دا شفاتي ومعنا نعنوشه واقفة لمبه وداك بعاتي وأنا غلبني الصبر#

06:40 AM May, 08 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر

(adsbygoogle = window.adsbygoogle || []).push({});
دا شفاتي ومعنا نعنوشه واقفة لمبه وداك بعاتي وأنا غلبني الصبر#
ما هي الدنيا هنا في الوطن العزيز جايطة كورونا وعطالة وفلس وصيام وكمان أغلاق ما معروف كيف ولا مفهوم وح لا تعرف تصوم صيام المؤمنيين ولا تفطرفطور كفارالعديل والنوم خزاز باسمي وباسم كل الرفاق الذين صاموا رمضان اول مرة من عشرات السنين
يا اخي اول مرة بس ولكل ابناء وبنات الوطن في الغربة والمهاجر والقاعدين في الوطن الجريح بسبب سوء الادارة والاهمال أحي الجميع وأناشد كل الذين بالداخل ان يرصدوا الكهربا و اتقدم بوافر االشكر لقوات الدعم السريع بعد منح الفقراء والمساكين كرتونة رمضان حسب الاخبار كانت بالجد تغطي عشرة يوم وله الاثر الايجابي في نفوسنا وساهمت في تحسين ظروفنا الاقتصادية و المعيشية ، كما نتمنى على حضرتكم لو هناك اي طريقة لكيس حلاوة العيدة والله بقي بالف جنيه دي الحلاوة التعبانه وللتي تم تصنيعها سنة 2005 بالجد والله ما كضاب انا ، وبعدين فضيل شاغل بيتبرع للفقراء في صالحة قالوا بقي من أصحاب المليارات وقال المجهود دا كلو للحفاظ على الطبقة المتوسطة والفقيرة من التآكل ورفع مستوى معيشة الفرد خصوصاً من ذوي الدخل المحدود بعد المعاناة وبكية ترباس والفضايح باعت الجماعة اللي بحبوا اللحمة ورمضان قالوا كل فول فول بكل النهكات وعدس فته برغيف اتخبز من ايام فض الاعتصام كلو تراب
ياحكومتنا الانتقامية الموقرة مافي سراً انتو مع انو بتصرفوا بالدولار جاتكم كرتونة رمضان زي الغلابة والمساكين زينا قلنا لكم ما تكابروا والمنصب دا زي ضل الضحي وبعدين الايام معدودة أنجازوا بسرعة ، ان حكومتكم هي ح تنفيذ ما جاء بالوثيقة الدستورية بحذافيرها متين ما معروف لا سيما البند الخاص بتخفيف العبء الاقتصادية على المواطنين ودعماً منا لإخلاصكم ونجاح مساعيكم الحميدة والصادقة بتحسين الظروف الحياتية للمواطنين في ظل الركود الاقتصادي والكورونا وتدفق اعداد كبيرة من اللاجئين الحبش نتمنى ان ترفعوا باقي أسعار كل السلع من خبز والدقيق والرز المصري والسكر ولبن البودره 500%بالماية في الساعات القليلة المقبلة كما نرجوكم بتحرير أنوبة الغاز ورفع سعرها الى أعلى مستوي و من يوم الأحد الجاي فلم نعد نحتمل هذا الرخص الفاحش على الإطلاق والتوفر الرهيب للسلع والتهريب المدور في البلد وغرق السوق بكميات من البضاعة نحن خلاص بعد تجربة الصيام في الظروف الانتقامية دي بقينا نشبع بالنظر والسمع والشم وحاجات تانيه
رئيس حكومتنا السيد الدكتور اللي ما بتكلم معنا نحن أصحاب المصلحة الحقيقين أعبر بنا ونحن من ورائكم وقلوبنا معكم ، ارواحنا فداءكم ومنو لينا غيرك ويأخذنا الى برّ الأمان، يا من ولدت من رحم الكادحين ، يا ابن الشعب الكردفاي ، يا نصير الفقراء ، يا شيوعي سابق وضد الفاسدين، وملاذ المعدمين ، يا منارة الحكمة والمتحدث بلغة الفرنجه فشعبك البطل زهجان منك ومنهم جدا جدا ولو نزلنا المرة دي الشارع ما بنرجع البيوت الا الامين العام للامم المتحدة يشكل حكومة دولية لخدمة شعب السودان
نحن من الصيام تعبنا والتغذية الضعيفة هدة حيلنا لكين لو فطرنا ح تشوفوا مننا كتاب عجيب و خلاص زهجنا من قصة دا شفاتي ونعنوشه واقفة لمبه وداك بعاتي نحن غلبنا الصبر واعرفوا حاجة ممكن ندور مظاهرات بالليل من اليوم أنعدلوا معنا أو أستقيلوا بهدوء ود الحبر استقال أبقوا شرحوا
عشان فضيل ما يقوم يعمل فيديو سياسي ونعاني كلنا تاني
عرفتو الكلام والله الواحد لما يتذكر الحكومة الانتقامية دي وكل المناضلين الوزراء والولاة واصحاب المقامات الرسمية يجرح صيامو ساي
اللهم أني صايم بالانجليزي يا ابوحسين #

https://top4top.io/