Post: #1
Title: الرغيف يا حمدوك بقت بعشرة جنيه
Author: زهير عثمان حمد
Date: 06-12-2021, 03:10 PM
Parent: #0
03:10 PM June, 12 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر

حسب ما تم اليوم صباح في العاصمة وفي اغلب المخابر العاملة تم بيع الرغيفة الواحدة بعشرة جنيهات يا حمدوك دا الرغيف والمواصلات لسه
وكذلك يعتزم تجمُّع أصحاب المخابز بولاية الخرطوم، الدفع بتسعيرة جديدة للخبز إلى والي ولاية الخرطوم إيمن خالد نمر للتشاور حولها ومن ثم تطبيقها بصورة رسمية، وحدّد التجمع التسعيرة الجديدة بنحو "10" جنيهات لقطعة الخُبز الواحدة. وعزا الناطق الرسمي باسم التجمع عصام عكاشة بحسب (الموجز السوداني)، الزيادة المتوقع تنفيذها قريباً لارتفاع حجم تكاليف الإنتاج متمثلة في زيادة سعر جوال الدقيق، الخميرة والترحيل، نتيجة لزيادة أسعار الوقود، وقال عكاشة إنّ التسعيرة الحالية للخبز ليست ذات جدوى خصوصاً بعد رفع الدعم كلياً عن الوقود، ولفت إلى توقُّف مجموعة من المخابز عن العمل في الخرطوم إلى حين ان تتضح الرؤية من قبل الحكومة بشأن التسعيرة الجديدة.
|
Post: #2
Title: Re: الرغيف يا حمدوك بقت بعشرة جنيه
Author: Salah Zubeir
Date: 06-12-2021, 05:34 PM
ابوالزوز ... هههه إزيك ...
إنتا زول طيب زي حاج العوض ...
التنظير من على البعد بيعمل أرتكاريا
في الأمعاء الدقيقة وبتنزل تعمل عصبي
للقولون ... لي اكتر من شهر بشتري
٢٠ رغيفة بسعر ٥٠٠ جنيه ... الخبز
المدعوم أختفى من مخابز الخرطوم
ولو تحصلت عليه حا تنشفو وتعملو
عليقه للبهايم ... خليك مع الزمن ...
|
Post: #3
Title: Re: الرغيف يا حمدوك بقت بعشرة جنيه
Author: ترهاقا
Date: 06-12-2021, 06:03 PM
Parent: #2
الكلام ده يوجه للعسكر بقايا الانقاذ الماسكين زمام الأمر
الدقيق كلو حيلقوهوا في مخازن العسكر وبحماية البرهان ، فيا ترى ماذا يفعل حمدوك؟
|
Post: #4
Title: Re: الرغيف يا حمدوك بقت بعشرة جنيه
Author: Ali Alkanzi
Date: 06-12-2021, 06:24 PM
Parent: #3
يا ابو الزهور
اقول ليك مبالغة
انا ماشي من شارع الوادي في اتجاه شارع النص بالثورة
وسوق الخامسة بيكون على يدي اليمين بعد عبرت شارع النص
دخلت الحارة الرابعة الشارع المؤدي لسوق الرابعة ومستشفى البلك
وانا في اتجاه الغرب مررت بمحل (رادم الرغيف ردم ) الرغيف المدور للسندوشات
افتكرتو مخبر
نزلت من السيارة وقلتا للراجل يا اخي داير لي كيس خبز
قال لي نحنا مطعم سندوتشات ما بنبيع الخبز
غايتو اقنعتو يديني كيس
قام قلي لي عايز الف وميتين
قلتا ليهو ليه الرغيفة بكم؟
قال لي باربعين جنيه
(الكيس فيهو ٣٠ رغيفة)
اكرر اربعين جنيه
واستحيت منو
وشلت كيس الرغيف
وتاني توبة يا حبوبة
|
Post: #5
Title: Re: الرغيف يا حمدوك بقت بعشرة جنيه
Author: Asim Ali
Date: 06-13-2021, 00:49 AM
Parent: #4
Quote:
قلتا ليهو ليه الرغيفة بكم؟
قال لي باربعين جنيه
(الكيس فيهو ٣٠ رغيفة)
اكرر اربعين جنيه
واستحيت منو
وشلت كيس الرغيف
وتاني توبة يا حبوبة
|
المشكله بقت با على انو اى بائع عايزك تشترى ةتدخل ايدك فى جيبك وتدفع من سكات وكان سالت من البدايه يطفشك بذكر سعر ماطبيعى هسلا دا ضرب ليك السعر قى 2 طوالى
|
|