تداول رواد مواقع التواصل الاجتماعي، عدة صور لسودانية دفعت بنفسها لنظافة شارع رئيسي بالخرطوم، بعد تراكم الأوساخ وتقاعس الجهات المختصة.
ودفعت المواطنة السودانية “ندى حسن بشير” بنفسها لنظافة شارع المشتل بمنطقة الرياض، شرقي الخرطوم، و ساعدها في ذلك عدد من الشابات والشباب بعد أن تكدست فيه النفايات.
ولاقت المبادرة اشادة واسعة بمنصات التواصل، في ظل تراكم النفايات بالخرطوم، على نحو أصبح مؤرقاً لحياة السكان، وذلك نتيجة غياب تام لسلطات الولاية والمحليات.
Post: #2 Title: Re: سودانية تنظف شارع رئيسي بالخرطوم بعد إهما Author: Asim Ali Date: 06-26-2021, 00:49 AM Parent: #1
قبيل واحد فى قروب فى الفيس طرح موضوع نقل العاصمه من الخرطوم ورد على الراى القلتو معترض انو لازم نكون بمستوى عواصم الدول المتقدمه طيب انت يا النجيضزى مايكون صالون بيتك احدث طراز وباقى بمنافعو منتهى ..دا يسموهو بيت ؟؟؟ بالله عليكم بلد سكان عاصمتها بحكومتهم الولائيه ماقادرين يكونو بمستوى مسئوليه انهم يكونو واجهه للبلد كعاصمه ودايرين ينقلو لعاصمه جديده يعنى البلد تكون موعوده بانتقال تشويه وربما تخريب مدن البلد باسم نقل العاصمه جد محتاجين وقفه تغير العقليه السودانيه فى حاجات كتيره عشان نقدر نكون بلد متحضر مش فى عاصمتو بس
Post: #3 Title: Re: سودانية تنظف شارع رئيسي بالخرطوم بعد إهما Author: طارق محمد الطيب Date: 06-26-2021, 02:28 AM Parent: #1
نشوف أب تفه رايو شنو
Post: #4 Title: Re: سودانية تنظف شارع رئيسي بالخرطوم بعد إهما Author: Abureesh Date: 06-26-2021, 06:09 AM Parent: #3
Quote: قبيل واحد فى قروب فى الفيس طرح موضوع نقل العاصمه من الخرطوم
ناس الخرطوم عاوزين يوسخوا منطقة تانية من مناطق السودان..لا لا لا. نظفوا الخرطوم إللى وسختوها ولما تنضف ممكن تنقلوا المثال الناجح لمدن أخرى او جديدة.. زول عنده كرونا يتعالج واللا يمشى يعادى ناش تانين
Post: #5 Title: Re: سودانية تنظف شارع رئيسي بالخرطوم بعد إهما Author: Abureesh Date: 06-26-2021, 06:12 AM Parent: #4
هروب الأجرب الى مناطق آمنة لنشر الوباء..
Post: #6 Title: Re: سودانية تنظف شارع رئيسي بالخرطوم بعد إهما Author: زهير عثمان حمد Date: 06-26-2021, 06:49 AM Parent: #5
يا هندسة
سلام أستخدام لفظ الاجراب هنا ممارسة عنصرية
Post: #7 Title: Re: سودانية تنظف شارع رئيسي بالخرطوم بعد إهما Author: Mohammed Alhasan Mohammed Date: 06-26-2021, 06:53 AM Parent: #5
ردا على اهمال السطات فى الولاية ......مواطنة تنظف شارع رئيسى بالخرطوم
ان تشعل شمعة خيرا من ان تنعل الظلام ......
Post: #8 Title: Re: سودانية تنظف شارع رئيسي بالخرطوم بعد إهما Author: Nasr Date: 06-26-2021, 07:35 PM Parent: #7
تمام يا محمد الحسن أن توقد شمعة التحية من علي البعد للإنسانة ندي الله يوفقك ويكتر من أمثالك يا ناس الخرطوم سؤال برئ: إنتو ما شافيين ما شافته ندي دا؟؟؟؟؟ قدرتوا تتعايشوا مع الوسخ دا كيف ؟؟؟؟؟ آي عارفينه دا شغل الحكومة والحكومة مقصرة بس مكنسة وساعة عمل في أمام منزلك ولمرة واحدة في الأسبوع بتغير كثير ساعة لنظافة الشارع ما أحسن من 5 ساعات في الدومينو والليدو وقعدة مع ستات الشاي ؟؟؟؟
Post: #9 Title: Re: سودانية تنظف شارع رئيسي بالخرطوم بعد إهما Author: Asim Ali Date: 06-26-2021, 09:07 PM Parent: #8
المشكله مش قدام البيت بس دا مقدور غليهو المشكله فى الناس المفروض متحضرين من شباك العربيه رمو فارغ الحاجه البارده والمويه وكيس الساندويتش فى الاسواق صاحب المحل يكنس قدام محلو باتجاه نص الضارع ويصبح الطرق مسار المواطن كوشه وقدام المحلات مرشوشه بالمويه ونضيفه ناس المرطبات المويه الوسخانه وفيها نسبه سكر تتكب وسط الشارع وتتراكم الاوساخ والاتربه عليها حتى تشكل طبقه على الاسفلت او التلتوار حاويات جمع القمامه فى الاسواق غير تراكم القمامه فيها لفترات طويله اصبحت مكان لقضاء الحاجه المجارى /الابار الطافحه فى الاسواق والسوارع الرئيسه ديل مسئوليه منو فى مناطق عامه بعض المواطنين يسيئوا الاستخدام والتعامل معاها سواء اصحاب محلات او عابرين القصه مشتركه ثقافه شعب سبهللى وتقصير دوله فى الرقابه ومالم يكون فى رقابه تردع المواطن مافى تغيير (القوانين واللوائح عملوها لى شنو ؟؟)
Post: #10 Title: Re: سودانية تنظف شارع رئيسي بالخرطوم بعد إهما Author: منتصر عبد الباسط Date: 06-26-2021, 09:59 PM Parent: #9
كيف نبقى بلد تحضر ورقي وعندك ناس لمن جابوا ليهم زول عشان يخدم ويحكم قالو ليهو شكرا قبل يبدأ! الحاكم عندنا يحيط به حاملي البخور وقارعي الطبول ليخدموه وليس ليخدم! حتى لو كان هذا الحاكم جاءت به ثورة دفعت لأجلها دماء شباب وشابات وشيوخ ونساء وأطفال! يوجد وسطنا من هم يفرضون التعس للشعب فرضا بصناعة حكام مضرون وعاطلون ويمنعون الناس عن تصحيح الأخطاء بابدال الفاسد بالمصلح والضار بالنافع وأحزاب لا يهمها شيء غير توظيف كوادرها لا ليصلحوا حال الناس لا بل فقط ليصلحوا حالهم!
Post: #11 Title: Re: سودانية تنظف شارع رئيسي بالخرطوم بعد إهما Author: منتصر عبد الباسط Date: 06-26-2021, 10:04 PM Parent: #10
إذا كان رسام الكاركاتير العندك هنا وبرفعوا كاريكاتيراتو علي واجهة البورد أصبح أكبر حامل بخور وقارع طبول لرئيس حكومة عاطل ومعطل ولا يحمل ذرة روح للإبداع والمبادرات المفيدة
Post: #12 Title: Re: سودانية تنظف شارع رئيسي بالخرطوم بعد إهما Author: عمار عبدالله عبدالرحمن Date: 06-26-2021, 11:37 PM Parent: #11
أكل لبان في مترو دبي غرامته 200 درهم مجرد اكلها داخل محطة المترو ,,,
Post: #13 Title: Re: سودانية تنظف شارع رئيسي بالخرطوم بعد إهما Author: Nasr Date: 06-27-2021, 02:53 AM Parent: #12
وفي سنغافورة يدفعوك غرامة إذا بصقت في مكان عام لكن القصد في مسائل زي النظافة أحسن تجي من الناس بمبادرات ذاتية مجتمعية بدلا من القانون نمشيها أبعد شوية يتلموا ناس الشارع في شكل نفير كل صباح جمعة يكنسوا الشارع ويأجروا قلاب ولا حتي عربات البلدية عشان يشيلوا الوسخ برضو أحسن وبتديهم إحساس معنوي عظيم ويزدادون إيمانا علي إيمانهم ويزداد ترابطهم كجيران وسكان شارع واحد والنظافة من الإيمان
Post: #14 Title: Re: سودانية تنظف شارع رئيسي بالخرطوم بعد إهما Author: فتحي عباس نقد Date: 06-27-2021, 08:24 AM Parent: #13
مرحب يا شباب ولصاحب البوست ومعليش بطلع شوية من الموضوع
في حتة نقل العاصمة ردي للأخ Asim Ali
ممكن تكون الفكرة ما نقل العاصمة بل إنشاء (هيئات وبلديات) في كل مدينة إستعاضة عن الوزارات التي ليس لها معنى إما بدمجها أو تغيير مسماها وبذلك تقل المخصصات الممنوحة للوزراء وووو
يعني يتم إنشاء (بلدية) لكل مدينة تعني بالبنى التحتية والنقل وحتى النظافة مثلا ومثلها إنشاء (هيئة الصحة) وليس وزارة وأعلى منصب يكون المدير العام في كل جهة
بالتالي كل مدينة حيكون فيها خدمات من تعليم وصحة وحفظ أمن كالشرطة وووو وتكون مؤهلة وبإمكانيات عالية
ويا ريت الدولة تنفذ مشروعات إقامة أبراج وإجباري للسكان في كل المدن وإيقاف المد السكاني لأنه اليوم السودان أصبح المناخ فيه سيء والأسباب كثيرة ونسبة كبيرة الآن رغم أنه عندهم (حيشان وبرندات)
زي ما بيقولوا لكن ما مستفيدين منها والجو (كعب) والأغلبية ينومون داخل غرفهم ليلا أو نهاراً أو نظام شقق (عشان كدا) فكرة الأبراج السكنية بتوفر حاجات كتيرة وليها فوائد مثل
الأمن سيتوفر نسبة لأنه السكان في كل برج بالتأكيد معروفين وستنتهي ظواهر النهب ووو
الكهرباء والماء سيتوفر في حالة نقل السكان للأبراج وذلك بإنشاء محطات قرب الأنهار والكهرباء خاصة لن تنقطع لأنه ستقل الطاقة الماشة لعدد كبير جدا جدا من المنازل المتفرقة وسينحصر المد للأبراج والشوارع ووو
ويمكن الإعتماد على الطاقات البديلة كالطاقة الشمسية والحرارية ووو
الغذاء سيتوفر بعد زيادة المساحات الزراعية بسبب أقامة الأبراج (ستزداد المساحات الخالية حتى لو إضطرت الحكومة لإزالة كل المناطق السكنية التي يمكن الإستفادة منها في الزراعة خاصة شرق النيل) بعد نقلهم لأبراج
الصحة (إقامة منشأت صحية لكل منطقة) بأعلى المواصفات والمقاييس العالمية
التعليم (إقامة مدارس في كل حي يشمل مجموعة أبراج)
وكذلك الحدائق والمتنزهات ومناطق التسوق وإقامة مطارات وعمل قطارات داخلية وخارجيه ومطارات عالمية في كل مدينة ووو إلخ
السؤال والإجابة (أنا كرب أسرة) إذا توفر لي (أمن وصحة وتعليم) ومناطق ذات بيئة نظيفة وحدائق ومنتزهات للترفيه والمشي والرياضه ووو (في أي منطقة من مناطق السودان) أكيد سأقبل
إذا نفس الخدمات الموجودة في الخرطوم تم توفيرها في باقي المدن من الشرق للغرب ومن الشمال للجنوب والله الأغلبية بمشوا المدن لأن المناخ والجو أكثر صحة من الخرطوم حالياً
أتمنى أكون وضحت فكرتي
Post: #15 Title: Re: سودانية تنظف شارع رئيسي بالخرطوم بعد إهما Author: علي عبدالوهاب عثمان Date: 06-27-2021, 08:36 AM Parent: #14
الحبيب عباس تحياتي كلامك معقول في سفرنا الى دنقلا بشريان الشمال اصبح أمدرمان بلا حدود ( امتداد غير طبيعي ) كيف يتم توصيل الخدمات والامن الى هذه الامتدادات الواسعة المفروض التطاول في البنيان رأسي افتكر كل الحاج يوسف يمكن اسكانهم في مائة عمارة سكنية (شقق) الامتداد العرضي مكلف جداً (التوصيلات ، المجاري ، الكهرباء ، الامن ... الخ) كل واحد عايش في 20 مترمربع ( وحمامات الادبخانات عبارة حفر ) ملايين الناس يستخدمونها لا أعرف إلى تترسب هذه المخلفات ؟؟
سمعت أحد المهندسين في التلفزيون ( مستحيل عمل مترو أو أنفاق في العاصمة) بسبب سوء التخطيط كما ذكر الحل في مدينة جديدة
رغم ذلك الاراضي أغلى من طوكيو
تحياتي الحبيب عباس والتحية للجميل زهير
Post: #16 Title: Re: سودانية تنظف شارع رئيسي بالخرطوم بعد إهما Author: Gafar Bashir Date: 06-27-2021, 02:52 PM Parent: #15
Quote: عدة صور لسودانية دفعت بنفسها لنظافة شارع رئيسي بالخرطوم
دي ما سودانية حااااف كدة دي ندي حسن بشير ايقونة الثورة وزميلة جامعة الخرطوم الما شافها وهي بتنضف شافها وهي بتجي كل يوم 8 ونص صباحا لاعتصام القيادة عاملة للناس شاي الصباح والم شافها في القيادة شافها في افطار رمضان الماضي ومئات الوجبات توزع كوم ايجابية ومجهود لو وزعوهو علي الحكومة دي كان عبرنا زمان هي كوم واخوها ناظم سراج كوم تاني
Post: #17 Title: Re: سودانية تنظف شارع رئيسي بالخرطوم بعد إهما Author: Asim Ali Date: 06-27-2021, 09:47 PM Parent: #14
الاخ فتحى سلام عليكم فهمت فكرتك لنل عندى طرح برضو تناولوتو فى مداخلات فى بعض البوستات عن الموضوع وردى على زول الفيس كان برضو بوست فى نفس القروب حانقل البوست عن الفكره هنا الطاقات البديله دى موضوع بعتبرو موضوع بنادى فى كل مكان لدرجه طرحت فكره تاسيس قسم لهندسه الطاقه (بشكل اساسى يقوم على الطاقات المنجدده)
Post: #18 Title: Re: سودانية تنظف شارع رئيسي بالخرطوم بعد إهما Author: Asim Ali Date: 06-27-2021, 09:57 PM Parent: #17
بالنسبه لموضوع النضافه فى الخرطوم وللناس البترمى القصه على المواطن دون الحكومه عربات النفايات غير منتظمه وانت تطلع الكيس او الشوال فى اليوم المحدد (مرتين فى الاسبوع غالبا) والعربيه تتاخر وفى زةار شروق الشمس بعد الصلاه تلقاهم لافين اى تجمع اكياس نفايات او كيس نفايات ماكن بفتحو يكبوهو بحقا عن اى شىء معدى او بلاستيكى او اى خرده ولو اتلقى بقايا قرقوش مثلا ياخد مايجد ويخلى النفايات مشتته ززطبعا المعدنيات والبلاستيك والخرد دى يبحث عنها ويجمعها ليبيعها بالكيلو او بالقطعه (تتذكرو سور المقابر الاتسرق برضو لنفس السبب ودا كلو بسبب الوضع الاقتصادى ضعاف النفوس ممكن يقلع اى حاجه مطرفه ماضرورى يلقاها فى النفايات) تانيا بقايا اعمال البناء البتكون احيانا معيق للحركه فى الشارع او تقفل مجرى .. هنا القصه مسئوليه منو سواء انتظام مواعيد عربات النفايات فى مواعيد ثابته او ممارسه موظفى المحليات بالانذار والغرامه لاحقا لاشغالات الطريق فى حاله بقايا اعمال البناء
المسئوليه تضامنيه المواطن عليهو مسئوليات ويحتاج توعيه والدوله ممثله فى المحليات والوحدات الاداريه مسئوله وعليها دور الرقابه والمتابعه وتطبيق القانون فى حاله المخالفات حتى لاتتكرر
Post: #19 Title: Re: سودانية تنظف شارع رئيسي بالخرطوم بعد إهما Author: منتصر عبد الباسط Date: 06-27-2021, 10:43 PM Parent: #18
كلامك جميل يا فتحي عباس لكن نشطاء أحزابنا طلاب المقاعد والرؤسهم قرعة وقلوبهم خاوية من ذرة إخلاص للوطن والشعب يجيبو ليك فهم من وين لكلام قدر دا؟!
Post: #20 Title: Re: سودانية تنظف شارع رئيسي بالخرطوم بعد إهما Author: عزالدين عباس الفحل Date: 06-28-2021, 12:15 PM Parent: #19
الاستاذ / ايمن خالد نمر. والي الخرطوم
عزالدين عباس الفحل ابوظبي
Post: #21 Title: Re: سودانية تنظف شارع رئيسي بالخرطوم بعد إهما Author: Asim Ali Date: 06-28-2021, 12:25 PM
معقول 90 الف _مليون بالقديم) اكتر من مرتب تاطبيب ..اوالاستاذ الجامعى (البروف) 50 الف على الاقل كان البلد نضفت بهد الزبادات
Post: #22 Title: Re: سودانية تنظف شارع رئيسي بالخرطوم بعد إهما Author: علي عبدالوهاب عثمان Date: 06-28-2021, 12:36 PM Parent: #21
يعني ما يعادل حوالي 900 ريال سعودي أكثر من راتب عمال النظافة في السعودية
الظاهر سوف يكون في تنافس كبير في ظيفة عامل النظافة راتب 2 محاضر جامعة
تحياتي الحبيب الفحل والحبيب عاصم
Post: #23 Title: Re: سودانية تنظف شارع رئيسي بالخرطوم بعد إهما Author: منتصر عبد الباسط Date: 06-28-2021, 11:12 PM Parent: #22
