أمل هباني تصف شيخ محمد المصطفي بـ “شيخ الشُفع”

02:57 PM June, 24 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

https://top4top.io/


اثير نيوز

امل هباني تصف شيخ محمد المصطفى عبد القادر بشيخ الشفع وتفتح في مواجهته بلاغ جنائي بعد الهجوم عليها من الشيخ بعد حديثها وطلبها للمتزوجات بالاستعانة بصديق.

أقسم بالله ما قدرت أكمل كواريكو دي
شطورا
فرجا
واحد قرصك وعمل ليك
الوسخة
الداعرة
الكافرة
الملحدة
دا غير كمية البصاق والتفاف والصراخ
إلى متى يترك أمثال هؤلاء يصدعون المنابر
ويلوثون اذواق الناس المساكين ؟؟
يا رب يلم فيك قريب الأخت البتشتم فيها بأقذع الألفاظ
دي يجيبك الواطة يمردغك فيها ثم يجرك إلى المحاكم
ليقتص منك القانون (ان وجد) لتكفيرك مسلم
أما الألفاظ الوسخة التى بذلتها على الملأ فحسبنا الله
وهي تعود إلى ما قر في وعيك الظاهر والباطن .
.............
منو هي أمل هباني دي ؟؟

يا رب يلم فيك قريب الأخت البتشتم فيها بأقذع الألفاظ
دي يجيبك الواطة يمردغك فيها

ما ظنيت يا طلحة...امل كلامها اشنا من كلامو

على نفسها جنت براقش
اخ استاذ طلحة
وعلى قول ابوقطاطي

براي سويتا في نفسي

الشيخ دا كان كويس لكن الايامات دي بقى زي السعران
بقى يكفر المعين بصورة غريبة ودا ما كان منهجو
وبرضو بقى يميل للشو بصورة مبالغة فيها عشان يضحك الناس
هو ما عندو حق يكفر ويستخدم اللغة العنيفة دي
ياخ لو كان نصحها او دعاها بالتي هي احسن مش كان افضل؟
برضو الاستاذة امل ما عندها حق تصفو بشيخ الشفع
هو برضو ممكن يرفع فيها دعوى قذف لو ما اثبتت انو هو بتاع شفع
شيخ شفع وبتاع شفع دي ما دايرة تفسير اي زول فاهم معانها شنو
الاتنين متطرفين ولا يمثلوا وجدان الشعب السوداني السليم

ما ياهو دا ذاتو يا أخ عمر والكنزي الكيل بمكيالين
عليكم الله لو بس بتجرد كدا وزنتو الاساءات الطلعت من شيخ ورجل دين في إمرأة لا يعرف عنها غير ما قالته في لحظة غضب
وبين ما قالته ويعتبر تجاوزاً للأعراف لكن كل زول بيفكر بيعرف إنها بتقصد مسألة تعدد الزوجات والعدل في حق النساء
ودي حالات كتيرة انوا المرة بتكون مجبورة على حياة تعيسة خوفاً من الاتعس منها
حتى لو قلنا كلامها اتجاوز الحدود الا ان الاعمال بالنيات
أما كما قال أخونا طلحة أن كواريك هذا الدعي وكلماته لا يتسطيع زول متوازن مواصلة الاستماع لها

لكن كل زول بيفكر بيعرف إنها بتقصد مسألة تعدد الزوجات والعدل في حق النساء

يا ع الغني دا نظام الغاية تبرر الوسيلة
خليك حقاني و توقف في الاستعانة بصديق
جنسي ..واحد من اثنين اسكت او ادين لكن تبرر
ما ينفع...قولو ليها عيب ...بعد داك سهل مناصرة و مناقشة
كل شي...
انا قلت ل طلحة اهلها ما بيقدرو و لا عندهم عين يتناقشو
و لا يدافعو عنها و ممكن بكل بساطة زيك ابرر نبزو و اقول
غيرتو على الدين..لكن بسكت عن كلامو و ما برر زيكم

هذا الرجل ينتهك حرمة المسجد ويتحدث بلغة
مبتزلة
ويجهل ماذا يعني الأدب!
والغريب يتسمون بمسمي أنصار السنة المحمدية
والله سبحانة قال في القرآن الكريم
مهددا من يتجاوز الأدب مع النبي صلى الله عليه وسلم
وهو يتحدث على منبره و باسم سنته صلى الله
عليه وسلم!
( يَٰٓأَيُّهَا ٱلَّذِينَ ءَامَنُواْ لَا تَرْفَعُوٓاْ أَصْوَٰتَكُمْ
فَوْقَ صَوْتِ ٱلنَّبِىِّ وَلَا تَجْهَرُواْ لَهُۥ بِٱلْقَوْلِ
كَجَهْرِ بَعْضِكُمْ لِبَعْضٍ أَن تَحْبَطَ أَعْمَٰلُكُمْ
وَأَنتُمْ لَا تَشْعُرُونَ)
وكان سبب نزول الآية شجار بصوت مرتفع
بين أبوبكر وعمر رضي الله عنهما أمام النبي
صلى الله عليه وسلم
فقال البخاري كاد الخيران أن يهلكا قال عروة بن الزبير
رضي الله عنهما أن عمر رضي الله
عنه صار بعد ذلك يخاطب النبي صلى الله عليه
وسلم همسا حتي يقول له أعد ماذا قلت
وفي مرة سمع عمر رضي الله عنه رجل
ليس من أهل المدينة تحدث بصوت عالي
بالمسجد فانتهره عمر رضي الله عنه وقال له
لو كنت من أهل المدينة لأوجعتك ضربا بدرتي هذه
وكان الإمام مالك بن أنس إذا سأله رجل في مسأله
يتوضأ ويتطيب ويجلس ويعتدل في جلسته ثم يسمع
للسؤال ويجيب وربما قال لا أعلم
وكل ذلك تأدبا مع النبي صلي الله عليه وسلم
الذي يذكر كلامه ويستدل به وكذلك
لكلام الله عز وجل وتوقيرا للدين
أما هذا السلوك من صراخ وتفل وسب وقذف
كله ينافي حرمة المساجد وحرمة النبي صلى
الله عليه وسلم الذي يدعي اتباعه والاستدلال بكلامه
ومنافحته عن سنته وحرمة الدين مضاف
لذلك جريمة القذف التي تستوجب
الحد الشرعي لو كان هناك عمل
بالشريعة الاسلامية في حالة
لم يأتي بأربعة شهود علي تهمته
لها بممارسة الفاح شة
أما الرد عليها في ما صدر عنها
من كلام لا يحتاج لكل هذا الذي صدر عنه
هو صحيح كلام فيه تعدي سافر علي الشريعة
الإسلامية ولكن ليس المنافحة عن شرع الله تحتاج
للخروج عن أخلاق الدين والدعوى لله
وشرعته وشرعة نبيه صلى الله عليه وسلم تحتاج
للدعوى بالتي هي أحسن

الزول ده مفروض يتجلد ثمانين جلدة بحكم الشرع
فاجرة - ####################ة - ملحدة - همها تحت فرجها شماسية ـ
الباقي شنو من أقزع الالفاظ؟ هذا الرجل تعدى حدوده تارة لإضحاك
مريديه وتارة بهجوم على الحكومة المدنية والبصق والتفتفة في مكان العبادة
قال تعالى: ﴿ وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلاَ تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُون ﴾ [النور:4]

وقال تعالى: ﴿ إِنَّ الَّذِينَ يَرْمُونَ الْمُحْصَنَاتِ الْغَافِلاَتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيم ﴾ [النور:23].

الشيخ دا دينو عادي بيسمح ليه بالتلفُّظ بالألفاظ دي؟ دا الإسلام يعني؟
كلام أمل أخف من كلامو وألطف تعبيراً منه. دا عندو أتباع كمان وقاعدين يضحكوا ويتبسّموا، لا حول ولا قوة إلا بالله. الشيء البيقول فيه الشيخ دا مو دين ولا شيء، يمكن يكون شغل عصابات أو أي حاجة.

إذا لم يُهذِّبْك دينُك فلا دينَ لك. وهذا الرجل الشيخ أبو أتباع دا غير مهذَّب نهائياً؛ بكل المقاييس البوذية والسيخية والشنتوية والمسيحية واليهودية والجينية (Janism) والكونفوسوشية وكل المقايس الدينية والأخلاقية والإنسانية الأخرى بالتأكيد. ما ذكرت الإسلام لأن هذا الرجل مسلم، فهل الإسلام يسمح بهذا االكلام غير اللائق وأنا ما عارف؟

دا شيخ متديِّن وله أتباع؟ الرماد كال حمّاد.
الظاهر أن السودان بقى مهلهل في كل شيء.

إذا كان دا من دعاة الدين الإسلامي والشريعة، يبقى منه العوض وإليه العوض.

الأخوة الكرام
أمل هباني غلطت غلطتين بسبب عدم قدرتها على ضبط النفس عند الغضب
نعم هي من الجندريات البيدعن لتحررالنساء من القوانين والتقاليد المهينة لهن
لكن ما ممكن تقول كلام وتأويله المباشر سيء جداً وتتوقع إنه الناس حتمشي للتأويل البعيد
وهو الضغط على الرجال بمعنى لو انت بتبحثوا عن المتعة تحت حماية القوانين
فما رأيكن لو فعلت النساء المتضررات من هذه التشريعات نفس الشيء تحدياً للقوانين
أنا شخصياً مؤمنة إنه دا قصدها لأنها أولاً إمرأة متزوجة ولم يعرف عنها فسوق أو دعوة له
الخطأ الثاني وصفها لهذا الشيخ العوير بشيخ الشفع ويمكنه مقاضاتها كما تقاضيه
حتى لو كانت هنالك إشاعات بهذا المعنى لا يمكنها تصديقها والتفوه بها
الشيء الأخير هذا الشيخ بعيد عن الإسلام وسماحته والشيء المزعج أخ شنتير
لو قريت التعليقات على الفيديو في اليوتيوب كلها نؤيدة للشيخ مما يعني
إنه الوعي في السودان أصبح كله أسير هذه الثقافة الدينية الصعبة

شيخي الحبرتجي المفضل ده كان في عصابة الوطاويط في بحري عشان كده في الستاند اب كوميدي بتاعه بيعمل كده لكن ما تشوف فصاحته دي لمن زنقوه أيام الثورة في محل الإسبيرات ( فتشوا الفيديو في اليوتوب )طير عيونو زي الضب تباً له العاطل 😂

كلام أمل أخف من كلامو وألطف

لا يا شانتير ما اخف و لا الطفامل بتحرض و الراجل بسبصباح حسين احبك و انت حقانية

Quote: لا يا سناري ما اخف و لا الطف امل بتحرض و الراجل بسب

لا يا أخ عمر هذا المعتوه أرتكب جرم قذف محصنة وليس له شهود وحتي نفسه ، ده لو اتكلمنا بالشرع،
قال فـ ا جـرة ، عـ ا هـ رة ـ شماسية ، صعلوقة ، فليات بدليل

تلاتة بالله العظيم سناري ما دخل علق على البوست دا.

في ميزان حسناتك يا سناري. جاتك في صمة خشمك.

وتصبحون على خير.

لا يا أخ عمر هذا المعتوه أرتكب جرم قذف محصنة

يا سناري هي امل خلت محصنة..هي قالت للمحصنات
انفلتن..ما لكم كيف تحكمون

عفوا شانتير ما كلكم شاشات و وساعات
و الله ما اقصد

أنا شنتير يا عمر. سناري ما جاء هنا، الله يطراه بالخير وهو من قُدامى المحترمين في هذا البورد.

نعم يا عمر، كلام أمل هبّاني أخف وألطف من كلام هذا الرجل الفاحش الفاسق وهو يتكلم في مسجد ولديه مستمعون وأتباع يضحكون ويتبسمون لكلامه!!!
هذا رجل مضل وحيضلل الشباب المساكين المعاه ديل. والله هذا البني آدم كارثة لا تقارن بما قالته أمل هباني.

أمل هباني يا عمر قالت كلام وليس لها أتباع ولا هي من الدعاة الدينيين. وهذا الرجل يتكلم بصفته رجل دين!!! الزول دا بيتكلم عن الدين؟

أمل أرحم وأفضل منه ألف مرة. أمل في أول كلامها لم تسب أي شخص. هي قالت كلام والسلام. ممكن نرفضو أو نقبلو. لكن هذا البني آدم سفيه جد. ياخي أنا ما بقدر أقل أدبي زي الزول أبو جامع وأتباع دا. خليه أول شيء يحترم نفسه.

لو نزل هذا الرجل في انتخابات بألفاظو دي منافساً لأمل هباني، حأكون مع أمل هباني، رايك شنو؟

هؤلاء كرّهوا الناس في الدين لمن عقل. المشكلة إنهم يجندوا "الشفع" ويغسلون أدمغتهم ويجعلون منهم أتباعاً يفعلون ما يؤمرون. فعلاً يجندون الشفّع الأغرار ويخلوهم يستمتعو بكلام سفيه زي دا ويضحكوا حتى في ما لا يرضي الله ولا الإنسان السوي العاقل. يعني بهذا الفهم بتاعين شفّع وبوظوا الشفع وضيعوا مستقبل الشفع.

أمل فرد مستقل واحد ولا ضرر منها يقارن بضرر هؤلاء السفهاء السلفيين التافهين العاطلين عن كل شيء إلا التفاهة. أمل هباني أفضل منهم لأننا يمكن أن نقنعها بالتراجع عن مفاهيمها لكن هؤلاء جعلوا من مفاهيمهم الفاسقة ديناً.

والله لا أعرف أمل هباني ولا هذا الشيخ السخيف. لكن اقتنعت بأن أمل هباني أفضل منه.

تبرير قذف وشتم وأشانة حبرتجي الدين دا بحجة ما كتبته امل هباني
زي تبرئة المتحرش والمغتصب بحجة لبس الضحية المثير..

بعدين اللخو دا بيتعامل مع الخطاب الدينى بمنهج الاستاند اب كوميدي..بس عروضه من النوع البذئ.. مسرحه مستوى حانات ونوادي تعري..

رغم انه الاستاند اب كوميدي تأصيلا منتوج شرقي من بلاط مهرجي الخلافة الأموية..زيو وزي السنة العمرية المنحولة البتفتش سراويل الناس..

اكرر اعتذاري شانتير
سكران بشرب بي الدين من ست عرقي
يوم لمن وجعتا حركتو دي ،
قالت لية
حقي بخلصو منك يوم القيامة
قال ليها وانتي بتقدري تفتحي الموضوع دا هناك ؟

اها امل لو بتقدر تصل المحكمة منتظرينها

اخ عبدالغني
تحياتي
اراك معلقا وقائلاً:

Quote: ما ياهو دا ذاتو يا أخ عمر والكنزي الكيل بمكيالين

اتفق معك انو شيخ مطصفى ولا محمد مصطفى لا اعرف اسمه بالتحديد ليس له من خلق الاسلام شئ
ولكن كما قلت في مداخلتي ان امل هباني هي التي فتحت النافذة للرياح والاعاصير
فمنها نتن ومنها ما يخلع ويقلع
ولا تلمومن إلا نفسها

اما حكاية تهديدها بالمحاكم فلا سبيل اليها لانها في كندا (آخر جليد ) ولا تسطيع ان تفتح بلاغ ضد من يسمونه الشيخ مصطفى
لأنو البلاغ جنائي لا يفتح بالوكالة
إلا بحضور الشخص بنفسه والتحري معه
ولكن من يسمى بشيخ مصطفى يمكن ان يفتح ضدها بلاغ على قولها (شيخ شفع)
والله اعلم
مودتي

أمل هباني لا يعنيها الدين في شيء
وبتسخر من الشريعة الإسلامية
الناس ترد عليها بالمنطق وليس بالدين
لأنها ربما لا تؤمن بالشريعة
الدين فيه قال سبحانه وتعالى
(فَإِنْ خِفْتُمْ أَلَّا تَعْدِلُوا فَوَاحِدَةً )
والتعدد فعل اختياري والمستفيد منه بعض
النساء كما بعض الرجال
فهو ليس حكم منحاز للرجل
فالزواج بالثانية يكون بموافقة
الفتاة أو الثيب أو الأرملة
التي يراد الزواج بها لتكون
زوجة ثانية أو ثالثة أو رابعة
يعني ثلاثة زوجات
الثانية والثالثة والرابعة
مستفيدات من التعدد مقابل الأولى
يعني طرح التعدد باعتبارة ظلم للمرأة
كلام لا يسنده المنطق من الناحية النظرية
ولا العملية
هكذا يكون الرد عليها
وكمان موضوع صديق وما صديق
دا موضوع تاني مستفز فعلا
لكن رجل الدين إذا لم يعطي المثال للأخلاق الجدال
ويكون قدوة في ذلك فهذه مصيبة

مكرر

اخ ترهاقا
اخشى ان اقول الاية التي استشهدت بها لا تنطبق على أمل
(قال تعالى: ﴿ وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلاَ تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُون ﴾ [النور:4]
)
فمن يدعو للفجور فهو فاجر
اي هي بها اولى

اخ منتصر قولك ادناه فيه فهم عميق
ونقطة لم يلتفت إليها غيرك
فالف شكر للوعي المتقدم
وانت تقول:

Quote: هو ليس حكم منحاز للرجل فالزواج بالثانية يكون بموافقة الفتاة أو الثيب أو الأرملة التي يراد الزواج بها لتكون زوجة ثانية أو ثالثة أو رابعة يعني ثلاثة زوجات الثانية والثالثة والرابعة مستفيدات من التعدد مقابل الأولى

الاخوة والاخوات
في سؤال مهم هل ممكن تكسب أمل هباني قضية القذف التي رفعتها بحق الشيخ هذا
ولا خلاص سبها وهي سبتو والموضوع أصبح تعادل في السباب
هل عبارة شيخ الشفع قذف أو نعت له مدلول غير أخلاقي ؟
الشباب في موقع أخر قالوا
سوف تكسب القضية

هذا هو الرد على سؤالك اخ استاذ زهير
ما حكاية تهديدها بالمحاكم فلا سبيل اليها لانها في كندا (آخر جليد ) ولا تسطيع ان تفتح بلاغ ضد من يسمونه الشيخ مصطفى
لأنو البلاغ جنائي لا يفتح بالوكالة
إلا بحضور الشخص بنفسه والتحري معه
ولكن من يسمى بشيخ مصطفى يمكن ان يفتح ضدها بلاغ على قولها (شيخ شفع)
والله اعلم