آخر حراس قلعة الإسلام في السودان..

06:01 AM May, 20 2021

سودانيز اون لاين
HAIDER ALZAIN-
مكتبتى
رابط مختصر

والبوابات….. بوابات القلعة الإسلامية كان حراسها أربعة الطيب وحسين والزومة وإسحق والزومة يموت الشهر الأسبق… وحسين يسكت.. والطيب يموت

والسودان يموت...
والجملة هذه (السودان يموت) ليست جملة نطلقها ونحن ننوح على الطيب.. الجملة هذه.. (السودان يموت) جملة نقولها لأن السودان يموت فعلاً

ففي الأخبار أن الإمارات تشتري ديون أسامة من البنوك السودانية وتشترط أن يكون خصم المديونية بالعملة السودانية وإن وافقت الحكومة تدفق أهل الديون ( ستون مليار دولار) وعبر المحاكم الدولية يطلبون مثلها لديونهم عندها تضطر الدولة لطباعة ترليونات الجنيهات عندها يصبح الجوال من الجنيهات لا يشتري قبضة ملح قالوا إن محافظ بنك السودان السابق هو من قال هذا… بكل ما عنده من خبر وخبرة ……… الطيب نجا منها وهو من ظل عمره كله يصرخ مما يفقع المرارة نجا من نعال أخرى فوق رأس السودان كذلك فالسودان يتجه إلى تمزيق يتكامل الإعداد له… معارك بين ذئاب السودان…. فصائل قحت المقتتلة وأول أيام العيد الشيوعيون ومن محطة سودان بكرة يبثون ثلاث حلقات عن فض الاعتصام يتهمون فيها القتلة ( يقصدون الجيش) ويتهمون… علناً حميدتي والبرهان وو ….. والحصيلة هي أن الطيب مصطفى ارتاح حتى لا يشهد ما سوف يأتي وحتى لا يشهد السودان يغوص في الدرك الأسفل( فما يقع هو أن البلد… كل بلد… قيمتها من قيمة عملتها وأمنها… والسودان قيمة عملته الآن وغداً هي شيء الكلام عنه يعني أنه شيء غير معروف والتدمير هو الإنجاز الذي تكمله قحت… وقحت جاءت لهذا… لا قبله ولا بعده والطيب ارتاح لأن الكتابة أصبحت شيئاً لا قيمة له فالكتابة تعني عملاً تقوم به جهة بعد أن تعرف والجهة هي الشعب والشعب الآن لا قيمة له ومدهش أن آخر سطور الطيب كانت تتساءل في دهشة عن الشعب… أين هو الآن يمينا المسلمون في فلسطين… ومن يسأل عما يجري هناك هو شخص لا يستحق الإجابة والمطبعون مع إسرائيل ( يشجبون) ما يجري ونحن في الدرك الأسفل من التطبيع وشيء يقترب ويا أستاذ الطيب مصطفى… الذي لقيته آخر ما لقيته في المعتقل… نجوت منها ياالطيب ولا ينقضي الزمان حتى يمر الرجل بقبر الرجل فيقول ليتني كنت مكانه… ما به إلا البلاء وقد كنت أوثر أن تقول رثائي…
وأن تقف على قبري وتقول كان شيخ إسحق… وكان والحمد لله….



ـــــــــــــــــــــــــــ

الحل هنا بس
https://top4top.io/
تصفر عداد الوثيقة الدستورية المخستكة
العودة للحكم الاقليمي ومرجعية دستور 1973 وقوانين 1974 بلا بعاعيت مايو وبلا ايتام التربي
عاش ابو هاشم والختمية سفينة نوح يا اأأأأبق
قحت لمة بلا سروال

إسمها بيضة الإسلام عشان كده حسين سكت لأنه لو قعد فيها بيفقعها

Quote: ففي الأخبار أن الإمارات تشتري ديون أسامة من البنوك السودانية وتشترط أن يكون خصم المديونية بالعملة السودانية وإن وافقت الحكومة تدفق أهل الديون ( ستون مليار دولار) وعبر المحاكم الدولية يطلبون مثلها لديونهم عندها تضطر الدولة لطباعة ترليونات الجنيهات عندها يصبح الجوال من الجنيهات لا يشتري قبضة ملح قالوا إن محافظ بنك السودان السابق هو من قال هذا… بكل ما عنده من خبر وخبرة

الامارات العربية دولة بلا هوية ولا عنوان ومفضوحة ومخلب لى ترامب السقط ونتنايهو اللايل للسقوط فقط
وساطتت وشرزمت سوريا واليمن وليبيا مع قطر وتركيا بي غادي
وقلنا الثور تزحنا من قرود السيرك الامريكي ديل من الاول
بلد زي السودان رسالة وحضارة بمشي الكعوك ديل يلثهو هناك ليه
اي سياسي ساقط من المؤلفة جيبوهم يتسكع في الامارات او جنرال ارمي طوبتو طوالي ولا تبالي وشوف بدايل واعية محترمة
ناس الانتخابات والشعب مصدر السلطات
الانتخابات قائمة علي الجنسية الخضراء لا بتجيب مقاطيع الهامش ولا كعوك المركز علي مستوي السودان عبر العصور

والشيوعيين المهببين جو زمان في انقلاب مايو 1969 مع القوميين ولوثوهم لمن عايزين يمرقو سحلوهم والامر موثق
وهسة نفس الغلطة جو مع القوميين العرب في قحت والنخبة السودانية ادمان افشل وعلقو معاهم في الاعلان الدستوي الفالصو
المفروض يجدع العسكر في 21 مايو 2021 ولا حياء لمن تنادي
وهسة يرفسو في الجنجويد والمكون العسكري المرتبط بي دول اقليمية مجرمة ومخابرات قذرة قتلت السودانيين عبر العصور
وويلوكو في بداعة ((المكون العسكري)) وفضائية سودان بكره الغبية لحدي ما تاكلكم كديسة الدعم السريع ولا بواكي عليهم
https://top4top.io/
بدل يتحررو من اصر قحت نفسها ويسكتو ويتحركو في اتجاه التحالفات الوطنية الحقيقية النظيفة في المركز والهامش
ورؤية واضحة قائمة علي الشعب والانتخابات بدل ادوات المستعمر السري ديل قحاب بن زايد وبن سلمان والباب العالي
ومصر ام الدنيا وفرنسا قد دنا عذابها
يا الشيوعي المعلق في الهوا وترفس وتكتل في الشباب في الشوراع دورك جاييكم
اذا ما سمعتو الكلام وتخذتو موقف واضح مع ناس جعفر والحلو (ادرسو التحالف جيدا حيتوسع وحيفوتكم القطار يا عوانس مايو

زول يقول ليك الغزالة بحتت اللغم
والغيمة ظللت والقرود حذرت والغول
والعنقاء والخل الوفي الخ الخ الخ
دا تاني البصدق ربع حرف من كلامو
إلا يكون زول هناي زيو
.........
حيدروف قاعدين ناكل ياخ .

انا يا حيدر قرد موز
لمن تدور بيكم كديسة الدعم السريع بجي ارفع البوست ده ضر كده
ويمكن قريب جدا جدا
لو ما غيرتو عوارتكم في فضائية سودان بكره والخطاب الرخيس الموتور
ودائما لمن اشوف الشيوعيين العاملين فيها الغزالة الفوق في السلم ديل
يرفسو في تحالف الختمية والحركة الشعبية
اتذكر المثلث اليمني
يموت الزمار واصابعو تلعب
واترحم علي حميد ومحجوب شريف وضيعو زمنهم مع ناس زي ديل ليه ؟؟
ما ترفسو المكون العسكري بدون ما يكون ضهرك مسنود

سلام الرفاق منتصروف وطلحتوف..
الآن فاقع بيضة اسلامي جقود ..
ياجقود انت قايلني شيوعي وناكرهـا نكرة ود التاج لقلعة الحراس أعلاه والا شنو ؛)

او باعتبارك ما عانيني والكلام عموماً

Quote: يا الشيوعي المعلق في الهوا وترفس وتكتل في الشباب في الشوراع دورك جاييكماذا ما سمعتو الكلام وتخذتو موقف واضح مع ناس جعفر والحلو (ادرسو التحالف جيدا حيتوسع وحيفوتكم القطار يا عوانس مايو

Quote: ما ترفسو المكون العسكري بدون ما يكون ضهرك مسنود

فخليني ارد أقول ليك:
و شنو اساساً البيخلني امشي انسند بي بندقية ..وأنا موقفي ابتداءاً ضد مشاركة او الاتفاق مع العسكر .
اًو من الأول بقول لا للجلوس معاهم في اي تفاوض غير تسليم الامور ومدنياااو ..الله يرحم علي محمود حسنين ... لو كان مد في ايا مه ما ظنيت الامر كان بيصل للمرحلة دي .. ولا كان بقينا في جرجرة نبيـل اديب..
المهم انا ورجغت هنا وغيره كتير عن راي في المشاركة مع الجيش او مفاوضته وهو حينها وجماعة اللجنة الامنية اضعف من الضعف وقلت حايبقى علينا البقى على مجير ام عامر..
وقتها ما لمعوه الا الطفيلية والطائفية ..الحركات المسلحة دي البتقولها كانت قاعدة وراجية نصيبها في البيضة وفيهم البيصف المعتصمين بالجايبهم الاكل والجايبهم الرقيص والعطالة وفيهم البيغادر البلد ويمشي يرجى بيضته في جوبا ..وبعدها اتساندت البنادق والراسمالية على محمد احمد السوداني ..
وحدس ما حدس..
فما بجي الليلة اباريك واطبقها وأعول على اي تحالف خاصة بين طائفية طفيلية كالختمية وجنرالات حرب زي الحلو او غيره.
.ولا معناها بعول على حميدتي او البرهان..
لكن كقرد موز عملي بحلم بوطن أوسع من الطائفية والبندقية بعول على وعي الثورة ودينماكيتها في انها تحقق أهدافها ساندة ضهرها للحق والقضية العادلة..
وببحث عن أي دعم محلي إقليمي دولي يحقق اهدافي دون تفريط بتقبله وانا حريص وشاكر ..
والحكايـة مباصرة .
يعني لو الشيوعي هتف معاي ضد العسكر وطالب بمدنية كاملة حبابه الف وزولي..لكن لو جاء مع القومجي والكوز وقال ضد السلام مع اسرئيل ولا بعرفو ياكل تبن بس.
وزول حر من اي ايدلوجيا غير المواطنة بهتف ضدهم كلهم في انه عاوز فائدة ومصلحة زيادة ..
ومحكمة دستورية ونيابة نزيهة ومجلس تشريعي ..وهكذا دواليـك،
لمن القى نفسي ما محتاج لحزب او مجموعة اسندها عشان اوضح حقوقي ..
بل القى - وحتماً - كل حزب وحكومة بتجتهد وتعمل انها تراعي لحقي وتوفره عشان تكسب رضاي.
.فكيف يا جقود اجي ارجع لسنة دو و للختمية والدجل وجنرالات الحروب والقبب ..؟!
قلت ليك اركب بغيظك قطر عطبرة دا بوشك .. حس بالتغيير والمستقبل وانت بتعاين قدام..طالما في الفرملة فما حاتشوف الا الختمية وخيالات حركة قرن وتلاميذ لفظوا فكرته من لحظة الانفصال...






ـــــــــــــــــ
تعديل لأسباب تجتوجية وكدة ؛) :)

Quote: آخر حراس قلعة الإسلام في السودان..

يا حيدروف فى انتخابات 86م الترابي كان عندو ليلة سياسية فى قرية من القرى النوبية
واثناء كلمته قال : انتم بوابة الاسلام الشمالية والاسلام دخل السودان ببوابتكم .
فى حلفاوى زهجان قام قال ليهو يا شيخ برضو اسلامكم ح يطلع من هنا .

سلامات علاء..
والعجيبة لمن تلقاو او دنقلاوي مكبر الدقن وماسك الدين من الطرف التاني..
تحلف تقول سل سيف في معركة بدر ؛)

انت رفس الكيزان والسلفية ما تبقي غبي زي الشيوعي السكران والحيران عايز يلغي الدين ذاتو ما علمانيو الفالصو بتاعتو دي
الختمية والانصار ديل زي النيل الازرق والابيض في السودان حقيقة لحدي انتخابات 2010 سجل ليها 18 مليون سوداني
وتحالف الحلو جعفر ده قائم علي دستور1973 وقوانين 1974
وقحت الغبية القشرت بيها انت سنتين هنا واتمسخرت علي برنامجي لامن فترن قائمة علي الاعلان الدستوري 2019 وعلم مايو 1969\
والجنرالات والجنجويد والخارطة القبيحة زي السروال دي (شعار ق حت لا يمثلني)
انت مابي الجنوبيين والليلية مابي النوبة انت كوز عدييييل او بستلة وحايمة وبي الحلة
قول عاش ابو هاشم زي حميد ولي الطشت راجيك في الرويان

جيقود... وللتاريـخ ارفعك انا

Quote: لمن تدور بيكم كديسة الدعم السريع بجي ارفع البوست ده ضر كده ويمكن قريب جدا جدا

البوست دا مارفعتو مالك.. يرفعك حسين خوجلي..

السودان ما بيموت يا حيدر
ولكن للاسف السودان مات وانتهى ومافى حاجة بيسموها سودان
بعد الان …
حتى ولو افترضنا ان هذه الحرب اللعينة توقفت فان السلام لن يعود ابدا
كما كان من قبل في السودان لان الناس وعت الدرس جيدا وكل زول حيكون
عنده ترسانة اسلحة داخل بيته والقتل سيكون شيئا عاديا بخلاف العادات
السودانية الكانت سمحة زمان وكنا بنفتخر بيها …
عشان كده بنقول ليك السودان مات وانتهى …
بس الا تاتى معجزة ربانية تنقذ اهل السودان وما ذلك على الله بعزيز
والله ينتقم من الكانوا السبب في دمار السودان واغتيال السودان
السودان مات يا حيدر