تعرفوا يا أهلنا فضيل لو كان مجنون فعلا وقدم عمل عبر فيهو عن راي في مسالةتخص الدين او السياسية أو قضية اجتماعية لابد لنا نحن اللي بنادي بدولة العدالة والمؤسسات وحرية التعبير أن يكون لنا طرح واعي وأكثر عمق من الاسفاف وقلة الادب الحاصلة الان شكرا فضيل فضحت عباقرة من حملة شهادات العليا ولهم حضور في المجتمع وكمان صديقات وزميلات قالوا هن الثورة الحمراء بالجد حاجة مخجلة جدا لغة خطاب منحطة ومنطق عقيم وسجال لا قيمة له عند طرح قول خلي فضيل العوير لربو أكرر شكري لفضيل ولهذه الممارسة الراقية لانه أستخدم الفن لكي يرسل رسالته لا التجريح والاساءة نعم للحوار أنتهي زمن الوصاية عرفتو كيف #
هل يجوز للعمل الدرامي أن يذكر معلومات خاطئة ومضللة؟؟
تابعوا هنا:
وفي آخر دقائق من الحلقة ذكر شقيق فضيلة أنه سيقتلها!! هكذا؟؟
تحياتي زهير
Post: #4 Title: Re: فضيل الراقي ممارسة وعباقرة التبخيس للراي Author: محمد حمزة الحسين Date: 05-06-2021, 02:36 PM Parent: #3
Quote: تعرفوا يا أهلنا فضيل لو كان مجنون فعلا وقدم عمل عبر فيهو عن راي في مسالةتخص الدين او السياسية أو قضية اجتماعية لابد لنا نحن اللي بنادي بدولة العدالة والمؤسسات وحرية التعبير أن يكون لنا طرح واعي وأكثر عمق من الاسفاف وقلة الادب الحاصلة الان شكرا فضيل فضحت عباقرة من حملة شهادات العليا ولهم حضور في المجتمع وكمان صديقات وزميلات قالوا هن الثورة الحمراء بالجد حاجة مخجلة جدا لغة خطاب منحطة ومنطق عقيم وسجال لا قيمة له عند طرح قول خلي فضيل العوير لربو أكرر شكري لفضيل ولهذه الممارسة الراقية لانه أستخدم الفن لكي يرسل رسالته لا التجريح والاساءة نعم للحوار أنتهي زمن الوصاية
Post: #5 Title: Re: فضيل الراقي ممارسة وعباقرة التبخيس للراي Author: محمد حمزة الحسين Date: 05-06-2021, 02:42 PM Parent: #4
أخي حافظ بشير فعلا ستري في مقبل الأيام إزدياد حالات القتل علي الشرف والقتل الغامض والقتل المتستر عليه ... أمام الجرأة التي ستندفع بها المرأة المتعتطشه للحرية السيداويه و لحقوقها المدعاة والتي تخالف العرف والدين وما تواثق عليه المجتمع ...
Quote: وفي آخر دقائق من الحلقة ذكر شقيق فضيلة أنه سيقتلها!! هكذا؟؟
أخي دكتور المليح أخير تسمعوا كلام فضيل دا رغم إنه حااار وبي يبكيكم ...
وشكراً للاخ د.ياسر الشريف على ايراد اسكتش "سيداو " والناس واقعة لخ فى اكتر من بوست فى فضيل وبصراحة انا ما عارف السبب شنو !؟ الزول دا بيقدم اسكتش " ميلودراما " عن اتفاقية سيداو . وبصريح العبارة الفكرة والحبكة فى الاسكتش جيدة حتى ولو تلاحظ بعض الاخطاء فى السرد ولكن عموماً جيدة . يا جماعة الفن عموماً والدراما خصوصاً مهمتها تسليط الضوء على قضايا المجتمع وكشف خباياها وتوعية الناس حيالها وهناك جهات مختصة فى الدولة تقوم بمعالجة تلك الاحداث التى تتناولها الدراما .
Quote: أخي دكتور المليح أخير تسمعوا كلام فضيل دا رغم إنه حااار وبي يبكيكم ...
الأخ محمد حمزة الحسين
ما قاله فضيل عبارة عن معلومات خاطئة ومضللة، بطريقة ساذجة.
Post: #9 Title: Re: فضيل الراقي ممارسة وعباقرة التبخيس للراي Author: Asim Ali Date: 05-06-2021, 04:06 PM Parent: #8
السؤال الاهم اذا كان فضيل يعبر عن راى ما اين الفن والاعلام اللى مفروض يسد الثغراتومن خلال لبفهم لطبيعه المجتمع السودانى بحاول (الفن والاعلام) يجاوب ويناقش طل مايتعلق ببرامج وتوجهات الثوره. ملء الفراغات او مواجهه حمله مضاده بكل مافيها سواء مفلوط او موظف سياسيا
Post: #10 Title: Re: فضيل الراقي ممارسة وعباقرة التبخيس للراي Author: محمد البشرى الخضر Date: 05-06-2021, 04:29 PM Parent: #9
منقول من صفحة الزميلة داليا كباشي
Quote: دايما بنكرر نفس الأخطاء! ودايما بنخطئ الهدف والنتيجه بتكون سيئه جدا!
معركتك اصلا ما ممكن تكون (فضيل) ولهجتو والسديري حقو وشبشبو وطريقتو في الكلام.. معركتك هي الخلفيه البيتكلم بيها الشخص دا.. الخلفيه بتاعت (النقل السماعي) وعدم التحقق وركوب حمير الضيفان دي!
المعلومات القالها فضيل في الفديو كلها ما صحيحه ودا شي ما بيكلفك الا بحث وقرايه اكتر من ٣٠ دقيقه ودا موضوع محسوم اساسا الفاصل فيهو هو (المعرفه الضد التجهيل المتعمد) بس.. ف اصلا دا ما موضوع البوست..
ما من المفيد اصلا لمن ما يعجبك كلام زول تتحفز وتهاجمو في شخصو / لبسو / مظهرو / لهجتو / اخلاقو لانو بينقلك من خانه النقاش والتصارع الفكري لخانه الإفلاس!
الناس اللي انتقدت فضيل في لبسو ولهجتو وخلفيتو الاجتماعيه عملت (موجة تنميطيه) عالية جدا.. وقولبت فضيل نفسو والناس البشبهوهو - واللي هم اصلا ما جزء من الصراع دا - في قالب الرجال (الاقل ذكاء) (المتخلفين) (الابجيقات ساي)!
يعني ما ممكن زول سوداني بيلبس سديري وجلابيه وبيتكلم بلهجتو المحليه وما عندو علاقه لا ب فضيل لا بي سيداو وقاعد في حالو في بيتهم تقوم تجيهو (النبازة) في صمه خشمو! غباء شديد جدا دا وخسارة لكتله كبيرة من المجتمع ممكن تدعم قضيتك لو اقنعتهم بيها بالادوات والوسائل الصحيحه!
استعداء الناس بيحصل بالهفوات.. واللوم بيجي بالغفلات..
بنعول على الناس الطارحه نفسها للمجال العام انو ما تقع في فخ (التنمر التنميطي) والشخصنه والسخرية من معتقدات واشكال ناس بيمثلوا فئات كبيرة من المجتمع السوداني وتسعى لتوعيه الناس بالوسائل والأدوات المحمودة وتعمل انتاج فكري ونقاشات حيه..
الأفكار بتقارع بالأفكار.. ما بتبخيس صاحب الفكرة..
Post: #11 Title: Re: فضيل الراقي ممارسة وعباقرة التبخيس للراي Author: محمد البشرى الخضر Date: 05-06-2021, 04:32 PM Parent: #10
منقول من صفحة الصديق Bakhat Osman
Quote: سيداو الامريكية دي بياكلوها بملح شنو
الشاهد انو الكيزان وحطب المشروع الحضاري ما بيقدروا يحرشوا رجالات الدين لاستغلال المنابر للبكاء على ضياع الاسلام بسبب توقيع حكومة السودان الانتقالية على اتفاقية القضاء على جميع اشكال التمييز ضد المراة ( سيداو)، مع التحفظ على ما يتعارض مع الموروث السوداني، لانو المملكة العربية السعودية 🇸🇦 موقعة علي اتفاقية سيداو بنفس تحفظات حكومة السودان الانتقالية من قبل ٢١ سنة. عشان كدا ادخلو لعيبة جدد في خط الدفاع لمجابهة قرارات الحكومة الانتقالية مثل شريحة الدراميين من ذوي الملكات الفكرية والثقافية المحدودة. عشان كدا الناس ما تنجرف وتشن حملة على الشريحة دي من الدراميين البسطاء ديل، ومفروض الجهات الحكومية تقوم تشرح للجمهور سيداو دي بياكلوها بملح شنو ، وتوضح للناس انو جميع الدول الاسلامية بمن فيهم المملكة العربية السعودية 🇸🇦 موقعين علي اتفاقية سيداو بدل ما تترك الفراغ المعلوماتي دا مفتوح للدراميين من محدودي الفكر والاطلاع عشان ينظروا للشعب كله، وهم طبعا عرضة للاستغلال السالب.
Post: #12 Title: Re: فضيل الراقي ممارسة وعباقرة التبخيس للراي Author: كمال عباس Date: 05-06-2021, 05:01 PM Parent: #11
سلام أخ محمد البشري
....... كلام أخت داليا
..
Quote: بنكرر نفس الأخطاء! ودايما بنخطئ الهدف والنتيجه بتكون سيئه جدا!
معركتك اصلا ما ممكن تكون (فضيل) ولهجتو والسديري حقو وشبشبو وطريقتو في الكلام
تو في الكلام مشكلتنا مش مع لبس ولهجة القروي وهو أمر نعتز به ولانسخر منه صراعنا مع من تجني علي القروي - فضيل -لا من ينتقد تجنيه مشكلتننا في تنميط ـ فضيل للقروي فمسرح القروي في في إعمال الطيب صالح ــ متخم بالتنوع والصراع وإختلاف الرؤي قلت فيه لو قرأ إي فضيل موسم الهجرة للشمال .ـ لخرج من قمقم شخصية القروي النمطية المنغلقة ـ والساذجة ـ أو التي يريد فضيل ـ ومن يكتب له أن تكون متخلفة وخانعة ـ يسهل قيادها وخداعها بإسم الدين ـ شخصية دوغماموية ترفض الجديد بالسماع والإنطباع والعاطفة لا الإطلاع والعقل النقدي الذي يرفض السلبي ويثبت علي الإيجابي ـ ـ ومسرح فضيل وشلته يعرض ـ نص دعائي وحوار الخط الواحد بلا صراع ولاتعدد الرؤي ......... غيبوبة أنظر لشخصية محجوب العميقة والعملية وقارنها بشخصية فضيل السطحيةالتي تقتات الجهل وتنشره ـ بإعتباره معبر عن رؤية القروي التقليدي ولا أدري إي شخصية قروي سوداني يجسدها فضيل قروي ـ يعيش في عصر النت والفضائيات والتعليم ـ قروي السودان ـ أم قروي تورا بورا؟
Post: #13 Title: Re: فضيل الراقي ممارسة وعباقرة التبخيس للراي Author: محمد البشرى الخضر Date: 05-06-2021, 10:58 PM Parent: #12
تحياتي كمال، ما كتبته الزميلة داليا اثاره ما تعرض له فضيل من نقد حاد وصل درجة التنمر من البعض و الاهانة الشخصية تناولت ما يقدمه من اعمال و تجاوزتها لنقد شكله و هيئته ولبسه حتى! و اعتقد دا ما دفع ابو الزهور لكتابة هذا البوست أيضا! حتى النقد الفني العادل غير المتجاوز لشخصه اتى في توقيت خطأ او لنقل غير مناسب فضاع و سط حملة التنمر و التخوين، يعني على سبيل المثال نقدك للشخصية النمطية التي يقدمها و نقد محمد سيد أحمد لخطه الدرامي و كثير من المقالات و التعليقات جاءت كلها بعد ما قدمه من عمل ينتقد الاتفاقية و يشوهها، فبدا كأن ما قدمتموه ليس نقدا فنيا بل كأنه رد على ما قدم من عمل ولنسميه تجاوزا رأي - أنا مقتنع انه ليس رأيه هو بل رأي الكاتب أو الممول - لذا بدا و كأن الناس لا تحاور هذا الرأي و تفنده وتبين مواضع عواره و ضعفه بل تركته و مسكت في شخصه و عمله و تاريخه تشريحا و نقدا.
Post: #14 Title: Re: فضيل الراقي ممارسة وعباقرة التبخيس للراي Author: كمال عباس Date: 05-06-2021, 11:34 PM Parent: #13
سلام اخ محمد البشري نقدي ركز علي تنميط فضيل لشخصية القروي وتصويره بمظهر الساذج والسطحيالهتافي - الذي عقله في أذنيه ! ثم عرجت. علي نقد قدراته الفنية - واعتبرت هذا العمل نموذجا - لضعف البناء. الدرامي والحبكة - وغياب الصراع. الخ
أما العمل نفسه وكمضمون فقد نال الحظ الأوفر من النقد _ الاهمً يا ود البشري هنا ان الممثل - ليست شريط كاسيت. او عقل ببغاوي يلقن ويردد بلا فهم او استيعاب وانما يفترض ان يهضم المادة ويبحث في. أطروحة عمله الدرامي - يقرا نص سيداو وأهدافها وإيجابياتها وسلبياتها والتحفظات. التي سجلت ضدها وهذا لن يأخذ منه يوميين - لانه يعلم ان من كتب له ولقنه له اجندة واهداف سياسية ولبس الإضحاك والتنكيت ! الا اذا كان فضيل نفسه مؤمن بمضمون العمل ويعتبره امر دين - كما أورد الأخ زهير في بوست اخر - مما يعني ان معد السيناريو قد جنده وحشده - لصالح مشروعه الهتافي وهنا كان يجب علي فضيل ان يستوعب ويهضم القضية التي يتناولها العمل ومدي تعارضها مع الدين - طالما انه قد اصبح واعظا ومفتيا
Post: #15 Title: Re: فضيل الراقي ممارسة وعباقرة التبخيس للراي Author: زهير عثمان حمد Date: 05-07-2021, 00:54 AM Parent: #14
شكرا للجميع بورداب وبوردابيات مع كل التقدير لكافة الاراء المسالة الان بالنسبة لي هي أن الموضوع الاهم هي كيفية معالجة قضايا خلافية زي دي وتعرفوا الفشل وين هنا لغة الخطاب في الرد علي فضيل كان منتهي البشعة دي ما لغتنا نحن وكلام خارج سياق الادب والاخلاق الامر الثاني كل رد كان بعيد عن شرح سيدوا وجعل العامة يعرفوا هي شنو سيدوا انت عايز تهزم فضيل أشتغل صح فهم العامة القصة شنو كل المسالة الان أنحصرت في قصة شرف العائلة والقبيلة ونحن مسلمين لكين الاثر الانساني الاعظم شنو ما معروف لا من مناصرين ولا جندريات تعرفوا نحن محتاجين نخلق جيل ونربيهو علي فهم قضايانا والتحاور عليها وبعدها نصل الي أتفاق ملزم لينا كمجتمع لكين الهرجة دي والنبذ والتقليل من الاخر المختلف معه بالجد مصيبه بكرة ح نفقد أكثر من فضيل لو فضيل مشي الضفة التانية عشان قروش ولا هو ما فاهم وهو ضدنا التوجه العام للدولة ح يمشوا الالاف لابد من الحكمة المهم نكرر القول أن التعامل مع أي طرح لابد أن يكون من مبدأ الحرية والفهم السليم لمنطلقات الاخر الانسانية
