Post: #178
Title: Re: أولاد حمدوك
Author: الشيخ سيد أحمد
Date: 05-24-2021, 07:54 PM
Parent: #177
Quote: خت لي أصبعك على العفصة القلتها دي عشان أطلعك يا ما فهمت كعادتك يا كعادتك برضو عايز تخم ساي زي خمك في البوست دا من البداية لغاية هسة وكعادتك برضو .. يا اما كمان عفصة مقابل عفصة .. كعادتي أنا المرة دي.. خخخخخخ /QUOTE]
بالغت يا طلحة ياخ. ماتحرجنا . العقصة ظاهرة - عليك الله شوف بذكائك وبن مكانها. تصدق ابدا مافي قبلها عفصة من جانبنا نحنو الكيزان.
.Quote: يا عمك أنا حريص جدا كعادتي برضو في الحاجات دي ما زيكم أهوج وبشوت ضفاري كعاتكم خخخخخخخ[ |
هههههههههه اها والله يا طلحة اخوك عامل حسابو شديد في حتة الشوت. وغلفت الموضوع بورق هدايا وطرفة- لكن جاتني عفصة لمن استغربت. لكن لأنو الموضوع موضوع عام ف ح اعمل رايح. ما تتصل علي بالتلفون ولا ترسل لي في الواتساب عشان تعرف محل العفصة:) انت براك بحبت وشوف وين - ولمن تلقاها اعمل ميت خخخخخخخ.
|
Post: #179
Title: Re: أولاد حمدوك
Author: الشيخ سيد أحمد
Date: 05-24-2021, 08:02 PM
Parent: #178
Quote: ما هو يا امّا ما عارف مشكلة البلد شنو يا عارفا و بكل ما تملك من قدرة على المخادعة عاوز تحمّة الوضع الحالي خليك امين و امسك جانب الاقتصاد و شوف اساس المشكلة شنو و بدت متين و العلاج شنو و كورة التلج دى ليه اتدرجت و كبرت لامن وصلنا الحتّة دى |
انا اخرت الرد على مداخلتك لأنو يبدو أن هناك مايتبعها.
طيب- قول انا ما عارف. أها إنت ورينا رايك وخلينا نعرف. وزي ما انت قلت- نمسك جانب الإقتصاد- اساس المشكلة شنو وبدت متين؟ الحقيقة الحتة دي محفزة للإنتظار- عشان كده انا منتظر وجهة نظرك ونشوف كيف تحليلك.
كسرة: لسه انا ما اتبحرت في الأمن والصحة والتعليم- فقط أشرت إشارات.
|
Post: #180
Title: Re: أولاد حمدوك
Author: طلحة عبدالله
Date: 05-24-2021, 08:02 PM
Parent: #178
يا زول ما في أية عفصة ما تخمني باقتباساتك الما معروف رأسا من قعرا دي خخخخخخ ............... حتى لو فرضنا في عفصة فلو كانت عفصتي فتأكد مليون في المية أنها رد لعفصة أو زي ما قلت ليك ما فهمت وعايز تعمل منها قضية لزوم التحوير زي بتاعت مع رص ديك .
|
Post: #181
Title: Re: أولاد حمدوك
Author: الشيخ سيد أحمد
Date: 05-24-2021, 08:05 PM
Parent: #180
لا والله مش منك ابدآ يا طلحة.
حاجة زي دي عايزة (ابوحسين)- متخصص في البحبتة والقراية المتفحصة. لكن ماشاف البوست ده اظنو.
|
Post: #182
Title: Re: أولاد حمدوك
Author: كمال عباس
Date: 05-24-2021, 09:08 PM
Parent: #181
الشيخ ......... ....Quote: غايتو البوست ده بأمانه كشف المستور عن مستوى الوعي السياسي لدى ناس (شكرآ حمدوك). عليك أن تبرز انك كنت معارض حتى تبدي برأيك في هذه الحكومة!! فلنفترض أن رجل الشارع البسيط لايملك القدرة على التعاطي مع تكنلوجيا العصر- فهل سيتأثر بالضرر الإقصادي الذي يضيق عليه في حياته أم لا؟؟ |
إنت بتضاري في رجل الشارع العادي ليه؟ المواطن من حقو يتذمر ويحتج من أجل وضع أفضل والثائر من حقو يحبط ويجدد ثورتو لأن الحكومة أقل بكتير من سقف توقعاتو ولم تنجز إهداف ثورته وأنا غيري من حقنا نطالب بتغيير الحكومة وتصفير عداد الثورة ! بس إنت كنت وين زمان من جوع وفقر وقتل وتعذيب المواطن؟ ليه بقيت حنين شديد هم المواطن بعد الثورة؟ الحنية دي كانت وين زمن الإنقاذ والذل والهوان والفساد الممنهج والقهر ؟
أيوة من حق المواطن أن يتذمر والثائر الإعتراض ومن حقنا المطالبة بذهاب الحكومة ... بس إنت لا ,,, لايحق المزائدة لأنك تفتقر للإتساق والمبدئية كتب ..Quote: شكل الإنتقاد للحكومة الحالية ونظام الإنقاذ مختلف - لا تستطيع أن تستخدم ذات الفهم لنظام مكث ثلاثون عامآ مع نظام تسلم السلطه لمدة عامين- لكن الفرق هو أن سرعة التراجع في مناحي الحياة وتيرتها أسرع في هذين العامين. |
أس العلة ومكمن الداء كان نظام الإنقاذ والذي لم يقتصر السوء فيه علي المعيشة الإنقاذ فرطت في التراب والسيادة الوطنية ـ حلايب.- الفشقةـ -ومزقت النسيج الإجتماعي للوطن ..Quote: وتحكم فينا وقتها القتلة والمفسدين والمستبديين ! وسمحت بهوانها لإسرائيل أن تضرب السودان خمسة مرات والسادسة علي بعد بضعة أميال من القصر الجمهوري ! ونظام الإنقاذ - وحشد الشباب السوداني ليقاتل بالوكالة في عاصفة الحزم -وربط السودان بالتطرف والإرهاب وعزله خارجيا -قتل الالاف وعذبت وشرد ؟ |
دا كلو عند الشيخ هين وماعندو قيمة ولايستحق أن يعارض- لماذا لم تطالب بسقوط الإنقاد ولماذا لم تعارضها مبدئيا؟ 30 عاما من الدمار والفساد الممنهج والقتل والتعذيب والتمكين \ أين كنت وقتها ؟ كتب ..Quote: ذا الفرق يحتم عليكم ك (هتيفة ومطبلين) أن تنظروا بعين المسؤولية الشخصية والتاريخية وبدوافع وطنية خالصة إلى الجهر بمكامن الخلل ومحاولة تصحيحها. ؟ |
ولماذا لم تجهر بمكامن الخلل أيام الإنقاذ ولماذا لم تعارضها وتهاجمها اليوم أنا وغيري نطالب بذهاب هذه الحكومة فهل كنت تملك الحس الوطني والإنساني بحيث تعارض الإنقاذ وتطالب بذهابها كما نفعل نحن اليوم؟ كتب ..Quote: هذه حكومة أدمنت التسول - الفرق بين تسول الأمس واليوم هو لغة التسول فقد دخلت اللغة الإنجليزية والفرنسية في مشهد التسول.؟ |
ولماذا ترفض وتدين تسول الإنقاذ من دول الخليج؟ بل الأخطر الإنقاذ حشد جنود السودان وشبابه ليقاتلو بالوكالة دفاعا عن أجندةمقابل أموال سحت دخلت جيوب السماسرة ولوردات الحرب ـ آخرها كانت مظاريف تحوي كاش ـ دفعت تحت التربيزة ليد البشير فإي رخصة وذل أكثر من داـ ملايين تدفع لحساب البشير يمنح منها عبد الحي والمحاسيب .......
|
Post: #183
Title: Re: أولاد حمدوك
Author: كمال عباس
Date: 05-24-2021, 09:10 PM
Parent: #182
اليوم أنا وغيري نطالب بذهاب هذه الحكومة ( وإبدالها بحكم أكثر إلتزاما بأهداف الثورة ونبض الشارع) فهل كنت تملك الحس الوطني والإنساني بحيث تعارض الإنقاذ وتطالب بذهابها كما نفعل نحن اليوم؟
|
Post: #184
Title: Re: أولاد حمدوك
Author: الشيخ سيد أحمد
Date: 05-24-2021, 09:53 PM
Parent: #183
يا كمال:
Quote: إنت بتضاري في رجل الشارع العادي ليه؟ المواطن من حقو يتذمر ويحتج من أجل وضع أفضل والثائر من حقو يحبط ويجدد ثورتو لأن الحكومة أقل بكتير من سقف توقعاتو ولم تنجز إهداف ثورته وأنا غيري من حقنا نطالب بتغيير الحكومة وتصفير عداد الثورة !
|
برضك ما فهمتني. النوقع ليك كلامي كويس.
عندما أقول ان رجل الشارع البسيط لا يستطيع التعامل مع تكنلوجيا العصر- ما أعنيه هو عدم نشاطه في الشبكة العنكبوتية- لكن بالرغم من ذلك فهو يعاني من الضائقة تاتي بها العديد من الأسر. هؤلاء يا كمال They need a vice- انا هنا the voice of the voiceless شفت الكلام بالإنجليزي ده - عشان نحن لازم نتعلم لغة الشحدة ما دام بقى حكومتنا تشحت باللغة الأجنبية. كيف يمكن لهؤلاء أن يوصلو صوتهم إلا عبر من يستخدمون الشبكة. أنت وقباني مدانين لأنكم لم تتحدثو بلسانهم- كان عليكم أن تضعوا الميزان وتتوقعوا الoutcome إذا شاركت المعارضة في السلطة إبان سطوة الإنقاذ وكيف ان ذلك كان يمكن ان يحفظ دماء أبناؤهم.
Quote: أيوة من حق المواطن أن يتذمر والثائر الإعتراض ومن حقنا المطالبة بذهاب الحكومة ... بس إنت لا ,,, لايحق المزائدة لأنك تفتقر للإتساق والمبدئية
|
بالله يا جماعة شوفو جنس الكلام ده. يعين الواحد مايقول بغم ونحن شايفين البلد لاحقة امات طه.
اها يا كمال النسألك- الحل شنو في وجود العسكر في المشاركة؟ انت قبلان مشاركتهم في الحكم؟؟ ماسمعتك قلت بغم!! ورينا موقفك من الآلة العسكرية كحاكم عام للسودان.
حينما تتحدث عن مشاركة ابناء السودان في حرب اليمن بهذه الكيفية يتبادر إلى الأذهان أن هذا الأمر قد إنتهى!! لماذا لم تستعيد الحكومة ابنائها المقاتلين؟؟ هل تعلم لماذا؟؟ طالبنك إجابة مباشرة يا كمال لي السؤال ده بالله.
|
Post: #185
Title: Re: أولاد حمدوك
Author: كمال عباس
Date: 05-25-2021, 04:05 AM
Parent: #184
وانت يا لشيخ. هل تحدثت او عبرت عن امال والأم البسطاء وحقهم في الحرية والعيش الكريم ؟ هل انحزت لهم ضد اللصوص والقتلة ؟ هل رفضت قهرهم وأذلالهم ؟ هل رفضت وعارضت التفريط في تراب وطنهم ؟ هل عارضت الإنقاذ التي أدلتهم وافقرتهمً لا ؟ - انا نحن فعلنا هذا ! واليوم نعارض سلبيات الحكم ونطالب بذهابه ونرفض حرب الوكالة والعمالة في اليمن - حاليا كما رفضناها سابقا ؟ فهل كنت ترفضها سابقا في عهد الإنقاذ ؟ وكما قلت عارضنا الوضع الحالي وطالبنا بذهابه فهل كنت تملك الشحاعةً والاتساق لمعارضة ورفض حكم الإنقاذ ؟ اعترضنا علي الوضع الحالي وقلنا فليذهب ولم نبرر ولم نتعلل بالحروب والدم وهشاشة الوضع والفتن لنبقي علي هذا الحكم حكاية انت مدان وعلان غلطان لانهم عارضو جور وظلم الإنقاذ دا اسلوب طفولي لن يغطي عورة الصمت او التأييد لكوارث الإنقاذ لن يغطي اللامبديية وعدم الاتساق الذي اتسم به امثالك
|
Post: #189
Title: Re: أولاد حمدوك
Author: كمال عباس
Date: 05-25-2021, 04:27 AM
Parent: #185
للأسف الحوار اصبح دائري وعقيم لعجز مفترع البوست أضحي الحوار يخصم ولايضيف فالشيخ لايقدم فكرة أو رؤية ولايسهم في عملية تلاقح. فكري او ثقافي وما اظنه اني لهذا الخلاصة يالشيخ شوف هناك -هنا المتدمر والمحبط والمعارض لبعض سياسات الحكومة ومن يطالب بذهابها ومن يامل في إصلاحها ومن ينقد ويرفض سلبياتها ويدعم ما براه إيجابي
ولكن يظل القاسم المشترك الأعظم بيننا بعد المواطنة - هو الانتماء والولاء للثورة وتأييد أهدفها والتأسيس علي شرعيتها ومشروعيتها وفي هذا الإطار يظل الخلاف جوهري ومفصلي. مابين القوي التي ثار عليها شعبنا - اي الفلول ومن ناصرهم او صمت علي مخاذيهم هذا الخلاف الجوهري يظل هو الاخر حد ادني بجمعنا وعليه الخلاف والموقف من هذه الحكومة لن بجعلنا. نتصالح مع او نهادن. الفلول من دعهم مافي اي طريقة تجمعنا مع من اكتشف فجاءة بعد سقوط الإنقاذ - أهمية وضرورة الحديث عن سوء الحال والجوع والفقر وسلبيات الحكام هذه النوعية تفتقر المبدئية ووحدة المعيار- تضرنا وتشوش علي معارضة أهل الحارة والوجعة الذين واجهوا الإنقاذ بجسارة وعادوا ليحبطو من اداء الحكومة الحالية هذه النوعية للأسف تجعل البعض. يصطف اضطرارا مع الحكومة مافي وطني وثائر سبنخدع. او يخم ليخدم اجندةً اعداء الثورة أجندتنا تختلف ومنطلقاتنا. متعارضة
|
Post: #186
Title: Re: أولاد حمدوك
Author: adil amin
Date: 05-25-2021, 04:08 AM
Parent: #184
Quote: -زنقة "كديس ' في الطاحونة |
عليكم الله في زول سمع بي المثل بتاع كمال الرايح ليه درب بقولو زنقة كلب ابيض في سوق فلاتة وهسة يا كمال الليلة وبكره ولي يوم الدين دي ما ثورة ده انقلاب قامن به المخابرات المصرية عشان تحافظ علي النهب ومعاها الامارات والسعودية وجابت 5جنرالات في الخرطوم واثنين قاعدين في مصر صلاح قوش وبن عوف وجدعو دستور 2005 والمحكمة الدستورية وعملو الوثيقة الدستورية الغبية الماتت الليلة 21 مايو 2021 وما سلمت السلطة للمدنيين وهسة البلد عميانة وقايدها مجنونة والجبهة الثورية صعليك قطر والامارات ومرتزقة حفتر والسراج ليس حركات كفاح مسلح اطلاقا مجرد مرتزقة رخيسين وسيرك جوبا فالصو والبندقية عبارة عن خشبة وماسورة في زول عده سؤال \قحت لمة بلا مشروع وقررررط علي كده اما ( النجلت ) جلادونا بتاع مروي شرق لو ما العرق دساس ما كنت فت الختمية وبقيت شيوعي ولي بعثي ولي ناصري والعروبة المستعارة ودي امراض نفسية تخص منبتين المركز بس السودان ده ما فيه عرب غير السفير اليمني فقط في الخرطوم والرشايدة في الشرق....والله شيوعيين الشمالية ديل معروفين شنو
|
Post: #187
Title: Re: أولاد حمدوك
Author: adil amin
Date: 05-25-2021, 04:16 AM
Parent: #186
والله يا لشيخ جقود عايز يبقي كوز وما قادر عشان يلم الهيم والنجلت وعقاب اليسار البائس في السودان شوف الرائع محجوب شريف خضرا الدمن قال للشباب شنو وبعد داك مشو وين وكتلتهم مخلوقات فضائية في ساحة القيادة الدنيا أوسع من تضيق قوم أصحى فِك الريق هتاف إن الذين أحبوا روحهم ضيَّعوك وبيَّعوك أعز ما ملكت يداك أوعَك تخاف الخوف محطه محطه ما سكَّة وصولك للطريق إن الأيادي الحُرَّه ما بْتشعِل حريق تبْ ما بْتقيف تستنَّى قدامها بْتشوف يَحْتِل غريق تلو الغريق ما تنسى إنك كنت صاحب راي وبيت **** راي بيت دي بس ختمي مركب مكنة حركة شعبية بدل الهذيان مع كلاب الحر ديل انت ريح نفسك وخش في القبة الحديدية بتاعة ابو هاشم بدت بي الحركة الشعبية شمال وبتلقف ليك الشباب كلهم زي عصا موسي ولد يوكابد جدي عليه السلام عشان نشوف ...بعد داك الكوز منو والقصرية منو ؟؟
|
Post: #188
Title: Re: أولاد حمدوك
Author: adil amin
Date: 05-25-2021, 04:24 AM
Parent: #187
اخرتا المقطوع جلادونا خادم المركز ربع الدماغ يتكلم عن جبل البركل ويرفس كمان كلم قريبك عوض الجاز يرجع ال64مليار دولار بنك السودان يا بتاع مروي شرق والحلة تنوري والعمدة كنيش نحن الزول من يباري كعوك الخرتوم ويفوت محطة الرويان جنوب بنرمي طوبتو https://top4top.io/
|
Post: #190
Title: Re: أولاد حمدوك
Author: الشيخ سيد أحمد
Date: 05-25-2021, 11:27 AM
Parent: #188
Quote: وانت يا لشيخ. هل تحدثت او عبرت عن امال والأم البسطاء وحقهم في الحرية والعيش الكريم ؟ هل انحزت لهم ضد اللصوص والقتلة ؟ هل رفضت قهرهم وأذلالهم ؟ هل رفضت وعارضت التفريط في تراب وطنهم ؟ هل عارضت الإنقاذ التي أدلتهم وافقرتهمً لا ؟ - انا نحن فعلنا هذا ! |
لكل طريقته في التعبير يا كمال. الإنقاذ برغم سوءاتها كان يمكن أن تكون المشاركة معها لبنه لبناء دولة جديدة - دائمآ نحاول النظر للجزء الملئ من الكأس. تخيل يا كمال قدر التنافس الذي كان سيكون بين المؤتمر الوطني والمعارضة وتسابقهما في خدمة المواطن. تخيل قدر الشفافية الذي كان سيشهده المسرح السياسي. تخيل غياب المحاصصة و تأسيس مبدأ الكفاءة والنزاهة في الإختيار. تخيل دور البرلمان في قتل التشريعات بحثآ حتى تكون منفستو يحكم الإقتصاد والسياسة. تخيل كم الدماء التي كانت ستنجو من القتل. الخلاصة يا كمال أن مناداتك بضرورة ذهاب الإنقاذ لم تصل إلى نتيجة بينما جاء التغيير عبر (اصحاب الوجعة). وذهبت هتافاتكم العالية أدراج الرياح لأنها هتافات بعيدة عن نبض الشارع. الشارع وصل مرحلة من النضج تمكنه من إكتشاف (الصليح من العدو) فهل تعتقد ان الصليح هو من يمسك بالحكم؟
|
Post: #191
Title: Re: أولاد حمدوك
Author: HAIDER ALZAIN
Date: 05-25-2021, 12:04 PM
Parent: #190
Quote: الكيزان كانو بياكلو وياكلو معاهم الناس. |
أي زول يقول حاجة زي دي من البداية تخت ليهو طشـت طوالي.. ؛)
ياعمكـ لو بيأكلوا الناس يبقى الناس دي ثارت ضدهم لي شنو زهجو من الأكل يعني؟!
الاسلم للنقاش والشفافية تقول : الكيزان كانوا بياكلوا ويأكلوا ناسهم ويأكلونا معاهم
|
Post: #192
Title: Re: أولاد حمدوك
Author: طلحة عبدالله
Date: 05-25-2021, 01:04 PM
Parent: #191
حيدروف يا صلد Quote: أي زول يقول حاجة زي دي من البداية تخت ليهو طشـت طوالي |
هي لكن زي شيخو دا يجيبوا ليهو طشت من وين ؟
|
Post: #193
Title: Re: أولاد حمدوك
Author: جلالدونا
Date: 05-25-2021, 01:28 PM
Parent: #192
Quote: هي لكن زي شيخو دا يجيبوا ليهو طشت من وين ؟ |
حولاااااااا هى المصيبة اكبر من الطشت خلاص جيبو ليهو بحر المالح الله يستر على القاعدة الروسية
|
Post: #194
Title: Re: أولاد حمدوك
Author: الشيخ سيد أحمد
Date: 05-25-2021, 01:38 PM
Parent: #193
Quote: وهسة يا كمال الليلة وبكره ولي يوم الدين دي ما ثورة ده انقلاب |
اي بالله يا عادل كلمو. كمال شايف انو الثورة هي البتقود البلد الآن- مع انو الإنتهازيين هم البيقودو البلد الآن.
Quote: وعملو الوثيقة الدستورية الغبية الماتت الليلة 21 مايو 2021 وما سلمت السلطة للمدنيين وهسة البلد عميانة وقايدها مجنونة |
انا سالت يحيى وسالت كمال عن ميثاققحت - لكن الاتنين هملو رايحين. ماعندهم مبرر للبنود الفضفاضة في الميثاق. كنت عايز لسه اجيب ليهم بنود تانية لكن قلت اليبجاوبو لينا بالأول البنود الاوردناها ليهم.
Quote: والمحكمة الدستورية
|
بس - اقيف هنا - دي الحاجة المفروض تكون خلصت وإنتهت- عشان اي زول يكون عارف انو في رادع لأي تجاوز ممكن يحصل. المحكمة الدستورية ح تكون هي المرجعية لأي شئ الناس تختلف حوله. منو البيتقتنع بالكلام ده؟
|
Post: #195
Title: Re: أولاد حمدوك
Author: الشيخ سيد أحمد
Date: 05-25-2021, 01:45 PM
Parent: #194
Quote:
الاسلم للنقاش والشفافية تقول : الكيزان كانوا بياكلوا ويأكلوا ناسهم ويأكلونا معاهم |
ايوه يا حيدرنا- مفروض نختها في الفرمة دي- بتكون لافقة أكتر:) وبعد ده ناس كمال وقبة يقولو ليك انت مامفروض تقول كلام زي ده. يعني الواحد يعمل ميت ويشتغل معاهم هتافات بدون نتائج.
عليك الله شوف جقود واللقطة بتاعة المحكمة الدستورية. ياخي هم لغاية هسه ماقالو الزول ده مجرم وحكمنا عليهو بالسجن أو الإعدام أو اي نوع من الأحكام- اكتر من سنتين ومافي زول قطعوهو معاهو ناشف. طيب انت ح توصل فهم انو في عدالة كيف؟؟ بكرة اي زول ممكن يلهط زي الناس اللهطو لأنو مقتنع انو مافي حاجة ح تردعو.
|
Post: #196
Title: Re: أولاد حمدوك
Author: الشيخ سيد أحمد
Date: 05-25-2021, 01:50 PM
Parent: #195
Quote: هي لكن زي شيخو دا يجيبوا ليهو طشت من وين ؟ |
محتاج ليك لي فنجان قهوة مزبط يا طلحتوف- عارف ليه؟؟ لأنك جليتا على الواقف:) كلام حيدرنا واضح لكن انت قريت بي طريقة تانية بالغت ياخي- كدي شوف نهاية المقتبس عشان تصل للفهم القاصدو حيدر.
|
Post: #197
Title: Re: أولاد حمدوك
Author: الشيخ سيد أحمد
Date: 05-25-2021, 02:02 PM
Parent: #196
Quote: حولاااااااا هى المصيبة اكبر من الطشت خلاص جيبو ليهو بحر المالح الله يستر على القاعدة الروسية |
(هكتور كوبر) مدرب منتخب مصر في كأس العالم 2018 إنتقدوهو لأنو إختار اللاعب (مروان) عشان لم يقدم الأداء المتوقع منو. إجابة المدرب كانت - خذلني. كان سقف التوقعات للمدرب كبير لانو اختاره بناءآ على أداؤه الكان سابق للإختيار للمنتخب. لكن برضو إتحمل المسؤولية لأنو هو المسؤول الأول عن الإختيار.
كسرة: قالو سألو اشعب ايهما الذ الحلاوة ولا البقلاوة- قال ليهم حلو السكر ويا حليل ناس (ليلى).
|
Post: #198
Title: Re: أولاد حمدوك
Author: كمال عباس
Date: 05-25-2021, 02:19 PM
Parent: #197
كتب .Quote: كل طريقته في التعبير يا كمال. الإنقاذ برغم سوءاتها كان يمكن أن تكون المشاركة معها لبنه لبناء دولة جديدة - دائمآ نحاول النظر للجزء الملئ من الكأس. تخيل يا كمال قدر التنافس الذي كان سيكون بين المؤتمر الوطني والمعارضة وتسابقهما في خدمة المواطن. تخيل قدر الشفافية الذي كان سيشهده المسرح السياسي. تخيل غياب المحاصصة و تأسيس مبدأ الكفاءة والنزاهة في الإختيار. تخيل دور البرلمان في قتل التشريعات بحثآ حتى تكون منفستو يحكم الإقتصاد والسياسة. تخيل كم الدماء التي كانت ستنجو من القتل. |
الإنقاذ عندو ماغلطانة ـ غلطان ومدان يحي قباني اللي كان بنادي بذهاب الإنقاذ وغلطانة المعارضة ومسؤولة عن الدم والدمار لأنها ما قبلت مشاركة المؤتمر الوطني ـ والمؤتمر الوطني كان فاتح باب المشاركة وكان ديموقراطي وفارد حضنو للجميع للدخول لمشاركته ـمن دون إقصاء وهيمنة وتسلط وإستبداد وكان صادق ومحل ثقة في دعواته وحواراته وتواليه تخيل ياعزيزي القارئ إنو الإنقاذ كان .Quote: "كان يمكن أن تكون المشاركة معها لبنه لبناء دولة جديدة - دائمآ نحاول النظر للجزء الملئ من الكأس. تخيل يا كمال قدر التنافس الذي كان سيكون بين المؤتمر الوطني والمعارضة وتسابقهما في خدمة المواطن. تخيل قدر الشفافية الذي كان سيشهده المسرح السياسي.". |
تخيلو إنو في أحزاب وناس ـ مشو فعلاـ حاورا وشاركوا في العملية السياسيةالإنقاذية ـبالرغم من عدم مصداقية الإنقاذ وكانت النتيجة مزيدا من الهيمنة والتسلطة والآحادية والإستبداد ورفض التحولالديموقراطي وإطلاق الحريات ودولة المؤسسات والقانون الشيخ ماشايف دا كلو الثورة علي الإنقاذ والدعوة لذهابها غلط والمعارضة زمان غلطانةليه ماقبلت المشاركة مع الإنقاذ؟ ليه ماشاركو في السلطة؟؟ ليه الثورة وليه التغييرـ ؟ طيب ياشيخ إنت عاوز الأحزاب وأعني المعارضةالسلمية ـ تكون تمومة جرتق للإنقاذ وكورس وشيالين؟ وديموقراطي سرجي مرجي أنا الحكيم وأنت التمرجي ! الإنقاذ تفتقر للمصداقية وليست أهل ثقة تفاوض معها البعض وتحاورو معها ـ وشاركها البعض ـ وكان الخلاصة إنها نقضتالمواثيق ونكثت الوعود وتنكرت لكافة إلتزاماتها وواصلت الكنكشة والإقصاء 30 عاما من الهيمنة والتسلط والقهر والظلم ..رفضت دفع فواتير التحول الديموقراطي وأصرت علي الخج وتزييف إرادة الشعب ورفضت قيام إنتخابات حرة ونزيهة -أقر بهذا أطراف إسلاموية من شعبي وإصلاح .......... هل اوفت الإنقاذ بوعودها وتعهداتها - بإعادة الديموقراطية والحريات وتركت الكنكشة والهيمنة ؟ اها منطقك شنو؟ - الإنقاذ جاءت. بالسلاح.- ومافي طريقة. تسيب السلطة - حقو تخلوها تحكم لمدي الحياة خوفا علي الدماء غير كدة انتو ما حريصين. علي الدم السوداني
مع هذا لايستطيع الشيخ إدانة الإنقاذ وتحميلها المسؤلية المباشرة لإنقلابهاوماترتب عليه ـ هي ماغلطانة غلطان يحي قباني اللي كان ينادي بذهابها وغلطانة بعضا من المعارضة لأنه لم تثق في الإنقاذ وغلطان البعض الآخر المعار ض الذي شارك لأنه تذمر من عدم التزام الإنقاذ بتعهداتها
كل سجل الإنقاذ الأسود ـ إبتدأ من إنقلابها المشؤوم ـ لايستوجب إدانة ومعارضة عند الشيخ ـ مايجب أن يدان هو الحكم الحالي وكل من ـ رفض الوثوق في حوارات ودعاوي الإنقاذ ومن نادي بذهابها مايلي لم يكن يستوجب معارضة تفريط الإنقاذ في التراب والسيادة الوطنية ـ حلايب.- الفشقةـ -ومزقت النسيج الإجتماعي للوطن .. وإنقلاب الإنقاذ وتحكم فينا وقتها القتلة والمفسدين والمستبديين ! وسمحت بهوانها لإسرائيل أن تضرب السودان خمسة مرات والسادسة علي بعد بضعة أميال من القصر الجمهوري ! ونظام الإنقاذ - وحشد الشباب السوداني ليقاتل بالوكالة في عاصفة الحزم -وربط السودان بالتطرف والإرهاب وعزله خارجيا -قتل الالاف وعذبت وشرد والدمار والتمكين وبيوت الأشباح والإستبداد المطلق والفساد الممنهج ........)) دا كلو هين وسفاسف أمور لاتستوجب معارضة للإنقاذ
|
Post: #199
Title: Re: أولاد حمدوك
Author: الشيخ سيد أحمد
Date: 05-25-2021, 02:47 PM
Parent: #198
كويس يا كمال- ح أقرأ ليك من زاوية تانية.
غياب الساحة السياسية من وجود فعلي للقوى السياسية جعل الإنقاذ تفرض برامجها. الإنقاذ تسيدت المسرح السياسي ووطدت لأركان حكمها لأان القوى السياسية إنسحبت في مشهد إنهزامي ذليل. لماذا لم تصر على بقائها ومنافحة الوضع من الداخل - إصرارها على المغادرة وممارسة المعارضة من الخارج افقدها قاعدتها الجماهيرية وبالتالي إنقطع التواصل. لذلك أصبحت الإنقاذ تنهي وتأمر - كان الشارع يتطلع إلى قيادة قريبة منه ملامسة لنبضه تحس وتستشعر متطلباته الحياتية- لكنه لم يرى غير الإنقاذ في المشهد السياسي- فكيف له أن يثق في هذه المعارضة في غياب أدتى درجات التواصل معها. لم تستمد الإنقاذ قوتها من الشارع بل كان وقود إستمرارها هو غياب المعارضة وتصوير غيابها عبر أجهزة إعلام الدولة كواحد من مظاهر العمالة والإرتزاق- لذا كان رجل الشارع البسيط يرى ويقارن - فسلم وتيقن بمقولة (البديل منو). لا تلم الإنقاذ وحدها بل عليك ان تلوم أيضآ هذه الفئة التي تنصلت من مسؤوليتها وأعلنت هزيمتها قبل بدء المعركة. لكن الأعجب هو إستيلاؤها على الجهاز التنفيذي للدولة بعد أن راحت الكثير من الأرواح البريئة التي نشدت التغيير. فهل تعتقد أن عقليات تعاطت مع المواجهة السياسية في سبيل التغير لديها القدرة على إحداث فارق حقيقي في حياة رجل الشارع- وهل تعتقد ان هذه الفئة تستطيع أن توفر اقل متطلبات الحياة اليومية. يا كمال بعض شركات الشحن العاملة في الخليج تنشط في توفير المواد الغذائية للسودان- تخيل ان الدقيق والبقوليات حتى (الثوم) يتم شحنه للسودان. علينا أن نلوم الإنقاذ- صحيح- فماذا سنقول على الحكومة الحالية- هل هو لوم ام شئ أكبر منه.
|
Post: #200
Title: Re: أولاد حمدوك
Author: كمال عباس
Date: 05-25-2021, 05:54 PM
Parent: #199
كتب الشيخ..... ......Quote: كويس يا كمال- ح أقرأ ليك من زاوية تانية.غياب الساحة السياسية من وجود فعلي للقوى السياسية جعل الإنقاذ تفرض برامجها.الإنقاذ تسيدت المسرح السياسي ووطدت لأركان حكمها لأان القوى السياسيةإنسحبت في مشهد إنهزامي ذليل.لماذا لم تصر على بقائها ومنافحة الوضع من الداخل - إصرارها على المغادرة |
يا أخي البتسوي فيهو الصحاف ماسبقك عليهو !ياأخي أهل الجلد والرأسفي الإنقاذ إعترفوا بكوارثهم بإعتبارها مسؤليتهم المباشرة وأنت لسة بتبرر؟.... .... البتسوي فيهو دا إسمو " تفريق دم القتيل بين القبائل " كمخارجة للقاتل الحقيقي من وزر جريمته! دوما تصر علي حلب التور وطيران الغنماية ! يا أخي أنت حملت المعارضة مسؤلية كوارث الإنقاذ ـ لأنها لم تحاور الإنقاذ ولم تشاركها ولم تدخل في العملية السياسية الإنقاذية... أثبتنا هشاشة وتهافت منطقك وسقم حجتك ..أنت تصر إنو الغلطان هو خصوم الإنقاذ , غلطانة بعضا من المعارضة لأنه لم تثق في الإنقاذ وغلطان البعض الآخر المعار ض الذي شارك لأنه تذمر من عدم التزام الإنقاذ بتعهداتها قلنا ليك ....... ....Quote: طيب ياشيخ إنت عاوز الأحزاب وأعني المعارضةالسلمية ـ تكون تمومة جرتق للإنقاذ وكورس وشيالين؟وديموقراطي سرجي مرجي أنا الحكيم وأنت التمرجي !الإنقاذ تفتقر للمصداقية وليست أهل ثقةتفاوض معها البعض وتحاورو معها ـ وشاركها البعض ـ وكان الخلاصة إنها نقضتالمواثيق ونكثت الوعود وتنكرت لكافة إلتزاماتها وواصلت الكنكشة والإقصاء30 عاما من الهيمنة والتسلط والقهر والظلم ..رفضت دفع فواتير التحول الديموقراطي وأصرتعلي الخج وتزييف إرادة الشعب ورفضت قيام إنتخابات حرة ونزيهة -أقر بهذا أطراف إسلاموية من شعبي وإصلاح ..........هل اوفت الإنقاذ بوعودها وتعهداتها - بإعادة الديموقراطية والحريات وتركت الكنكشة والهيمنة ؟ |
.... ....رجعت للتتحجج بدعاوي إنو المعارضة ـ كانت ضعيفة وإنسحبت وأخلت الساحةللإنقاذـولكن كل هذا وإذا سلمنا جدلا بصحته لن يشكل حجة تبرئ وتعفي الإنقاذ من المسؤلية المباشرة والتورط الفاضح في.... .......Quote: تفريط الإنقاذ في التراب والسيادة الوطنية ـ حلايب.- الفشقةـ وحقيقة أنها مزقت النسيج الإجتماعي للوطن ..و وأرتكبت طامة إنقلاب الإنقاذوتحكم فينا وقتها القتلة والمفسدين والمستبديين !وسمحت بهوانهالإسرائيل أن تضرب السودان خمسة مرات والسادسة علي بعد بضعةأميال من القصر الجمهوري !ونظام الإنقاذ- وحشد الشباب السوداني ليقاتل بالوكالة في عاصفة الحزم-وربط السودان بالتطرف والإرهاب وعزله خارجيا-قتل الالاف وعذبت وشردوالدمار والتمكين وبيوت الأشباح والإستبداد المطلق والفساد الممنهج........)) وبقية منظومة سجل الإنقاذ الكالح دا ماب تتحمل مسؤليتو الإنقاذ؟ |
..... ...دا كلو هين وسفاسف أمور لاتستوجب معارضة للإنقاذ وإدانتها بوضوح وإستقامةوطعن في عين الفيل؟ياأخي الإتحادي الأصل الان ـمثلا ضعيف وغايب عن الساحة وزعيمو وبعض قيادتو بالخارج ولكن هذا لايجعلني أحمله ولو بصورة غير مباشرة مسؤلية في المجزرة أو أخطاء ومسالب حكومة حمدوك ـ أها نحن وفي مواجهة الحكم الحالي قلناها بصوت جهير وبلا لف أو دوران......اليوم أنا وغيري نطالب بذهاب هذه الحكومة ( وإبدالها بحكم أكثر إلتزاما بأهداف الثورة ونبض الشارع) فهل كنت تملك الحس الوطني والإنساني بحيث تعارض الإنقاذ وتطالب بذهابها كما نفعل نحن اليوم؟-- -يا راجل إختشي وأرحم نفسك أنت بهذا تحرق نفسك وتنسف ماتبقي من مصداقيتك!
|
Post: #201
Title: Re: أولاد حمدوك
Author: طلحة عبدالله
Date: 05-25-2021, 07:11 PM
Parent: #200
اها يا شيخو أعمل بارتي ............. خخخخخخخخخخخ
|
Post: #202
Title: Re: أولاد حمدوك
Author: الشيخ سيد أحمد
Date: 05-25-2021, 09:36 PM
Parent: #201
Quote: يا أخي البتسوي فيهو الصحاف ماسبقك عليهو !ياأخي أهل الجلد والرأسفي الإنقاذ إعترفوا بكوارثهم بإعتبارها مسؤليتهم المباشرة وأنت لسة بتبرر؟.... .... البتسوي فيهو دا إسمو " تفريق دم القتيل بين القبائل " كمخارجة للقاتل الحقيقي من وزر جريمته! دوما تصر علي حلب التور وطيران الغنماية ! يا أخي أنت حملت المعارضة مسؤلية كوارث الإنقاذ ـ لأنها لم تحاور الإنقاذ ولم تشاركها ولم تدخل في العملية السياسية الإنقاذية... أثبتنا هشاشة وتهافت منطقك وسقم حجتك ..أنت تصر إنو الغلطان هو خصوم الإنقاذ , غلطانة بعضا من المعارضة لأنه لم تثق في الإنقاذ وغلطان البعض الآخر المعار ض الذي شارك لأنه تذمر من عدم التزام الإنقاذ بتعهداتها قلنا ليك ....... |
من يقرأ هذا الإقتباس يعتقد أن راعي البوست كان وزير دولة في وزارة البترول. معقول يا كمال تكون بتفكر بالصورة دي. قول قلت ليك انو انا أدين الإنقاذ وادين افعالها وأدين مش عارف شنو. وبعدين. الناس تتكلم بي منطق- أنا أوضحت وجهة نظري في فشل المعارضة وهو عدم قدرتها على إستبدال الإنقاذ بالكيفية الأمثل. كيف تريد مني تبرير موقفي اكثر؟؟ هل بالضرورة أن اقول ان الإنقاذ فعلت وفعلت حتى يسقيم الميزان عندك؟؟ حتى الإنقاذيون أنفسهم كان بعضهم غير قابل للطريقة التي تدار بها البلاد- وعبروا عن رفضهم. المؤتمر الشعبي والذي كان شريك اصيل في الثورة - إنسلخ من الفئة التي كانت تمسك بالسلطة. الأمور لاتقاس بهذه الطريقة يا كمال- حين تنتقد نظام حاكم عليك أن تقدم البدائل- وإلا كيف ستدار البلاد. لم يكن ذلك ممكنآ- فلنشارك ونعمل على التغيير من الداخل. ترى ماهو موقفك من المؤتمر الشعبي الذي كان صنو الإنقاذ في فترة ما؟؟ لماذا قبلت به كمحرك للثورة في إحدى قطاعاتها؟؟ هل تستطيع ان تنكر انه لم يشارك في الحراك الثوري؟؟ اين مبدئيتك يا كمال؟؟
علينا الا ننكر ان التيار الإسلامي تيار كبير وقد وطد لوجوده في الساحة الإجتماعية وسوف يواصل سعيه للوصول الى الساحة السياسية ليعود بمسميات اخرى.
|
Post: #203
Title: Re: أولاد حمدوك
Author: الشيخ سيد أحمد
Date: 05-25-2021, 09:39 PM
Parent: #202
Quote: اها يا شيخو أعمل بارتي ............. خخخخخخخخخخخ |
هههههههه
مفروض يا طلحة. عليك الله بعدين ناول كمال وقبة قطعة من التحلية وخليهم يطعمو حلقهم من البلع الناشف.
|
Post: #204
Title: Re: أولاد حمدوك
Author: الشيخ سيد أحمد
Date: 05-25-2021, 10:50 PM
Parent: #203
عشان ازيدك من الشعر بيت يا كمال. الحالة المعيشية كانت افضل في زمن الإنقاذ قياسآ بالجوع والمرض والقتل المتوفر الآن. المدن كانت تنعم بحالة من الأمن يكفل لك التحرك بحرية ودون خوف. المدارس والجامعات كانت منتظمة. المستشفيات كانت تعمل بكل طاقاتها. الخبز والبترول كان متوفر وبالسعر الذي يناسب المواطن ودخله المحدود. هذه حقائق يا كمال شئت أم أبيت- هل تستطيع ان تتجاوز حدود أم درمان نحو جبل كرري وأنت مطمئن؟؟ هل تستطيع ان تعبر (الكرتون) وانت في إتجاهك إلى (عد بابكر)؟ هل تستطيع ان تسير بعد آذان المغرب وتتحرك نحو شمبات الأراضي بشارع الإنقاذ سابقآ؟ أتحداك ان تسير بشارع الصناعات بحري حتى تصل كافوري مرورآ بالعزبة!! تخيل هذه عاصمة البلاد يا كمال!! هذه الطرق والمناطق كانت آمنه في زمن الإنقاذ:( دعك من هذا - هل تستطيع السفر من الخرطوم نحو (الميرم) مرورآ ببقراية وضريسة والفولة؟ هل تستطيع الآن السفر إلى بورتسودان بسيارتك الخاصة دون خوف؟؟
أنت تصنفني (مؤتمر وطني) -هذا حقك في الراي- ولكن فلتوفر لي هذه الأشياء ولتمنحني الأمن والسكينه وتسهل لي الحصول على العلاج حين يعتصرني ألم الحمى- ثم لتأتي بعدها وتنصب المقصلة. الأوطان لاتبنى بالهتاف يا كمال.
|
Post: #205
Title: Re: أولاد حمدوك
Author: HAIDER ALZAIN
Date: 05-26-2021, 07:14 AM
Parent: #204
Quote: بالغت ياخي- كدي شوف نهاية المقتبس عشان تصل للفهم القاصدو حيدر. |
والله انا بالطريقة دي زاااتو ما حا اعرف نفسي كان قاصد شنو...!!! المهم إنك بتتفق معاي انه في مأكلة كيزانية حاصلة
بالنسبة لجقود.. فصو..
|
Post: #206
Title: Re: أولاد حمدوك
Author: طلحة عبدالله
Date: 05-26-2021, 10:55 AM
Parent: #205
يا حيدروف صاحبك شيخو دا أنا ملاحظ ليهو في البوست دا بحسب (أية صيحة له ) خخخخخخ
|
Post: #207
Title: Re: أولاد حمدوك
Author: كمال عباس
Date: 05-26-2021, 01:02 PM
Parent: #206
.كتب الأخ الشيخ ,,,,,,,,, ا Quote: ,,,,,,,,, الحالة المعيشية كانت افضل في زمن الإنقاذ قياسآ بالجوع والمرض والقتل المتوفر الآن. المدن كانت تنعم بحالة من الأمن يكفل لك التحرك بحرية ودون خوف. المدارس والجامعات كانت منتظمة. المستشفيات كانت تعمل بكل طاقاتها. الخبز والبترول كان متوفر وبالسعر الذي يناسب المواطن ودخله المحدود. هذه حقائق يا كمال شئت أم أبيت- هل تستطيع ان تتجاوز حدود أم درمان نحو جبل كرري وأنت مطمئن؟؟ هل تستطيع ان تعبر (الكرتون) وانت في إتجاهك إلى (عد بابكر)؟ هل تستطيع ان تسير بعد آذان المغرب وتتحرك نحو شمبات الأراضي بشارع الإنقاذ سابقآ؟ أتحداك ان تسير بشارع الصناعات بحري حتى تصل كافوري مرورآ بالعزبة!! تخيل هذه عاصمة البلاد يا كمال!! هذه الطرق والمناطق كانت آمنه في زمن الإنقاذ:( دعك من هذا - هل تستطيع السفر من الخرطوم نحو (الميرم) مرورآ ببقراية وضريسة والفولة؟ هل تستطيع الآن السفر إلى بورتسودان بسيارتك الخاصة دون خوف؟؟
أنت تصنفني (مؤتمر وطني) -هذا حقك في الراي- ولكن فلتوفر لي هذه الأشياء ولتمنحني الأمن والسكينه وتسهل لي الحصول على العلاج حين يعتصرني ألم الحمى- ثم لتأتي بعدها وتنصب المقصلة. |
كضبا كاضب ...... الحال كان أفضل للإنقاذ ومناصريها بالنسبة للحال المعيشية ـ ـ ديسمبر 2018 وقت إندلاع الثورة ـ صفوف الوقود كانت تمتد لثلاثة كيلومترات والناس بتنوم في الصفوف ـ العلاج غير متوفر والتعليم بفلوس - والتلميذ يطرد بسب عدم السداد والترويع وعصابات النيقرز والنهب والفوضي والدعم السريع ـ كان في عهدك يضاف إليه ترويع جهاز الأمن ومليشيات الظل وإرهاب الدولة ـ الإنقاذ هي من نسف مجانية التعليم والعلاج ودمر القطاع العام ومزق النسيج الإجتماعي للوطن وأشعل الفتن العرقية والقبلية ----- دا كلام البشير
وقال البشير لدى مخاطبته لقاءً جماهيرياً بقرية السديرة الغربية حسب صحيفة التيار: (سوف نخرب حياتهم ونقطع أيديهم، مقراً في ذات الوقت بالأزمة الاقتصادية التي تعهد على حلها في القريب)، وزاد: (الأزمة الاقتصادية الله بحلها)، وتابع: (الناس في عهد الصحابة أكلت صفق الأشجار)،
بس سيبك من كلام البوق والمطبلاتي ـ الشيخ ـ شوف مؤسس الحركة الإسلامية ـ ياسين عمر الإمام قال شنو وقلت لهم بأنني أخجل أن أحدث الناس عن الإسلام فى المسجد الذى يجاورني بسبب الظلم والفساد الذى أراه وقلت لهم بأننى لا أستطيع أن أقول لأحفادي انضموا للأخوان المسلمين لأنهم يرون الظلم الواقع على أهلهم "فلذلك الواحد بيخجل يدعو زول للإسلام فى السودان، أنا غايتو بخجل". مسؤو ..... Quote: ولكن فى السودان السلطة كانت فى يدهم مائة بالمائة وسلمتها للعدو والقيم المرفوعة كلها والشعارات أنهارت ودفنت ولم يعد هنالك شعار واحد منفذ منذ قيام الثورة مثل "ناكل مما نزرع ونلبس مما نصنع" حيث لا توجد زراعة ولا صناعة ولا تجارة. وأريد من الصحفيين وللاسف كلهم ليس لديهم احتكاك مع الجمهور بما فى ذلك الصحيفة التى أنا مسؤول عنها إذا دخلوا السوق لوجدوا التجار "قاعدين ساكت" وقد كثرت ديونهم ودخلوا إلى السجن بسبب ذلك والتجارة الآن أمتلكتها الحكومة عبر شركاتها الخاصة واليوم الذى تنهار فيه الحكومة ستنكشف عورات كثيرة. أعتقد أن تجربة السودان جعلت المواطن العادي لديه ظن سيئ فى شعار الإسلام ولا عشم له حوله، والمعاملة سيئة حتى مع أخوان الحركة الإسلامية بإذلالهم وسجنهم وقتلهم مما جعل بعضهم يذهب لدارفور ليقاتل ضد الحكومة
.... Quote: السودان "شلت عليه الفاتحة" .. بكل أمانة يعتبر السودان مات فلا حدود جغرافية كما كانت ولا نسيجه الإجتماعي كما كان فاثيوبيا ذهبت بالفشقة ومصر بحلايب وحتى مياه النيل المصريون لا يرضون بنسبة السودان فيها ولا أن يسقى منها مشروع سندس الزراعي. السودان تناقص من أطرافه فولاية الجزيرة بدأ أهلها ينتظمون فى كيان ويطالبون بحقوقهم، وأنظر لما يحدث فى شمال السودان وفى جنوبه وغربه. وبلغ اليأس من الإصلاح وضعف الأمل في الكيزان بأن طالب أحدهم بإستوزار شيوعيين لأنهم نضاف!1 قيادي إسلامي يقترح إشراك وزراء شيوعيين منعاً للاعتداء على المال العام .................
الخرطوم: موسى حامد
اقترح القيادي الإسلامي، الشيخ جلال الدين المراد ضرورة إشراك (5) وزراء شيوعيين في الحكومة المقبلة، بجانب (5) وزراء آخرين صوفية، بسبب استشراء الفساد، وتزايد حالات الاعتداء على المال العام. وبرر ذلك بزهد وبعد الشيوعيين والصوفية عن المال العام، وابتعاد الشبهات عنهم. وقال المراد، عضو هيئة علماء السودان، وعضو مجمع الفقه الإسلامي: لا شيء يمنع الشيوعيين من المشاركة في السلطة، لأنّ حزبهم مسجّل وقانوني
|
Post: #208
Title: Re: أولاد حمدوك
Author: الشيخ سيد أحمد
Date: 05-26-2021, 03:19 PM
Parent: #207
Quote: كضبا كاضب ...... الحال كان أفضل للإنقاذ ومناصريها بالنسبة للحال المعيشية ـ ـ ديسمبر 2018 وقت إندلاع الثورة ـ صفوف الوقود كانت تمتد لثلاثة كيلومترات والناس بتنوم في الصفوف ـ العلاج غير متوفر والتعليم بفلوس - والتلميذ يطرد بسب عدم السداد والترويع وعصابات النيقرز والنهب والفوضي والدعم السريع ـ كان في عهدك يضاف إليه ترويع جهاز الأمن ومليشيات الظل وإرهاب الدولة ـ الإنقاذ هي من نسف مجانية التعليم والعلاج ودمر القطاع العام ومزق النسيج الإجتماعي للوطن وأشعل الفتن العرقية والقبلية
|
كلامك كلو صاح. لكن هذا الحدث كان في العام 2018. كل هذه الأحداث التي ذكرتها حاضرة الآن مع فرق أنها إزدادت سوءآ بالرغم من إكتمال عامين على هذه الحكومة. فلماذا لا ننتقد هذا البؤس الذي يغلف الحياة السودانية.
Quote: قيادي إسلامي يقترح إشراك وزراء شيوعيين منعاً للاعتداء على المال العام
.................
الخرطوم: موسى حامد
اقترح القيادي الإسلامي، الشيخ جلال الدين المراد ضرورة إشراك (5) وزراء شيوعيين في الحكومة المقبلة، بجانب (5) وزراء آخرين صوفية، بسبب استشراء الفساد، وتزايد حالات الاعتداء على المال العام. وبرر ذلك بزهد وبعد الشيوعيين والصوفية عن المال العام، وابتعاد الشبهات عنهم. وقال المراد، عضو هيئة علماء السودان، وعضو مجمع الفقه الإسلامي: لا شيء يمنع الشيوعيين من المشاركة في السلطة، لأنّ حزبهم مسجّل وقانوني |
ههههههه ايوه كده - هات من الآخر:) هل تعتقد ان الشيوعي مبرأ من الفساد؟؟ وهل تعتقد انه لايوجد فساد في السلطة الحاكمة الآن؟؟ مفهوم الفساد في رأيي هو فشل المسؤول عن القيام بواجبه. فهل حكومة حمدوك نجحت في توفير الأمن والغذاء والدواء والتعليم NO. إذآ هي فاشلة- وتكمن خطورة فشلها في تلاعبها بطموحات الشباب الذي أجلسها في كراسي السلطة. الصوفية أثبتت أن الملتجأ لكل سياسي سوداني- ما أن تتدلهم به الخطوب حتى يسارع طالبآ ودها. نأت بنفسها عن تقلد المناصب وفضلت الإستمرار في تهيئة النفوس وتعبئتها بالروحانيات لذلك هي عندي نقية جدآ ولا أعتقد أن شيوخنا في الصوفية سيهرعون نحو مناصب سياسية فهؤلاء مؤمنون بقيمة الإنسان وليس شكله. وستستمر دعواتهم ومباركتهم للسودان- وياليت سياسونا يتعلمون منهم أدب النزاهة والشفافية وإحترام الفرد والتقشف زجرآ لهوى النفس ورغباتها الشيطانية.
كسرة: حيدرنا وطلحتنا. قيل في الحديث(اذا رايتم أن أحدهم قد ضل طريقه- فلا تلوموه بل لومو سايق البوباي) منو سايق البوباي هنا؟؟ بالله كلمو كمال وقبة باقي رايح ليهم الدرب :)
|
Post: #209
Title: Re: أولاد حمدوك
Author: كمال عباس
Date: 05-26-2021, 06:52 PM
Parent: #208
نواصل الحكومة الحالية ورثت دمارا وخراب وجنازة بحر وخزانة خاوية وفساد ممنهج ولكن مع هذا ـ نقول إنها أقل من طموح الثوار ولم تلبي متطلبات المواطن الأساسية .... وأن الأحوال متردية الخ وماعايز إستهين بالرغيف والدواء و أقول هيي.. يا زول أقيف.. القصة ما قصة رغيف. القصة كيف ؟ القصة قصة شعب راكع من زمان عايز يقيف. مفلوق ومقهور بالسلاح وفوق راسو سيف. وشرابو من بحر الجفاف والدنيا صيف. القصة قصة كلمة كانت في صدور الناس نزيف. ولكن هناك قضايا أخري لاتقل خطورة وكارثية قامت بها الإنقاذ إنقاذك ياالشيخ فرطت في التراب والسيادة الوطنية ـ حلايب ـ الفشقة فرطت بهوانها وضعفها في أهم واجب لأي حكم وطني ـ صيانة التراب تاني في شنو أخطر من كدة؟ -وحكومتك مزقت الوطن وهتكت نسيجه الإجتماعي هاك دا كلام الجميعابي عن تكريس الإنقاذ للجهويةوالقبلية Quote: هناك يا اخي فرق كبير بين الموازنات السياسية، والتكريس للجهوية والقبلية، فالانقاذ كرست بعمق لهاتين الرذيلتين.. وما قضية دارفور الا نتاجاً طبيعياً لهذا السلوك فهي قضية قامت على مفاهيم اثنية عنصرية جهوية وقبلية.لقد كانا سودانيين وحسب حتى اننا لم نكن نعرف من اي القبائل كان عبود او الازهري او المحجوب.. او سر الختم الخليفة.. ولكننا الآن نكتب القبيلة قبل الشخص والمرشح للوظيفة.. بل ان نميري نفسه لا يعلم من اي القبائل هو.. فقط سبق ان ناقشت الرئيس جعفر نميري في اصله.. ووجدت انه لم يكن يهتم بمعرفته.. وقد اختلفنا معه في اصله وقبيلته.. لقد كنا على درجة عالية جداً من الوعي.. ولكننا الآن ننحدر حثيثاً نحو السفح والانحطاط شوف انت لا تجمل لي خليني اقول ليك في الاقتصاد فشلنا فشل مزري وأذهب الي النقطة التي تليها …يضحك.. . نحن اكثر فشلنا فيه هو قضية الحريات وأي نظام اذا لم يعطي الناس حق التعبير مهما عمل لكن في الاخير تؤخذ عليه بالكامل.
ماذا فعلتم في مجال الاقتصاد تحديدا ؟ في الاقتصاد منجزات حكومة (الانقاذ) فهي جملة من الفشل المزري المتراكم في الاطروحه الاقتصادية بكل أسف في مجمل التحدي الاقتصادي لم نسجل سوى الفشل المتراكم وكل الوعود التي وعدنا بها الناس سوى وعود الدولة او وعود الحزب لم يجني منها اهل السودان نحن اكثر فشلنا فيه هو قضية الحريات وأي نظام اذا لم يعطي الناس حق التعبير مهما عمل لكن في الاخير تؤخذ عليه بالكامل. |
وهاك بعضا من كوارث الإنقاذ الأخري
سمحت بهوانها لإسرائيل أن تضرب السودان خمسة مرات والسادسة علي بعد بضعة أميال من القصر الجمهوري ! ونظام الإنقاذ - وحشد الشباب السوداني ليقاتل بالوكالة في عاصفة الحزم -وربط السودان بالتطرف والإرهاب وعزله خارجيا -قتل الالاف وعذبت وشرد والدمار والتمكين وبيوت الأشباح والإستبداد المطلق والفساد الممنهج ........)) أزول أقيف القصة
|
Post: #210
Title: Re: أولاد حمدوك
Author: الشيخ سيد أحمد
Date: 05-26-2021, 08:16 PM
Parent: #209
البيقرأ كلامك ده يقول انا بتغزل في الإنقاذ وقلت فيها ما لم يقله قيس في ليلى!! إخضاع الحكومتين من جانبك للمقارنه هو إقرار منك بتجريم الحكومة الحالية- خصوصآ عندما نضع عامل الزمن كمعيار لمدى التدهور- وهذه تكفيني. تتحدث عن غياب سيادة الدولة في الفشقة وشلاتين وحلايب- الآن سيادة الدولة غائبة حتى داخل الخرطوم- هل تستطيع التأكيد ان كل هذه القوات العسكرية المتواجده بالخرطوم هي قوات سودانية الهوى والجنسية؟؟ العسكر التشادي والمقاتلين من النيجر إستباحو دارفور. القوات المصرية تدخل وتخرج من الأراضي السودانية كما تشاء- وسيكون دخولها الاخير من غير خروج- أين هي السياده. لاتستبعد بعد فترة ان تجد الصومالي يقود وزارة سيادية. الوضع اكثر بؤسآ وليس هناك من هيبة للدولة.
|
|