الكيزان كل ما تحصل خطوة للأمام في مسيرة المرحلة الانتقالية بعملو أفخاخ والغام ومتاريس لتأخير خطوات للخلف
Post: #2 Title: Re: شطاااااار يا الكيزان Author: منتصر عبد الباسط Date: 05-19-2021, 11:35 AM Parent: #1
أي زول ما عارف انو الكيزان موجودون في كل مؤسسات ومفاصل الدولة وكل الوزارات ومؤثرون في قرارات الدولة الأن يبقى زول جاهل وما بعرف الكيزان أصلا والفاكر الكيزان بينضفو بغير الوعي زول بليد ومن هذه البلادة والرعونة فكرة ازالتهم بالفصل عن العمل
Post: #3 Title: Re: شطاااااار يا الكيزان Author: منتصر عبد الباسط Date: 05-19-2021, 11:52 AM Parent: #2
والما عارف الضرر الاقتصادي القاتل وحتى الصحي في السودان خاصة لإجراءات الإغلاق للجامعات والمدارس وما إلى ذلك يبقى أحمق وأرعن بل وأصنج والغريب ما حالت ما واثقين في أننا رعن قالوا الحالات حا تتضاعف أضعاف ! طبعا حا تتضاعف بسبب ذات الأجراءات!!!!!
Post: #4 Title: Re: شطاااااار يا الكيزان Author: منتصر عبد الباسط Date: 05-19-2021, 12:16 PM Parent: #3
والهدف افساد مخرجات مؤتمر باريس وكأنك يا تعيس ما مشيت باريس!
Post: #5 Title: Re: شطاااااار يا الكيزان Author: Osama Mohammed Date: 05-19-2021, 01:11 PM Parent: #4
Quote: والهدف افساد مخرجات مؤتمر باريس
بعدين الحالات اصلا اتضاعفت ... يا منتصر النوع الهندي في اسبوع واحد في بريطانيا زاد من اقل من مية لي خمسمية ... التقفيل كويس ... احسن من الناس تموت ... في مسافرين تسربو من المطار جو من الهند ... دي براها مصيبة.
Post: #6 Title: Re: شطاااااار يا الكيزان Author: Asim Ali Date: 05-19-2021, 01:33 PM Parent: #5
يا منتصر من ناحيه فنيه القرار اتاخر كتير شخصيا كنت متوقع القرار قبل رمضان الان رمضان وزحمه رمضان ازمت الوضع لكن من جهه تانيه القرار شبهه الطابع السياسى وارده استباقا ل3 يونيو التصعيد المتوقع
Post: #7 Title: Re: شطاااااار يا الكيزان Author: منتصر عبد الباسط Date: 05-19-2021, 01:50 PM Parent: #6
Quote: من ناحيه فنيه القرار اتاخر كتير
رغم أني إقسم بالله إنو القرار بزيد الحالات وليس العكس نظريا وعمليا بالتجارب السالفة لكن دع ذلك هل أنت مقر بالضرر الاقتصادي ؟؟؟؟؟
Post: #8 Title: Re: شطاااااار يا الكيزان Author: Asim Ali Date: 05-19-2021, 01:54 PM Parent: #7
الضررالاقتصادى وارد من جهه تانيه لااعتقد التزام جماهيرى حول الاخترازات فى التجمعات والاسواق وحتى المؤسسات العامه البلد اصلا الضرر ملازمها ومباريها فى كل شىء ربك يلطف
لا توعية صحية لا حملات اعلامية التلفزيون وكل القنوات غناء وكلام ( ساكت)
ابلغ وصف لبرامج القنوات كلام ساكت يا ريت لو سكتوا
Post: #10 Title: Re: شطاااااار يا الكيزان Author: منتصر عبد الباسط Date: 05-19-2021, 02:32 PM Parent: #8
Quote: بعدين الحالات اصلا اتضاعفت
ما بتصل المضاعفات والوفيات الحصلت بسبب إجراءات العام الماضي المشكلة في إنو الإجراءات بتضاعف هي نفسها الحالات والسبب هو إنو الاختلاط أصلا حاصل وبذات الدرجة وليس رهنا بفتح المدارس والجامعات والمساجد وصالات الحفلات أما الضرر الذي سيزيد الحالات هو القعاد في البيت لشعب لا يعرف شنو رياضة وتعرض للشمس سيجعل أصحاب الأمراض المزمنة محبوسين في الضل مما سيضعف مناعتهم ويجعلهم عرضة أكثر للمرض مع ضعف القدرة علي مقاومته لما سبق ذكره الشيء الآخر لبس الكمامات لزمن طويل أيضا يضعف الجهاز التنفسي ويسهل للكورونا التمكن من الجهاز التنفسي أكثر
Post: #11 Title: Re: شطاااااار يا الكيزان Author: Asim Ali Date: 05-19-2021, 02:40 PM Parent: #10
Post: #13 Title: Re: شطاااااار يا الكيزان Author: منتصر صلاح Date: 05-19-2021, 02:56 PM Parent: #11
اي شخص استهتر بالإجراءات الوقائية من العائلة او صديق ومعرفة عمل - واستهزاء بالمرض
اصيب بالكرونا وانتقل للرفيق الأعلي او احد اقرباءه ..
مونتي .. تناول الامر بعيدا عن ميولك السياسية اني لك من الناصحين.
تحياتي
Post: #12 Title: Re: شطاااااار يا الكيزان Author: منتصر عبد الباسط Date: 05-19-2021, 02:54 PM Parent: #10
//////////////////////////// ////الضررالاقتصادى وارد//// /////////////////////////////// وارد وبس؟! دا ضرر أكيد جدا إغلاق الجامعات والمدارس سيعطل عمل ورزق نسبة كبيرة من الناس متاجر ومكتبات وأصحاب بصات وحافلات وركشات وما شابه وهذا الكساد سينكس على معظم البقية مما ينعكس على الحالة الاقتصادية عامة
Post: #14 Title: Re: شطاااااار يا الكيزان Author: منتصر عبد الباسط Date: 05-19-2021, 03:05 PM Parent: #12
Quote: اي شخص استهتر بالإجراءات الوقائية من العائلة او صديق ومعرفة عمل - واستهزاء بالمرضاصيب بالكرونا وانتقل للرفيق الأعلي او احد اقرباءه ..
حياك الله منتصر صلاح والذين انتقلوا وتوفوا بسبب الإجراءلت من إغلاق ونحوه في رمضان وشوال من العام الماضي كانت أعداد كارثية مئات في اليوم والواحد وبعد رفع الحظر قلت الحالات وقلت الوفيات لا يوجد استهتار ولكن الذين تعاملوا بفوبيا مع المرض كانوا هم ضحاياه
Post: #15 Title: Re: شطاااااار يا الكيزان Author: صديق مهدى على Date: 05-19-2021, 03:14 PM Parent: #14
منتصر اختشى وبعدين الذى يتضرر هم تجار الكيزان وليس الدولة اذن هذه خطوة فى صالح المواطن لأن الدولة هى المسئولة عن المواطن وليس تجار الكيزان تحياتى ياكوز يا مطرقع الثورة ماضية بخطى ثابتة يا كوز يامطرقع
Post: #16 Title: Re: شطاااااار يا الكيزان Author: Asim Ali Date: 05-19-2021, 03:25 PM Parent: #12
اها يامنتصر الجماعه تموا قرارهم مويه المدارس حتستمر والجامعات الوزيره خاطبت الجامعات حتى تقرر كل جامعه استثناءتها برضو زى التربيه والتعليم
Post: #17 Title: Re: شطاااااار يا الكيزان Author: منتصر عبد الباسط Date: 05-20-2021, 00:02 AM Parent: #16
لو صح كلامك يا عاصم نقول الحمد لله الذي أبطل كيد بني كوز الماكرين المخترقين لكل وزارة وهيئة ومؤسسة وكنتين وحزب وجماعة في سياسة أو دين
Post: #18 Title: Re: شطاااااار يا الكيزان Author: muntasir Date: 05-20-2021, 00:15 AM Parent: #17
تصدق يا منتصر انا ما عندي إحصاءات دقيقة لكن عدم التزام السودانيين بالمحاذير ده جزء من طبعنا ياخ في الدوحة في عز الموجة التانية الاسبوع القبل رمضان وخلال رمضان تصدق الوفيات كان بتكون ١٠ أو ١١ في اليوم لازم تسمع بي دفن ٢ أو ٣ سودانيين رغم إنه لو اخدناه نسبة وتناسب ممكن يكون عدد السودانيين ٦٠ الف لكن عدد الهنود مليون والنيبال مليون ونص والمصريين ٣٠٠ الف والفلبين ايضاً ١٠٠ الف ( الأرقام دي متأكد منها )
Post: #19 Title: Re: شطاااااار يا الكيزان Author: Hafiz Bashir Date: 05-20-2021, 02:45 AM Parent: #18
الفكي الأمبتاري منتصر عبد الباسط أمازلت في ضلالك الفديم؟ أنا يا منتصر شاكي في إنك شغال توزع للناس محايات لعلاج الكرونا، بعد دفع البياض طبعاً.
Post: #20 Title: Re: شطاااااار يا الكيزان Author: Haytham Ghaly Date: 05-20-2021, 06:36 AM Parent: #19
Quote: ومن هذه البلادة والرعونة فكرة ازالتهم بالفصل عن العمل
يا ربي كلمة رعونة او رعونات دي سمعتها وين .. سمعتها وييين ..
غايتو الكلمة دي طلعت لما الصادق المهدي جاب سيرة بوخة المرقة
يا ربي اسأل منها الزبير الختمي!!؟؟ زي العندها علاقة بالختمية كدا
بللاي انتو من الزمن داك معتبرين الحصل دا كللللو رعونات؟؟؟
Post: #21 Title: Re: شطاااااار يا الكيزان Author: محمد البشرى الخضر Date: 05-20-2021, 09:13 AM Parent: #20
للأسف تعاملت لجنة تاور مع الموضوع بشكل غريب عزز الاعتقاد لدى البعض بأن الموضوع له دوافع سياسية لتجنب حراك يوم تلاتة يونيو! ما معنى ان تصدر قرارات و رغم تأخرها لكنها صحيحة ثم تأتي اليوم الثاني مباشرة بتراجعات و استثناءات هنا وهناك بما يفهم منه عدم مشاورة بقية الجهات المسؤولة قم السماح باستثناءات في روحة منتقاة، مثل السماح بالامتحانات على ان تنتهي قبل الاول من يونيو! لا حظ التاريخ، كأن الكورونا لن تنتشر حتى يوم واحد وتلتين مايو!!
Post: #22 Title: Re: شطاااااار يا الكيزان Author: منتصر عبد الباسط Date: 05-20-2021, 04:45 PM Parent: #21
Quote: الفكي الأمبتاري منتصر عبد الباسط أمازلت في ضلالك الفديم؟ أنا يا منتصر شاكي في إنك شغال توزع للناس محايات لعلاج الكرونا، بعد دفع البياض طبعاً.
هو قالو ليك الدجل والشعوذة دا محتاج لمحايات وعروق وحجبات؟! الحاجات دي كانت زمان هسع بقت شهادات كرتونية والقاب وهمية ومصطلحات مضللة والقاسم المشترك غياب الذمة والأمانة لكم دافعت أنت يا حافظ بشير عن استمرار اعتصام القيادة حينها ورفضت كلامي من أجل أن يتسيدالمشهد اليسار ويموت المئات ومعهم آمال وأحلام الشعب التي قتلموها أنتم أيها اليسار الحاقد ثم حينما جلس من نافحتم لأجلهم على حساب مصالح الشعب ودماؤهم لم تتحدثوا ببنت شفة عن حقهم في القصاص ثم أنتم عندكم الدين كله عبارة فقط عن خرافة ودجل وشعوذه مع أنكم كبار الدجالين
Post: #23 Title: Re: شطاااااار يا الكيزان Author: Asim Ali Date: 05-20-2021, 05:59 PM Parent: #22
عارف يا منتصر واحد من اسبابالتراجع عن القرارات شنو (تعليق الدراسه فى التعليم العالى تحديدا) الوزيره طلعت خطاب رمت مسئوليه الاستثناءات فى يد ادارات الجامعات (انو ممكن يعملو استثناءات فى حاله الامتجانات او المعاينات للطلاب الجدد او التسجيل ) ليه ؟ ما قصه اهتمام وامتحانات انما اغلب الجامعات العملت استثاء البارز الامتحانات المعلنه لكن المهم عندها هو المعايات والتسجيل للطلاب الجدد وواستمرار الدراسه (سنه جديده او سمستر تانىفى السنه حسب الجامعه) يعنى باختصار القصه تلقيط قروش ليه لانو الماليه والتعليم العالى بيسددو للجامعات نسبه من المرتبات والباقى تكملو الجامعات من مواردها (واهم واسمن مورد رسوم الدراسه والتسجيل من الطلاب)
Post: #24 Title: Re: شطاااااار يا الكيزان Author: منتصر عبد الباسط Date: 05-20-2021, 09:17 PM
Quote: بللاي انتو من الزمن داك معتبرين الحصل دا كللللو رعونات؟؟؟
كان غيرك أشطر تفتكر لو زول قابض علي لفظة وااااحدة تلفظتها ضد الحراك الثوري لاسقاط سلطة الكيزان أو حتي موقف رمادي غير واضح ساطع في اظهار العداء تجاه الكيزان تفتكر بصبروا علي لساني الماديهو متر ضد قحت أو تجمع المهببين دا بعد سقوط سلطة الكيزان حتي صرحوا بأن كلامي تغير بحسب قراءتهم لكلامي من يوم 13 ابريل 2019
Post: #25 Title: Re: شطاااااار يا الكيزان Author: منتصر عبد الباسط Date: 05-20-2021, 09:35 PM Parent: #24
Quote: تصدق يا منتصر انا ما عندي إحصاءات دقيقة لكن عدم التزام السودانيين بالمحاذير ده جزء من طبعنا ياخ في الدوحة في عز الموجة التانية الاسبوع القبل رمضان وخلال رمضان تصدق الوفيات كان بتكون ١٠ أو ١١ في اليوم لازم تسمع بي دفن ٢ أو ٣ سودانيين رغم إنه لو اخدناه نسبة وتناسب ممكن يكون عدد السودانيين ٦٠ الف لكن عدد الهنود مليون والنيبال مليون ونص والمصريين ٣٠٠ الف والفلبين ايضاً ١٠٠ الف ( الأرقام دي متأكد منها )
أتفق معاك في موضوع الاستهتار وعدم التحوط وهناك أمور أخري متصلة بنمط الغذاء عند المقارنة بالأسويين وحتي المصريين والشوام الذين يأكلون التوابل والخضروات أكثر منا وهي التي لها دورها في تقوية مناعة الجسم ضد أمراض كالسكر والضغط وزيادة الكلسترول في الدم ‘‘‘‘‘‘ أما كلامي بخص القرارات العامة التي تشل حياة الناس جزئا مما يضر بالاقتصاد وحتي الوضع الصحي في بلد هشة اقتصاديا يعني ما شة بالبركة وليس بالحكومة يعني الحكومة ليست هي من يحرك دفة الاقتصاد لكنها ممكن بقرارات كهذه تشل حركة الاقتصاد مما يعود بالضرر علي الصحة نفسها بالمحصلة المائة