عامان من فترة الحكومة الانتقالية، حسابات القوة والضعف، الربح والخسارة!.

هما في الحقيقة "سنتان" لا "عامان"
اذا ان سنوات الحكومة الانتقالية عجاف، والعام هو ما يغاث فيه الناس
ونحن في "نهايتهمها" لا "خواتيمهما"
فنهاية الحكم غالبا مؤلمة، وختامه مسك ..
والسؤال الرئيسي للبوست هو :
ماهي توقعاتكم لحسابات القوة والضعف، الربح والخسارة !
للفترة الانتقالية ؟

خلينا من العامان
التلاتين سنة بتاعت الكيزان
انت عملت فيهم شنو ككوز
ومنو العينك في البنك الزبير
ام زوجته

أكبر الرابحين هو حميدتي،
والذي تحول من مجرد ضابط خلاء تابع لهيئة العمليات التابعة لجهاز الأمن التابع لعمر البشير
تحول للرجل الثاني في السودان من حيث التراتيبية الإدارية، والرجل الأول من حيث تراتيبية القرار..
والقوة الأكبر اليوم هم الجنجويد، اكتسبوا شرعيتهم واعترافهم كقوة مسلحة موازية للجيش من الوثيقة الدستورية
وأصبحوا القوة العسكرية والاقتصادية رقم ١ في السودان ، واصبحوا الأمر والناهي في كل أنحاء البلاد، والأكثر انتشارا وهيمنة فيها
وهم الان القوة الاكثر نموا، يتخرج مجندوهم مرتين في السنة ومن داخل الكلية الحربية..



..
..
العيني في البنك هو العين محمد عصمت يا بدر الحمير
والوقت داك لا كان في زبير في البنك ولا زوجته

Quote: خلينا من العامان التلاتين سنة بتاعت الكيزان

قلت لي اشتغلت مترجم أم "رآصة"؟

يا عمر التاج دا شنو النسيان السريع بيكون مرضي او محاولة لتغيب الوعي اعمل حاسبك المعالجةالمتجعلة ما كويسه
والقحاته ديل جماعات و قبايل وكيانات مع حزب واحد المهم قلنا ليك وانت حر

في المقابل، المواطن هو أول الخاسرين..
المواطن الذي كان يأتيه خبزه ثلاث مرات في اليوم وهو جالس في اعتصامه امام القيادة
وبسعر اقل جنيه للرغيفة الواحدة.. اصبح يقف الصفوف بالساعات الطوال، ويبحث في الأحياء والحلال بحثا عن عيشة بعشرة جنيهات فلايجدها .
المواطن الذي كان يدفع الكهرباء ٢٠٠ جنيه فتضئ له الكون الا ما تعذر، ويدفع اقل من ١٠٠ جنيه فتاتيه المياه متدفقه عبر أنابيب البيت، لا يوقفها الا عطلا طارئا أو فصلا محدد، اصبح يقضي يومه في الحر والسخانة والبحث عن الماء والكهرباء، ويدفع فيها الملايين للحكومة وهي عنه مقطوعة وممنوعة.
المواطن الذي كان يقف امام أقرب طلمبة ويملأ تنك سيارته عن آخره بخمسمائة جنيه، ويتعثر في الصف عند الازمات ليملاه خلال ساعتين او ثلاث بنفس السعر .. اصبح يقف الايام والليالي في صفوف البنزين والغاز والخبز والمواصلات ، واذا تمكن من الوصول لأول الصف سالما يدفع تلك ال٥٠٠ ولا يتحصل على جالون بنزين واحد .
المواطن الذي كان يبحث عن الدواء فيجد بعضه مجانا في مستشفى الذره وبعض الجهات الرسمية، والبعض يدفع فيه ملايين فيصله في بيته وسرير مرضه .. اصبح يموت بسبب انعدام الدواء وانقطاع الأوكسجين داخل مستشفى الشعب .
وباقي حال المواطن تعرفونه اذا وقفتم على أبواب السفارات الأجنبية..

Quote: يا عمر التاج دا شنو النسيان السريع بيكون مرضي او محاولة لتغيب الوعي اعمل حاسبك المعالجةالمتجعلة ما كويسه والقحاته ديل جماعات و قبايل وكيانات مع حزب واحد المهم قلنا ليك وانت حر

حبابك زهير.. وعليك الله كلمنا كان نسينا زول ...
أو ربما ما مشينا بالترتيب وان حرصنا .
المهم، الرابح الثاني هو حمدوك ..
والذي تحول من مجرد خبير اقتصادي مغمور، مرشح لوزارة مالية في دولة الكيزان
لرئيس وزراء دولة، ودولة مجلس وزراء، ومؤسس شنو كدة ماعارف...
دفعت به قحت لقمة جهاز الدولة، فاخلى وظيفته الاقتصادية لحميدتي،
والاجتماعية للمؤتمر السوداني ، والسياسية للبعث، والعدل للقوات الدولية، والسيادة للإمارات ومن يقف خلفها ..
وهو عائش في برجه العاجي، يقبض من كل سفرية ومن كل مؤتمر ومن كل زيارة.. ويأتيه مرتبه من جوة ومن برة.

عمر التاج
هو دا تملصك من كوزنتك
مابقول لك كما يقول دينق
اختشى ...
هو فى كوز اونتهازى بتخشى
العينك منو في البنك

Quote: عمر التاج هو دا تملصك من كوزنتك مابقول لك كما يقول دينق اختشى ... هو فى كوز اونتهازى بتخشى العينك منو في البنك

يا أمير ..

ليس اسوأ من الكيزان الا ضنبًتهم و اذيالهم ..

الكيزان نهبوا .. و اذيالهم تلهث ..

عاين جنس اللهثي ده كمن مسه الشيطان ..

المسيكين ده تلقى ماسكين عليو حاجة تافهة كده و ذالنو بيها و هو يلهث .. هههههههههههههه

ياجماعة ما ترفسوا كلام كوز عميق زي دا وله تجربة عملاقة تعالوا نتحاكم تلاتين سنة لربعه وعشرين شهر اظنها مقارنة ظالمة وبعدين هو السكر الا مريسه عديل كدا مافي سكرات الموت

السودان انا قدمت استقالتي منه قبل مايقارب ١٠ سنوات
تفتكر في كوز انتهازي بيخلي وظيفة مرموقة في البنك
وفي عز زمن الكيزان عشان يعيش في الغربة يا صعلوق قطر؟
ما حاتقدروا تدافعوا عن فشل حكومتكم الا باتهام كل من يكشفكم ويعريكم بالكوزنة
وانها لشرف كبير لمن يقف امام سلطتكم الفاشلة ويطلب مراجعة ملفه وملفاتكم.

يا عمر أنت كل ما يقولوا ليك كوز تنفي وتتبرى
وفي السطر التاني تقول أنها شرف كبير وخير لك
أن تكون كوز وما عارف شنو ؟؟
ما هو يا اما تثبت على انك كوز غليد تدافع عن
كوزنتك والكيزان وتهاجم في الوقت نفسه حقا
وباطلا ويوميا في بوستات منفصلة ومداخلات
وردود بمناسة وبدونها الحكومة الانتقالية
يا اما كمان تقول أنا ما كوز وتنسى حكاية الكوزنة
شرف وخيرا لك دي .. جه جهت باكاتنا ياخ .
...............
خخخخخخخخ

أقصد بالحكومة الانتقالية الشق المدني
وحمدوك تجديدا
ما شفتك يوم هاجمت العساكر بالافراط
دا.

Quote: ليس اسوأ من الكيزان الا ضنبًتهم و اذيالهم ..

ماهو انا لو كوز يا طلحة
كنت حا أكون كوز ليه ضل ..
مش مجرد تابع زي ما بتوهم قبيبيني ده
تفتكر يا طلحة كوز ضنب ساكت ممكن يجهجه المنبر ويفضح قحط القحاتة زي ده
ويخلي دينق وبشاشا وقباني وصاحبك حيدر -بدر ما محسوب- ما قادرين ينوموا
في البداية قالوا عني امنجي ، وقلت ليهم بعد ما يسقطوا الكيزان ما عافي ليكم
لو ما جبتو الكارنيه بتاعي في المنبر بعد تفصلوني..
بعد الثورة كلمتهم بكل تاريخي والمواقع الاشتغلت فيها
وقلت ليهم جيبوا ملف واحد من مخالفاتي أو فسادي .. مش يفترض اي كوز يكون فاسد
ولما يكون في موضع قرار وقناة تدفق أموال مش يفترض اسرق؟
اها .. الان السلطة في يدكم يا طلحة امش أبحت وجيب آخري
فيا أما طلعتني حرامي وفاسد، وفي الحالة دي ما بحتاج انفي الكوزنة مني
أو كمان طلعت نضيف ومظلوم .. وفي الحالة دي ما طالب عفو زول أو غفران ..
بس لما واحد تافه يقول لي انت كوز ما حا اكون حريص علي النفي ..
لانه كلامه بيرتد عليه وهو بتثبت من حيث لايدري ان الكوز ممكن يكون نضيف
وفي كل الأحوال.. سواء انا كنت كوز ام لا .. فسأفتخر بأني نضيف والحمد لله ..
مابتاع سرقات
وما بتاع بنات
وما بتاع سكر ومخدرات
وما بتاع لف ودوران
وما بسكت لأي قرف سياسي أو اجتماعي أو مالي
وفوق ده أحمل من المؤهلات ما يجعل اي تنظيم نضيف يتمنى انضم ليه
ولكنني عصي على الانتماء الا للحق ...
فهمت يا بتاع البنقز ول ازيدك؟

البنقز يا مولانا مالو بيطرب وبرقص رهيب جدا صحي انت ابقي علي بصيرة من امرك بنقز وطبله وسكر وبنقو وحكايات مزاج ومتع دنيا ماتحرم روحك دلعا

Quote: البنقز يا مولانا مالو بيطرب وبرقص رهيب جدا صحي انت ابقي علي بصيرة من امرك بنقز وطبله وسكر وبنقو وحكايات مزج ومتع دنيا ماتحرم روحك دلعا

البنقز والبنقو والرقيص مع كتاب الله ما بجتمعن يا زهير ...
صحيح نحن ما مولانات، وبنعديها ساعة بساعة ..
الا أننا بنعشق الفن، ونطرب من جوة ، وبتهتز قلوبنا ...
ولكننا لا نتعاطى هذه الخبائث، ولاندمن الفواسق..
و نستغفر الله العظيم لذنوبكم وذنوبنا

خلاص لو زينا الا الخبايث
مسامح خليك انطرب وبس عشان ماتبقي زي ابو الزهراء لا دنيا ولا اخره

المسلم يا زهير في فسحة من دينه ما لم يصب دمت حراما ..
والحمد لله لم نصب لا دما ولا لحما ولا مالا حراما حتى اليوم ..
ونحسبك كذلك ..
الل أننا نطمع في ان نكون من الأقوياء في دينهم
لان المؤمن القوي خير واحب إلى الله من المؤمن الضعيف
وفي كل خير ..

عمر الكلام ده كيف ما بتاع بنات انت ما سمعت غنية اللي ما بيحب النسوان الله يبعتلو علة ، بعدين يا قحاتة مالكم اتلميتوا في عمر الكوز الزول ده زمان قال ليكم شغلوا مع الكيزان كان مطية ( لكن انا ما عارف المطية دي كانت ناقة ولا بنت لبون)

كوز براي بري ... آمنتو بالله .


Woody Woodpecker بس .

برضو ماقلت لينا العينك منو في البنك
المافون الزبير ولا زوجته سعاد

Quote: تفتكر يا طلحة كوز ضنب ساكت ممكن يجهجه المنبر ويفضح قحط القحاتة زي ده

هسى أجاوبك بنعم أم بلا ؟؟؟ ههههههههههههه
لو جاوبتك بلا فمعنى كدا بقول أنك ما كوز
ضنب بل كوز رأس وجلد وكرعين ولسان وشفتين
وبتلبس عمة وبتحلق للعيد خخخخخخخ
ولو جاوبتك بنعم كدا برضو بثبت عليك الكوزنة
قودني إلى النور يا عمر التاج المدلساتي ههههههه
خخخخخخخخخخ

المستفيد نمرة ثلاثة هو البرهان..
وبعد أن كان حتة ضابط عظيم على وشك نزول المعاش
وكان من فوقه عشرات الضباط أصحاب الخبرات والقدرات الادارية والعسكرية والنفوذ
وبعد أن كان لايذكر اذا دعي كبار الضباط ولا يفتقد اذا غاب
وبعد أن كان من جملة رافعي التحية العسكرية للرئيس والنائب ورئيس الوزراء ..الخ
اصبح بقدرة قادر رئيس مجلس السيادة، ولا يرفع التمام الا للسيسي..
وفي المقابل فإن الخاسر رقم ٢ هم الكيزان.. فقدوا سلطتهم عند التغيير،
وفطموا من موارد الدولة عند السقوط .. واصبحت اللعنات تلاحقهم وهم في غياهب السجون
ولكن ..
يتبع...
..
..

Quote: لو جاوبتك بلا فمعنى كدا بقول أنك ما كوز ضنب

الاحتمال الانتم بتهربوا منه انه ممكن اكون ما كوز زاتو،
ولو كنت كوز منتفع ليه ما أعلنت كوزنتي أيام كانوا الكيزان بشنوا ويرنوا
وكان مجرد التغزل في الكيزان بيعني زيادة كومشنات وعطاءات
ليه عايز أكشف كوزنتي بمهاجمتي للحكومة الفاشلة
بعد ما الكيزان دخلوا السجون وبقوا مطلوبين دوليا؟
فكر برأسك تعرف خلاصك.

مين العينك في البنك
المافون الزبير ولا زوجته سعاد

الرابح رقم ٤ هم الحركات الدارفورية المسلحة ، والتي قاتلت الانقاذ ٣٠ سنة ولم تتحصل الا على منصب نائب والي (عقار والحلو)، ومساعد رئيس (مناوي) ، أما الان فقد حصلت على مناصب ما كانت تحلم بها، إقليم دارفور كله (حاكم إقليم عديل كدة)، ووزير مالية ووزير طاقة ، و٤ أعضاء مجلس سيادة .. واستحقاقات مالية بالدولار تمتد لعشرة سنوات من حر قوت الولايات الأخرى .. ولسه الجاي أصعب .. الحلو وعبد الواحد وهلم جرا..
في المقابل الخاسر رقم ٣ هي قوى الحرية والتغيير.. فقد فقدت مصداقيتها وسندها ونزفت كثير من جماهيرها خلال ما يقارب السنتين من الحكم اضاعت فيها الأمانة وورطت الدولة وافقدت البلد سيادته وهيبته ولم تقدم ما يثبت جدارتها وتفوقها وخبرتها، وفتحت بالتالي الباب واسعا لمنافسين جدد ليظهروا على الساحة ويتفوقوا عليها بكل سهولة ويسر.

..
..

Quote: تعالوا نتحاكم تلاتين سنة لربعه وعشرين شهر اظنها مقارنة ظالمة

في هذا البوست لا نعمل على المقارنة بين أنظمة الحكم يا زهير، بل محاكم فترة معينة تقارب السنتين من عمر السودان، فترة سنتين تعتبر نصف دورة رئاسية كالتي قضاها ترامب في أمريكا ، وهي كافية لإنجاز مشاريع كبرى وتحول سياسي واقتصادي كبير .. فهل يمكن قياس مؤشرات الربح والخسارة بغير ما تحدثنا في هذا البوست؟

برضو ماقلت مين عينك فى البنك
المافون الزبير ام زوجته سعاد وكم
خمشت

العبيط الأهبل بدر الدين ..

Quote: برضو ماقلت مين عينك فى البنك المافون الزبير ام زوجته سعاد وكم خمشت

السؤال ده كان ممكن يكون مقبول لو الحكومة الان بتاعة كيزان
ولعلك لما تفك منك حاتعرف انه ملفات البلد كلها الان في ايدك
امش فتشها وطلع اجاباتك وتعال أعرض بيها هنا..
ومبدئيا .. أنا ما حصل التقيت بالزبير وجها لوجه في حياتي
إلى أن توفاه الله هو لايعرفني ولا اعرفه الا من حيث انه شخصية عامة
وسعاد بلدياتي ولها معي علاقة دم، ولكنها من جيل غير جيلي، ولم ألتق بها غير مرة واحدة في حياتي ..
جمعتنا الصدفة في برنامج ثقافي للمنطقة، هي وزيرة وانا في رابطة خريجين .. وانتهى الحفل بتعارف عام عادي..
واذا كانت لديك اي معلومة أو صور أو علاقة أخرى.. جيبها هنا ولا تتردد ..
مش انت الحكومة وعارف كل حاجة؟

انت مالك منزعج
المافون الزبير عمك
ام زوجته سعاد خالتك
وبرضو قول لنا مين عينك في
البنك

Quote: الاحتمال الانتم بتهربوا منه انه ممكن اكون ما كوز زاتو،

يا عمر انت متين ح تتعلم وتسمع الكلام وتبطل
النبيشة في الدواخل لانتزاع ما يجول داخل صاحبها وتقديمه
للناس باعتباره حقيقة ويقين لا يساوره الشك ؟؟؟؟؟؟
أنا طلحة عبدالله دا ما قاعد اتعامل بالاحتمالات عشان
أركز ليها أو اهرب منها كما تفعل أنت تلميحا وتصريحا
بكل قوة عين لا تخشى في ذلك لا من في الأرض ولا من
في السماء.
متين قلت لى زول هنا أنت كوز أو جردل أو شيطان رجيم ؟
حتى لو بالتلميح ؟؟
أنت هسة بكل البتعمل فيهو دا والله ما فاضل ليك إلا تقول
أنا عبد الحي الإرهابي هيم سيلف.. حصل قلت ليك أو لمحت
ليك بأنك كوز ؟؟
أبدا يا عمر أنا ما زيك ولا بتمنى أكون قريب منك في الحتة
دي .
ما تتعبنا معاك ياخ .
..............
نهرب شنو ومن منو يا حبوب ؟؟