Post: #1 Title: انا وابوحسين وكل المعجبين من البورداب والبودابيات نبارك للفنانة افراح عصام الاغنية الجميلة قصة ريده Author: زهير عثمان حمد Date: 06-13-2021, 12:09 PM Parent: #0
أشعلت الفنانة أفراح عصام السوشيال ميديا بتصوير فيديو كليب يحمل اسم (قصة ريدة جديدة) الأغنية التي طرحتها أفراح عصام من كلمات الشاعرة زوبا عثمان وشارك فيها مجموعة من الشباب والفتيات.وبحسب متابعات محررة( كوش نيوز) فقد أبدى رواد مواقع التواصل الاجتماعي الإعجاب بالأغنية الجديدة لأفراح عصام واعتبروها تغيير لاستايل الغناء بالنسبة لها.أفراح عصام استعانت بموديل جديد لتجسيد دور الحبيب في الفيديو وهنالك أنباء على أن الفيديو سوف يتم عرضه في عيد الحب. وكذلك للشاعرة الرقيقة زوبا وهذه الخطوة التي كان نتمني ان تكون منذ بدياتك الف مبروك وعقبال المزيد
يا فقر ياابوحسين نزل الاغنية بالله
Post: #2 Title: Re: انا وابوحسين وكل المعجبين من البورداب وال Author: ABUHUSSEIN Date: 06-13-2021, 01:15 PM Parent: #1
غريبة .... !!!!! ما جبت صورة ..... 🤣
Post: #3 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 01:25 PM Parent: #2
يا ابوحسين انا شغل بالتلفون ما عند طريقة انزل صورة كمان صور جديدة وما بعرف انت نزل الفيديو بس او بالله واحد الشباب يساعد استاذنا ابوحسين وينزل الفيديو
Post: #4 Title: Re: انا وابوحسين وكل المعجبين من البورداب وال Author: ABUHUSSEIN Date: 06-13-2021, 01:28 PM Parent: #3
Post: #5 Title: Re: انا وابوحسين وكل المعجبين من البورداب وال Author: أبوذر بابكر Date: 06-13-2021, 02:01 PM Parent: #1
انت يا ابو الأزاهر رفقة ابو حسين و"بغية" المعجبين
معجبين بي شنو تحديدا؟
بي ياتو "جوزئية" يعني
الرجاء اللفادة
وشكرن
Post: #6 Title: Re: انا وابوحسين وكل المعجبين من البورداب وال Author: ABUHUSSEIN Date: 06-13-2021, 02:06 PM Parent: #5
Quote: انت يا ابو الأزاهر رفقة ابو حسين و"بغية" المعجبين
معجبين بي شنو تحديدا؟
لو سمحت يا أبو ذر ما تلمني مع المراهق دا أنا أولادي كباااااااار الزول دا بتلصق فيني ساي و أنا زاتو ما من المعجبين بي الزولة دي
Post: #7 Title: Re: انا وابوحسين وكل المعجبين من البورداب وال Author: كمال عباس Date: 06-13-2021, 02:08 PM Parent: #6
أنا وأخوي الكاشف !
Post: #8 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 02:25 PM Parent: #7
يا ابوحسين كتر خيرك انت مالك جاري مني بالمناسبة الاعجاب بالفن حاجة كويسه ومحمودة لدي المثقفين خليك معاي تربح جمال وبهجة قال مراهق قال المونستي دا يا جلادونا تعال احضرنا ابوحسين الفقر خرف خلاص انتهي كلاعب
Post: #9 Title: Re: انا وابوحسين وكل المعجبين من البورداب وال Author: ABUHUSSEIN Date: 06-13-2021, 02:26 PM Parent: #7
Quote: أنا وأخوي الكاشف !
لا يا كيمو .... الجابو العيش من القضارف .....
Post: #10 Title: Re: انا وابوحسين وكل المعجبين من البورداب وال Author: أبوذر بابكر Date: 06-13-2021, 02:30 PM Parent: #1
انا غايتو بحب
آمنة خير الله الشهيرة ب منى الخير
وبعدها فاطمة الحاج
واخيرا اسرار بابكر
تاني مافي
Post: #11 Title: Re: انا وابوحسين وكل المعجبين من البورداب وال Author: HAIDER ALZAIN Date: 06-13-2021, 03:08 PM Parent: #10
ابو الزوز شايلا عرمة فكرية ساي.. .لكن الواضح من مسيرته الجبارة على المستوى الديناميكي فبطاطيرو نازلة.. فبقي يجتر القصعة🐱
Post: #12 Title: Re: انا وابوحسين وكل المعجبين من البورداب وال Author: ABUHUSSEIN Date: 06-13-2021, 03:13 PM
Quote: ابو الزوز شايلا عرمة
ما قلت ليك انت عميق يا الطريفي .. ؟؟؟ 🤣🤣🤣🤣
Post: #14 Title: Re: انا وابوحسين وكل المعجبين من البورداب وال Author: HAIDER ALZAIN Date: 06-13-2021, 03:23 PM Parent: #12
المستغرب ليها.. انت الدخلك في المعضلة دي شنو .. هل يا ترى هو شايف انك ممكن تمتلك الحل😂
Post: #15 Title: Re: انا وابوحسين وكل المعجبين من البورداب وال Author: ABUHUSSEIN Date: 06-13-2021, 03:35 PM Parent: #14
Quote: المستغرب ليها.. انت الدخلك في المعضلة دي شنو .. هل يا ترى هو شايف انك ممكن تمتلك الحل😂
ما لي الدرجة دي إنت كمان .... زولك شغال بالنظر .... 🤣🤣🤣🤣
Post: #13 Title: Re: انا وابوحسين وكل المعجبين من البورداب وال Author: جلالدونا Date: 06-13-2021, 03:17 PM
يا ابو الزوز ابوحسين اليومين ديل بقى محلل استراتيجي يبحث عن مكمن الداء و اقتراح الدواء بعد يومين ح تسمع بى د/ ابوحسين اقظع ضراع ود المدير صحى انت قايل هبوط المستوى ده ساي
Post: #16 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 03:59 PM Parent: #13
اشكرك اخي البتول جلادونا علي هذه المداخلة القيمة بحق انتهي ابوحسين الي عوالم الكهول والصراع مع الاشباح تعرف انا خايف خرافو يكون باتع كلام زي ابو المنصورة الله يرحمو المهم يا جلادونا خليك قريب بالله عشان تحجزنا الزول بتاع مضاربة
Post: #17 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 04:05 PM Parent: #16
انت يا حيدر مالك معاي في شنو بينا حب نحن وابوحسين ابعد انت انا لا شايف ابوحسين فكي ولا دكتور لكين اصحاب الاهتمامات الجمالية بحنو لبعض
المهم هو ناكر وجاري بعيد لكين بوست عاشة الجبل قاعد بحب الفن الهابط زي عيونو بس تعرف الواحد بعد مرات بخجل من سلوك الشباب لما يبلغ من العمر عتايه اللهم متعه بالصحة وانزل اليه بركات من السماء واجعل البركة في زريته انك سميع مجيب امين
Post: #18 Title: Re: انا وابوحسين وكل المعجبين من البورداب وال Author: امتثال عبدالله Date: 06-13-2021, 04:15 PM Parent: #17
صوتها جميل ورائع ما شاء الله .. لكن الفيدبو كلب ما فيه جديد ...وكان ممكن يكون احسن من كده ... ..هل هي فنانة مشهورة في السودان!!؟؟
Post: #19 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 04:26 PM Parent: #18
امتثال ازيك انت بالله جادة كدا ولا عايزة تجلطي ابو حسين يعني دي من نجمات اغاني واغاني وكمان رمضان الفات كانت مشاركة في برنامج ياله نغني بقناة الهلال هي الشهرة كيف بس ما بتغني غنا البنات الهابط داك زي عاشه الجبل والله انا وابوحسين من باب الدعم للموهبة عملنا البوست دا شكر للحضور والمشاركة زهير والفقر ابوحسين
Post: #20 Title: Re: انا وابوحسين وكل المعجبين من البورداب وال Author: خضر الطيب Date: 06-13-2021, 05:08 PM Parent: #19
حبيبنا ابوالزوز كيفنك مافي اي مستوى حتى أدنى من الإخراج في هذا الفيديو و حتى الأغنية صراحة ما حسيت بيها لكن انت عاوز تديني احساس انك في عمر التمنطاشر سنة و انت ما اقدم منك إلا الكسرة و العصيدة و بدر الدين الأمير ثم تباً لكم
Post: #21 Title: Re: انا وابوحسين وكل المعجبين من البورداب وال Author: صباح حسين طه Date: 06-13-2021, 05:25 PM Parent: #10
سلام أستاذ زهير رغم إنه ما بحبها أًلاً لكن الشهادة لله أداء جديد مناسب مع صوتها وجيد جداً غير من رأي فيها
Quote: انا غايتو بحب
آمنة خير الله الشهيرة ب منى الخير
وبعدها فاطمة الحاج
واخيرا اسرار بابكر
تاني مافي
أستاذ أبوذر إختياراتك راقية بس لكن معقول تفط حنان النيل
Post: #22 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 05:59 PM Parent: #21
اخت صباح تحياتي ولك كل الشكر للحضور الانيق ومناصرة الابنة والفنانة افراح عصام فعلا ابوذر قاصد يحبطني وكمان فط حنان النيل ونانسي وايمان الشريف وهدي عربي معليش ما كمان القصة اذواق في السمع لك كل التحيا
Post: #23 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 06:09 PM Parent: #22
يا خضر ازيك يا رهيب تعرف انت ابدا ماممكن تكون زول رقيق وعاطفي عشان تستمتع بالاغنية ووالاحاسيس المتدفقة فيها
بعدين انت كان مابتعرف الرقيقة الشاعرة زوبا ما خلاص اصبحت من الجيل اللي سابق جيل السودانه يا اخي قوم لف انت ود الامير ماعندكم سالفة قال عايز تديني احساس بانو عمرك ١٨ سنه تعرف انا احساسي بيقولي انك لسه في الزهور عمر الهنا ياله امشي اتعشي خلاص قال الاغنية عادية ناس مابتحب الخير للفنانة الجميلة افراح ولا عايزين الفن السوظاني يتطور
Post: #25 Title: Re: انا وابوحسين وكل المعجبين من البورداب وال Author: أبوذر بابكر Date: 06-13-2021, 06:30 PM Parent: #22
علي بالحرام يا ابو الازهار ما داير احبطك
لكين هذه الأفراح ضعيفة جدا ياخ في مادة الغناء والتطريب
والله جد
والباقيات القلتهن ديل كلهن
احسن واحدة فيهن درجتها ما بتفوت ٦ من ١٠
ممكن تقول امال النور او نهى عجاج مثلا أو ايمان توفيق
طبعا اسرار بابكر الله يطراها بالخير وترجع تاني ل الابداع، فهي
١١ من ١٠ مش ١٠ من ١٠
Post: #24 Title: Re: انا وابوحسين وكل المعجبين من البورداب وال Author: أبوذر بابكر Date: 06-13-2021, 06:21 PM Parent: #21
ازيك يا صباح
حنان النيل صوت جميل ومقدرة ادائية عالية بس للأسف ما طورت نفسها وأعمالها قليلة جدا ما اظن عندها ألبوم غير "الفرح المهاجر" ما متأكد كويس ربما عشان ما كنت متابعها كويس ويمكن كمان عشان اعتزلت سريع
تجربتها مع السمندل كانت مهمة جدا وسمحة
Post: #26 Title: Re: انا وابوحسين وكل المعجبين من البورداب وال Author: امتثال عبدالله Date: 06-13-2021, 06:33 PM Parent: #24
يعني يا ابو الزهور افراح دي مشهورة زي حنان النيل والبلابل ومكارم بشير ونانسي ... .انا اول مرة اسمعها ..لكن كان جينا للصراحة صوتها جميل ..جميل مافي شك ..بس ما اتوفقت في الفيديو كلب ....وكان اخير ليها تغني بدون الفيديو كلب ... وهسع انا ماشة افتشها في اليوتوب عشان اسمعها بتغني براها ..بدون الخلفيات المسيخة...
Post: #27 Title: Re: انا وابوحسين وكل المعجبين من البورداب وال Author: زهير عثمان حمد Date: 06-13-2021, 06:41 PM Parent: #26
ايوة عليك الله يا امتثال وسوي الاعجاب و كمان عشان تزيد نسبة المشاهدة ضروري الوصاية في الذمة عمك ابو حسين حريص عليالمشاهدة والليك والاعجاب كترخيرك لدعمك الابنة الفنانة افراح
Post: #28 Title: Re: انا وابوحسين وكل المعجبين من البورداب وال Author: Salah Zubeir Date: 06-13-2021, 07:25 PM Parent: #27
حاج العوض دايما مورط في ما لا يحمد عقباه ... ابوالزوز يا فنان ... أنا من المعجبين بي إنبراشاتك في العموم وخاصة" بوستات منتصف الليل بي توقيت KL ...
Post: #29 Title: Re: انا وابوحسين وكل المعجبين من البورداب وال Author: خضر الطيب Date: 06-13-2021, 07:29 PM Parent: #27
Quote: تعرف انت ابدا ماممكن تكون زول رقيق وعاطفي عشان تستمتع بالاغنية ووالاحاسيس المتدفقة فيها
اكون رغيغ كيف و وزني انت شايفو و اصحابي انت و ود الأمير و معتز الظلامي , كيف انا اكون بني آدم طبيعي ؟ بجد انا عملتا لي اصحاب جديدين شباب ذي الورد بشتغلو موسيقى ذي الموسيقى ابوذر في الكمان , محمدعثمان في الفلوت , جدو في الكيبورد و مرات بعزف عود , و اسلام حفيد القلع المغني الذهبي و سعادة النقيب محمد عمر في الاكورديون , و انا السر قدور هههههه برسل ليك الشغل دا عشان ترجع لمستواك الطبيعي مستوى الفن الأصيل بدل متابعتك للقونات ديل ارتقي ياخ .. المرة دي ما تباً لك و لا حباً لك , بس كدا ساي خليها بالنية هههههه
Post: #30 Title: Re: انا وابوحسين وكل المعجبين من البورداب وال Author: Ali Alkanzi Date: 06-13-2021, 08:34 PM Parent: #29
طبعا هذه الغنية ليست لنا ولجيلنا الذي اطربه وردي ومحمد الامين والفنان الذري ابراهيم عوض والجابري وزيدان وطرب الهجيج رمضان زايد وخليل اسماعيل هل يمكن ان يطربنا صوت هذه الفنانة
استحلفكم بالله امشو شوفو طرح (قبة) Nitghtbird بالله ديك فنانة ودي فنانة ؟ غايتو نقول بما قال به الاولون: انهم (الشباب المهجج مع الفنانة ) انهم ولدوا لزمان غير زماننا عشان كدا نمسك خشمنا بس ابو الزهور دا فعلا شبابو دائم إلا نسا ان يشرك صديقه الاعز مع ابو حسين في الاهداء
Post: #31 Title: Re: انا وابوحسين وكل المعجبين من البورداب وال Author: Ali Alkanzi Date: 06-13-2021, 08:39 PM Parent: #30
Post: #32 Title: Re: انا وابوحسين وكل المعجبين من البورداب وال Author: زهير عثمان حمد Date: 06-14-2021, 05:36 AM Parent: #31
الاستاذ علي الكنزي تحياتي شكرا علي المرور والمشاركة ربنا يديك العافية بس ابوحسين نايم حسي
Post: #33 Title: Re: انا وابوحسين وكل المعجبين من البورداب وال Author: ترهاقا Date: 06-14-2021, 07:37 AM Parent: #32
اولا، يحمد لها انها غنت غنى خاص وبصرف النظر عن الصوت والأداء أنا ما شايف فيديو كليب، بل أقرب إلى حفل منقول حي من مرقص ليلي الفيديو كليب ليهو تفانينو حتى ولو كان منلوج، ولكن التشجيع واجب وأكيد المرة الجاية حتعمل شيء أفضل
Post: #34 Title: Re: انا وابوحسين وكل المعجبين من البورداب وال Author: زهير عثمان حمد Date: 06-14-2021, 08:18 AM Parent: #33
اخي ترهاقا سلام شكر للمشاركة ايها الشاعر الجميل ابو حسين نايم تقبل تحيته لك
Post: #35 Title: Re: انا وابوحسين وكل المعجبين من البورداب وال Author: خضر الطيب Date: 06-14-2021, 03:12 PM Parent: #34
Quote: أنا ما شايف فيديو كليب، بل أقرب إلى حفل منقول حي من مرقص ليلي
تحياتي يا موسيقارنا الجميل احمد ساطور
Post: #36 Title: Re: انا وابوحسين وكل المعجبين من البورداب وال Author: Ali Alkanzi Date: 06-14-2021, 05:22 PM Parent: #35
ادعوك يا ابو الزهور ورواد طرحك ان تذهب مباشرة للدقيقة ٢ و ٤٠ ثانية وحتى النهاية لترى بام عينيك الطرب والموسيقى التي تحرك جسد الشباب لو قدر لزيدان ابرغهيم ان يشارك بهذا المقطع في America's Got Talent لما اتى خالي الوفاض
Post: #37 Title: Re: انا وابوحسين وكل المعجبين من البورداب وال Author: Ali Alkanzi Date: 06-14-2021, 05:22 PM Parent: #35
ادعوك يا ابو الزهور ورواد طرحك ان تذهب مباشرة للدقيقة ٢ و ٤٠ ثانية وحتى النهاية لترى بام عينيك الطرب والموسيقى التي تحرك جسد الشباب لو قدر لزيدان ابرغهيم ان يشارك بهذا المقطع في America's Got Talent لما اتى خالي الوفاض
Post: #38 Title: Re: انا وابوحسين وكل المعجبين من البورداب وال Author: زهير عثمان حمد Date: 06-14-2021, 05:59 PM Parent: #37
اخي علي لك كل التحيا و الود واشكرك المقطع رايع وليس هنالك وجه مقارنة مع قمة كالراحل العندليب الاسمر والفنانة افراح التي هي في البدايات مع هذا العملاق انها حمامة تهدل بما تعلم لجيلها الحالي نسال لها ربي التوفيق انا واخي ابوحسين ولاتبخل انت بالدعاء معنا
