ود الزلط

10:30 PM May, 23 2021

سودانيز اون لاين
احمد عمر محمد-
مكتبتى
رابط مختصر

الزلط يطلق على الشارع والود حال والشارع
محل فكان الشخصية تقول ود الشارع.
وقديما كان يقال لمن يظن به شر ده زول تربية
شوارع، وكما هو سائد بين الناس ظنهم ان الشارع
يربي الجنا ويعتقدون فيمن كان رزينا بانه تربية
بيوت وزول فارة.
عموما شخصية ود الزلط الدرامية تعكس وجوه عدة
من اوجه الاحياء او المجتمع العادي ويظهر البطل كل يوم
بشخصية مألوفة ويتقمصها البطل بصورة غالبا بعيدة
عن الواقع حسب مشاهداتي.
في احد الحلقات وحيث كان حسن الرايب يستضيف
ود الزلط كان الضيف يحكي كيف ان احدهم سافر بسفنجته
التي اهدتها اياه والدته وقت (طهورو) (طبعا تبادر الى
ذهني ان كلمة مثلها لا يمكن ان تصدر في مشهد درامي
بتلك الصورة المبتذلة) لذا استبدلها بهاشات والشئ الاخر
ان من بين الضيوف اطفال وربما ذكر الضيف ود الزلط
البطل المفردة اكثر من مرة وكانه يريد ان يؤكد ان الاستخدام
لها حتى في وجود اطفال امر مقبول.
ياترى كيف يمكن ان يتقبل المجتمع تدوال هذه اللغة
والتي في اعتقادي انها لغة سوقية عبر الميديا وبكل جراءة
هذا ان لم يكن ان نسميها وقاحة.
اذا استدعى الامر ساحاول رفع الحلقة

أعتقد (ود الزلط) يستطيع إضحاك قلة من الناس ، بالأصح من عرفوه من زمان ، أما مشاهد اليوم فلا
و الدليل (الليموني) !

تحياتي احمد, ربيع يقاتل في الزمن الضايع للاسف, و اللجوء للافيهات المبتذلة دي يبدو أحد الوسائل التي يريد بها الاستمرار في وسط بقى ما بأكل عيش زي الناس
عندو برضو حلقة تناول فيها مثل لو غلبك سدها وسع قدها بطريقة غاية في الابتذال

بالمناسبه اسم ود الزلط دا ليهو دلاله اسوء .
فى منطقه كان يعمل فيها صينيين فى انشاء طريق زلط وبعد فتره ظهر اتولد اطفال بملامح صينيه سموهم اولاد الزلط

اخو (حجر الزلط) ؟

وليد طه
ممكن عشان الشخصية تبعوا انطبعت لدى المشاهد
ببرنامج الكاميرا الخفية وشخصية الليموني الجديدة
جعلت المشاهد ان يجد ود الزلط هنا
المهم في الامر وكما ذكر ود البشرى على ما يبدو
انه يحاول تمرير بعض الأشياء غير المألوف
في شكل درامي