Post: #1 Title: بسمات الشيخ العطبراوية، كنا فرشنا السكة ورود Author: أحمد محمد عمر Date: 05-22-2021, 04:35 PM
كان شفتي الاونلاين بقى بيت عزابة بس الجنس الناعم بتعد على أصابع اليد الواحدة والواحدة فيهم بتظهر يوم وتغيب شهر غير صاحبتك امتثال مافي أي زولة مداومة على الاونلاين ودي ذاتها حركتها محدودة ناس عارف ناشد ديل حايمين بالفنايل الداخلية لما نشوف واحدة حايمة - ونادراً ما يحصل - بنجدع فيهم ملاية تسترهم
قاعدة معانا كتير نلملم أكياس الصعوط وحجار الشيشة وننضف البيت؟ ولا كلها يومين وبتغطسي تاني!
بيني وبينك دخولك متنكرة بالاسم العربي دة مااااا ريحني :)
Post: #2 Title: Re: ابتسام الشيخ العطبراوية، كنا فرشنا السكة Author: أحمد محمد عمر Date: 05-22-2021, 04:37 PM Parent: #1
أحمد عمر محمد امس كان بتبرأ من مداخلاتي
أها الليلة برضو بتعلن تبرؤك من البوست ولا النيو لوك دة كويس معاك؟ :)
Post: #3 Title: Re: ابتسام الشيخ العطبراوية، كنا فرشنا السكة Author: أحمد محمد عمر Date: 05-22-2021, 04:37 PM Parent: #2
Post: #5 Title: Re: ابتسام الشيخ العطبراوية، كنا فرشنا السكة Author: محمد البشرى الخضر Date: 05-22-2021, 04:42 PM Parent: #4
نيو لوك!! يا كبير
Post: #6 Title: Re: ابتسام الشيخ العطبراوية، كنا فرشنا السكة Author: أحمد محمد عمر Date: 05-22-2021, 04:49 PM Parent: #5
دي نوع البوستات البتمشي براها بدون مسؤولية مني أخدوا راحتكم في الترحيب
المهم مرحباً بي بنتا العطبراوية ولا عزاء للحاقدين الدايرينها داخلية اولاد :)
Post: #7 Title: Re: بسمات الشيخ العطبراوية، كنا فرشنا السكة ورود Author: أحمد محمد عمر Date: 05-22-2021, 04:54 PM Parent: #6
شيخي قوي دخلوا اتنين حاقدين وما قبضوا الغلطة
أها عدلناها (وش مادي لسانه)
Post: #8 Title: Re: بسمات الشيخ العطبراوية، كنا فرشنا السكة و Author: طلحة عبدالله Date: 05-22-2021, 05:00 PM Parent: #7
يا عمك أنا كنت مركز في (تبريرات) فتح البوست عشان كدا ما انتبهت للغلطة خخخخخخخخخخ
Post: #9 Title: Re: بسمات الشيخ العطبراوية، كنا فرشنا السكة و Author: أحمد محمد عمر Date: 05-22-2021, 05:06 PM Parent: #8
المشكلة كلها في حافظ بشير الباقين بقدر احنكهم
غايتو حوطت البوست، حوطة حوطة العقرب الشحموطة من عين حافظ الزعموطة
Post: #10 Title: Re: بسمات الشيخ العطبراوية، كنا فرشنا السكة و Author: بسمات الشيخ Date: 05-22-2021, 11:19 PM Parent: #9
الزميل احمد محمد عمر شكرا شكرا للترحيب...غيابنا عن المنبر العام كان للشديد القوي ... وفي الحقيقة ما غبنا عن المنبر ...كنا بنتاوق ونقرا من وقت لاخر ونتناقش مرات مع صاحبة الاوسكار امتثال في بعض مواضيع المنبر ،وهي مدمنة قراءة وكتابة... ...سوف تقرأ لنا كثيرا بعد شهر يوليو ،بعد سفرنا للسودان ،،،،اذا الانترنت ما خذلنا هناك ... وربنا يديك الصحة والعافية
Post: #11 Title: Re: بسمات الشيخ العطبراوية، كنا فرشنا السكة و Author: Hafiz Bashir Date: 05-23-2021, 01:38 AM Parent: #10
05-22-2021, 04:35 PM ثم عدل بواسطة أحمد محمد عمر on 05-22-2021, 04:52 PM
قوقل ما لحق كبشر لكن وحاة الخوة أخوك كتوم للسر، رسل الكابشر في الخاص، الشمار كتلنا.
Post: #12 Title: Re: بسمات الشيخ العطبراوية، كنا فرشنا السكة و Author: Haytham Ghaly Date: 05-23-2021, 05:30 AM Parent: #11
Quote: رسل الكابشر في الخاص، الشمار كتلنا.
الجنا دا هبب شنو ..؟؟
انا زاتي رسلو لي في الخاس
بتنا العطبراوية بسمات نورتي دارك من جديد
انا مستغرب كيف تكون زولة راقية زي بسمات دي من عطبرة
وود المدير برضو من عطبرة (وش اخضر معولق)
غايتو لله في عطبراته شؤون
Post: #13 Title: Re: بسمات الشيخ العطبراوية، كنا فرشنا السكة و Author: احمد عمر محمد Date: 05-23-2021, 05:35 AM Parent: #11
البوست ده انا كتبوا متين الواحد بقى متلخبط بين نفسو واحمد محمد عمر كل ما اشواف اسمك اعيد قرايتوا مجدداً
Post: #14 Title: Re: بسمات الشيخ العطبراوية، كنا فرشنا السكة و Author: زهير عثمان حمد Date: 05-23-2021, 06:10 AM Parent: #13
اهلا بها عادة لنا والعودة له مقام في نفوسنا انشالله مجبورة الخاطر بينا ايتها الانسانة
