير الخارجية دكتور جبريل، وحاكم أقليم دارفور القائد منى مناوي والسيادي الطاهر حجر ..

وجود الهامشيون في قبضة الخرطومين الجلابة الشوعيين .. تجعل دورهم محدود في أبتدار الخيارات التى تساعد الشعب السوداني لتجاوز المرحلة ..
أقترح يكون هناك سجل رسمي للهامشيين .. وكل واحد يحدد له كفيل من الخيار ..

في أمريكا يسمي مثل هذا السجل سجل ا"البروكسي" .. ويقوم البروكسي حتى بالتصويت بالأنابة عن أعضاء الكنغرس .. فهم يمارسون السلطة بالأنابة عنهم ..
السفارات في واشنطن دي سي .. كلها تستأجر ما يسمي بالمفوضيين في الشؤون السياسية والأقتصادية والأمنية .. وجموع المفوضون يسمون لوبيات .. وهم يمارسون اللعب السياسي ..

لعامل سطوة قبضة الخياريون .. أقترح نظا م الكفالة السياسية ..

(مبروك لسكان واشنطن دسي .. الأن في المراحل الأخيرة لتسجيلها الولاية 51 في الولايات المتحدة) ..

سكان واشنطن دسي كما هم الخياريون في الخرطوم يقبضون بعصب السياسة .. وفي حين أبتدر الواشنطونيون ووجدوا وصفتهم المناسبة في اللوبيات .. والمستشاريات .. فإن الخياريين في الخرطوم فشلوا في التجارة والتكسب من وراء السياسة التى هى سبيل عيشهم ..
في حالة وجود وصفة للتكسب من وراء المعارف السياسية .. مثل عمل اللوبيات .. يقلل حدة الخناق السياسي بعامل التنافس علي الوظائف السياسية ..

وهذا يرجعنا للسجل الخياري .. وتنظيم عمل الخياريون من خلال مسجل الأحزاب .. يسجل الخياري كفرد أو جهة أعتبارية .. شركة لممارسة العمل السياسي .. وهكذا تستطيع الحكومة وضع اللوائح والقوانين التى تنظم شؤون المهنة (أو إن شئت سميها المحنة)


أو خيار أخر .. يسلم الناس أمر الحكومة للخياريون .. ويمشوا يقعدوا في بيوتهم .. وهذا خيار أضعف الأيمان .. وإلا نشيلوا عكاكيزنا عليهم ..

---------------------------
والخيار هنا .. هو الخضار من فصيلة الفقوسيات!
يعنى الخلاصة: فقوس في فقوس في فقوس ..


بريمة

يا يا بيما
انت أمس ما قالت خلاص ما ح تمارس سياسية وخلاص انت أصبحت مهاجر

يا يانكي نحن كدا وانتو غيرنا أبعد مننا
قال هواها شيوعا وجلابيا لا ضلها
قوم لف كدا
انت ما معنا
ود مسيريه

بريمة شكله جمعتك كانت روبها مخمر قلت لي حميدتي ملاك وجبريل وزير خارجية

يا ابو الزهور

في البوست الذي ادعى فيه العبار بريمة بأنه قد ترك التعاطي في السياسة أنا كتبت الاتي:

يموت العبار (الزمار) وأصابعه بتلعب.


يا عبار اصحى للون الحزب الشيوعي خارج الحكومة.

بريمة شكله جمعتك كانت روبها مخمر قلت لي حميدتي ملاك وجبريل وزير خارجية
---------------------------------------------------------------------------------------------
يا منتصر زولك زنقتو الحراية فلم يكتفى بعبار عبارين.....وياها دى النتيجة

سلام للجميع
مواعين الحكومة ضيقة لأستيعاب الكم الهائل من السياسين والعاطلين السياسيين .. ما يسمون بال Political Junky .. وفي نفس الوقت هؤلاء "الجنكي" لا يكفون عن حشر أنفهم في العمل السياسي وتحريك الشارع السياسي.

في الجانب الأخر، الهامشيون .. لا يستطيعون المدافرة السياسية .. في وسط الخياريين الذين جل أنتمائهم شيوعياً وجلابياً وخرطومياً ..

الخياريون (الجنكي) محتاجين فلوس ..

الهامشيون محتاجين فتح قنوات سياسية لهم ..

المسألة عرض وطلب .. Demand and Supply .. الخياريون يمتلكون الحنكة والدراية السياسية .. وهذا مجالهم .. والهامشيون في الجانب الأخير أموروهم مسدودة عايزين من يفتح لهم قنوات التواصل .. واللعب السياسي.


الحل تؤسس قانون ممارسة اللوبيات السياسية ..

وبكده نكون حلينا مساءل كثيرة .. فك الخناق في التنافس علي الوظائف السياسية ... فتح أبواب رزق للوبيات الخياريين الذين صاروا ينعقوا بفقد وظائفهم (هي أصلاً ما وظائفهم .. أستولوا عليها زوراً) .. والأهم نتحول من النعرات و الجهويات إلي المنافع المشتركة بين الهامشيين والخياريين ..

-------
شكراً منتصر .. ههههاي دكتور جبريل وزير الخارجية ..!
أستاذنا حسن فرح .. نعم القائد الفذ حميدتي .. ملاك من العالم الخارجي ..

العبار دينق .. لازم تعترف نحن البقارة كما قال عنا الخواجات .. أفضل ما يمكن أن تتعامل معهم لو أتفقت خياراتك وخياراتهم .. وأسوأ بشر تتعامل معهم لو أختلفت خياراتكم .. إنهم ذوو مكر وخداع لا يسبقهم إلا الدناقلة .. هههاي الدناقلة!
أنتو وجدي صالح .. دنقلاوي ولاً شنو!

ود الخواجية .. يمين الله إسلامنا ما نخلوه للعلمانين .. الشعب السوداني شعب مسلم .. والدولة الأسلامية السودانية القادمة ح تكون أسلامية خالصة .. ولا يتولي فيها أمر الناس إلا خيارهم .. وهى دولة أسلامية بمواصفات عصرية وحديثة .. أبشر بالقوة والخير نحن قادمون.

بريمة

حبيبنا بريمة
يا أبوي أرسى ليك على بر
شغال تنطط كدة
كالزارقين لها ملحا
مرة أنت مهاجر و إعتزلت السياسة
قلنا إرتحنا منك و من كلامك
و شوية جيت بي حميدتي ملاك من السماء الخارجي

يا أخي صنفك دا قاعد تجيبو من وين
يا اخي دا تخميرتو مولّعة .....

قاعد جنبي واحد قال لي:
الزول دا طاقاهو صفيحة في راسو و لا شنو
ههههههـاي
نسأل الله السلامة

ود الخواجية .. يمين الله إسلامنا ما نخلوه للعلمانين .. الشعب السوداني شعب مسلم .. والدولة الأسلامية السودانية القادمة ح تكون أسلامية خالصة .. ولا يتولي فيها أمر الناس إلا خيارهم .. وهى دولة أسلامية بمواصفات عصرية وحديثة .. أبشر بالقوة والخير نحن قادمون.

بريمة
بالله يا بيما حسي دا كلام ولا أمنيات وهمس جنون وهضربه ما عرفت

*تاني كوز بحكم السودان مافي حتي الاسلام المعتدل ما في طريقة ليهم يا فردة
قوم أمشي نوم خلاص الاسبوع الجديد بدا

بريمة سعن الروب
الجابك شنو تاني
نظرية واشنطون دي سي عرفناها
وتعاطي السياسة بي الوكالة يا حمار الترابي دباب الدفاع الشعبي
انت ذاتك لمن جيت الخرطوم حولوك لاداة في خدمة كعوك المركز زيك وزي حميدتي ومناوي وابيت تباري الرؤية البتخدم اهلك في كردفان
بل استعديتا ومارست اعمال سياسية مشينة في حق من يشاركونك الاقليم جاييي تولول بي ناس الخرتوم
ديل نحن شخصناهم زمان وسميناههم انسان المركز Homo Centralis بمرجعية اغنية عوض دكام سنتر الخرطوم
او اسم الدلع الكعوك ابلد وارزل سياسيين علي الاطلاق من اول انقلاب لي اخر انقلاب
وهسة يا حمار الترابي الذى يحمل اسفارا ولازال
وريني الغلطان في الصور دي منو
الحمار ولي صاحبه الشيوعي الربطو هنا ولي اللورد كتشنر الجاب السكة الحديد في السودان
وضل وقف ما زاد؟؟
https://top4top.io/
انت وجي ولي وجو
كون حركة شعبية درجة اولي في كردفان ولا كوز درجة تانية في الخرطوم
من مخلفات قرد المنشية الترابي

السلطان دينق ...
الكلام دا قولوا لي زول ما عندو حديده ...

Quote: يا عبار اصحى للون الحزب الشيوعي خارج الحكومة.

وكان مكضبني اسعل البرجوازي علي الكنين ...

سؤال مهم يا دينق الحزب الشيوعي عندو كم وجه ...؟

Up

كيتاً في بريمة وإهداء لحبيبنا الكوكلس جقود فك الله اسره من وهم الرجعية :)

Quote: كيتاً في بريمة وإهداء لحبيبنا الكوكلس جقود فك الله اسره من وهم الرجعية :)

أنا نسيت البوست دا ككيف ... !

أنت عارف يا ول أبا حيدر، أهم حاجة نفتقدها في السودان هى المنافسة الحرة والشريفة .. ولذلك أصبح السياسيون "الجنكي" يتنافسون منافسة مريرة علي الوظائف الحكومية وبصورة قذرة مما عطل كل تقدم وطنا .. فإذا ما فتحنا باب التكسب السياسي وجعلنا منه مهنة شريفة .. وهو خدمة مهمة جداً لو فهم الناس كيف يمكن ممارستها .. ح تشوف نقلة نوعية في أداءنا السياسي .. مهنة راقية كون يكون مؤسستك هى الراعي السياسي لفعاليات كذا وكذا .. يدخل في ذلك حتى الأحتفالات وتدشين الرؤوساء .. وأعمال الدعاية للشركات والمؤسسات ..

كثيرون في السودان يمارسون ذات المهنة التى أعنيها مع السفارات والمنظمات الخارجية وأجهزة الأعلام الخارجية .. لو نحجنا في تأسيس المؤسسات الأستشارية هل تصدق ح يكون التواصل السياسي سهل .. مثلاً أنا لاحظت أن زيارة دكتور الهادي إدريس لشمال دارفور كانت ناجحة حتى بين القبائل العربية .. لكن فشلت زيارته إلي منطقة الضعين .. وهى حاضرة من حواضر البقارة المهمة في غرب السودان .. لو كان هناك مؤسسات أستشارة سياسية يتم أستئجارها لكان دشنت حملة دكتور الهادي إدريس في المنطقة من أجل ترتيب البيت الداخلي في منطقة الضعين وتهيئة مسرح اللقاءات والحوار .


بريمة

Quote: أنا نسيت البوست دا ككيف ... !

حبيبنا بريمة .. بس عشان تعرف اني متابعكم وفاهم تفاكيركم كيف انت وجقود باشا وبعض المهمين بهذه الملجة.
المشكلة الأساسية انه مرات بتقيفوا على النقيض من قناعتكم في إطار المكاوة وتخرمجو وبعد كدة تستكبروا انه تتراجعوا ..

كلامك في البوست دا مظبوط في جوانب محددة بقصة السجل الخياري وانا معاها عشان على الأقل نتفكـ من قصة يجيك واحد من عصابات النهب المصلح
او تجار الحرب زي جبريل ابراهيم يفتكر انه تولى منصب او المشاركة في التشكيلة الحكومية هي مجرد غزوة او حملة لتلقيط قروش للصرف على منسوبي عصابته..
نحن عشان نعمل السجل الخياري يلزمنا في البدء توعية وتعليم السياسيين انه جيب المواطن والجمارك والضرائب ليست هي موارد الدولة التي تم تخصيصها لهم حصرياً كما يعتقد هو.