Post: #1
Title: مؤتمر باريس ده مؤتمر سياسي وغير جادي في زمن نحن محتاجين فيه لدعم اقتصادي حقيقي
Author: توفيق عيسى مكي
Date: 05-14-2021, 04:44 PM
04:44 PM May, 14 2021 سودانيز اون لاين
توفيق عيسى مكي-
مكتبتى
رابط مختصر
مقياسنا للجدية هي دعم للمشاريع الاقتصادية التي تحتاج المساعدة والدعم يمكن أن تفيد السودان
نحن في مؤسسة الشفافية للخدمات التجارية رؤيتنا واضحة لأننا لنا شغل واضح كبير مؤكد سينعش
الاقتصاد السوداني ويقوده لتخطي كل خيباته من واقع برنامج اقتصادي طموح واضح يعمل حقيقة بجدية
وصبر وثبات من قبل ثمانية سنوات حتى اليوم كونوا لا يشار لنا أو مشاورتنا من الجهات التي تريد مساعدة
السودان اقتصاديا نراها واضحة المقاصد وهي العمل السياسي الاستخباري لا أكثر
بالمنطق كده وبالحساب مش كان الأجدى للمنظمين دراسة الواقع الاقتصادي السوداني لا ترك السياسيين إبداء
وجهة نظرهم القاصرة بدليل ناس لليوم ما عندهم لا هدف اقتصادي قومي حثوا الناس عليه ولا تخطيط
اقتصادي بكافة مستوياته يوصل للأهداف دي ولا وسائل واضحة تنجح الوصول للهدف ولا برنامج اقتصادي بحت
واضح المعالم متكامل بكافة أنشطته
يحسب كل هذا لحين يستعيد السودان توازنه الذي حتما سيحدث ليأتي الحساب والحساب ولد ولن ننسى من تاجر
فينا سياسيا بمصيبتنا الاقتصادية ولن نرحم من له مصالح بأفريقيا ونرد الصاع صاعين
|
Post: #2
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 04:53 PM
Parent: #1
نحن لنا برنامج اقتصادي طموح وناجح استطاع التأثير المباشر للعملية
الاقتصادية في السودان من خلال أعلام المؤسسة القوي جدا ومن خلال
الطرح القوي القدمناه للمجتمع الاقتصادي السوداني
يكفينا لدينا 13 تطبيق على الأجهزة الحديثة يصنع الإنتاج صنع يقف المال
عقبة في نشرها مكتملة مع أنه بعضها يعمل ومنشور في الانترنت تطبيقات
أحدث ما توصلت له التكنلوجيا وتقانة المعلومات تستخدم انترنت الأشياء والذكاء
الصناعي اوقفنا فيها الدعم الذي لا يصلنا ويصل الساسة ليخربوا لنا حياتنا
|
Post: #3
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 04:54 PM
Parent: #2
نحن بنقود الثورة الاقتصادية السودانية
تخطينا يعني المؤتمر ليس باقتصادي
أو له أجندة أخرى
|
Post: #4
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 06:12 PM
Parent: #3
بنعافر ونكافح لبث أو قناة سودانية اقتصادية همها رفع الإنتاج
بكل الطرق التقليدية والحديثة ومشينا في الطريق ده وكل يوم
بنخطي خطوة لقدام
بنكافح لرفع بورصتنا السلعية والمعدنية الجاهزة المتخصصين فيها
لايماننا بأهمية التسويق
طبعا ما داير أعدد العشرة وسائل الحا تنجح البرنامج كفاية بس المثالين
الذكرتهم ديل
نحن أهم ناس في الاقتصاد السوداني بلا منازع
بنقول الكلام ده لا طمعا في سفر أو شهرة لكن ده الواقع اللازم نفوق منه
لو حقيقي عايزين نجاح وإصلاح
نجاح أي اقتصاد بتبني على أسس وبرامج محلية جادة يسعى الناس لتحقيقها
بالاعتماد على النفس أولا والجدية نحن مافي زمن الأمنيات والخيال
ولا ننتقص من مجهود الساسة في معالجة الأمور لكن نوضع كل حاجة في نصابها
|
Post: #5
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 06:28 PM
Parent: #4
هسي لو شغلنا ده كان هوا ساي وماسورة زي مواسير السياسيين وأحلام يغظتهم
كان كل الناس العندها مصالح فينا روجوا لينا زي ما قاعدين هسا
يروجوا للجهلة ونواقصنا ودخلونا معاهم في منظومة الفساد ومافيتهم المتحكمة
في اقتصادنا شئ مؤلم والله والمؤلم اكتر بجي من ناسنا المتنقعين وعاملين فيها
علما وفاهمين
بعز وشرف وقوة بنبني في بلدنا وبي فخر
بي حقنا وقروشنا
عشان كده فقدوا السيطرة فينا
الشهر الفات ده ميزانيتنا الصرفناها للشغل ده 800 الف
يعني قريب المليار بالقديم
عشان نخترق السياجات المفروضة علينا ونصل نوعي شعبنا
وبالفعل في أول لقاء مباشر لجماهيرنا الناس ما برحت نجاحنا ودخلوا
في منظومتنا أفواج وزرافات
اذا كان ده صرف شهر
كيف تكون مصاريف 8 سنوات متواصلة
والغريب كتير منها بنقع في محتالين يسرقونا ويسرقوا مجهودنا
نعمل الحاجة كذا مرة لحدي نلقى ود حلال ما حرامي يعملها لينا
والوضع ده بيفرح كل أعداء بلدنا الما عايزاها تتقدم
|
Post: #6
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 06:33 PM
Parent: #5
كلامنا البعض بيشوفو كتير وممل وما منه فايدة
لكن لازم يكون صوتنا قوي ومؤثر في كل المنابر
هي معركة وجود ومعركة حق بنستحقه
ونحاربهم بنفس السلاح
الإعلام
الملكنا منه ناصية مهمة بقناتنا الحرة في السوشال ميديا
الأوسع انتشارا
وما بتضايق مننا أو يتجاهلنا إلا زول عميل وعفن
|
Post: #7
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 07:03 PM
Parent: #6
سبحان الله
امريكا الأفضل فيما أقول
قدمت الكتير من غير أعلام أو شو
والأسوأ
لانها من زاوية تانية هي الغطست حجرنا
وبتحترمنا اكتر من احترامها لكل العرب والافارقة
لكن واعية لالاعيب سياسيينا الفي سنة أولى سياسة بايتين فيها 10 سنة
|
Post: #8
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 07:09 PM
Parent: #7
الصين نحن بالنسبة ليها سوق بليد
روسيا محتارة في الشيوعيين البقوا أمريكان اكتر من الأمريكان الحقيقيين
العرب نحن بالنسبة ليهم عبيد
بمفهوم لا تشتري العبد إلا والعصا معه
والعبد ما عنده استحقاق مادي
عشان كده بنفس الفهم سندوا المصريين بي 40 مليار خلوهم عبروا
في نظرهم الفراعنة ارفع درجة من العبيد
العبيد للحرب أو خدامين عندهم
|
Post: #9
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 07:13 PM
Parent: #8
هل في إنسان في الكره الأرضية عنده شك
انو فرنسا الأسوأ في تعاملها مع الأفارقة
خصوصا واطماعها في سودان دار فور
راسنا ده ما فيهو ريشة ولا قمبور
|
Post: #10
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-14-2021, 07:15 PM
Parent: #9
النشطاء الفرنسيين نفسهم فضحوا حكومتهم وكل حكام الاتحاد الأوربي
في فيديو منتشر
يحدث عن هذا
افتشوا وانزلوا
عشان الصورة توضح
|
Post: #11
Title: Re: مؤتمر باريس ده مؤتمر سياسي وغير جادي في زم
Author: اخلاص عبدالرحمن المشرف
Date: 05-15-2021, 11:03 AM
Parent: #10
كيفك يا اميرنا
وعيدك مبارك
تعجبني الحزائر ، بعد طردت فرنسا
وقالت لها ما تهوبي بجنبنا ، بترولنا لنا
قالت لها اعتذري وادفعي تعويضات .
رجالة وحمرة عين.
اسع البنك الدولي و غيره هم ال بقرروا
مع العساكر المدورين كتل الصورة ما حلوة
وفرنسا سئية بدليل دعت برهان.
برهان يا فرنسا !!!!!!!
برهان !!!!
بالمرة حميدتي ومناوي يا فرنسا
ملعون انت يا استعمار
تعجبني الحزائر .
|
Post: #12
Title: Re: مؤتمر باريس ده مؤتمر سياسي وغير جادي في زم
Author: توفيق عيسى مكي
Date: 05-15-2021, 06:39 PM
Parent: #11
هي فرنسا دي لو راجل خليها تضغط عبد الواحد القاعد عندها يوقع معانا سلام
الورقة اللسلة زمنها ما جا
|
|