الدعوة لعصيان الي سقوط العسكر ويصبح الحكم بالكامل مدني

04:22 PM May, 13 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

*العصيان المدني الشامل والإضراب السياسي المفتوح بأمر الشعب*

الشعب السوداني العظيم وقواه الحية قادرة على إسقاط اللجنة الأمنية الانقلابية ومجلس شركاء الدم وقحت، والبتطلق على نفسها اسم المجلس السيادي الانقلابي المجرم ومجلس الوزراء العميل، شعبنا الأبي ده هزم النظام بكل جبروته وبالتالي قادر على هزيمة أذياله بكل مليشيات جهاز أمن النظام وكتائب ظله وجنجويده؛ "كمها الرباطة بلقاطها".

وسيلة شعبنا المقدام في إسقاط عصابة اللجنة الأمنية ومليشيات جهاز أمنها وجنجويدها وعملاء قحت *العصيان المدني الشامل والإضراب السياسي المفتوح*، وهي وسائل سلمية مجربة ومعروفة وفعالة في تاريخ السودان وغيره من الشعوب البترفض الظلم والجبروت والإجرام وسرقة مواردها وحقوقها.

*العصيان المدني* معناهو نحن نشل الحياة العامة تماماً وبالتالي يفقد النظام سيطرته البيحاول يفرضها من خلال مجرمي مليشيات جهاز الأمن والجنجويد. بمعنى تاني *العصيان المدني الشامل* معناهو انه مافي زول بيدفع ولا فرطاقة لخزينة النظام المتجبر وما في أي زول بيشتغل أو بينصاع لأوامر النظام الفاسد المجرم.

يعني *العصيان المدني الشامل* ده فعل جماعي كلنا بنشارك فيه، كل شخص فينا بيقعد في بيته وحلته وبيمتنع عن العمل أو أي نوع من المعاملات أو المساعدة للنظام المجرم بأي شكل من الأشكال، يعني هم قتلوا أخواتنا وأخوانا وبناتنا وأولادنا عشان يفرتقوا الاعتصام قدام القيادة العامة للجيش وبعدها حايمين في الشوارع بيقتلوا ويروعوا فينا كل عيد في نفس التاريخ ونفس المكان ونفس الزول الكاتل ولدك، فنحن حنكون صابينها في أحياءنا وفرقاننا وبلداتنا في كل مدن وقرى السودان، ونحول السودان كله لأكبر اعتصام مستمر الوقت كله لحدي ما يسقط هذا النظام المجرم.

*في العصيان المدني* الشامل زي ما قلنا بنرفض تماماً أي معاملة مع النظام، لكن لازم ننسق كلنا في كل حي وفريق كأهل وجيران وأصحاب ونساعد بعض ونتقاسم كل شيء من الأكل والشراب والدواء وحتى المساعدة في وضع المتاريس لحماية نفسنا وأهلنا، يعني بنتكافل ونتكامل مع بعض عشان ما فينا زول يحتاج للتعامل مع نظام المجرمين الفاسد ده.
*نفس الزول الوزنك و قاسك و شد البوت* *اللابسو و داسك مسخ عيدك و نحر احساسك* *جاك الليلة تاني وداسك*

*عيد شهيد*

حرية، سلام، وعدالة
*احرار لجان المقاومة

الأخ زهير عيدك مبارك
الطريقة الوحيدة العادلة والعاقلة والواعية
والمخلصة الصادقة للشعب والوطن
في انتقال الحكم لسلطة مدنية كاملة السيادة
والتنفيذ لا شراكة سيادية للعسكر فيها
لا يكون ذلك بغير الإنتخابات
ومن غير ذلك قلة حياء وقلة أدب وغباء
وانقياد لمكر الكيزان المسيطرين
علي ما يسمي بلجان المقاومة

سوف تجتمع كل قوي الثورة الحيه ولجان المقاومة خلال الساعات القادمة لتحديد موعد العصيان