ما قلنا اتبرا مفخرة ثورة نبضها يدوك غبش الدولة كل الفيها سواعد نضره اصل هتافها حديد ونار ثابته راكزه بافعالا فعلاُ يهز ك قطاراتا اتبرا نقابة تضوي الحته عمال السكة سكة حديد إيد العامل هي بالتزرع طلبة ومقاومة هي بتصنع لجنة حي مالية الحته كل العسكر منها يخشى الاتبراوي آخر شهامة وكت يتلفح بتوبو ويهتف حتى الطمي لونه احمر كل الدنيا تبق ب المره تسمع هتافها عند ناس كاودا قطر الثورة أذهل عالم قنوات العالم مازالت منصقعة أبدأ ما شافو مثله مره أولاد قحطان خافو القصة حتى دحلان أصيب برعشة ضاحي خلفان بلع الشرقة لجنة حي كلها مقاومة الليلة الخبر بقى معلوم الاتبراوي قاصد خرطوم ناوي يفيض مع إخوانه ناس الازرق أولاد الأبيض الجاي من غرب وشمال دارفور برقو مساليت وكمان زغاوة البحر الأحمر قاسم أمين يبشر فوق سما الخرطوم
عادل البراري ١٨ مايو ٢٠٢١
Post: #2 Title: Re: الأتبراوي قطار الثورة Author: Basamat Alsheikh Date: 05-19-2021, 01:56 AM Parent: #1
عادل البراري شكرا عادل انت تمثلني والله يديك الصحة والعافية
Post: #3 Title: Re: الأتبراوي قطار الثورة Author: adil amin Date: 05-19-2021, 05:49 AM Parent: #2
جو مرتين الاتغير شنو وجاييين ثالث لي شنو مش حمدوك مشا ليهم وناس الاقاليم الشمالي مش عطبرة مشكلتهم اراضهيم منهوبة من مصر والسعودية والامارات بسبب حثالة المركز المزمنة بجو الخرطوم يسوو شنو
Post: #4 Title: Re: الأتبراوي قطار الثورة Author: خضر الطيب Date: 05-19-2021, 06:19 AM Parent: #3
مرحب الراكز عادل البراري انت كنت مختفي وين اتمنى إنك كنت بخير وكل عام انت و الأسرة بألف خير اشاوس و كنداكات عطبرة ما قصرو في دعم الثورة مساهمة أهل عطبرة الأشاوس في هذه الثورة المجيدة تحدث عنها العالم اجمع و نقلتها جميع تلفزيونات العالم في دهشة سيتحدث عنها العالم لسنوات طويلة يا لروعة أهل عطبرة بإستثناء البطة عدولي الحوثي كما يقول بدر الدين الأمير مع احترامي و تقديري لأستاذ اساتذتنا الراحل أحمد الأمين والد عدولي البطة و الذي كان مدير معهد التربية بخت الرضاء عموماً التحية خالصة لأهل عطبرة
Post: #5 Title: Re: الأتبراوي قطار الثورة Author: خضر الطيب Date: 05-19-2021, 06:25 AM Parent: #4
هل هنالك ما هو اروع من ما كان هناك ؟ لن ننسى هذه اللحظات و لن ينساها العالم أجمع
Post: #6 Title: Re: الأتبراوي قطار الثورة Author: خضر الطيب Date: 05-19-2021, 06:28 AM Parent: #5
Post: #7 Title: Re: الأتبراوي قطار الثورة Author: خضر الطيب Date: 05-19-2021, 06:29 AM Parent: #6
Post: #8 Title: Re: الأتبراوي قطار الثورة Author: خضر الطيب Date: 05-19-2021, 06:33 AM Parent: #7
Post: #9 Title: Re: الأتبراوي قطار الثورة Author: خضر الطيب Date: 05-19-2021, 06:37 AM Parent: #8
هذه المشاهد الرائعة لم تحدث في اي مكان في العالم
Post: #10 Title: Re: الأتبراوي قطار الثورة Author: خضر الطيب Date: 05-19-2021, 06:45 AM Parent: #9
و لن ننسى كنداكاتنا من دارفور و كان لهن القدح المعلى ألف قدح عصيدة ,, يا سلام و يا للروعة ...يا للروعة وكذلك الذين اتو من كل انحاء السودان https://www.0zz0.com
Post: #11 Title: Re: الأتبراوي قطار الثورة Author: Basamat Alsheikh Date: 05-19-2021, 09:32 AM Parent: #10
خضر الطيب يا طيب اهل عطبرة الطيبين واهل اتبرا الثوار بيقولوا ليك شكرا على الصور والفيديوهات الرائعة والتي تذكر الحكومة الانتقالية ان ثوار عطبرة جاهزين ...من اجل ان تبدا الديمقراطية التي يتوق اليها شعب السودان
اتبرا مدينة النضال والكفاح ..مدينة العمال ..مدينة النقابات على اهبة الاستعداد لحماية الديمقراطية التي سقاها شعب السودان بدمائه الطاهرة....
Post: #13 Title: Re: الأتبراوي قطار الثورة Author: adil amin Date: 05-20-2021, 03:01 AM Parent: #12
Quote: بإستثناء البطة عدولي الحوثي كما يقول بدر الدين الأمير
انت خضر بتتحشر تحت حنكي مالك انت دخلك شنو..يا بتاع شبشة امشي شوف الضيع مشاريع الاعاشة في النيل الابيض منو وجيتو تتسكعو مع الطيب المصطفي ب جمهوية العاصمة المثلثة واترحم علي السيد عبدالرحمن المهدي يا ربع الدماغ مسكين هايص مع ناس حمدوك وحميدتي واسامة دواؤد والامارات وهم ببيعو في السودان الان بالجملة واراضي الاقليم منهوبة والسكة الحديد اتوفت من دخلنا مستنقع الاخوان المسلمين والبنك الدولي وبنك فيصل الاسلامي والمصالحة الوطنية 1978 لحدي الليلة 2021 نفس الناس ونفس الوعي الانتهازي الساقط وكمان ثالثة الاثافي مسك نقابة السكة الحديد ...الكيزان ناس عباس الخدر وانت لسه في غيبوبة الشيوعيين الناس الواعين في عطبرة عارفين التراهات والاستعراض لا يصنع وطن والبنفع ناس الاقليم الشمالي قالو حميد في قصايده كلها بعد وعي ومشا قعد في نوري واتحرر من اصر المركز وناسو البلدا والمبتزلين مفروض ناس الاقليم الشمالي كلو يتبنو رؤية الاتحادي الديمقرطي الاصل +الحركة الشعبية الاصل الحكم الاقليمي اللامركزي باسس جديدة ومرجعية دستور 1973 و1974 كل مرة جايين الخرطوم بي قطر لي شنو وهسة ولي يوم الدين اي زول حايم في الدول التافهة دي مصر السعودية والامارات او قطر وتركيا دلالين البنك الدولي وكلاب الحر الامريكية الفرنسية ما بنفع السودان وبضر السودان عديل وبلحقو سوريا واليمن وليبيا العايز ينهض بي السكة الحديد في السودان وغير جعجعة واستعراض يمشي الصين طوالي زي دول الايقاد وغرب افريقيا شوف مشاريع السكة الحديد وراها منو الصين ولي امريكا واوروبا ؟؟؟ تاني في البورد ده ياجحبور يا تقول بري او تحرق البخور
مرحبتين حبابك عادل البراري . من أعظم أبطال الثورة بعد الشهداء ولدنا الساق القطر في ذلك الظرف العصيب ثم توارى عن الأنظار والميديا وصخبها، فأهملته حكومة المحاصصات والترضيات ولم ترشحه لرحلة الترفيه لباريس مدينة الفن والجمال !!!.
معاوية ود المدير ود اتبرا البار اجمل تعليق لمؤتمر باريس السياحي هو قولك الرحلة الترفيهية....والمشوا فيها ١٠٥... مش كان افضل يعملوهم ١٠٦ ويضيفوا معاهم سائق قطار الثورة ، سواق الاتبراوي الذي قاد القطار الشهير ...رمز ثورة الشعب ..هذه الثورة التي سرقها البعض الذين قفزوا داخل قطار الثورة ..هذه الثورة التي سقاها الشعب بدمائه الطاهرة.... واهل عطبرة،مدينة الكفاح والنضال، مدينة العمال ومدينة النقابات على اهبة الاستعداد للزحف مرات ومرات للعاصمة لحماية الديمقراطية من هؤلاء الذين يريدون العودة الى عهد الظلام وعهد الاستبداد ...
Post: #23 Title: Re: الأتبراوي قطار الثورة Author: عادل البراري Date: 05-20-2021, 09:52 PM Parent: #16
أستاذي ود المدير مرورك إضافة لي وحافز يمنحني مزيد من الدافع
Quote: ولم ترشحه لرحلة الترفيه لباريس مدينة الفن والجمال !!!.
في هذا اللهث وهبوط الهابطين وبنادق الحاقدين ذو السعي الذاتي فلا تحلموا بحقوق الآخرين لا كرفتت البنك الدولي .مؤتمرات المانحين لا عسكر وبرهامية الكل يهرول نحو مصالحه ومصالح الذين يريدون مزيد من حليب الضرع تسلم عشت كما نأمل لك
Post: #22 Title: Re: الأتبراوي قطار الثورة Author: عادل البراري Date: 05-20-2021, 09:42 PM Parent: #15
Quote: حاجة جميلة والله غاية في الروعة
طلحة لك الود العريض سلمت يا حبيبنا
Post: #21 Title: Re: الأتبراوي قطار الثورة Author: عادل البراري Date: 05-20-2021, 09:38 PM Parent: #4
خضر الطيب لك الأنحاء دوماً تسلم يا حبيب ظللنا طوال الفترة السابقة نركض في شوارع المعاناة السودانية لذا كان الابتعاد نحمد الذي فينا وقد منحنا الحياة فكل ما بجوري في أتم صحة سلمت انت والأهل
Quote: اشاوس و كنداكات عطبرة ما قصرو في دعم الثورة مساهمة أهل عطبرة الأشاوس في هذه الثورة المجيدة
اتبرا الصلابة اتبرا تلك ادهشت ذاكرة العالم وستظل رقماً لا يمكن تجاوزه إلى الأمام دوماً تحياتي
Post: #20 Title: Re: الأتبراوي قطار الثورة Author: عادل البراري Date: 05-20-2021, 09:27 PM Parent: #3
أستاذ عادل تحية طيبة
Quote: جو مرتين الاتغير شنو وجاييين ثالث لي شنو
سأكتفي بما أورده الرائع خضر الطيب علينا ان نقرأ الأشياء بلا عتامة سلمت
Post: #24 Title: Re: الأتبراوي قطار الثورة Author: adil amin Date: 05-21-2021, 03:01 AM Parent: #20
Quote: سأكتفي بما أورده الرائع خضر الطيب علينا ان نقرأ الأشياء بلا عتامة سلمت
لا اح يقرا بوضوح هنا زييي وخضر الطيب فاقد البوصلة ومن حقك تكتب شعر عن ثورة وهمية ما موجودة لان الثورة بدايات ومالات وزي ما قال جون قرنق هم ما بسمعو لحدي يشوفو
Post: #25 Title: Re: الأتبراوي قطار الثورة Author: عادل البراري Date: 05-21-2021, 11:03 AM Parent: #24
Quote: لان الثورة بدايات ومالات
وتبقى اتبرا حقيقة ثابتة لا يمكن متابعتها مهما رغم حشرجة الاصوات فحينما يأتي المد فليس له من حابس
Post: #19 Title: Re: الأتبراوي قطار الثورة Author: عادل البراري Date: 05-20-2021, 09:22 PM Parent: #2
Quote: انت تمثلني
استاذة Basamat لك التحية والتقدير فما انا إلا جزء منكم وانتم تمثلون الأصل لك التقدير وعاشت أنفاس الأتبراوي لنا كفاح ونضال مستمر
Post: #18 Title: Re: الأتبراوي قطار الثورة Author: عادل البراري Date: 05-20-2021, 09:13 PM Parent: #1
اعتذر بشدة في عدم الرد مباشرة لظروف انشغالي اجدد اعتذار ومعاً إلى الأمام نحو إرتباط أوسع بقضايانا السياسية والاجتماعية والاقتصادية ونشر الوعي .الفعل التضامنياهلاً اتبرا بما تحتوي من إرث نضالي
Post: #26 Title: Re: الأتبراوي قطار الثورة Author: بسمات الشيخ Date: 05-22-2021, 03:49 AM Parent: #18
الاستاذ عادل امين ناس اتبرا اذا جو للمرة الثالثة حتغير كثير ....وما حيرجعوا من العاصمة الخرطوم الا بعد وضع الامور في نصابها ووضع دستور دائم للوطن وتحديد موعد للانتخابات.. ... تخريمة:: العطبراويات بنات حينا عنهن صفاء وسحر وفطومي جيتكم باسمي العربي ،،،وواصلن في الحماية ...موعدنا يوليو القادم ان شاء الله،،،
Post: #27 Title: Re: الأتبراوي قطار الثورة Author: بسمات الشيخ Date: 05-22-2021, 04:06 AM Parent: #26
شكرا باشمهندس صاحب الحوش الكبير بكري جعلت من هذا الاسفير قلعة نضال من اجل حياة افضل لشعب السودان .. وشكرا مرة ثانية وثالثة ورابعة للاستجابة للطلب وربنا يديك الصحة والعافية
Post: #28 Title: Re: الأتبراوي قطار الثورة Author: adil amin Date: 05-22-2021, 04:26 AM Parent: #26
اختنا بسمات سلام ما بتغير اي شيء الا للاسوا وانت قايلة انا ما عندي برنامج ولي رؤية في البورد ده ولي كيف لو في اي زول عاجباه قحت والبرنامج بتاعا المات الليلة يجيني مارق اوريه مشكلة الاقليم الشمالي وكل السودان شنو وتتحلي كيف ؟؟ والقوى الاقرب لي برنامجي الان 2010 هو الختمية والحركة الشعبية فقط
Quote: البديل الواعي(1) ماتت الوثيقة الدستورية اليوم 21 مايو 2021 ولم يستلم المدنيين السلطة..المشكلة شنو نرجع لي دستور1973 وقوانين 1974 ؟
Post: #29 Title: Re: الأتبراوي قطار الثورة Author: بسمات الشيخ Date: 05-22-2021, 11:24 PM Parent: #28
ود المدير ود السيالة البار ود ام المدائن الوفي شكرا جبت سيرة سائق قطار الثورة.. وكنا نتمنى ان يستقبله حمدوك في مكتبه ويسلمه ميدالية يسميها ميدالية ثورة الشعب،،،،
Post: #30 Title: Re: الأتبراوي قطار الثورة Author: عادل البراري Date: 05-22-2021, 11:50 PM Parent: #29
أستاذة بسمات شاكر لإثراء البوست التحية لعطبرة الراكزة مبارك الإسم بعد التعديل
