رسالة عاجلة: لي آلاء صلاح، رفقة "صائدة البمبان" وبقية الثوار المشوا باريس

03:45 AM May, 16 2021

سودانيز اون لاين
Elhadi-
مكتبتى
رابط مختصر

بكـــرة السودانيين في فرنسا مخططين أو داعين لمسيرة الساعة 12 بتوقيت باريس في ساحة الجمهورية

احتجاجاً على انتهاكات حقوق الإنسان في السودان البتقوم بيها " الحكومة الحالية" ومنها العنف الذي قوبلت به تظاهرات 29 رمضان وأدى لسقوط شهيدين

هما الشهيد (عثمان أحمد بدر الدين) ، والشهيد ( مدثر مختار الشفيع) وإصابة العشرات.. والمطالبة بالقصاص ليهم وللشهداء الآخرين وتقديم الجناة للعدالة

وبوصفكم من رموز "الثورة" وأيقوناتها كما يتم تعريفكم على الدوام ـ و كما تفضلت السفارة الفرنسية المحتفية بوصولكم لباريس الليلة..

فهل نطمع في مشاركتكم لأخوانكم ديل ؟؟ ورد الدين والجميل للشهداء السقطوا ومواساة للمصابين وأسرهم اللي هم في أمس الحاجة للدعم المعنوي والأدبي ؟؟

مشاركتكم طبعاً مهمة شديد بوصفكم السابق ذكره أعلاه.. ومشاركتكم ممكن تدي زخم إعلامي كمان للتظاهرة وتفضح الحكومة أكتر

وكمان فرنسا بلد ديمقراطية وتحترم حقوق الإنسان والكلام ده يعني، فأكيد مشاركتكم وتواجدكم في الفعالية حا يكون عندو صدى طيب عند الجميع..

* أتمنى لو في زول قريب منهم أو على اتصال بيهم يوصل ليهم الرسالة دي

أدناه صور وصول الثوار لمطار العاصمة الفرنسية باريس




* حا أنزل العنوان وبوسترات التظاهرة المقامة غداً الساعة 12 بتوقيت باريس في المداخلة الجاية تحت

لازم لازم تحضروا

ياها دي بوسترات التظاهرة

وعليها شعار الثورة الأساسي ( حرية ـ سلام ـ وعدالة ) ـ

يعني فعالية وطنية ما فيها كلام وما فيها شك ولا طق ـ