Post: #1
Title: موضوع التربتيك من الدوحة
Author: على احمد النعيم
Date: 06-13-2021, 06:55 AM
Parent: #0
06:55 AM June, 13 2021 سودانيز اون لاين
على احمد النعيم-
مكتبتى
رابط مختصر
السلام عليكم ورحمة الله وبركاته احبتي الكرام
بالنسبة للقرارات الجديدة التى تمنع استيراد العربات الصغيرة
هل يشمل ذلك السفر عن طريق التربتيك من الدوحة الى السودان؟
وهل ممكن الزول يسافر بى بوكس 2021 افراج مؤقت؟
ارجو من لديه الخبرة او معلومة عن الموضوع يفيدنى لانى امام خيارين
اما اسافر بالطيران او عبر الافراج المؤقت والافراج المؤقت يحتاج لجواز ساري المفعول وانا جوازاتى منتهية من يوم واحد شهر ستة
ولا بد من تجديدها فى السفارة وبياخد زمن حتى يجي راجع ولو موسم الحج قرب بيقفلوا معبر سلوي.
فارجو افادتى باسرع ما يمكن لان مواعيدى مع السفارة بكرة لاجراءات تجديد الجوازات.
الفزعة يارجالة اخوكم ارنب بين كلبين بقى.
ولكم عميق شكري وتقديري.
|
Post: #2
Title: Re: موضوع التربتيك من الدوحة
Author: محمد الأمين موسى
Date: 06-13-2021, 07:13 AM
Parent: #1
اعتقد عليك التوجه إلى المطار فورا ونسيان موضوع التربتك
|
Post: #3
Title: Re: موضوع التربتيك من الدوحة
Author: على احمد النعيم
Date: 06-13-2021, 07:22 AM
جزاك الله الف خير اخى محمد الامين على نصيحتك
ولكن انا ارغب بالسفر بالتربتيك لانو العربية بتساعد فى تخفيف تذاكر الطيران
والهم من ذلك تقضى بيها اجازتك لانو الايجار هناك شي مبالغ فيه والله.
مع شكرى وتقديرى
|
Post: #4
Title: Re: موضوع التربتيك من الدوحة
Author: محمد محمد قاضي
Date: 06-13-2021, 07:54 AM
Parent: #1
السلام عليكم الأخ علي وضيفك الكريم محمد وزوار البوست
منذ بداية أزمة الحصار في 2017 توقف السفر عن طريق البر (تريبتيك) أو الإفراج المؤقت من قطر لكل البلدان
الآن بعد عودة العلاقات وفك الحصار وفتح السفارة السعودية لكن لم تبدأ خدمات التأشيرات (زيارة أو مرور) حتي
العمرة والحج مع بعض مكاتب الخدمات المعتمدة من السفارة السعودية ومازال الأمر معقد مع إجراءات جائحة كورونا
فقط هناك شحن سيارات التصدير (وليس إفراج مؤقت) بالبر والبحر.
إتوكل وأحجز بالجو وعسي الله أن ييسر أمورك وتقضي أجازة ممتعة.
|
Post: #5
Title: Re: موضوع التربتيك من الدوحة
Author: على احمد النعيم
Date: 06-13-2021, 08:02 AM
Parent: #4
شكرا اخى محمد قاضى على المداخلة
ولكن انا اليوم رحت مكتب التربنيك وتأكدت انهم فتحوا اليوم اجراءات العبور بالتريبتك.
ولك عميق شكرى
|
Post: #6
Title: Re: موضوع التربتيك من الدوحة
Author: محمد محمد قاضي
Date: 06-13-2021, 08:28 AM
Parent: #1
ما دام اليوم والله ده خبر جميل جدا وربنا يبشرك بالخير
بعد تخلص الإجراءات أدينا التفاصيل - موفق إن شاء الله
|
Post: #7
Title: Re: موضوع التربتيك من الدوحة
Author: على احمد النعيم
Date: 06-13-2021, 08:46 AM
Parent: #6
المعلومة صحيحة مية المية
|
Post: #8
Title: Re: موضوع التربتيك من الدوحة
Author: عوض جاه الرسول
Date: 06-13-2021, 09:16 AM
Parent: #7
السلام عليكم ورحمة الله وبركاته
يا اخواني السودانيين المحترمين بدولة قطر
ابشركم بأن الطريق قد فتح للسودان عبر السعودية.
الرجاء التواصل مع صاحب مكتب بيارق للخدمات
( عبدالله بوسلطان) بالريان
جوال 55060704
دي👆 رساله جاتني وفعلا اتصلتا و
نعم اتواصلتا معاهو
* السياره بدون رسوم
* النفر الواحد 550
التلسيم خلال ٩ أيام
صورة اثبات عمل موثقه م. الخرجيه
صوره فوتو بيضاء
جواز وبطاقه بالالوان
عقد زواج للمتزوج.
|
Post: #9
Title: Re: موضوع التربتيك من الدوحة
Author: على احمد النعيم
Date: 06-13-2021, 10:53 AM
Parent: #8
جزاك الله الف خير اخى عوض
بس انا استفساري هل جمارك سواكن بتسمح بدخول بكاسي فور ويل موديل 2021م؟
ام هل بشملها قرار منع تصدير العربات الصغيرة.
ولك عميق شكرى
|
Post: #10
Title: Re: موضوع التربتيك من الدوحة
Author: ابوحراز
Date: 06-13-2021, 12:01 PM
Parent: #9
عليك يعمل كافة الاحتياطات اللازمة
خاصة إذا كان معاك اسرة
انا ح اقترح عليك اقتراح مكلف شوية لو امكانياتك تسمح بذلك
احجز للأسرة طيران
وانت تعال عافر بالسيارة عشان الظروف مامعروفة في السعودية
يمكن تصل السعودية وتتفاجا بحدوث بعض التغييرات
حينها إذا كانت معاك اسرة سيكون الأمر مرهق جدا
اعرف بعض المغتربين حضروا من البحرين وابوظبي إفراج
والله بعضهم انتهت إجازته بالسعودية
اتمنى لك سفر سعيدا
لكن ضع امامك كل الخيارات والاحتمالات
هجمة.مرتدة
مرات لو كل الامور الإدارية الحكومية في السعودية تسير بصورة صحيحة
فان اللولوة تحدث من بعض أصحاب المكاتب بجدة
يقول ليك حجزنا ليك
وتأخذ معاك التذاكر ودفتر التربتيك
والله نمشي الميناء وما تلقى الحجز
ويمكن عادي سيارتك تمشي قدامك وانت ماتسافر
او يمكن يحصل العكس
وقد حدث معي في احد الأعياد
وعيدت في جدة وسافرت بعد العيد بخمسة ايام
بينما تم شحن السيارة وحجزها بسواكن
اما ملابس العيد فبعضها كان في ام عليلة والآخر في كاب الجداد
والمدام وأطفالها عيدوا بالقديم
لأنهم سافروا بالطيران بينما معظم الشنط بالسيارة
|
Post: #15
Title: Re: موضوع التربتيك من الدوحة
Author: على احمد النعيم
Date: 06-15-2021, 09:20 AM
Parent: #10
سلام الاخ ابو حراز
والله انا مريت بكل الذى ذكرته لكن فى النهاية بتهون بعد ملاوة وتلاتل شديدة.
لكل عميق شكرى
|
Post: #11
Title: Re: موضوع التربتيك من الدوحة
Author: Ahlalawad
Date: 06-13-2021, 01:01 PM
Parent: #1
والله يا شيخنا الله يعينك . لكن مشوارك طويل . اجازة بالسيارة من الدوحة إلى أقاصي الريف السوداني . الله يعينك طموحك مشروع ، إلا أنه مكلف ، كلف شديدة آخرها وأصغرها الجهد البدني ، ياخ ارأف على جتتك . سوف ترى من البهادل ما الله به عالم . في رأيي أن أهم مكسب ممكن من رحلة كهذه أنك تحكي بها لأحفادك لكن لا فائدة أخرى والله أعلم .
|
Post: #12
Title: Re: موضوع التربتيك من الدوحة
Author: احمد حمودى
Date: 06-14-2021, 11:41 AM
Parent: #11
Quote: وهل ممكن الزول يسافر بى بوكس 2021 افراج مؤقت؟
|
سلام عليكم البوكس عاوز تصريح من الجمارك فى الخرطوم يعنى استثنا واذا طلع التصديق حتدفع للجمارك بى شيك
او الزول الضامن حيدفع بشيك ولكن كل الاستثناءات مقفلة لحين اشعار وما معروووف
|
Post: #13
Title: Re: موضوع التربتيك من الدوحة
Author: muntasir
Date: 06-14-2021, 12:21 PM
Parent: #12
الأيام دي تذكرة الخطوط القطرية فيها تخفيض ذهاب وعودة ب ١٦٠٠ ريال إتخيل لي أحسن من التلتلة
|
Post: #16
Title: Re: موضوع التربتيك من الدوحة
Author: على احمد النعيم
Date: 06-15-2021, 09:25 AM
Parent: #12
[مشكور جدا الاخ احمد احمودىوما ذكرته هو المشكلة التى اسأل عنها ، طيب اذا اعتبرنا انو البكاسي تحتاج استثناء ، برضو البرادو تحتاج استثناء؟ رغم انها فور ويل ايضا.وماهو الموديل المسموح بادخاله افراج مؤقت بدون استثناء.ولك عميق شكرى
|
Post: #14
Title: Re: موضوع التربتيك من الدوحة
Author: على احمد النعيم
Date: 06-15-2021, 09:18 AM
Parent: #11
والله يا شيخنا الله يعينك . لكن مشوارك طويل . اجازة بالسيارة من الدوحة إلى أقاصي الريف السوداني . الله يعينك طموحك مشروع ،
إلا أنه مكلف ، كلف شديدة آخرها وأصغرها الجهد البدني ، ياخ ارأف على جتتك . سوف ترى من البهادل ما الله به عالم .
في رأيي أن أهم مكسب ممكن من رحلة كهذه أنك تحكي بها لأحفادك لكن لا فائدة أخرى والله أعلم .
الف شكر لك الاخ Ahlalawad ولكل الذين تداخلوا وابدو النصح. ياخ ياريت لو المشكلة كما ذكرت لانى ان سافرت ومعاى اسرتى بهذه الطريقة 12 مرة
وبالنسبة لي كانت متعة وادينا العمرة اكثر من مرة. وبجى راجع بنفس الطريقة اذا العربية ما اتباعت. يعنى اخوك مجرب تب بس انا همى فى الاجراءات الجديدة دى.
ولك عميق شكرى
|
|