اين مواطن الخلل فينا!؟ ... هل نحن مرضى!؟

07:47 AM June, 22 2021

سودانيز اون لاين
Haytham Ghaly-
مكتبتى
رابط مختصر

واقصد بنحن .. السودانيين ... جميعنا دون استثناء

حرم عليك نحنا طيبين اخوي
بالله حسي شوف عدد القبب والمصاحف اللي في بيوتنا وبعدا نحن مجانين
لكين مامشكلة العلاج موجود

Quote: عدد القبب والمصاحف اللي في بيوتنا

اها ديل بالذات يا زهير من مشكلاتنا الكبيرة الاتسببت في وجود هذا الخلل المريع




لسنا بخير يا زهير

وكمان ما طيبين نهائي

Quote: اين مواطن الخلل فينا!؟

بل اكاد اسأل : اين المواطن التي ليست بها خلل فينا!!


الحاصل علينا شنو بالضبط؟؟

ديل الصوفية البقولوا عليهم مسالمين

أعتقد الناس ديل عندهم مشكلة مع الكراسي 😂 ما شفت زول خبت لي زول الحاجات العجبتني اللاندكروزر والكنداكة البتخبت مع الناس ديل وفي عمك كده خم لي حاجات كده واتخارج ، المهم الفايز من الجماعة ديل حيقابل السلفتوت في ربع النهائي

Quote: أعتقد الناس ديل عندهم مشكلة مع الكراسي 😂 ما شفت زول خبت لي زول الحاجات العجبتني اللاندكروزر والكنداكة البتخبت مع الناس ديل وفي عمك كده خم لي حاجات كده واتخارج ، المهم الفايز من الجماعة ديل حيقابل السلفتوت في ربع النهائي

يا منص

ديل زاتم من ضمن منتجات الخلل الحاصل فينا

فما تستغرب .. يا زول نحن فينا ناس بدسو الدواء لمن صلاحيتو تنتهي ..


تقولي شنو

يا ترى نحن وطنيين بالجد وللا بندعي حب بلدنا فنكهة كدا ساااااكت

وتترجم افعالنا مدى كراهيتنا لبلدنا السودان


يكفي ان مجتمعنا انتج امثال مكونات حكومة الانقاذ قبل المفاصلة وبعدها

فهل هناك عار اكثر من ذلك

سلام هيثم والجميع

لا حول ولا قوة إلا بالله

أكيد هناك خلل كبير.

Quote: أكيد هناك خلل كبير.

مرحباب دكتور ياسر

نعم يا دكتور الخلل كبير شديد

والكارثة ما معروف وين بالضبط

أعتقد الناس ديل عندهم مشكلة مع الكراسي 😂 ما شفت زول خبت لي زول الحاجات العجبتني اللاندكروزر والكنداكة البتخبت مع الناس ديل وفي عمك كده خم لي حاجات كده واتخارج ، المهم الفايز من الجماعة ديل حيقابل السلفتوت في ربع النهائي

سلام
عشان تكتمل الصورة يا هيثم،
الأجيال البتعاني من خلل دي أنتجت جيل الألفينات،
جيل يرفض النفاق و التدين السطحي و التطرف الديني
و التجارة بالدين و أصبحوا في حالة لامبالاة بالدين
و ألحد بعضهم. و البعض الآخر مصاب بالصدمة مما
يحدث حوله. الغالبية يعتبرون العلاقات المحرمة و
المخدرات حرية شخصية ما دام الشخص ودود معهم.
و أغلب الصداقات مبنية على المصلحة.
في المستقبل قد ينقسم المجتمع إلى أغلبية متحررة
و قلة متطرفة أكثر من بوكو حرام و بينهما أشتات من
كل لون.

سلام ياهيثم ، وزوارك الكرام

نحن لسنا وطنيين ، ولاتتوفر لدينا ادني مقومات الوطنيه ،يسيطر علينا حب الذات ، ولانسعد اذا راينا غيرنا في وضع افضل منا . وندعي الشفقه علي من اقل منا .مجرد ادعاء .
منافقين من الدرجة الاولي ، ونهتم بالمظاهر والبوبار ، ومدعين ، حيث نظن انه لايوجد افهم مننا، ولانرتاح لمن يخالفنا الرأي .( تمنياتنا للاخرين بالخير والمنفعه ) مجرد كلام.
عنصريين من الدرجة الاولي ،وتتفشي فينا الجهوية والقبليه ، حتي ولائنا للقبيلة مؤقت سرعان مايزول ، بعد انتقالنا لمرحلة اعلي ووضع افضل من الاول.
مازلنا نعيش ونهتم بخرافات ، وبدع قديمة ، نعلن عنها ولانطبقها علي انفسنا.

Quote: هل نحن مرضى!؟

منافقين يا حبيب
منافقين جدا كمان ..
ويا ريت يحصل دا

Quote: جيل يرفض النفاق و التدين السطحي و التطرف الديني و التجارة بالدين و أصبحوا في حالة لامبالاة بالدين

...........
قلت في بوست حتل وما مستعد أرفعو تاني:
زمن الصوفية الجميل انتهى
وأضيف:
كما انتهت كل الحاجات الجميلة الأخرى
في الشعب السوداني الذي يدمر نفسه بنفسه
ثم يرميها في الحكومات والما عارف شنو
شعب فتيانه يقضون جل يومهم قعاد في الضللة
واللساتك والدكاكين وفي آخر الليل يفتحون الموبايلات
ليتذمرون ويلعنون غلاء المعيشة وعدم توفر العيش
والكهرباء والموية.. عايزين كل حاجة تجيهم جاهزة
من وين؟؟؟
ما عارف.

في واحد هبد الكرسي وقال اللاااااااهو أكبار ، الله أكبر علي شنو يا سجم الرماد 😀

التحية للجميع
نحن خليط غير متجانس
بداوة + سذاجة + وحماقة
عصبية و قبلية + وقاحة
كرم - وحسد
بساطة - و أنفة (في الفارغة) .
كذب وغباء
تدين (سطحي) - بدون فقه
العبادات - عادة روتينية
القيم والأخلاق - تراث وماضي
التربية والعلم - رفاهية وبذخ
***
معليش لكن ديل نحنا الآن !!!!!!!!!!!

Quote: نحن خليط غير متجانس بداوة + سذاجة + وحماقة عصبية و قبلية + وقاحة كرم - وحسد بساطة - و أنفة (في الفارغة) . كذب وغباء تدين (سطحي) - بدون فقه العبادات - عادة روتينية القيم والأخلاق - تراث وماضي التربية والعلم - رفاهية وبذخ *** معليش لكن ديل نحنا الآن !!!!!!!!!!!

عمار سلامات وعوافي

فعلاً يا عمار دا كلللللو .. فينا للاسف

دا غير بعض الحاجات الانت ما ذكرتها وحا يجي ذكرها لي قدام

Quote: في واحد هبد الكرسي وقال اللاااااااهو أكبار ، الله أكبر علي شنو يا سجم الرماد

هههههههههههههههههه

اها يا منص باقيلك دي عمايل ناس طبيعيين

Quote: نحن لسنا وطنيين ، ولاتتوفر لدينا ادني مقومات الوطنيه ،يسيطر علينا حب الذات ، ولانسعد اذا راينا غيرنا في وضع افضل منا . وندعي الشفقه علي من اقل منا .مجرد ادعاء . منافقين من الدرجة الاولي ، ونهتم بالمظاهر والبوبار ، ومدعين ، حيث نظن انه لايوجد افهم مننا، ولانرتاح لمن يخالفنا الرأي .( تمنياتنا للاخرين بالخير والمنفعه ) مجرد كلام. عنصريين من الدرجة الاولي ،وتتفشي فينا الجهوية والقبليه ، حتي ولائنا للقبيلة مؤقت سرعان مايزول ، بعد انتقالنا لمرحلة اعلي ووضع افضل من الاول. مازلنا نعيش ونهتم بخرافات ، وبدع قديمة ، نعلن عنها ولانطبقها علي انفسنا.

الحبيب هيثم تحياتي
أوافق على كلام حبيبنا كاروري 100%
لا بد من مواجهة الذات

شكرا كاروري
شكرا حبيبنا هيثم بوست مفيد

بس تحبوا جلد الذات! خلي بالك دي حركة بتاعة مثاقفة كدا و بتخلي الواحد كوول و شكلو ظربف!
طيب وقت اصلها القصة كدا هاكم
علي الطلاق احنا احسن من احسن ناس فيك يا الكرة الارضية بل و المجرة بي زر ابوها وحتى مالتيفيرس مارفل و ديزني كوميكس جت! أها !! تعال غالطوا يلا

Quote: بس تحبوا جلد الذات! خلي بالك دي حركة بتاعة مثاقفة كدا و بتخلي الواحد كوول و شكلو ظربف!

ههههههههههه

ود البشرى دايماً غلباوي وغالاط

ياخي ظريف بتاع شنو .. الناس هنا الاحباط واليأس باين في كل حرف اتكتب هنا

وانت شابكنا مثاقفة وظريف .. قوم لف يا عملات فلان داك

Quote: يكفي ان مجتمعنا انتج امثال مكونات حكومة الانقاذ قبل المفاصلة وبعدها فهل هناك عار اكثر من ذلك

وأكثر عاراً يا غالي ...
لمن جو يكحلوها وعمت مرهـ واحدة ببزوغ شمس قحط التي نعاني مخاضها اليوم ...

رغم اختلافي وعراكي مع هاشم كاروري الذي اللحق بي كل سؤة
ولكنه عبر عن ما يجوش بخاطري وضميري لسنوات بعاد وهو قوله:

Quote: سلام ياهيثم ، وزوارك الكرام نحن لسنا وطنيين ، ولاتتوفر لدينا ادني مقومات الوطنيه ،يسيطر علينا حب الذات ، ولانسعد اذا راينا غيرنا في وضع افضل منا . وندعي الشفقه علي من اقل منا .مجرد ادعاء . منافقين من الدرجة الاولي ، ونهتم بالمظاهر والبوبار ، ومدعين ، حيث نظن انه لايوجد افهم مننا، ولانرتاح لمن يخالفنا الرأي .( تمنياتنا للاخرين بالخير والمنفعه ) مجرد كلام. عنصريين من الدرجة الاولي ،وتتفشي فينا الجهوية والقبليه ، حتي ولائنا للقبيلة مؤقت سرعان مايزول ، بعد انتقالنا لمرحلة اعلي ووضع افضل من الاول. مازلنا نعيش ونهتم بخرافات ، وبدع قديمة ، نعلن عنها ولانطبقها علي انفسنا.

نحن كدا ؟

الحبيب هيثم تحياتي
سبحان الله توارد الخواطر .. موضوع الشخصية السودانية
متداولة اليوم في عدة قروبات
واليوم مقال للكاتب الكبير زهير السراج في نفس الموضوع

Quote: هل نحن شعب بدوي عاطفي عشوائي ساذج، سألتُ هذا السؤال في عدة مناسبات من قبل كان أحدها الصراع والتراشق الحاد بين البرهان ولجنة إزالة التمكين لدرجة ان الكل توقع حل اللجنة، ولكن فوجئ الجميع بلقاء الطرفين والابتسامات تعلو الوجوه وكأنه مشهد مأخوذ من مسرحية عبثية أو فيلم كوميدي، الامر الذي جعل البعض يتساءل هل السبب هو الشخصية البدوية التي تقبع في داخلنا وتتميز بالعاطفة والسذاجة، بالإضافة الى الشراسة والعدوانية والسطحية والعبثية وعدم الاحساس بالانتماء! * وشهدنا مؤخراً صراع الديكة بين وزير المالية وعضو لجنة التمكين (وجدي صالح)، ثم فجأة انتهى كل شيء وكأن شيئاً لم يكن، ولا أحد يعرف لماذا حدث الصراع، بينما كان من الممكن اللجوء الى الطرق الادارية المعروفة لتجنبه، هل نحن ما زلنا شعباً بدوياً متخلفاً، ولو غطينا ذلك بالكرافتات الانيقة وشهادات الدكتوراة؟! *تقول الباحثة المصرية في علم الاجتماع (نعيمة عبد الجواد) إن هم ما يميز الشخصية البدوية عدم شعور صاحبها بالانتماء لأي فرد أو جماعة الا بمقدار ما يجنيه من فائدة، وحينما تتلاشى تلك الفائدة أو تنتهي، ينتهي الانتماء بدم بارد، بدون النظر للوراء ولو لوهلة اعتباراً لأي ذكريات! *وتواصل.. “قد يظن البعض أن الهوية البدوية تقتصر على البدو الرحل، لكنه قطعاً ظن خاطئ ،لأن البداوة هي سمات شخصية تميز البعض عن أقرانهم، فالبدوي لديه رغبة عارمة دائمة للانتقال من مكان لآخر والتكيف مع البيئة التي يرتحل إليها، ولكنه في الوقت نفسه يشعر بأنه بعيد كل البعد عن المكان الذي انتمى إليه، ويستطيع مفارقته في أي لحظة بدون أي شعور بالحنين إليه”! *ويرى كثيرون أن الشخصية البدوية تتميز بالكسل والحسد والعناد والنزوة، وأن العاطفة هي التي تتحكم في سلوكها، بالإضافة الى الغرور والفوضى والعبثية والعشوائية وعدم الاحساس بالمسؤولية، وانعدام روح العمل الجماعي والأنانية المفرطة والعدوانية للآخرين ! *حاول بعض المفكرين والفلاسفة تحليل (البداوة) تحليلاً وافياً، منهم (ميشيل فوكو، وجيل ديلوز، ولوسي إيجاراي)، الى ان جاءت المفكرة والفيلسوفة الإيطالية (روزي برادوتي ، 1954)، ووضعت نظرية تفسر (البداوة)، بأنها شعور بعدم الانتماء والاحساس الدائم بالقلق وعدم الاستقرار ! *ويختصر الباحث العراقي الدكتور (علي الوردي) وهو من أشهر علماء الاجتماع العرب صفات الرجل البدوي بأنه يجب أن يكون (نهّاباً وهّاباً)، أي تقاس شجاعته وكرمه بغنائمه التي يحصل عليها من الغزو والنهب! *وعندما يناقش صفات الشخصية البدوية وردود أفعالها ومواقفها تجاه الفضائل والرذائل يذكر نزعة الحرب، وعدم الانضباط، والنفرة من الطاعة والانصياع، واحتقار المهن، والحساسية المفرطة للكرامة، والحسد والنفاق والانتهازية، وان كانت هناك صفات ايجابية كالشجاعة والكرم فهي فقط للمباهاة ــ حسب مقال للكاتب العراقي د. صلاح عبدالرازق في تحليل كتاب (الوردي) عن صفات الشخصية العراقية، بينما يرى المستشرق الألماني (أوبنهايم) أن الشخصية البدوية تتميز بالشجاعة والكرم والقسوة وشدة البأس والحب الشديد للحرية أو (الفوضى)!.�*قد لا يكون المجال مناسباً للحديث عن الشخصية السودانية ، فهو موضوع كبير لا يسعه عمود صحفي، ولكننا بصراحة شديدة، شعب عاطفي عشوائي لا يحب النظام والتخطيط ، همجي في كثير من الأحيان، يفتقد الى النظرة العلمية للأمور وروح العمل الجماعي، ويتميز بحب التسلط والأنانية والمظهرية! *********** زهير السراج صحيفة الجريدة التفاصيل هنا: https://www.alnilin.com/13190300.htm[/QUOTEhttps://www.alnilin.com/13190300.htm[/QUOTE]

---

Post: #23 Title: Re: اين مواطن الخلل فينا!؟ ... هل نحن مرضى!؟ Author: ترهاقا Date: 06-22-2021, 11:29 PM Parent: #22 Quote: اين المواطن التي ليست بها خلل فينا!! هو ده العنوان الصحيح ، حقيقة اللي قاعد يحصل في السودان من إنتهازية وأنانية وخم وغرف بيعكس إنو غالبيتنا ما عندنا أي تربية وطنية، المال العام مباح (مال الحكومة) وما بنشوف اكتر من أرنبة أنفنا وسقف الطموحات لا تتعدى كرسي في السلطة وعربة فارهة ، والتقول عليهو هامان يطلع فرعون ، ومواطن الداء يكمن أكثر عمقا في مدعي السياسة وأحزاب الفكة والعسكر والمليشيات ومن سرقوا الثورة العظيمة في وضح النهار ، هم دييل موطن الداء، لو قبلنا على دييل سيتضح حجم الجرح وحنقدر نعالجه. والله يقدر حمدوك إنو يستحمل العوائق دي لحد ما نطلع لي بر الأمان .

---

Post: #34 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:32 AM Parent: #23 Quote: هو ده العنوان الصحيح ، حقيقة اللي قاعد يحصل في السودان من إنتهازية وأنانية وخم وغرف بيعكس إنو غالبيتنا ما عندنا أي تربية وطنية، المال العام مباح (مال الحكومة) وما بنشوف اكتر من أرنبة أنفنا وسقف الطموحات لا تتعدى كرسي في السلطة وعربة فارهة ، والتقول عليهو هامان يطلع فرعون ، ومواطن الداء يكمن أكثر عمقا في مدعي السياسة وأحزاب الفكة والعسكر والمليشيات ومن سرقوا الثورة العظيمة في وضح النهار ، هم دييل موطن الداء، لو قبلنا على دييل سيتضح حجم الجرح وحنقدر نعالجه. والله يقدر حمدوك إنو يستحمل العوائق دي لحد ما نطلع لي بر الأمان . ترهاقا حبابك وسعيد جداً بمرورك من هنا فعلاً نسبة الخلل هي الاكبر فينا وقد ابنت في مداخلتك الكثير من هذا المرض الرهيب الانتهازية .. لو اخدنا فقط موضوع المحروقات في الفترة الفاتت حا يوريك قدر شنو الفرد السوداني انتهازي وما بهمو غير نفسو ياخي الناس بقت تخزن الوقود لمن عملت ندرة فيهو واللوم واقع على الحكومة اول ما شالو الدعم نهائي بقو محل يودوهو ما عارفين وببيعوا فيهو باقل من السعر الرسمي دا غير انو اتوفر في جميع المحطات.. اها شفت كيف نحنا انتهازيين !!

---

Post: #32 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:24 AM Parent: #19 Quote: وأكثر عاراً يا غالي ... لمن جو يكحلوها وعمت مرهـ واحدة ببزوغ شمس قحط التي نعاني مخاضها اليوم ... محمد حمزة الحسين حبابك ابداً يا محمد مافي اكثر عار من الكيزان .. اطلاقاً صدق البوشي لمن قال لي نافع انت اسوأ من وطأت قدماه الثرى وهو في الحقيقة يمثل اسوأ بشر اتخلقوا على هذه البسيطة بالنسبة لموضوع البوست انتو اسم الله عليكم من اكبر المشاركين في هذا المرض العضال الاصاب السودانيين والنماذج كتيرة شديد

---

Post: #30 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:17 AM Parent: #15 Quote: الحبيب هيثم تحياتي أوافق على كلام حبيبنا كاروري 100% لا بد من مواجهة الذات مرحباب عمنا علي عبدالوهاب سعيد جداً بي طلتك هنا فعلاً كاروري اوجز وابان

---

Post: #27 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:10 AM Parent: #13 Quote: منافقين يا حبيب منافقين جدا كمان .. طلحتوف الرشاش عوافي يا صفوة نان هو نفاق نصاح يا طلحة يا اخوي اسع لو اخدنا مثال الشيخ القعد يجعر بسبب صورة في كتاب التاريخ يدق في حديدة المنبر ويكورك بعصبية الله الله الله الله الزول دا كان مالو يعني ؟؟ غايتو انا اجابتي .. دا منافق بس

---

Post: #26 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:06 AM Parent: #12 Quote: نحن لسنا وطنيين ، ولاتتوفر لدينا ادني مقومات الوطنيه ،يسيطر علينا حب الذات ، ولانسعد اذا راينا غيرنا في وضع افضل منا . وندعي الشفقه علي من اقل منا .مجرد ادعاء . منافقين من الدرجة الاولي ، ونهتم بالمظاهر والبوبار ، ومدعين ، حيث نظن انه لايوجد افهم مننا، ولانرتاح لمن يخالفنا الرأي .( تمنياتنا للاخرين بالخير والمنفعه ) مجرد كلام. عنصريين من الدرجة الاولي ،وتتفشي فينا الجهوية والقبليه ، حتي ولائنا للقبيلة مؤقت سرعان مايزول ، بعد انتقالنا لمرحلة اعلي ووضع افضل من الاول. مازلنا نعيش ونهتم بخرافات ، وبدع قديمة ، نعلن عنها ولانطبقها علي انفسنا. العزيز كاروري سلام جاك للاسف كلامك دا كلو حقيقة معناها نحن فعلاً مرضى وتعبانين شديد

---

Post: #25 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:03 AM Parent: #11 Quote: الأجيال البتعاني من خلل دي أنتجت جيل الألفينات، جيل يرفض النفاق و التدين السطحي و التطرف الديني و التجارة بالدين و أصبحوا في حالة لامبالاة بالدين و ألحد بعضهم. و البعض الآخر مصاب بالصدمة مما يحدث حوله. الغالبية يعتبرون العلاقات المحرمة و المخدرات حرية شخصية ما دام الشخص ودود معهم. و أغلب الصداقات مبنية على المصلحة. في المستقبل قد ينقسم المجتمع إلى أغلبية متحررة و قلة متطرفة أكثر من بوكو حرام و بينهما أشتات من كل لون. نعمات بت عماد لعلك عافية وبخير جيل الالفينات متمرد فعلاً ولكنه مصاب بنفس داء هذا المرض العضال لاقيت واحد من الشباب النشطين جداً في كل ما هو ثوري وتجاذبنا اطراف الحديث سالتو عن رايو في فصل الدين عن الدولة قالي يا زول هوووي الدين خط احمر ههههههههههه تحياتي

---

Post: #33 Title: Re: اين مواطن الخلل فينا!؟ ... هل نحن مرضى!؟ Author: ولياب Date: 06-23-2021, 06:24 AM Parent: #25 بإختصار شديد الخلل الفينا ( عدم الاخلاص) وإذا ما تم وضعه في معمل ستجد كل الآفات والأمراض وستجد أن النتائج المخبرية ناتجة منه .

---

Post: #35 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:38 AM Parent: #33 Quote: بإختصار شديد الخلل الفينا ( عدم الاخلاص) ولياب حبابك عشرات كمان دا جانب مهم جداً .. عدم الاخلاص عندنا في كل شيء ويظهر جلياً في الشغل او العمل بالذات الحكومي تسيب وعدم مبالاة وعدم احترام الموظف يجي الساعة 9 الشغل مسافة يشرب الشاي ويهظر مع فلانة ويتشمشر عند فلان يقعد دقيقتين في كرسيهو ويطلع الفطور ما يرجع الا بعد صلاة الضهر يرجع عشان يتهيأ للخروج باعتبار انو الدوام خلص غايتو انا لو يوم من الايام بقيت مسؤول من ادارة مؤسسة حا امنع فيها حاجة اسمها فطور نهائياً فقط عندك بريك 10 دقايق عايز تاكل عايز تصلي فيهو انت حر

---

Post: #36 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-23-2021, 06:50 AM Parent: #35 لو دخلت اي منشأة جديدة او مبنى جديد في الخرطوم من برة حا تشوفو شي جميل جداً لكن بمجرد دخولك جوة حا تتفاجأ بانو في تفاصيل صغييرة مبوظة الدنيا كلها يعني مثلاً الواحة مول ياخي المبنى جميل وموقعو جميل جداً وتحس انو شي مختلف تخش جوة تلقى السلالم المتحركة معطلة ووسخانة وارضيات المبنى كلو وسخانة ليه ادارة المبنى دا مثلاً ما بتشرف على النظافة اليومية او على مدار الساعة في مبنى زي دا ليه مافي صيانة دورية على المصاعد والسلالم المتحركة وغيرها من الاشياء الصيانتها ما بتكلف زمن كتير وبتحافظ على الق المكان يعني عندنا عدم اكتراث وسبهللية كدا غريبة ومرعبة وبالذات في مطار الخرطوم .. لا حولاااا دا كمان وجعو يشق الزول واقف على طولو

---

Post: #37 Title: Re: اين مواطن الخلل فينا!؟ ... هل نحن مرضى!؟ Author: اسماعيل عبد الله محمد Date: 06-23-2021, 07:27 AM Parent: #36 هيثم وضويفك سلام من الله يغشاكم الخلل يبدأ من هنا (نحن) شعوب وقبائل وطوائف واقاليم وصحارى وجبال وغابات وصيف حارق وخريف غارق كل واحد ينطلق من (نحن) حقتو هو. (نحن) دي عبارة عن كرش فيل. الشرق والشمال والغرب والجنوب اختلافات كبيرة وجوهرية - ثقافية، اجتماعية، سياسية، تاريخية، قيمية. وهذا حال كثير من البلدان المشابهة لنا الانسان فيه بطانة الخير وبطانة الشر - أياً كان. الخلل يكمن في عدم مقدرتنا على إدارة هذه الفسيفساء المتنوعة. لا شيء غير ذلك. المتداخلون في هذا البوست غالبيتهم ينحدرون من ثقافة واحدة ويتوهمون أن هذه الثقافة بالضرورة يجب أن تكون منطلق للآخرين المختلفين.

---

Post: #38 Title: Re: اين مواطن الخلل فينا!؟ ... هل نحن مرضى!؟ Author: علي عبدالوهاب عثمان Date: 06-23-2021, 10:55 AM Parent: #37 Quote: يعني عندنا عدم اكتراث وسبهللية كدا غريبة ومرعبة وبالذات في مطار الخرطوم .. حبيبنا هيتم تحياتي .. هذا النموذج ليس في مطار الخرطوم فقط اليوم في قنصلية جدة الباب الغربي مقابل للشارع به اشجار تخيل يا الحبيب هيثم بعض العاملين في القنصلية ونحن نعرفهم جالسين على كراسي في ظل الاشجار في الشارع المقابل للسفارة ضحك وونسة حتى دوريات الامن السعودي محتار من الأمر نبهني أحد المراجعين من الاخوة عن هذه الظاهرة الغريبة موظفين وعاملين في السفارة يخرجوا بكراسيهم خارج المبنى وبعد الشارع ( هنا ربما لا توجد حصانة دبلوماسية ) تكون ضمن سلطة الامن السعودي بعدها دخلت القنصلية وتحدثت مع أحد المسئولين عن الموضوع لكنه لم يهتم بالأمر وغادرت القنصلية وهم على نفس الوضع ما باقي إلا ست الشاي السفارة المصرية وكذلك التونسية في حي الروضة لم أشاهد أي ضجيج أو فوضى مع أن عدد المصريين في جدة اضعاف السودانيين فقط صمت وهدوء خطاب حمدوك الاخير أوضح كل شيء .. ربما نفس الفكرة ولكنه لا يستطيع الجهر بالقول الحبيب هيثم .. صدقني البوست ده مهم جداً ولا حل لمشكلتنا إلا بمواجهة الذات أرجو من الاحباب المداخلة لنعرف أين نحن

---

Post: #39 Title: Re: اين مواطن الخلل فينا!؟ ... هل نحن مرضى!؟ Author: عمار قسم الله Date: 06-23-2021, 11:16 AM Parent: #38 تحية للجميع اخ اٍسماعيل قلت : Quote: المتداخلون في هذا البوست غالبيتهم ينحدرون من ثقافة واحدة ويتوهمون أن هذه الثقافة بالضرورة يجب أن تكون منطلق للآخرين المختلفين. ++ لا أحد يفترض علي الآخر شيء --- (نحن) هنا تعني أنا وأنت وهي وهو ونتحدث عن (خلل) فينا - ولو تحدثنا عن الآخر - فهو للمقارنة - ومحاولة للوصول الي بداية الطريق الذي يقود للوجهة التي (نتمناها) .

---

Post: #40 Title: Re: اين مواطن الخلل فينا!؟ ... هل نحن مرضى!؟ Author: Asim Ali Date: 06-23-2021, 10:00 PM Parent: #39 الشعوب لما تمر بازمات عظيمه تتحد وتتجاوز فروقاتها واختلافاتها عشان تبنى بلدها للاسف الواحد كان يعتقد انو 30 سنه كيزان بكل مافى السنوات من ظلام وقهر واذى لكن للاسف لم يتعلم الناس ولسه الشعب ارض خصبه لبث الصراعات الجهويه والعنصريه . شعب تنظير وتنظير ووقت العمل تكون جادى تلقى نفسك براك فى الميدان والباقى يتفرج فيك دا كان دقو ليك اسافين تعطل مجهودك . الكلام كتير لكن ديل الاهم لو حسينا بمواطنتنا المتساويه من دون ممارسه تمييز والعمل اصبح قيمه يقيم على اساسها الانسان اكيد ح(نعبر) ونبقى وطن حقيقى شعب وارض

---

Post: #42 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-24-2021, 06:09 AM Parent: #40 Quote: الشعوب لما تمر بازمات عظيمه تتحد وتتجاوز فروقاتها واختلافاتها عشان تبنى بلدها سلامات عاصم وحبابك العالم يا عاصم ماشي يتوحد وكل دولة حريصة على ان تجد موطيء قدم في هذا الاتحاد الكبير لحفظ مصالحها ومصالح شعبها عدى نحن نسعى للفرقة بيننا ونؤجج بجهل مخيف او بقصد ناتج عن جهل نيران القبلية والجهوية والعنصرية الجوفاء غايتو الوقعت علينا تقع على الخلا والشدر يا عملات حبوباتنا

---

Post: #43 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-24-2021, 06:18 AM Parent: #38 Quote: خطاب حمدوك الاخير أوضح كل شيء .. ربما نفس الفكرة ولكنه لا يستطيع الجهر بالقول عمنا علي عبدالوهاب حبابك يا رجل يا طيب اولاً شكراً جزيلاً لايرادك مقال زهير السراج الذي يحمل نفس فكرة البوست اما بخصوص خطاب حمدوك فانا جاني نفس الاحساس .. الخطاب كان مليء باليأس والرجاء تخيل رئيس الوزراء يترجى الحاضنة السياسية لحكومته بان تتوحد وتتسامى فوق خلافاتها من اجل الوطن فيأتي الرد في الصباح الباكر بتعليق نداء السودان لمشاركته في مركزية ذات الحاضنة السياسية حمدوك خايف من استمرار التشاكسات بين المدنين في بعضهم وبين العسكريين في بعضهم وتارةً اخرى بين العسكر والمدنيين الى ان يضيع الوطن نفسه فيصبح ما عندهم شي يتشاكسو عليهو اصلاً لا بتعرف دا نوع من البلادة والغباء ولا بتعرف هل دا جهل ام انانية مفرطة وكأنو الواحد فيهم حا يعيش ابد الدهر حسب ما ارى انو سيناريو الخراب اقرب فيما يخص وطننا لانو النفوس مليانة سوء وانانية وبلادة وغباء

---

Post: #41 Title: Re: اين مواطن الخلل فينا!؟ ... هل نحن مرضى!؟ Author: Haytham Ghaly Date: 06-24-2021, 06:05 AM Parent: #37 Quote: المتداخلون في هذا البوست غالبيتهم ينحدرون من ثقافة واحدة ويتوهمون أن هذه الثقافة بالضرورة يجب أن تكون منطلق للآخرين المختلفين. اسماعيل حبابك عشرات ما عارف بنيت تصنيفك دا على اي اساس بس الموضوع البنتكلم فيهو دا يخصنا كلنا بربطة معلم كسودانيين بمختلف ثقافاتهم والوانهم واديانهم واثنياتهم .. الجامع هنا سودانويتنا فقط