Post: #2
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 04:50 AM
Parent: #1
معقول حوار يخص امر الوطن والسلام ومصير السودان كلو يكون فيهو بند يتحدث عن اجازة اسبوعية
ولا كمان يتحدد يوم اجازة مفارق لكل الاعراف العالمية ؟
بالنسبة لى الامر لا يعدو سوى تهيئة الرأي العام نفسيا ضد الاتفاق قبل ان يبدأ
السودان بلد تحكمه الاشاعات واللامعقول
انتهى او كما قال
|
Post: #3
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 05:29 AM
Parent: #2
اتفاق بمثل هذه الاهمية تتسرب منو معلومة تافهة جدا لا تقدم ولا تؤخر فيه
|
Post: #4
Title: Re: أربحا وعقاب شهر
Author: محمد الأمين موسى
Date: 06-09-2021, 06:00 AM
Parent: #3
مبروك يا ودأبسن التحرر التام (بنزين وجاز)!
|
Post: #5
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 06:58 AM
Parent: #4
الله يبارك فيك
الكفن بكلف 4 مليون قبل الزيادة غايتو
|
Post: #6
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 07:03 AM
Parent: #5
الحكومة تفتقر لاهم مبادئ الحكم المدنى
الشفافية
ناس الكتلة الحرجة معتبرننا مابنفهم . ولا بكلمونا
تتحكم فينا الاشاعات والاخبار الضاربة
|
Post: #7
Title: Re: أربحا وعقاب شهر
Author: خضر الطيب
Date: 06-09-2021, 07:06 AM
Parent: #5
| Quote: الكفن بكلف 4 مليون قبل الزيادة غايتو |
كفن شنو يا وداب سن؟
الناس تقنع من ملايتين يكفنو بيها المرحوم و كان الله يحب البسطاء
انا الى الآن ما عارف حكمة انو الكفن يكون ابيض و بمواصفات معينة ؟
|
Post: #8
Title: Re: أربحا وعقاب شهر
Author: علي عبدالوهاب عثمان
Date: 06-09-2021, 08:11 AM
Parent: #7
| Quote: الناس تقنع من ملايتين يكفنو بيها المرحوم و كان الله يحب البسطاء |
الحبيب خضر .. تحياتي
عندنا أشياء غريبة في السودان
ممكن واحد يشتمك (( بالله شوف الزول كفن أبوه بالملاية )) تصبح وصمة للابد
لدينا ممارسات غريبة جداً
الشرع فيه تسهيل للامور المشكلة في المظاهر عندنا
تحية للحبيب أبوسن
|
Post: #9
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 08:19 AM
Parent: #7
من السنة يا خضر يستحسن ان يكون ابيضا . واقل مايجزئ من ستر العورة
وممكن جدا من الثياب المستعملة
لكن براك عارف الدين الشعبي اكثر رسوخا في السلوك اليومى
غسلت وكفنت كتير من الاهل والجيران
بتحصل مغالطات كتيرة وخلافات مرات حد العزل
في طريقة الغسل والتكفين نفسو
لكننا كسودانين متفقين علي الدمورية وللرجل تلاتة تياب قميص وسروال وعمة وللمرأة خمسة
اها انا بتكلم عن الدمورية
|
Post: #10
Title: Re: أربحا وعقاب شهر
Author: خضر الطيب
Date: 06-09-2021, 08:26 AM
Parent: #9
استاذنا علي أمبس
سرناقمي
Quote: الحبيب خضر .. تحياتي
عندنا أشياء غريبة في السودان
ممكن واحد يشتمك (( بالله شوف الزول كفن أبوه بالملاية )) تصبح وصمة للابد
لدينا ممارسات غريبة جداً
الشرع فيه تسهيل للامور المشكلة في المظاهر عندنا
تحية للحبيب أبوسن |
الناس ليه تشتغل بكلام الناس و الكل عارف الظروف
ود اب سن بقول الكفن ب 4 الف و ممكن في زيادة
اكيد بجي يوم الكفن بكون ب 50 او حتى سبعين ألف
المشكلة شنو يشيلو ملايتين من البيت و يكفنو بيها المرحوم؟
و كان الله يحب البسطاء
|
Post: #11
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 08:42 AM
Parent: #10
تعرف يا علي السودانين في الوفيات اقلاها في كوستي . مابتشيل هم الكفن
في ناس بتبرعو بي كم كفن وبدوهو لي ناس محددين ومعروفين . اكفان متعددة اطفال رجال نساء
حصلت ليك وفاة تشوف اقرب زول تمشي بديك كفن . وبشترطك عليك اشتراط غير ملزم . بعد الوفاة جيب واحد غيرو . ودة بحصل بتجيب غيرو وتتبرع بي واحد ولا اكتر حسب قدرتك
لكن مرات مع اللخمة او مايكون في كفن متوفر . ماكل زول برجع
ناس الحلة يا واحد اشتراهو حاسبك بعدين او خلاهو صدقة
الخياطين في السوق مابشيلو فيهو قروش ابدا
بخيطو مجانا
الكفن الغالي دة قد يقلل من عدد المتبرعين بالاكفان
|
Post: #12
Title: Re: أربحا وعقاب شهر
Author: خضر الطيب
Date: 06-09-2021, 09:07 AM
Parent: #11
مرحب حبيبنا و داب سن
Quote: من السنة يا خضر يستحسن ان يكون ابيضا . واقل مايجزئ من ستر العورة
وممكن جدا من الثياب المستعملة
لكن براك عارف الدين الشعبي اكثر رسوخا في السلوك اليومى
غسلت وكفنت كتير من الاهل والجيران
بتحصل مغالطات كتيرة وخلافات مرات حد العزل
في طريقة الغسل والتكفين نفسو
لكننا كسودانين متفقين علي الدمورية وللرجل تلاتة تياب قميص وسروال وعمة وللمرأة خمسة
اها انا بتكلم عن الدمورية |
الناس يا حبيب تكون واقعية
السُنة ما عندنا معاها مشكلة
لكن الآن انحنا في العام 2021
و على حسب الظروف تمشي الظروف
بالمتوفر و المتاح
و الدمورية دي اكتر قماش مفروض يكون متوفر في السودان
ناس شندي وقفو يعملو الفردة ؟
واضح انو البلد وقفت
و الناس كلت و ملت
و كلو بسبب الكيزان لا بارك الله فيهم
كون بخير يا عزيزي
|
Post: #13
Title: Re: أربحا وعقاب شهر
Author: علي عبدالوهاب عثمان
Date: 06-09-2021, 09:19 AM
Parent: #11
الحبيب أبوسن .. تحياتي
نفس الطريقة عندنا في قرانا في الشمال
يكاد يكون أي بيت فيه كفن والبعض خاصة المغتربين لديهم
صدقات بخصوص الأكفان
حبيبنا ابوسن ناسنا تقريباً في كل بقاع السودان يتعاملوا مع الموت بنبل
واحترام الميت فوق كل شيء .. العزاء ووجبات الطعام لضيوف العزاء تقسم على بيوت القرية
استقبال المعزين من القرى الاخرى .. نظام اجتماعي راقي جداً ..
عكس الافراح والحفلات ممكن من بداية الحفلة عكاكيز واشتباك
وعندنا الشخص الذي لا يقوم بالعزاء يكون معزول تماماً عن المجتمع
مودتي الحبيب أبوسن ..
|
Post: #14
Title: Re: أربحا وعقاب شهر
Author: عبيد الطيب
Date: 06-09-2021, 10:02 AM
Parent: #13
دي شُغل عِويلة ساكت
غايتو بطنا طمّت تب وفرحتنا بقت لَهَدة في القلب لاوعّت ولا أنفشّت!!
لم أجد وصفا لحالة الدولة الحالية في السودان إلاا قول كباشي قديما:
(بدْعِي في الزمان سِمْعِي وحَلق فتوات)
*الحلق هنا الحلق المرض ،وليس الحُلي!!!
تحياتي ومعزتي الصادقة
|
Post: #15
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 10:44 AM
Parent: #14
حباب ود المقدم زولى المتمم كيفى
كلنا بقينا محلوقين ومدودوين ما فارزين الحاصل
السهراجة والهسهاسة يوت مابتفارقنا
القدال قال
كبس الهم على
والحال قبض يالسيد
جنا في كج وتادو والجمبى معيد
ما جنا تجيب سلسل جنازير وتقيد
بلا غيبوبة البلد النصيح ومصيد
|
Post: #16
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 10:53 AM
Parent: #15
يحدثوننا عن العودة للعالم الخارجى
وان اسعار الوقود عندنا ارخص من جيرتنا واقل من سعره العالمى
ثم لا يقارنون ترهل حكومتهم
كم اعداد سياديه ومستشاريه
وكم تكلفة سفرياته الخارجية نحو الامارات
يسافرون الامارات بأسهل من سفر ساكن ام درمان للخرطوم
ووزيرة خارجية سافرت فى غضون شهرين 25 مرة
شهرين 60 يوم وسافرت 25 مرة لا تكاد تفرغ حقائبها حتى تحزمها هى وحشمها ومساعديها علي حساب قيمة رفع الدعم
وكذلك لا يأتى البرهان حتى يسافر حميدتى
كل هذا يرفع سعر الدولار برفع الصرف الحكومى
والعربات الميرى ذات السعات الكبيرة في استهلاك الوقود
ابدأوا بأنفسكم يا اهل السلطة
زي ماقال محجوب زمان
قلل تنك القعدة تلاتة خطوط
|
Post: #17
Title: Re: أربحا وعقاب شهر
Author: عبدالحفيظ ابوسن
Date: 06-09-2021, 11:07 AM
Parent: #16
اهم حاجة في السودان ماتمرض
ممكن تموت طوالى احسن
لو مرضت حتبيع بيتك وممتلكاتك وتموت وتخلى اسرتك عالة يتكففون الناس
تكلفة العلاج مبالغ فيها
حتخش مستوصف تعبان جدا غرفتو ما اقل من 20 مليون والدكتور لو قال ليك صباح الخير بمشى يكتب في الدفتدر مرور ويدفعك عشرة مليون
الدواء حتخسر بنزين وتقلب البلد تفتشو وحتشترى بالشي الفلانى
ف شنو
احسن تموت طوالي
مرضت ألزم بيتك يا بقيت كويس ولا مت
والكاتل الله الحايى الله
واصلو لو ربنا كاتب ليك موت حتموت ما تخرب الموت بالرفسى وضياع المال
|
Post: #18
Title: Re: أربحا وعقاب شهر
Author: محمد حمزة الحسين
Date: 06-09-2021, 11:39 AM
Parent: #15
Quote: و الدمورية دي اكتر قماش مفروض يكون متوفر في السودان
ناس شندي وقفو يعملو الفردة ؟
واضح انو البلد وقفت
و الناس كلت و ملت
و كلو بسبب الكيزان لا بارك الله فيهم
|
| Quote: واضح انو البلد وقفت |
| Quote: واضح انو البلد وقفت |
| Quote: واضح انو البلد وقفت |
أنا ذاتي قلت كدا...
قلت الكيزان مالن يا خضر ...
|
|