Post: #1
Title: سيبلهم
Author: طلحة عبدالله
Date: 05-13-2021, 06:28 PM
06:28 PM May, 13 2021 سودانيز اون لاين
طلحة عبدالله-
مكتبتى
رابط مختصر
نعم سيواصلون دفعه إلى حافة الفشل وسيقيمون
في طريقه العراقيل والأزمات وسيتخطاها متسلحا
بالارادة، متدرعا بشباب في عزم الجبابرة
وشجاعة الفرسان يهابهم الموت وتخشاهم المحن
وحينها سيلتفت اليهم وسيبلهم ويعصرهم عصرا.
وإن تعثرت الخطى واستطالت متاريس
الخبث وتكدست خلف الكواليس أجندة الخيانة
وتنوع غدر عبدة السلطة والجاه، حتما ستتفتح
أزاهير الفرح وتينع ثمار ما زرعه شباب الوطن
وروه بالدم والعرق.
لا تحزنوا
يوما ما قريبا سينبلج الفجر وستتسع ساحات الحرية
والسلام والعدالة وسترتفع أعلام النصر على ساريات
الواقع المؤتلق وسيرقص الجميع على تواشيح الحلم القبيل.
نصيحتى للأنجاس المناكيد ان
أذهبوا بمحض إرادتكم إلى أوسخ مزابل
التاريخ وإلا سترمون بها كالجيف.
...................
أصبروا وصابروا ولا تعيروا المخذلين حتى
أذن من طين.
|
Post: #2
Title: Re: سيبلهم
Author: HAIDER ALZAIN
Date: 05-19-2021, 09:47 AM
Parent: #1
لي يومين بقرأ العنوان سبيلهم " واتفكر ملياً ثم اقول ماذا اراد طلحتوف العميـق ..!
لكن بعد وصول النظارة بسلامة أقول
نعم سيبلهم وسيبللوا سراويلهم
ثم سنتبلبل جميعنا بعد مسغبة .
|
Post: #3
Title: Re: سيبلهم
Author: أبوذر بابكر
Date: 05-19-2021, 10:10 AM
Parent: #1
مخطئ والله يا طلحة وواهم اي زول يفتكر انو الكائنات دي حتستسلم او تقتنع انو شمسهم خلاص افلت
ودولتهم دالت وانهارت
لغاية اللحظة هم ما مصدقين الحصل
ما كانو متخيلين مجرد خيال الشي الحصل ليهم ولسه حيحصل ليهم
ويمكرون ويمكر الله والله خير الماكرين
|
Post: #4
Title: Re: سيبلهم
Author: طلحة عبدالله
Date: 05-19-2021, 11:22 AM
Parent: #3
حيدروف وأبوذر
البوست دا نكتوا من وين؟
أنا حمدت الله انو حتل من يوم عمروف قال
لي بتطبل فيهو لحمدوك
..............
تصدق يا حيدروف أنا ذاتي لي أيام بقرأ محتوى
البوست دا في اليوم مرة ومرتين بحاول أفهم
كيف طبلت خلالو لحمدوك ؟؟ 
|
Post: #5
Title: Re: سيبلهم
Author: أبوذر بابكر
Date: 05-19-2021, 11:43 AM
Parent: #4
انا ؟
بري
هههههههه
لقيتو في وشي وما صدقت
|
Post: #6
Title: Re: سيبلهم
Author: طلحة عبدالله
Date: 05-19-2021, 11:58 AM
Parent: #5
عارفك يا أبوذر على نياتك
دي امور حيدروف
|
Post: #7
Title: Re: سيبلهم
Author: أبوذر بابكر
Date: 05-19-2021, 12:47 PM
Parent: #6
انا كائن مسكين جدا
الكديسة تلحس ايسكريمي
استعضنا بالكديسة لعدم توفر الغنماية
تلك التي تاكل العشاء
وتخلي الزول بايت القوا
ههههههههههههه
|
Post: #9
Title: Re: سيبلهم
Author: طلحة عبدالله
Date: 05-19-2021, 01:12 PM
Parent: #7
يا أبوذر
الجكس ذاتو بياكل العشاء وفي النهاية يعرسن مغترب
غايتو مصاريف الجامعة الصرفوها ناس كدا في خلط
البينشات والكافتريات والدباديب لو كان وفروها هسة
كانوا يكونوا راسمالية .. خخخخخخ
ياخ كونوا الجكس يخليك تشترى كلب بمبلغ وقدرو
ضورار زي بتاع تاج السر الملك دي براها ما أكل
عشا وغدا وقبلهما فطور وحق التمباك ؟
بس عشان الجكس يقول كلب حلااااااتو
ويواصل مسيرتو القاصدة هههههههههه
غايتو تاجو دا مرات كدا ببالغ شديد ياخ
|
Post: #8
Title: Re: سيبلهم
Author: HAIDER ALZAIN
Date: 05-19-2021, 01:06 PM
Parent: #4
Quote: نا حمدت الله انو حتل من يوم عمروف قال
لي بتطبل فيهو لحمدوك |
عمروف قال كدة..
عاوز اقول اذن فقد صدق الناكرها.. لكن اتذكرت انه الراجل حردان اليومين ديل وما عاوز اجيب سيرته خخخخخخخخخخخخخ
|
|