Post: #1
Title: لكل اهل السودان حميدتي كل يعلم ما سوف يحدث !!!
Author: زهير عثمان حمد
Date: 05-13-2021, 11:58 AM
11:58 AM May, 13 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
لكي يعرف الراي العام من الذين تامروا علي شباب الثورة لقد اصدر حميدتي كقايد لقوات الدعم السريع امر لقواته في ليلة الثامن والعشرون من رمضان بالانسحاب من محيط القيادة وكان اماكن تمركز هذه القوات بوسط الخرطوم
ماذا يعني هذا غير المعرفة بما سوف يحدث من طلقاء جهاز الامن المخابرات السابقين وكذلك مدير الجهاز الحالي يعرف من هم قاموا بهذا العمل
لن نهدا ولن نسامح ولقد عرفنا حجم التامر علي الثورة ومحاولة تخويف اولياء الدم
وعلي العسكريين مغادر ة السلطةفورا
|
Post: #2
Title: Re: لكل اهل السودان حميدتي كل يعلم ما سوف يحدث
Author: محمد البشرى الخضر
Date: 05-13-2021, 12:38 PM
Parent: #1
ابو الزهور كل سنة وانت طيب و القابلة على امنياتك ان شاء الله!
في نقاط غريبة محتاجة تتوصل حتى تبدو الصورة كاملة، أنا بخت جزء منها وانت اضيف و هابس لينا ناسك العارفين في الخرطوم و العواصم ذات الصلة و حاول كمل الصورة:
١. تصريح نبيل أديب الحاول يتملص منه بأن نتيجة التحقيق قد تؤدي لانقلاب او اضطرابات.
٢. اطلاق سراح موسى هلال و زيارته للبرهان مقروءة مع تولية مني حكم دارفور.
٣. تصرحات حميدتي قبل يومين (سابقة لاتهام اسر الشهداء له) في احد الافطارات وفيها الثلاث نقاط المهمة التالية:
- من له اتهام عليه فليواجهه بالاتهام وهو اما دافع عن نفسه او انسجن!
- تاني مافي انقلاب في البلد دي و حنجيب الديمقراطية!
- السياسة طلعت زيتنا!
٤- رغم اعلان الجيش قفل الطرق المؤدية للقيادة بشكل أو بآخر استطاعت جموع المتظاهرين الدخول رغم الطرق المقفولة، او تم القفل بطريقة توجهه الجموع لمكان معين!
٥- اعلان اسر الشهداء توجيه الاتهام لحميدتي والدعم السريع مع اغفال بقية اعضاء المجلس العسكري و القوات النظامية الاخرى.
٦- بمجرد انتهاء اعلان بيان المنظمة تم تفريق الجموع و الضرب الذي ادى لقتل اشبه بالقنص (ضرب من الخلف وفي مواضع قاتلة).
٧- بوست الصادق سمل!
انا غايتو ششنة كدا بقول انو بصلة حميدتي بحمروا فيها، وهو عرف كدا!
و كقراءة متشائمة بقول هناك من اشتغل بمنظمة اسر الشهداء سياسة واتمنى ان يكون حدسي خاطئ في هذه الجزئية!
|
Post: #3
Title: Re: لكل اهل السودان حميدتي كل يعلم ما سوف يحدث
Author: زهير عثمان حمد
Date: 05-14-2021, 03:03 AM
Parent: #2
كل سنة وانت بالف خير ودالبشري ما تقلق شاغل علي العلومات وسوف تكون جاهزة في اقرب فرصة
وانت عارف استنطق القريبين من اصحاب المعلومةو القرارصعب كيف امهلني ساعات
|
Post: #4
Title: Re: لكل اهل السودان حميدتي كل يعلم ما سوف يحدث
Author: nour tawir
Date: 05-15-2021, 10:04 PM
Parent: #3
كل عام و انت بخير ابوالزوز
انا وصلت لى قناعة تامة انه نحنا السودانيين سبب كل هذا الدمار
و السبب هو اننا نمد حبل الصبر اكتر من اللازم لاى مجرم
و نتلون بمختلف الالوان بالرغم من ان العدو واضح و صريح و معترف
فلو كنا نحسم الامور من اولها
لانقذنا البلد من كل هذه الشرور
كلامنا اكتر من اللازم
|
|