الوزير جبريل في مؤتمر صحفى ضمه ووزير الطاقة واداره وزير الثقافة والاعلام قال لم نتسلم شىء من لجنة التفكيك
Post: #2 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 04:30 AM Parent: #1
امس على تلفزيون السودان في حوار مع وجدى صالح عدد الاخير الاشياء التى تم تسليمها لوزارة المالية
Post: #3 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 04:31 AM Parent: #2
مين فيهم الكاضب جبريل ام وجدى
Post: #4 Title: Re: هل وزير المالية جبريل ابراهيم طابور خامس � Author: adil amin Date: 06-13-2021, 04:55 AM Parent: #3
الاثنين كضابين الكوز والبعثي حاجة واحدة وسيئة جدا وتعمل في الظلام جبريل اصلا ما شغال بي حكومة ق حت ولا الشعب السوداني جا يصفي الحسابات لي شيخو الترابي ويسقط حكومة قحت ويجي النظام الخالف كيزان الشعبي ...والجابو بي المحاصصة بدون فيش وتشبيه هو الطابور الخامس الهرا الناس هري لحدي الان جبريل قال حتي لو سقطت الحكومة برنامجي ده ما يتغير ؟؟ جبريل ده لو عملو لي فيش وتشبيه بلحق احمد هارون وجرائم العدل والمساوة في ليبيا مع السراج وفي دارفور مع العدل والمساواة تزول منها الجبال انا منتظر بس الزمن يوريكم الكائن العجيب الاسمو حمدوك ده الجابو منو رئيس وزراء فعلا ؟؟
Post: #5 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 05:25 AM Parent: #4
ياخال زاريا الحوثى لامحبطين ولن نحبط وامال عراض على الحركة الشعبية قيادة عبدالعزيز الحلو
Post: #6 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-13-2021, 05:29 AM Parent: #5
مرحب بالحلو وفي انتظار عبدالواحد
Post: #7 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 05:40 AM Parent: #6
بت المشرف يااخلاص ياخى البركة فينا وفيكم فى رحيل الفارس المغوار نقد الله فى تقديرى لوحضرت الحركة الشعبية قيادة عبدالعزيز بتكون قربت المسافة كتير لانضمام حركة عبدالواحد للانضمام لبناء سودان جديد والحركتان من وجهة نظرى شبه توامان
Post: #8 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-13-2021, 05:44 AM Parent: #6
لجنة التمكين لا يوجد شك في نزاهة ناسها وكمان جبريل ما كذب . في لجنة شكلت لتسلم كل ما يصادر. ما صودر عقارات واراضي و بعض المصانع ،والمزارع، جبريل ابراهيم يحاول تجاوز اللجنة المكونة واعادت ما صودر لولايته.
صراع دبكة بالمختصر المفيد
Post: #9 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-13-2021, 05:48 AM Parent: #8
الامير نقد الله فقد لكل السودان ربنا يتغمده بواسع رحمته. جسد القيم السودانية والثبات في وجه بطش الانقاذيين. البركة في الجميع
Post: #10 Title: Re: هل وزير المالية جبريل ابراهيم طابور خامس � Author: mohmmed said ahmed Date: 06-13-2021, 07:38 AM Parent: #9
كلام وجدى واضح بالارقام وباسماء الشركات والمؤسسات والعقارات التى تمت مصادرتها وحدد اسم اللجنة التى استلمت فى وزارة المالية وحدد عقارات استلمت وزارة المالية قيمة ايجاراتها
جبريل كذاب وما غريب من تربية الترابي
Post: #11 Title: Re: هل وزير المالية جبريل ابراهيم طابور خامس � Author: محمد البشرى الخضر Date: 06-13-2021, 08:19 AM Parent: #10
لو لاحظت جبريل ما قال ما استلمنا اصول قال ما استلمنا أموال! و قال الاصول تسييلها يحتاج وقت و تعقيدات قانونية!
Post: #12 Title: Re: هل وزير المالية جبريل ابراهيم طابور خامس � Author: علي عبدالوهاب عثمان Date: 06-13-2021, 08:26 AM Parent: #11
الامير بدر تحياتي ملاحظ على جبريل أنه يحاول يستقطب الكيزان وناس المؤتمر الوطني ويحاول أن يكون لديه حضور من المنابر كثرة الاطلالات وطريقة الحديث على حمدوك وباقي احبابنا عليهم مجاراة جبريل لأننا نحب الكلام والتصريحات والتوصل مع العامة هو يريد أن يكون عكس حبيبنا حمدوك قريب من العامة ويخلع صفة الوزارة وكأنه شخص عادي
الأمير ممكن لجبريل أن يسجل الحضور وسط الناس بالتدرج ناسنا يحبوا الشخص يكون عادي حتى لو يمثل هذا الدور
حمدوك الحبيب ده زول جميل لكن عايز شوية دروس خاصة في مخاطبة العامة لأن جيل كامل تعود على خطاب المخلوع وزمرته
تحياتي الأمير ومبروك لسمو الامير الابن التخرج
Post: #13 Title: Re: هل وزير المالية جبريل ابراهيم طابور خامس � Author: علاء سيداحمد Date: 06-13-2021, 08:28 AM Parent: #10
Quote: امس على تلفزيون السودان في حوار مع وجدى صالح عدد الاخير الاشياء التى تم تسليمها لوزارة المالية
ازالة التمكين لا تقوم بتسليم وزارة المالية الاموال والاصول المستردة من التمكين انما تقوم بتسليم تلك الاصول والاموال الى الجهة المنوط بها وهى ( شركة السودان القابضة لاستلام وإدارة الأموال والأصول المستردة ) وقد اصدر حمدوك بانشاء تلك الشركة بناءاً على نص فى الوثيقة الدستورية والشركة تؤول ملكيتها لحكومة السودان . وانا اعتقد ان جبريل يعلم هذا جيداً ولكنه يريد ان يتخارج من الموقف الذى هو فيه بتشويه سمعة لجنة ازالة التمكين !! نصراً لاخوته الكيزان .
Post: #14 Title: Re: هل وزير المالية جبريل ابراهيم طابور خامس � Author: mohmmed said ahmed Date: 06-13-2021, 09:13 AM Parent: #13
تخريمة في فنون الدراما هناك ما يسمي لغة الجسد والمعني ان تتوافق حركات الجسد والوجه والتعابير مع اللغة والمفردات
وفى الحياة اليومية ايضا تتوافق لغة الجسد مع الموقف المحدد مثلا لا يمكن ان يقرا شخص الفاتحة فى بيت بكا وهو يبتسم
وجبريل فى المؤتمر الصحفي لم يكف عن الابتسام والضحك وهو يعلن عن قرارات كارثية تحول معيشة المواطن الى جحيم
Post: #15 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-13-2021, 09:35 AM Parent: #14
يا جماعة الدعم ده خطأ الصحيح يرفع وتعالج اثاره بتوفير ما يعين ، افهم تدعم الانتاج اما تدعم الاستهلاك ده ما صاح ، نعم يمكن ان تدعم الاسر الفقيرة ما يحصل هو دغدغة لمشاعر الجماهير وده خطأ.
علي الاحزاب ان تكون اكثر وضوحاً ، الترحيل للفئات الضعيفة والطلاب يمكن ان يتم مع رفع الدعم عن البنزين .
Post: #16 Title: Re: هل وزير المالية جبريل ابراهيم طابور خامس � Author: adil amin Date: 06-13-2021, 11:14 AM Parent: #15
Quote: ياخال زاريا الحوثى لامحبطين ولن نحبط وامال عراض على الحركة الشعبية قيادة عبدالعزيز الحلو
الحلو عنده اتفاق تاريخي لكل السودان مع قوي سودانية محترمة (الختمية) وبي مرجعية دستورية وقانونية محترمة دستور1973 وقوانين 1974 والباقي بتمو المحكمة الدستورية ودستور 2005 والوثيقة الدستورية الكريهة دي مكانا مذبلة الترايخ هي والمحاصصة الجابت الموقوذة والنطيحة والمتردية وما اكل السبع ايضا السودان عايز رؤية وخارطة طريق واضحة قائمة علي الشعب والانتخابات فقط كادة للتغيير بس\ ما عايز اصنام عجوة ولي طين حتي \ حلف الحلو الميرغني قابل لاستيعياب عبدالواحد نور وجبهة الشرق الاصلية الغزالة الفوق في السلم والاغلبية الواعية جاية جاية انا لا محبط ولا وعلان رائي من زمان في كعوك ديل واضح واكره المجاملات اللذجة كراهية التحريم ارمي قدام في هذا الاتجاه
Post: #17 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 11:43 AM Parent: #16
محمد ياود سيد احمد وجدى كمان ذكر سيولة نقدية الشركات البتعمل في مجال البترول وغيرها.... جبريل طابور خامس للكيزان ابينا ام رضينا تتذكر تسجيله المسرب وسخريته من الثورة والثوار المحاصصات جابتو وزير مالية ودا مربط فرس الكيزان
Post: #18 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 12:00 PM Parent: #17
على ياود عبدالوهاب جبريل وفى لكوزنته وشيوخه في الكوزنة والتنظيم العالمى الكيزان حمدوك خاذوق كبير باهت وماعندو شخصية
Post: #20 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 12:09 PM Parent: #18
ود البشرى لو لاحظت وجدى ماكان داير يجهز على جبريل لكن رسل رسالة مفادها صاحب العقل يميز مع انو ياسر عرمان قنطر له الكره
Post: #19 Title: Re: هل وزير المالية جبريل ابراهيم طابور خامس � Author: زهير عثمان حمد Date: 06-13-2021, 12:03 PM Parent: #17
صديقي ود الامير تحول الامر الي قضية راي عام الان في قروبات الاعلاميين التساؤل المطروح هو لماذا انكر جبريل استلام اموال لجنة التمكين
المسالة لا كضاب ولا صادق محتاجيين مستندات من لجنة التمكين بالتسليم وبعدها نشوف موضوع هبه دا كيف هي لسه قاعدة في الوزارة مستشارة كمان بتصرف راتب يا حمدوك خليك زول جادي معنا يا نشوف نحن الحلول المتاحة لينا شنو قال ليك ثوار احرار وحركات كفاح مسلح قومو لفوا
Post: #21 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 12:15 PM Parent: #19
علاء ياود سيد احمد جبريل بتباكا على استرداد لجنة التمكين لبيت القاتل شيخه على عثمان نتوقع منه شنو
Post: #22 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-13-2021, 12:41 PM Parent: #21
ابو الزهور الخرق الدستور ياصديقى جبريل شغال ابجندت تنظيمه الكيزاني وماداسيها ام حمدوك عايرة وادوها سوط ومبسوط انو عندو وزاراء خيال ماتا باستثناء جبريل افندى الشغال ينجز توجيهات تنظيمه العالمى والمحلى بس هم ناسين ومتناسين ان الثورة الجابت حمدوك بتخلعه وغيره في رمشة عين
Post: #23 Title: Re: هل وزير المالية جبريل ابراهيم طابور خامس � Author: عبدالعظيم عثمان Date: 06-13-2021, 02:20 PM Parent: #22
جبريل اكثر من مرة ذكر أن اصحاب الاصول حيستردوها بالقانون يعني موقفه واضح وضد إزالة التمكين وموقف وجدي برضه واضح صامولة صامولة حتى اخر تمكين للكيزان جبريل يعبر عن موقف مناصر للكيزان بعدين في حتة ذكرها علاء اصلاً الموضوع تجاوز جبريل وتحت يد لجنة متخصصة ولجنة ناس وجدي عضوء في لجنة الاصول المستردة وحمدوك طلع قرار بتأسيس شركة قابضة يعني جبريل برا القصة دي وتصريحه يبله ويشرب مويته
Post: #24 Title: Re: هل وزير المالية جبريل ابراهيم طابور خامس � Author: زهير عثمان حمد Date: 06-13-2021, 04:22 PM Parent: #23
ياعبد العظيم تحياتي
كلامك سليم لكين الان عايزين نعرف ومن باب الشفافية هل بالفعل القروش ما تم تبيديها والان وين موجودة وكمان في تصريح لهبة لما كانت في منصب جبريل قالت نفس الكلام ومن باب اطلاع الراي العام علي انو المال تحت ادارة منو الان ووين موجودة هذه الاموال دا امر مهم لكل سوداني يا اخي العزيز نكون الان في حالة حرص شديد علي بلدنا وما في تخوين لزول بس نعرف والمعرفة هنا بتحمي مال الدولة لك ودي
Post: #25 Title: Re: هل وزير المالية جبريل ابراهيم طابور خامس � Author: عبدالعظيم عثمان Date: 06-13-2021, 05:41 PM Parent: #24
يا زهير سلامات كلام وجدي واضح قال وقت دكتورة هبة قالت ما عندنا قروش لطباعة الكتاب المدرسي التكلفة كانت ٦ مليار جنية ..شركة مستردة واحدة حسابها كان فيه ٨ مليار وتحت يد وزارة المالية .. وقال الآن متحصلين وزارة المالية بيجمعوا في الايرادات بي اورنيك ١٥ من عقارات إستردتها لجنة التفكيك ..
جبريل قبل ما يستلم الوزارة الوزارة شالت كل الاصول المستردة وختها تحت لجنة مشتركة واسست شركة قابضة لادارتها الاصول كان جبريل بيقدر يتصرف فيها بكرة دي برجعها للكيزان
كلام جبريل يبلو ويشرب مويتو
Post: #26 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-14-2021, 00:57 AM Parent: #25
ياعبدالعظيم وزهير جبريل بدير وزارة المالية بذهنية قائد حركة يعنى الوزارة دى جابها بضراعو مش جابتو الثورة والثوار لذا كان استخفافه واضح وصريح من شفافية لجنة التمكين قالها مبتسما كما اشار االناقد المسرحى محمد سيد احمد حين قال انو لجنة التمكين بتطلع فى الاعلام وتقول كدا وكدا يعنى دايرنا نفقد الثقة فى لجنة التمكين وشافيتها ودا كلام مفيد ومربح لفول النظام البائد وجبريل تقطع لسانو ولايقول النظام البائد بالكتير يقول النظام السابق او ورثنا اوضاع صعبة وكان الامر كان تسليم وتسلم وليس ثورة سلمية مهرها الشباب بدمائهم الطارة
Post: #27 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-14-2021, 02:54 AM Parent: #26
في تقديرى ان وزارة المالية بعد مجىء الوزير جبريل تدار بتوجيهات المكتب السرى للمؤتمر الشعبى حاضنة جبريل والتوجيهات له اثناء مفاوضات جبا انتزاع وزارة المالية والباقى هين على وزن ذهبت للسجن حبيس وذهب للقصر رئيس اموال الدولة الآن بيد كيزان المؤتمر الشعبى
Post: #28 Title: Re: هل وزير المالية جبريل ابراهيم طابور خامس �خ Author: زهير عثمان حمد Date: 06-14-2021, 08:25 AM Parent: #27
نفى وزير المالية د. جبريل إبراهيم مجدداً، تسلم وزارة المالية أي أموال من لجنة إزالة التمكين، وكذب في تصريح له، حديث عضو لجنة إزالة التمكين وجدي صالح بأن المالية تسلّمت مبلغ 6 ملايين دولار ”كاش”، من ملف استرداد النقل النهري، وأنّ هنالك ملايين الدولارات بطرف الوزارة.
وتحدى جبريل، وجدي صالح بإبراز المستند الذي سلمت به لجنة إزالة التمكين الأموال إلى وزارة المالية حتى يعلم الجميع الحقيقة بحسب قوله، وأضاف جبريل بحسب صحيفة الصيحة: “وزارة المالية لديها حسابات معلومة وبأرقام محددة تُودع فيها الأموال، ولو تم تسليم مبلغ نقداً كما يدعي وجدي فليبرز لنا مستند التوريد الذي حصل عليه من الخزنة”.
الخرطوم: (كوش نيوز)
Post: #29 Title: Re: هل وزير المالية جبريل ابراهيم طابور خامس � Author: Deng Date: 06-14-2021, 09:38 AM Parent: #28
بدر
وجدي صالح رجل كذاب ويريد أن يمارس الكسب السياسي الرخيص.
في اللقاء تحدث وجدي صالح عن مليارا ت الدولارات ولكنه ذكر حوالي عشرة مليون دولار كأمثلة.
فأين هي تلك المليارات الكاش؟؟
Post: #30 Title: Re: هل وزير المالية جبريل ابراهيم طابور خامس � Author: Hafiz Bashir Date: 06-14-2021, 09:58 AM Parent: #29
هل رئيس الوزراء قادر على مساءلة ومحاسبة وزرائه ومسئوليه الحكوميين؟ الطبيعي أن لا يقبل رئيئس أي حكومة بمثل هذا التضارب في تصريحات المسؤولين الحكوميين التابعين له. ولكن حمدوك بسبب طبيعة المحاصصات التي تشكلت بها حكومته لا يستطيع محاسبة لا جبريل ولا وجدي.
Post: #31 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-14-2021, 10:51 AM Parent: #30
Post: #32 Title: Re: هل وزير المالية جبريل ابراهيم طابور خامس � Author: ترهاقا Date: 06-14-2021, 10:56 AM Parent: #30
Quote: هل وزير المالية جبريل ابراهيم طابور خامس
ده طابور أول وتاني وتالت ورابع وخامس وسادس كمان وخنجر في خاصرة الثورة، يكفي إنو عرفنا رأيه في الثوار المعتصمين أيام الاعتصام، ويكفي إنو لسع مؤتمر شعبي ومتزمت كمان
Post: #33 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-14-2021, 11:06 AM Parent: #32
ابو الزهور ودينق شاهدو الفيديو اعلاه والموية تكضب الغطاس
Post: #34 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-14-2021, 11:17 AM Parent: #33
ياحافظ رئيس الوزراء خشمو مليان موية مابقدر يقول بغم ....
Post: #35 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-14-2021, 11:42 AM Parent: #34
يا تهارقا يبدو لى جبريل فى فتيل ... وبالنسبة لوجدى جبريل صامولة مصدية توجد صعوبة فى فكها....
Post: #36 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-14-2021, 12:28 PM Parent: #35
جبريل صرح ثاني مرة ان المالية لم تستلم وطالب بمستند التسلم والتسليم
بالذات الكاش 6 مليون دولار. يا وجدي سلمت منو و وينو دليلك ال بثبت . البلد دي ماشة كيف؟ لا بد من مراجعة ما تم .
Post: #37 Title: Re: هل وزير المالية جبريل ابراهيم طابور خامس � Author: عبدالعظيم عثمان Date: 06-14-2021, 05:26 PM Parent: #36
جبريل حيتبلا وحيعرف الطفا النور منو
Post: #38 Title: Re: هل وزير المالية جبريل ابراهيم طابور خامس � Author: خضر الطيب Date: 06-14-2021, 05:42 PM Parent: #37
سلام ابو الأمير جبريل كوز معفن و هو الجناح العسكري لأيتام الترابي اليوم ستعقد تعقد لجنة إزالة التمكين ومحاربة الفساد مؤتمر صحفي الساعة ٧ مساء للرد علي تصريحات وزير المالية بالوثائق و المستندات . يتحمل حمدوك كامل المسئولية في تعيين جبريل ابراهيم كوزير للمالية
Post: #39 Title: Re: هل وزير المالية جبريل ابراهيم طابور خامس � Author: ترهاقا Date: 06-14-2021, 06:41 PM Parent: #37
المشكلة جبريل ده دخلو شنو بالاموال المستردة ، على حسب علمي هنالك شركة قابضة تحت إمرة حمدوك هي المسؤولة عن الاموال دي ولو مؤقتاً ، ولو وجدي دفع أي مبلع لوزارة المالية يكون غلطان لأنو ده ما من إختصاصو، وجبريل كل همه يشكك في لجنة إزالة التمكين ويحمي ممتلكات النظام البائد، حركات كيزان يجب أن تحسم وجبريل ده مفروض يسألوهو عن دخله في الموضوع وإثارة الشكوك والقلاقل . وكيف ياخوانا نشيل الكيزان بي ثورة عظيمة ونجي تعين كوز في وظيفة حساسة زي دي.
Post: #40 Title: Re: هل وزير المالية جبريل ابراهيم طابور خامس � Author: عبدالعظيم عثمان Date: 06-14-2021, 08:43 PM Parent: #39
جبريل وقعته سوداء مع لجنة ازالة التمكين حيندم شديد على كلامه الاجوف القاله في المؤتمر الصحفي
Post: #41 Title: Re: هل وزير المالية جبريل ابراهيم طابور خامس � Author: محمد البشرى الخضر Date: 06-14-2021, 09:01 PM Parent: #40
الوسائط مليانة ببوسترات تحمل تصريحات مفبركة و اعلانات من الطرفين، حتى بعضها وضع عليه شعارات قنوات ومنصات اعلانية معروفة لا لجنة التفكيك اعلنت عن مؤتمر اليوم وتراجعت عنه ولا جبريل صرح اي تصريح يخص الموضوع عدا ما قاله اثناء المؤتمر. الموضوع سيعالج بحكمة بعيدا عن الاثارة الاعلامية و الجهات التي تريد اثارة الفتنة وربما النعرات العنصرية كذلك للاسف. المهم الناس ما تصدق اي تصريح او بوستر مالم تراجعه الصفحات الموثقة و ابمواقع الرسمية للجهات المعنية، ولكم في ما حدث في موضوع التصريح ابمزعوم لجبريل عن طرد اسرة علي عثمان عبرة و عظة لذوي الالباب.
Post: #42 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-14-2021, 10:55 PM Parent: #41
خلوها مستورة الثانية. هناك شئ شين يجب العودة للقضاء
اللهم اعن الشعب علي هذا القرف
Post: #43 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-15-2021, 00:06 AM Parent: #42
ود البشرى لا لحكمة خلف الكواليس جبريل قال كلام واضح وصريح برضو وجدى صالح قال كلام واضح وصريح وكلاهما قال كلامه على رؤس الاشهاد لن نقبل الكلام المغتغت وفاضى وخمج وناس باركوها مش حانباركها دايرين الحقيقة ولا شيء غير الحقيقة
Post: #44 Title: Re: هل وزير المالية جبريل ابراهيم طابور خامس � Author: محمد البشرى الخضر Date: 06-15-2021, 02:04 AM Parent: #43
الحقيقة ظاهرة يا بدر الدين، جبريل شغال لصالح ورقه وبرسل رسالة لقاعدته الانتخابية المستقبلية، ومن أول يوم قبل يبقى وزير قالها وانتقد عمل اللجنة بل وانتقد القانون نفسه، اليوم ظهر انه اللجنة رفضت توجيه صادر منه باعادة ابراج مصادرة من شركة زادنا حسب طلب مديرها القال البرهان قاليه امش اقعد مع المالية! و ايضا قيل كلام عن ابراج بتروناس المهم الموضوع واضح وحتى انشاء الشركة القابضة كان قبل توليه للوزارة وواضح انه بسبب موقفه المعلن. اها عايزين شنو يعني! اعفاء جبريل من الوزارة ولا شنو، دا استحقاق اتفاقية سلام، السياسة فيها تغليب المصالح العامة وكدا
Post: #45 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-15-2021, 04:08 AM Parent: #44
جبريل قال ح يمكن لحزبه من اجل الفوز البلد دي لازمها شفافية وبالذات شفافية مالية .
Post: #46 Title: Re: هل وزير المالية جبريل ابراهيم طابور خامس � Author: mohmmed said ahmed Date: 06-15-2021, 06:21 AM Parent: #45
هذا الجدل تسبب فيه جبريل لو كان حريص على المال العام كان من الاسهل التواصل مع لجنة التمكين او مع رئيس الوزراء قبل الخروج للتلفزيون وتقديم تصريحات تحاول ادانة لجنة التمكين جبريل تربية الكيزان اسياد اللولوة حينكر استلام اموال واذا ما قدمت له وثائق سوف يقول انها تمت قبل استلامه للوزارة او ان الاستلام تم فى لجنة جديدة واذا ما استلم الاصول لن يقوم ببيعها او تأجيرها
Post: #47 Title: Re: هل وزير المالية جبريل ابراهيم طابور خامس � Author: بدر الدين الأمير Date: 06-15-2021, 06:41 AM Parent: #46
وزراء جو يتعلمو فينا كيف تدار الوزارت وبقى ينطبق علينا المثل البقول اتعلم الحلاقة فى رؤس اليتامى
Post: #48 Title: Re: هل وزير المالية جبريل ابراهيم طابور خامس � Author: خضر الطيب Date: 06-15-2021, 06:43 AM Parent: #47
Quote: هذا الجدل تسبب فيه جبريل لو كان حريص على المال العام كان من الاسهل التواصل مع لجنة التمكين او مع رئيس الوزراء قبل الخروج للتلفزيون وتقديم تصريحات تحاول ادانة لجنة التمكين جبريل تربية الكيزان اسياد اللولوة حينكر استلام اموال واذا ما قدمت له وثائق سوف يقول انها تمت قبل استلامه للوزارة او ان الاستلام تم فى لجنة جديدة واذا ما استلم الاصول لن يقوم ببيعها او تأجيرها
شكراً
Post: #49 Title: Re: هل وزير المالية جبريل ابراهيم طابور خامس � Author: عبدالعظيم عثمان Date: 06-15-2021, 08:46 AM Parent: #48
الكوز دَقس وماعنده مصداقية بي تعريفة حيعرف حاجة
Post: #50 Title: Re: هل وزير المالية جبريل ابراهيم طابور خامس � Author: منتصر عبد الباسط Date: 06-15-2021, 12:12 PM Parent: #49
المشوار الكان تذكرته داخل الخرطوم بعشرة جنيهات قبل تسلم حكومة قحط اللعينة وحتي مارس العام الماضي صار الأن ب150جنيه يعني 15 ضعف في 15 شهر بمعدل متوسط ضعف في كل شهر دا في العالم ما حصل الله يخزيكم يا قحاتة يا يسار السجم
Post: #51 Title: Re: هل وزير المالية جبريل ابراهيم طابور خامس � Author: اخلاص عبدالرحمن المشرف Date: 06-15-2021, 12:20 PM Parent: #50
اسع الدقس منو ؟!!! الذمة المالية للجنة علي المحك يا مناع اطلع منها وجدي صالح التلاسن ليس هو الحل
اظن البدوي كان انسب للمالية واكثر مهنية الا انه لا يملك جيش
الواحد الا يبقي مليشياوي في البلد دي؟!!!
Post: #52 Title: Re: هل وزير المالية جبريل ابراهيم طابور خامس � Author: Hafiz Bashir Date: 06-15-2021, 05:12 PM Parent: #51
Quote: اها عايزين شنو يعني! اعفاء جبريل من الوزارة ولا شنو، دا استحقاق اتفاقية سلام
دي العوجة ذااااااتها إنو الإتفاقيات تفرض شخصيات محددة للمناصب. جبريل فعلاً موجود كوزير بموجب إتفاقية ملزمة وبالتالي لا يستطيع لا حمدوك ولا غيره محاسبته جبريل له كامل الحرية في أن يصرح بما يشاء ويخالف من سياسة الحكومة ما يشاء وحتى لو أفسد بخشم الباب مافي زول يقدر يقول ليهو تلت التلاتة كم. وجدي برضو إلى حد كبير يتمتع بحصانة ولا يستطيع حمدوك مساءلته.
أتوقع أن يخرج علينا حمدوك اليوم او غداً بحلول توفيقية مليئة بالدسدسة والغتغيت.
Post: #53 Title: Re: هل وزير المالية جبريل ابراهيم طابور خامس � Author: mohmmed said ahmed Date: 06-16-2021, 02:33 PM Parent: #52
((الأموال المستردة عن طريق لجنة التمكين تمر بإجراء طويلة حتي تصبح ملك الدولة)) تصريح لجبريل ابراهيم
ما قلتا ليكم الكوز بتاع لو لوة
Post: #54 Title: Re: هل وزير المالية جبريل ابراهيم طابور خامس � Author: محمد البشرى الخضر Date: 06-16-2021, 07:12 PM Parent: #52
لجنة الازالة لا اعتقد انها تتبع لرئيس الوزراء لكن المالية كذلك، لذا جبريل لن يستطيع مخالفة سياسة الحكومة وبرنامجها العام وخاصة الاقتصادي، حسب ما قرأنا ايام تشكيل الحكومة هذا كان شرط حمدوك على الوزراء ان يوافقوا على سياسة الحكومة.
Post: #55 Title: Re: هل وزير المالية جبريل ابراهيم طابور خامس � Author: Hafiz Bashir Date: 06-16-2021, 09:33 PM Parent: #54
Quote: لجنة الازالة لا اعتقد انها تتبع لرئيس الوزراء لكن المالية كذلك
آي والله يا ود البشرى قدر ما فتشت في قانون قانون تفكيك نظام الثلاثين من يونيو 1989 وإزالة التمكين لسنة 2019 وتعديل 2020 عشان أعرف الجنة تابعة لمنو ما عرفت. غايتو هي مقرها مجلس الوزراء وتم تشكيلها بقرار من المجلس السيادي ومجلس الوزراء وعندها سلطات وصلاحيات مجلس الوزراء ووزير العدل وصلاحيات وكيل النيابة المقررة. بإختصار حكومة موازية بكامل الصلاحيات. رئيس الوزراء ما يقدر يقول ليها بغم.
Quote: جبريل لن يستطيع مخالفة سياسة الحكومة وبرنامجها العام وخاصة الاقتصادي
مخالفته او عدم مخالفته لسياسات الحكومة راجعة لتقديراته هو، جبريل عضو في مجلس الوزراء بموجب إتفاقية أحكامها مضمنة في الوثيقة الدستورية. إذا مصلحته إقتضت مخالفة سياسات الحكومة فعلى الحكومة البحث عن ترضيته. وقد سبق أن حدث ذلك في أكثر من مرة. فمثلاً واحدة من سياسات الحكومة هي إعادة كل الأموال العامة تحت ولاية وزارة المالية. ولكن لأن جبريل غير متوافق مع لجنة إزالة التمكين وقانونها إضطرت حكومة حمدوك ترضية لجبريل لإنشاء شركة للولاية على الأموال العامة المستردة بواسطة لجنة إزالة التمكين.
Post: #56 Title: Re: هل وزير المالية جبريل ابراهيم طابور خامس � Author: محمد البشرى الخضر Date: 06-16-2021, 10:36 PM Parent: #55
اللجنة مقرها مجلس تشريعي الخرطوم يا مولانا وعي تتبع لمجلس السيادة على الاقل حسب ورقها المروس و رؤساءها و اعتقد أمر تشكيلها واعلان العضوية كان من رئيس مجلس السيادة بمرسوم، عموما هي تعمل بقانون بالنسبة للسياسة القصدتها مثلا سياسة رفع الدعم، لا يستطيع جبريل او غيره من الوزراء عدم الالتزام بها، دا برنامج حكومة موضوع الاموال دا لو لاحظت رسميا جبريل لم يقل "لن" استلم ولا يستطيع، قال لم استلم واليوم في الجزيرة قال هناك لجنة مختصة بالاستلام - رغم انه اصدر قرار بحلها أمس- عموما الاتفاقية اعطت الوزارة للعدل و المساواة ولم تعطها لجبريل في شخصه فلو عمل حركات يمكن لحمدوك مخاطبتة الحركة - مجلسها القيادي- لتسمية شخص آخر! نظريا طبعا لانه طالما جبريل رئيس فا لن تتخطاه الحركة، لكن دائما هناك حلول سياسية زي وزير دولة مثلا 🙂
Post: #57 Title: Re: هل وزير المالية جبريل ابراهيم طابور خامس � Author: منتصر عبد الباسط Date: 06-16-2021, 11:49 PM Parent: #56
Quote: افهم تدعم الانتاج اما تدعم الاستهلاك
وزيرة المالية السابقة هبة قالت 80% من الميزانية قاعدة تمشي مرتبات يعني نسبة زي دي قاعدة تمشي لدعم الاستهلاك علي حساب دعم الإنتاج والمنتجين يعني 80% بتمشي من جيب الما بزيدو علي مليون سوداني البياخدو راتب من الدولة لبطن التماسيح مباشرة وباقي الملايين من مزارعين ومنتجين أو عمال يومية أو عطالة بتفرجوا لم تقدم لهم الحكومة شيء من مالهم العام بل تاخد من مالهم الخاص عبر التضخم يعني خليهم يوقفوا التضخم البنهش في لحم المواطن وهو سرقة راسها عديل من مال المواطن الخاص لسداد مرتبات البعض وبعد دا كمان رفع دعم! سرقة عبر التضخم وكمان رفع الدعم! وهو مع التضخم بيعني رفع سعر لأنو سعر العملة المحلية غير ثابت ومتدهور فهنا تصبح سياسة رفع الدعم لا تتناسب مع الواقع الأن ومع دولة تذهب كل ميزانيتها إلا القليل لجسم إداري مترهل لا يقدم للناس أي خدمة !
Post: #58 Title: Re: هل وزير المالية جبريل ابراهيم طابور خامس � Author: منتصر عبد الباسط Date: 06-17-2021, 00:05 AM Parent: #57
Quote: ولكن حمدوك بسبب طبيعة المحاصصات التي تشكلت بها حكومته لا يستطيع محاسبة لا جبريل ولا وجدي
إذا ما بستطيع يحاسب وقاعد زي قلتو عاطل معطل يغادر المنصب غير مأسوف عليه مؤكد لو صفوا النية أهل الصرامة مع الكفاءة سيجدونهم إن شاء الله إذا صدقوا في البحث بعدين حمدوك نفسو الأقر المحاصصات لأنو الثوار وحتى تجمع المهببين طالب وقتها وحتى قحت في وعودها الكاذبة بأنو ما حتكون حكومة محاصصات وبعدين من الأدلة علي أن حمدوك هو محب للمحاصصات من قلبو كان بقول عايزين النساء يكون لهم نصيب في التشكيلة الوزارية وهذا يعتبر محاصصة
Post: #60 Title: Re: هل وزير المالية جبريل ابراهيم طابور خامس � Author: كمال عباس Date: 06-17-2021, 00:46 AM Parent: #58
جبريل ولجنة ازالة التمكين،،اصل الحكاية ! ياريت لو جبريل. كان مختلف مع لجنة ازالة التمكين في الاختصاصات اي انو كل الأموال والأصول المصادرة او المستردة يجب ان تسلم وبالكامل لوازرة المالية باعتبارها الجهة صاحبة الاختصاص لو كان اصل الخلاف بينه وبين اللجنة هو ضرورة وضع المالية. يدها علي كل الأموال لقلنا حسنا الرجل حريص علي وزارته وعلي اختصاصاته وعلي هيبة وزارته ولكن للأسف. هذا ليس اصل الخلاف جبريل يقف في الاساس ضد اللجنة وضد مبدأ المصادرة واسترجاع الأموال وذلك محاباة ومناصرة. للفلول وهو يريد. توجيه رسالة مبطنة تقول ان لجنة التمكين تتصرف. في الأموال وانها قد صادرت لتهيمن وتسطو. علي. الأموال وان غرض اللجنة هو الاستيلاء- ويصيح وين الأموال المصادرة ما شفناها وأنا كوزير مالية. اقول. ما دخلت علينا
* ولو ان جبريل الثائر والمنافح قد اعلن انه يطالب بان يعود جزء من الأموال المصادرة - عبر انسيابه عبر القنوات الرسمية للنازحين والمهمشين ولدعم الاستقرار لوجد من يؤيده ولكن جبريل وللأسف لايهمه أهل الهامش ولا استرجاع المال المسلوب وانما يهمه مناصرة الكيزان ومن طالتهم اهداف الثورة في تصفية التمكين !
Post: #59 Title: Re: هل وزير المالية جبريل ابراهيم طابور خامس � Author: Hafiz Bashir Date: 06-17-2021, 00:41 AM Parent: #56
ديل أجزاء من صور نشرها محمد سليمان الفكي في صفحته على الفيسبوك في بوست له بتاريخ 30 نوفمبر 2019. الصورة الأولى عن تشكيل اللجنة والصورة الثانية عن مقر اللجنة والجهة التي تقدم لها اللجنة تقاريرها. مقر اللجنة في مشروع القانون كان مقرراً له مجلس الوزراء ولكن يبدو أنه تم تعديله قبل إجازة القانون واستبدل بنص عام عن أن المقر هو مكان ما في ولاية الخرطوم.
جبريل لم ولن يعارض سياسات الحكومة الإقتصادية المتعلقة بتحرير سعر الصرف ورفع الدعم لأنها السياسة التي هو نفسه يراها الأفضل وهو الذي سبق أن أشاد بسياسات حمدي. أما إستلام الأموال ففعلياً قامت الحكومة بتكوين شركة قابضة لإدارة هذه الأموال بعيداً عن وزارة المالية مخالفة بذلك مبدأ كانت الحكومة قد قررته بأن تكون كل أموال الدولة تحت إدارة وزارة المالية. المهم جبريل له مصالحه التي يرعاها من خلال وجوده في مجلس الوزراء وهذه المصالح لها اولية عنده مقدمة على المصلحة الحكومة وبرامجها. وسيلتزم بتنفيذ برامج الحكومة متى ما كانت متوافقة مع مصلحته ولكنه له من السلطة ما يفوق تلك التي لرئيس الوزراء في إملاء شروطه على المجلس. لو جبريل عمل حركات يمكن لحمدوك مخاطبة الحركة، وزي ما قلت إنت نظرياً، والأهم حمدوك ذاتو عارف إنو دا كلام نظري ساي.
