أعلنت لجان مقاومة الجريف شرق بالخرطوم، التصعيد الكامل والذي يقضي بقفل كبري الجريف شرق والاعتصام عليه لمدة 72 ساعة متواصلة إلى حين فك طلاسم قضية مقتل عضو لجان المقاومة محمد اسماعيل (ود عكر)، مبينة أن القضية باتت واضحة المعالم، ويتهمون فيها كل الأجهزة الأمنية من دعم سريع وشرطة وجيش. وقالت لجان مقاومة الجريف في بيان صحفي اليوم الأربعاء، إن التقرير الأولي لتشريح جثمان ود عكر أثبت عدم تعرضه للتعذيب، ودونت هذه المعلومات مديرة مشرحة التميز، وهو ما تم نفيه كاملاً في إعادة التشريح الذي أثبت تعرض ود عكر لتعذيب شديد، وحلق شعره ووضعه في جيبه، بجانب مماطلة الأدلة الجنائية في استخراج نتيجة مطابقة عينة DNA، وعدم النظر للبلاغات منذ شهر أو أكثر من اختفاء ود عكر. وأكدت أنها قررت التصعيد إلى حين محاسبة كل المتواطئين في تضليل العدالة بعمد وهم: مديرة مشرحة مستشفى التميّز، الأدلة الجنائية، المسؤول من قسم شرطة بري، رتكاز الجيش الموجود بالقرب من كبري الحديد (شارع النيل)، بجانب وكيل النيابة الخاص بالمفقودين أحمد سليمان ومن معه. وأشارت اللجان إلى أنه بعد انقضاء ال72 ساعة من غير تنفيذ المطالب المذكورة؛ سوف ينتقل التصعيد تدريجياً لكل المناطق، وسيعلنون عبر البيانات إقفال كل الطرق، ودعت الثوار ولجان مقاومة المناطق الأخرى تجهيز العدة والعتاد لاعتصامات جماعية لزلزلة الحكومة التي وصفتها بالفاسدة.
05-27-2021, 03:57 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
الكلام أدناه قتو للشباب القافلين الطلعة لكبري المنشية ناحية شارع النيل بالخرطوم أمس بعد ١١ بالليل ... البتعملوا فيهو دا أكبر غلط لأنكم بتحاربو في ناسكم الما فيهم مسؤول واحد بيمر بهذا الكبري ... البمرو بالكبري دا ناس عاديين معظمهم ناس غلابا ماشين لي بيوتم في شرق النيل الفيها الغالبية العظمى سكن شعبي ... دايرين تفعلو شغلكم تمشوا شارع النيل تقفلو القصر الجمهوري ومجلس الوزراء وتقفلو ناحية شارع الجامعة للجهتين ديل(القصر والمجلس) وضيفو ليهم مبنى النيابة العامة في شارع الجامعة وهو على مرمى حجر من مجلس الوزراء ... كدا بتضمنو إنكم فعلا عطلتم الناس الفاعلين في قضيتكم وفي البلد كلها وبتضمنو حل سريع لي قضيتكم ... عملكم الآن يزيد الحياة صعوبة للغلابة الراجعين أهلم بعد عناء يوم طويل بحثا عن الرزق ... غايتو البلد دي جنس عذاب مبااااالغه ... تمرق من الصباح وانتا سايق معظم الوقت وفيها حوامه ونضم كتير وامشي وتعال وتجي آخر الليل وبينك وبين سريرك ٥ دقايق تلقى الناس المضرين ديل يرجعوك بي كبري كوبر ويضيفو ليك ٤٥ دقيقة إنتا في أمس الحاجة لها (لتنسدح) في مهجعك ... غايتو الله في ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
Salah Zubeir
فيس بوك
تويتر
انستقرام
يوتيوب
بنتيريست