Post: #1
Title: وزيرة الخارجية- قادرون على إرغام إثيوبيا بعدم الملء الثاني لسد النهضة
Author: زهير عثمان حمد
Date: 05-07-2021, 07:10 PM
07:10 PM May, 07 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
https://top4top.io/
وزيرة الخارجية السودانية تتحدث لمراسل بي بي سي في الخرطوم
رأت وزيرة الخارجية السودانية، مريم الصادق المهدي، انه يمكن حل أزمة سد النهضة خلال ساعات اذا توفرت الإرادة السياسية.
الخرطوم: التغيير
أكدت وزيرة الخارجية السودانية، مريم الصادق المهدي، قدرة السودان على ارغام أثيوبيا بعدم المضي قدمًا في الملء الثاني لخزان سد النهضة بدون اتفاق.
واتهمت وزيرة الخارجية السودانية اثيوبيا بالسعي لفرض الهيمنة وتركيع الدول، بإستغلال ملف مياه النيل.
وقالت في مقابلة مع قناة (بي بي سي) الإخبارية، الخميس، انه يمكن حل أزمة سد النهضة خلال ساعات اذا توفرت الإرادة السياسية.
فيما وصفت المبادرة الاماراتية بشأن قضية الحدود مع أثيوبيا بأنها ذات محتوي جيد ومعقول وأشارت إلى أن السودان سيرد عليها قريبا.
وكان رئيس الوزراء السوداني, عبدالله حمدوك، قد ذكر في لقاء مع شبكة سي إن إن الإخبارية الأمريكية، الثلاثاء، أن سد النهضة يمكن أن يوفر منافع كثيرة للدول الثلاث.
وطالب حمدوك بـ”التوصل إلى اتفاق نهائي وملزم” يمكن الدول الثلاثة من التخطيط للمستقبل، ويراعي قواعد القانون الدولي.
وحول مشاكل الحدود مع إثيوبيا، أكد على أن المناطق الحدودية بين البلدين محددة ومحسومة منذ معاهدة 1902.
وأعتبر إنه من غير المفهوم أن تثير أثيوبيا هذا النزاع.
وشدد على أن السودان يصر على اتباع الطرق الدبلوماسية في الحفاظ على سيادته.
وذلك من خلال اللجنة المشتركة لمناقشة الموضوع والتي اجتمعت مرتين على الأقل في آخر 6 أشهر.
وفي السياق أعلن رئيس الوزراء الأثيوبي، أبي أحمد، مطلع الإسبوع الحالي، تمسك بلاده بالمواعيد المضروبة للملء الثاني لسد النهضة.
وذلك رغم أعتراض دولتي السودان ومصر.
وتتعنت إثيوبيا في تعبئة ثانية للخزان خلال يوليو المقبل، رغم توصيفات الخرطوم والقاهرة للخطوة بأنها مهدد مباشر لأمنيهما القومي.
|
Post: #2
Title: Re: وزيرة الخارجية- قادرون على إرغام إثيوبيا �
Author: ABUHUSSEIN
Date: 05-07-2021, 07:33 PM
Parent: #1
بالغت الوزيرة في (( قادرون على إرغام)) ...
ابدا ما كلام دبلوماسي ....
|
Post: #3
Title: Re: وزيرة الخارجية- قادرون على إرغام إثيوبيا �
Author: زهير عثمان حمد
Date: 05-07-2021, 07:35 PM
Parent: #2
يا أبوحسين المنصورة دي جدها المهدي انت جدك منو ؟
|
Post: #4
Title: Re: وزيرة الخارجية- قادرون على إرغام إثيوبيا �
Author: محمد البشرى الخضر
Date: 05-07-2021, 07:35 PM
Parent: #1
كالعادة تصريح اشتر آخر أو ربما مقصود لتسخين الجو وافشال سعي حمدوك للحل الدبلوماسي!
كدا باستخدام لغة ارغام دي الملئ التاني في التوقيت المضروب يصير مسألة كرامة لكل الشعب الاثيوبي! يعني كان ابي احمد حاول يتفاهم ما بخلوه بعد دا
|
Post: #5
Title: Re: وزيرة الخارجية- قادرون على إرغام إثيوبيا �
Author: زهير عثمان حمد
Date: 05-07-2021, 07:41 PM
Parent: #4
والله لو سمعتوا كلام وزير الري الزول منطقي وفاهم الوضع وقال بصراحة نحن مع دولة ضد أخري نحن مع مصالح بلدنا
لكين تقول شنو للناس العايزة تعيش في عك المصريين والتباكي في قضية واضحة زي الشمس
بالله ما في جماعة شعبية تشتغل الشغل بدل الحكومة
|
Post: #6
Title: Re: وزيرة الخارجية- قادرون على إرغام إثيوبيا �
Author: يحي قباني
Date: 05-07-2021, 07:53 PM
Parent: #5
Quote: أكدت وزيرة الخارجية السودانية، مريم الصادق المهدي، قدرة السودان على ارغام أثيوبيا بعدم المضي قدمًا في الملء الثاني لخزان سد النهضة بدون اتفاق.
|
هههههههههههههههههههههههههههههههه
|
Post: #7
Title: Re: وزيرة الخارجية- قادرون على إرغام إثيوبيا �
Author: بدر الدين الأمير
Date: 05-07-2021, 09:18 PM
Parent: #6
هذه الخرقاء لايصدر منها غير كلام اخرق
|
Post: #8
Title: Re: وزيرة الخارجية- قادرون على إرغام إثيوبيا �
Author: Mahjob Abdalla
Date: 05-08-2021, 00:13 AM
Parent: #7
| Quote: قدرة السودان على ارغام أثيوبيا بعدم المضي قدمًا في الملء الثاني لخزان سد النهضة بدون اتفاق. |
المفروض رئيس الوزراء يقول ليها
Slow down
لانو ما ممكن وزيرة خارجية تتكلم بالطريقة دى.
______________
دائما في الدول العندها دبلوماسية بعينو زول في وظيفة اقل شوية بسموهو (Bad Boy) عشان يقول الكلام الما بتقال بدبلوماسية
|
Post: #9
Title: Re: وزيرة الخارجية- قادرون على إرغام إثيوبيا �
Author: Abureesh
Date: 05-08-2021, 01:02 AM
Parent: #8
باللاى يا مريم لو سمحتى يعنى، مرة واحدة أرغمى لينا مصر دى برضو عشان تمرق من حلايب.. ملئ السد ساهل.
|
Post: #10
Title: Re: وزيرة الخارجية- قادرون على إرغام إثيوبيا �
Author: منتصر عبد الباسط
Date: 05-08-2021, 01:42 AM
Parent: #9
مشكلة مريم الصادق الارتجال
والمنصب حساس يحتاج حساب الكلام
وأعتقد هذا المنصب لا تملك مؤهلاته
|
Post: #11
Title: Re: وزيرة الخارجية- قادرون على إرغام إثيوبيا �
Author: Abureesh
Date: 05-08-2021, 01:49 AM
Parent: #9
| Quote: لانو ما ممكن وزيرة خارجية تتكلم بالطريقة دى. |
كلامك مظبوط مية المية..
نصيحة دبلومسية للحبيبة مريم..
1. فى أى نقاش مع أى جهة.. فى كلمتين أمسحيهم من قاموسك: الأولى "لا" والتانية "نعم" فى أى أجابة أبدا لا تقولى لا أو نعم.. قولى كلامك العاوزة تقوليه بس
2. don't call names أبدا لا تذكرى أى جهة بالإسم.. كان إثيوبيا او غيرها. قولى البعض.. الجيران.. الجهات.. أى شئ من دا والناس تفهم. لكن لا تذكرى الدول بالإسم أو الأشخاص
3. الحديث عن إرغام أى جهة أجنبية هذه مهمة الجيش والشخص الوحيد الذى يقولوها هو القائد الأعلى للجيش.
4. لو سافرتى الى أى دولة، فدائما استحضرى انك وزيرة خارجية جمهورية السودان، ممثلة للشعب السودانى وساعية لمصالح السودان فقط. الطرف الأخر أيضا سيراعى مصاله هو، لذلك لا تفكرى
ولو للحظة فى مصالح من تتفاوضين معه.. you take care of yours, he will take care of his سواء فى الإجتماعات أو فى المؤتمرات الصحفيـة. (التفاصيل أتركها لذكائك)
أطبعى الكلام دا وختيه فى الشنطـة.
|
Post: #12
Title: Re: وزيرة الخارجية- قادرون على إرغام إثيوبيا �
Author: adil amin
Date: 05-08-2021, 08:31 AM
Parent: #11
الزولة دي كان يعملوها وزيرة ري بدل ياسر وياسر وزير خارجية بدل مريم
هسة الحبش ديل ملو السد 2020 حصل شنو ضر السودان
المطرة غرقت السودان وجات مصر جابت بطاطين والسعودية خيم والامارات تمر مسوس
انا ما عارف الزولة دي قرت هندسة سدود مثلا وملي السد حاجة فنية علاقتو شنو بي السياسة
السد في الحبشة والمطرة في الحبشة هي مالا
المصريين يحتلفو بي وصول الموية سيناء وبكره اسراءيل
وهي تولول معاهم لحدي تجي المطرة الجاية 2021 كما تشيل الخرطوم دي توديها فاس الماوراها ناس
هسة
التطبيع مع نتنياهو وشرخ المجتمع السوداني
الجنود في اليمن تايهين في حرب الفجار التي نقضت غزلها
5 مليون سوداني في الخارج ما عندهم وثائق
سفارة السودان في السعودية بت الكلب لحدي هسة تتفرعن وتهين السودانيين
مش بدل الحوامة والجعجعة دي تنظم سفاراتا وتطلعنا زي المحجوب من ازمة اليمن
علي الاقل كانت تجيب صفوت فانوس وزير دولة في الخارجية يغطي ليها عثراتا البليدة دي
غياتو السودان ده ما اظن يبقي بلد تاني
|
Post: #13
Title: Re: وزيرة الخارجية- قادرون على إرغام إثيوبيا �
Author: امتثال عبدالله
Date: 05-08-2021, 09:55 AM
Parent: #12
""" قادرون على ارغام اثيوبيا... "" .
لا حول ولا قوة الا بالله....
يعني نحن بنقدر نرغم اثيوبيا بالمليشيات المسلحة المتعددة المالية البلد!!!؟؟؟؟
وعشان قدرنا نرجع بعض الاراضي التي استولى عليها المزارعون الاثيوبيون بوضع
اليد وانتصرنا على بعض المليشيات الاثيوبية مفتكرين حنرغم اثيوبيا!!!؟!!
|
|