COVID 19 🐒

03:56 PM June, 07 2021

سودانيز اون لاين
وضاحة-اقيم فى قلوب الأنقياء الطاهرين من ابناء وطنى السودان المحبين لعمل الخير
مكتبتى
رابط مختصر

ظهر فجاة وتمدد 🤔
لا عرفنا طارح نفسو كسياسي عبر محاولاته تجنيد رجالات الاداره الاهليه لصالحو
أو قائد عسكري حاصل على رتبه عسكريه عبر تأجير بندقيته لخدمة نظام الإنقاذ ولجنته الامنيه الحاكمه الان
أو مرتزق دولي عبر تأجير جنوده لصالح الإمارات والسعوديه
أو تاجر حمير تطور إلى صاحب شركات عبر اغتصاب وتهريب الدهب السوداني
والمشكله انو كل الأدوار دي فاشل فيها وما عندو ليها قدرات ذهنيه
وإنما يقوم بها عبر توجيهات اسيادو البدفعو ليهو
يعني هو كومبارس أو دميه تحركه الأيادي التي تدفع له
COVID 19
ينسى تصريحاتو السابقه ويجي يقول ضدها
معقول في سياسي بعمل كده
بي تصريحاتو المتناقضة والغير مدروسه كل يوم بلف الحبل حول رقبتو اكتر وبضيق على نفسو مساحة المناوره
وبزيد من كراهية الناس فيهو ودا ما طبع السياسيين
آخر تقاليع تصريحاتو قال انا المنعت البشير يفض الاعتصام ويقتل الناس
طيب ما انت نفسك القتلت الناس في سبتمبر 2013 صلاح سنهوري وصحبه الكرام
فاكر ح ننسي يا تافه يا ما قارئ
وانت الجيت فضيت الاعتصام بعد سقوط البشير ونفذت مجزرة القياده وقتلت العزل
الا من صمودهم وايمانهم بمبادئهم وحتمية التغيير عبد السلام كشه وبقية الشرفاء
فاكرنا نسينا يا مجرم
قال بكرهوني وشيطنوني ومسمني فريق خلا
يعني نقول عليك ملاك ويديك والغه في دم شبابنا
وما نقول فريق خلا نقول شنو انت جيت من وين!؟😂
قريت الكليه ولا اتدرجت في الجنديه ما جابك البشير من الخلا لقاك كاشي حميرك 😂
دفع ثمنك من جبل عامر و اداك رتبه وبندقيه وأطلق يدك في القتل والنهب
البشير البتفاخر انك خنتو ياهو الصنعك واستخدمك خازوق في خاصرة الوطن وما زلت اكبر خازوق غرستو الإنقاذ في البلد
في اغبى من انك تصرح تقول انا خائن غدرت بي ولي نعمتي ومنتظر الناس القتلت أولادهم وأصحابهم يثقوا فيك
بي تصريحك دا اثبت انك تميل مع الأقوى ومن يدفع أكثر
وغباك وجلافتك ووضاعتك منعتك تشوف الأقوى الحقيقي والبدفع أكثر شرف يسجلو التاريخ وهو الشعب السوداني
وكمان بتتعدي وتتطاول على نضالات الشعب السوداني ووقفة شبابو الصلبه في وجه الظلم والطغيان الشباب الاتعذب في بيوت الأشباح
ومنع من الوظائف وواجهو آلة القمع والقتا الكنت واحد من أدواته وكنت واحد من كلاب صيد النظام العاقه لي وطنه الشباب السال عرقو و دمو مهر للتغيير
واقتلاع الظلم تجي تقول ما عندهم دور في التغيير واقتلاع نظام الجبهه وانك انت الأحدثت التغيير
دي وقاحه منك فايته الحد
يا كوفيد-١٩ اتخمد شعبنا كلو عارف انو ما كان ليك دور في ثورتنا ولا في سودانا غير الخراب والقتل والنهب والعماله
وشعبنا مصر ومصمم انو ما يكون ليك دور في المستقبل
لأنك قاتل والغ في دمنا وأقصر قامه من أي سوداني شريف
وفي النهايه لا تعدو كونك كلب صيد مملوك بدون ولاء أو فكره أو انتماء فقط ولاءك لمن يطعمك ويدفع أكثر

يا قحاطه ...

محمد حمزه الكوز الانتهازي المتسلق
الثوره مستمره ومتواصله
وح تسقط كل الانتهازيين
وتبني سودان جديد مطابق لي احلامنا
احلام وتطلعات الشباب الثوار الحقيقيين مفجري الثوره

قلت كيف على عثمان بعد طردو اسرتو من المزرعه السعيده و شرب من نفس الكأس
السقي منو غيرو دوار يا زمن 😂😂😂😂

* قبل ان يكون جاهلاً او أمياً فهو لا ينتمي إلينا وليس منّا.

* لا جذور لهُ في كيان المليون ميل مربع سابقاً، لم يحصد التمر في ديار الشايقيه
و لم يزرع الصمغ العربي في عروس الرمال و لم يرقص مع الدينكا رقصة الحصاد لأنهُ ببساطة ليس دينكاوي،
و لا يضع الخُلال في سقف رأسه فهو ليس هدندوي و لا من الجزيرة و لا من ديار الشكرية و لا دارفوري ولا من النوبة الشمالية .

* يحمل رتبة عسكرية و هو ليس (جياشي)، و لا دُفعة له.!

* لم يفرح او يحزن لأنه نجح أو رسب في امتحان الشهادة الثانوية و لم يقدّم في جامعة جوبا او الخرطوم او النيلين او الجزيرة
و لم يوثّق شهاداته ليسافر للدراسة في الهند او سوريا او روسيا او المغرب او مصر.!

* لم يكن كوز يحمل السيخ ضد من يظنهم شيوعية و لم يكن شيوعياً و يحمل كُتبا و يجنّد البرالمة، لم يمتنع عن التصويت في الاتحاد و لم يصوّت من اساسه،
و لم يساهر أرقاً قبل انتخابات الاتحاد و لم يقاطع الكيزان اجتماعياً، و لم يقف في اركان النقاش مستمعاً او مخاطباً..

*لم يحمل ملاحقاً و لم ينجح بـ بي بلس ولم يتخرّج و لم يترك الدراسة، لم يقدم في وظيفة و لم يدخل معاينة و لم يتأمل اول ماهية، لم يشتغل و لم يكن عاطلاً..

*لم يقرأ موسم الهجرة الي الشمال و لم يسمع بالطيب صالح من اصله و لم يقرأ البنت التي طارت عصافيرها و لم ينتظر تداعيات يحي فضل الله بفارغ الصبر،
لم يسمع حميد و لم تبهره قصائد عاطف خيري و لم يسمع لمصطفى سيد احمد و لم يغني خلف عقد الجلاد في المسرح و لم يصرخ طرباً مع ابو عركي في مسرح النشاط و لم يذوب طرباً مع الحوت..

* جاء من الفراغ، من عوالم لا علاقة لها بثقافات السودانيين من نمولي إلي حلفا، و لم نسمع زميلاً له يتكلم عنه و لا هو حكى عن زميل له..!

* هوإنسان ميت بلا تاريخ ولا حاضر يحلم ان يتحكم في شعب له تاريخ وحضارة و بكامل الحياة و الحيوية..!!

*كسرة :
إنه كال(Covid-19)،ظهر فجأة،وتمدد !
إنه حميدتي !

حباب وضاحة نورت الساحة