Post: #1
Title: فاطمة --- فرح المساء الموشى بالألق
Author: أبوذر بابكر
Date: 06-11-2021, 03:54 PM
03:54 PM June, 11 2021 سودانيز اون لاين
أبوذر بابكر-
مكتبتى
رابط مختصر
محاولة لترطيب أجواء المنبر شويه
من العوا والكترابة القايمه دي
|
Post: #2
Title: Re: فاطمة --- فرح المساء الموشى بالألق
Author: أبوذر بابكر
Date: 06-11-2021, 03:57 PM
Parent: #1
قال بعض العائدين
لبثنا بعض أسىً أو قليلا
وقال الغائبون
لبسنا رصيف الشوق
جلبابا يستر ما تناثر
من خجل الالام
من عري السنين
فالأيام عتمة مشرعة
على عتبات العمر
واللحظات موج من الأسى
فى لجة الحزن
وفي كهف الحنين
وفاطمة
فرح القمر المضمخ بالعبق
لطالما اشتهينا
أن تطمئننا منارات الوصول
وتطعمنا كف الإله
سحبا هنية
تضمر كل أعراس الخريف
تحبس عن صبا الأشجار
أشباح الذبول
وتهديها اناشيدا
عطرها فى الدرب
يفتح أبواب الفصول
يحالف اللقيا لنأتي
فلربما يستحي وجه النزيف
وفاطمة
زهو المساء الموشى بالألق
لوجهها سنقرع أبواب الرجاء
وننصب كرنفال القها
فوق ساحات الغناء
فالشمس برتقالة
حبلى بالسناء
وبشارة من الليل الصديق
تعطن الضوء فى شهد اللقاء
وفاطمة أغنية البهاء
تجلى سر طعمها للعالمين وانطلق
يا فاطمة
باركينا والمسي
أرق الجباه المر فينا
عمدي الأشواق فينا
بكفك المكسو بالفرح الأليف
المجدول بعسجد الشفق
باركينا
كي تنام أحزان المسير
ويغفو حارس الوجع الحصيف
يغفل عن خطايا التيه
يغسل صفحة الحزن المرير
ويغفر نزوة البعد المخيف
وفاطمة
حلم ينبع من كوثر الليل
من فضة النهار
من إبتسام الفجر
ومن سحر الغسق
|
Post: #3
Title: Re: فاطمة --- فرح المساء الموشى بالألق
Author: Abdalla Gaafar
Date: 06-14-2021, 09:22 AM
Parent: #2
صديقي جدا
أبوذر
في غيك القديم لا تزال
زي ماانت القلب البدفق كل السمرة
قصيدة علي الواح الناس الزوق
لا خيل الكلمة ارتاحت من فرسانك مرة
ولا من ليلك غابت سيرة البت
الشالت منك تعب الدنيا
وفجأة انشرت بين احلامك
ورقص الموية مع القمرة
واندلقت منك فكرة انك ترسم
كل الدنيا الفي جواك عروس للنيل
عبد الله جعفر
|
Post: #4
Title: Re: فاطمة --- فرح المساء الموشى بالألق
Author: أبوذر بابكر
Date: 06-15-2021, 04:52 PM
Parent: #3
تحياتي يا عبد الله
رفيقي في غار "الغي" السادر
وهل نستطيع فكاكا يا صديقي ؟
في كل حين والتاني
نحاحي عجاج الوحشة، ونسكت ننضم
والشوق متوهط جوه الروح
نناغم الفرحه تجينا الاهه
ننادي الضحكة تجبنا جروح
والبت النيمه القايمه براها
ترياق الوجع المابي يروح
ولسه والله يا صاحبي
|
Post: #5
Title: Re: فاطمة --- فرح المساء الموشى بالألق
Author: الشيخ سيد أحمد
Date: 06-15-2021, 04:56 PM
Parent: #4
حياك الله أبوذر
فاطني السمحه.
تسلم على الترطيبة المجهبذة.
|
Post: #9
Title: Re: فاطمة --- فرح المساء الموشى بالألق
Author: أبوذر بابكر
Date: 06-16-2021, 02:19 PM
Parent: #5
الشيخ سيرو
كيفنك ياخ
فاطنة قصب السكر اللحمر
|
Post: #6
Title: Re: فاطمة --- فرح المساء الموشى بالألق
Author: Yasir Elsharif
Date: 06-15-2021, 04:59 PM
Parent: #4
يا سلااااام عليك يا أبا ذر "المطر"
إن من البيان لسحراً
شكرا لك أنك تعطر هذا الفضاء
|
Post: #7
Title: Re: فاطمة --- فرح المساء الموشى بالألق
Author: عبد الحميد البرنس
Date: 06-15-2021, 07:43 PM
Parent: #6
كل هذا البهاء.. شاعرنا القدير عن حق!
|
Post: #8
Title: Re: فاطمة --- فرح المساء الموشى بالألق
Author: Abdalla Gaafar
Date: 06-16-2021, 09:41 AM
Parent: #7
أبو آمنة
صباحك خير
فِي غيّك القَدِيم لَا تَزَال
فِي غيِّك القَدِيمِ لَا تَزَالْ
تُمَارِسُ اِنْتِظَارَ رَجْعَةِ النوارسِ
الَّتِي تَعَوَّدَتْ خِيَانَةَ الضِّفَافْ
وَتَسْكُبُ الغِنَاءَ
خَوْفَ أَنْ يَعُودَ مَوْسِمُ الجَفَافْ
وَكُلّ مَا نَزَفَت مِنْ رِعافْ
لَيُوَرِّقُ الشَّجَرْ
وَتَغْسِلُ الشَّوَارِعَ المَطَرْ
وَيَضْحَكُ النَّهرْ
لِتُوْلَد الغُيُومُ فِي سَمَاءِ فاطمةْ
فَيبْدَأ الغِنَاءُ مِنْ هُنَاكَ
حَيْثُ يُزهر السَهرْ
وَتَمْنحُ العُيُونُ وَالحُرُوفُ
وَرْدَةً لِطِفْلَةٍ تُرَاقِصُ القُمَرْ
عبد الله جعفر
|
Post: #16
Title: Re: فاطمة --- فرح المساء الموشى بالألق
Author: أبوذر بابكر
Date: 06-17-2021, 12:51 PM
Parent: #8
عبد الله
إسم الإخضرار البديع
حين أعلن المكان، أن الضوء إسمها
وأن البنفسج رسمها
طفقنا نحن، وعلى غير هدى
ننحت الأمنيات في صخر الإشتهاء البريء
ونمتطي سفنا تنتعل التراب
ونتمنى
يزورنا الصيف
ونتمنى
يخاصمنا النهر
ونتمنى
تؤرقنا أحلام النهار
والشمس شاهدى على جليد التوق الساكن فينا
ويستعمرنا "غي" ابدي
|
Post: #26
Title: Re: فاطمة --- فرح المساء الموشى بالألق
Author: أبوذر بابكر
Date: 06-22-2021, 04:52 PM
Parent: #8
وَرْدَةً لِطِفْلَةٍ تُرَاقِصُ القُمَرْ
والله يا عبد الله
كل لحظة وحين، برجع وأقرأ الجزء ده
وردة وطفلة وقمر
لوحة عجيبة ومليانه حاجات أعجب
مرات اشوفها لوحة، ومرات مقطع من سيمفونية
بشوف طفلة ترقص هي والوردة
والليل مسرح جميل مفروش نجوم
وتسمع نغمات الانسام وتشم عطر وشذى الوردة
ومن بعيد يبهرك نور والق عبد الله جعفر
يا سلام ياخ
|
Post: #13
Title: Re: فاطمة --- فرح المساء الموشى بالألق
Author: أبوذر بابكر
Date: 06-16-2021, 05:20 PM
Parent: #7
كيفك يا حميد
وعساك طيب وشديد وسعيد
تعرف
النص دا قديم من بداية الألفية تقريبا
حاولت اعمل فيه شكل جديد من ناحية بنية النص وطريقة توزيع القافية
وبيني بينك
سرقت تكتيك توزيع القافية من مبدعنا الجميل
عوض احمد خليفة
ربنا يسكنه مع من يحب ويصطفي
من نص أغنيته هو والمبدع التاني العبقري، عثمان حسين
اغنية عشرة الأيام
كل مقطع ب قافية معينة، وينتهي ب قافية مختلفة
وتتكرر نفس القافية المختلفة دي في نهاية كل مقطع
من المطلع البنتهي ب
ضمانا احلى غرام
مقطع
غاية المحبة سلام
مقطع
واسلم من الأوهام
مقطع
واتلاشت الاحلام
مفطع
عمر السنين ايام
عجيب ياخ سعادة اللواء
حرام والله يكون من العسكر
|
Post: #20
Title: Re: فاطمة --- فرح المساء الموشى بالألق
Author: أبوذر بابكر
Date: 06-18-2021, 10:37 AM
Parent: #7
كيفنك يا برنس
عودة مرة تانية لموضوع بنية النص وتوزيع القوافي
Text structure
شوف نص "عبيد عبد الرحمن"
في اغنية ابراهيم الكاشف، انا ما بقطف زهورك
أنا ما بقطف زهورك
بعاين بعيونى
ياالغصن الفى نفورك
ويا البدر الفى خدورك
مترقب ظهورك
أتأمل فى محاسنك
وأتمتع بمناظرك
وأتوسع فى فنونى
لعبت بى دورك
وأصبحت مسحورك
سبحت فى بحورك
وعرفت أوزانك
وعزفت الحانك
آهات توالينى
لازلت مأسورك
وما قادر أزورك
ملأ العيون نورك
كشف الظلام بسمك
واتجلى لى رسمك
شخصك ملى عيونى
أضنانى تأثيرك
وما بشكى لى غيرك
أعيانى تفسيرك
يا الرمز الحيرنى
وهواك صيرنى
اتحدى العزلونى
يا الغالى موهوبك
يا الراقى أسلوبك
الناس يآنسوبك
يا العالى تعليمك
أنا من مظاليمك
ايه ذنبى ورينى؟
***************
حتلقى يا حميد نفس "التكنيك" القلت ليك عليه في "عشرة الايام" عند عوض احمد خليفة وعثمان حسين
عجبني جدا البناء النصي عند العباقرة ديل
عشان كدا حاولت اقلد واستهدي بيهم هنا مع فاطمتي
|
Post: #10
Title: Re: فاطمة --- فرح المساء الموشى بالألق
Author: أبوذر بابكر
Date: 06-16-2021, 02:21 PM
Parent: #6
تحياتي يا دكتور ياسر
يسعدنا حضورك الفسيح
ويبهجنا وجودك المليح
|
Post: #11
Title: Re: فاطمة --- فرح المساء الموشى بالألق
Author: مهيرة
Date: 06-16-2021, 03:26 PM
Parent: #10
شكراً أباذر على هذه النافذة الأنيقة
ونسمات الفرح المنعشة
تحياتى
|
Post: #12
Title: Re: فاطمة --- فرح المساء الموشى بالألق
Author: احمد عمر محمد
Date: 06-16-2021, 05:18 PM
Parent: #11
رأيت بين ثنايا كلماتك ان الغربة
بلغت فيك حدها، حتى جعلتك في
محطة بين الغياب والعودة، وانت
تتأرجح تبحث عن ملاذ آمن، فوجدته
عند فاطم، وفاطم في قصيدتك هي
الوطن الذي بدء يناديك وانت هناك
بعيدا، تنتظر مجهولا حلوا كي يعيدك
حيث كنت، وفاطم وقتها وردة يانعة
متفتحة تغريك بعطرها كلما طافت بخيالك،
حتى اصبحت بعيدا تلامس اللهفة للوطن
وتستحضره عبر مرآة فاطم الحلم الوطن.
|
Post: #14
Title: Re: فاطمة --- فرح المساء الموشى بالألق
Author: خضر الطيب
Date: 06-16-2021, 06:04 PM
Parent: #12
رائع كالعادة استاذ ابوذر
|
Post: #18
Title: Re: فاطمة --- فرح المساء الموشى بالألق
Author: أبوذر بابكر
Date: 06-18-2021, 08:30 AM
Parent: #14
تحياتي يا خضر
الروعة تستكمل
ويبقى المكان أجمل
اكيد بحضورك السمح
|
Post: #17
Title: Re: فاطمة --- فرح المساء الموشى بالألق
Author: أبوذر بابكر
Date: 06-17-2021, 07:15 PM
Parent: #12
تحياتي يا احمد عمر
الوطن هو اصل الأشياء كلها
وهو مبتدأ العشق السرمدي الذي لا نهاية له ولا حد
وفي كل معنى للعشق، لا تنفصل الحبيبة عن الوطن
الوطن والحبيبه
كلاهما يسكنان في عمق الروح
أحييك واهديك التقدير
|
Post: #15
Title: Re: فاطمة --- فرح المساء الموشى بالألق
Author: أبوذر بابكر
Date: 06-17-2021, 04:42 AM
Parent: #11
كل التقدير ليك يا مهيرة
وكل العطر الفي التحية
|
Post: #19
Title: Re: فاطمة --- فرح المساء الموشى بالألق
Author: خضر الطيب
Date: 06-18-2021, 09:06 AM
Parent: #15
سمح انت و سمحة كتاباتك و سمحة روحك النقية يا استاذ ابوذر
قريت القصيدة اكتر من مرة و طلعتا بي حاجات كتيرة حسيتا جواها و جواك
تحياتي .. واصل و امتعنا
|
Post: #21
Title: Re: فاطمة --- فرح المساء الموشى بالألق
Author: وضاحة
Date: 06-18-2021, 11:22 AM
Parent: #19
مشتاقيين ومشتاقين للحنان 😂
فقدنا مشاعرنا الجميلة في زحمة احزانا علي البلد
شكرا ابو ذر علي الساحة المريحة لعلها تضمد شي من جرحاتنا ❤️😍🌹
|
Post: #24
Title: Re: فاطمة --- فرح المساء الموشى بالألق
Author: أبوذر بابكر
Date: 06-18-2021, 04:43 PM
Parent: #21
يا أيتها الشمس
صديقتنا العزيزة
كيف حالك واحوالك
طيلة هذه المدة التي لم نراك فيها
طبعا يا وضاحة اللازمة دي، بتاعة "طيلة هذه المدة الخ"
كانت فيما سبق زمان ايام الدنيا الجميلة والحياة الأجمل
بتلقيها في مقدمة كل الرسائل والخطابات
اعمامك العجايز الهنا ديل بكونو عارفين الشي دا
ههههه
ياخ كتر خيرك والله يا وضاحة
علي جيتك وتشريفنا بيك
وليك كل التقدير والتحية
|
Post: #22
Title: Re: فاطمة --- فرح المساء الموشى بالألق
Author: أبوذر بابكر
Date: 06-18-2021, 03:39 PM
Parent: #19
تتبارك ايامك يا خضر
ويخضر عمرك ان شاء الله
قول آمين
|
Post: #23
Title: Re: فاطمة --- فرح المساء الموشى بالألق
Author: Ahmed Yassin
Date: 06-18-2021, 04:24 PM
Parent: #22
كالعادة... نفاج للوجدان على سوح احساس ابي ذر
ولسان حاله يقول
هل انا اكتب؟
ام فاطمة تكتبني ؟؟
إنها جسر من الشعر
على كل العصور القادمة
هذه فاطمة ..
تقتحم التاريخ من كل الجهات
كلام لنزار
|
Post: #25
Title: Re: فاطمة --- فرح المساء الموشى بالألق
Author: أبوذر بابكر
Date: 06-19-2021, 01:38 PM
Parent: #23
احمد يسن
والحضور المبين
انك لمن الطيبين
كيف الحال
وهل يكتب الشاعر ؟
بل القصيدة هي التي تكتبه
|
|