أديه إعتبار شوية.. قاف قاف قاف.. ما غاف.. سد النهضة غريب من حدود السدان.. والله ما قدرت أكمل المقابلة دى أبدا وقررت أفتح البوست دا
Post: #2 Title: Re: د. ياسر عباس، وزير الرى. يا أخى أرحم حرف ال Author: علي عبدالوهاب عثمان Date: 05-06-2021, 12:14 PM Parent: #1
الحبيب ابريش تحياتي المشكلة يا الحبيب عندما يكونوا في القنوات العربية شيء معيب جداً
مع أننا تعلمنا العربية في المدارس كما قال وردي وكلامه صحيح يرحمه الله ولكني استغرب منهم
والأخطر هو محمد الفكي سليمان ( رئيس لجنة التفكيك ) لديه عجز كامل في نطق ( القاف) أكثر عبارة استغربت لها ( قوانين مقرؤة ) غوانين مغروءة
ليس هذا البعض ينطق ( تسعة .. تزعة ) .. ( تصعيد .. تزعيد ) (( تصعيد تسعة افراد من اللجنة )) تكون (( تزعيد تزعة افراد من اللجنة))
تحياتي الحبيب أبريش
Post: #3 Title: Re: د. ياسر عباس، وزير الرى. يا أخى أرحم حرف ال Author: Mahjob Abdalla Date: 05-06-2021, 12:25 PM Parent: #2
ده الحرف الوحيد نحن الرطانة نتفوق فيهو علي اصحاب الشئ.
Post: #4 Title: Re: د. ياسر عباس، وزير الرى. يا أخى أرحم حرف ال Author: بدر الدين الأمير Date: 05-06-2021, 12:29 PM Parent: #3
ابوالريش دا بوست زول مستلب بمتياز ونصرافى مشكلتنا شنو لوجاء زيد اوذهب عمر
Post: #5 Title: Re: د. ياسر عباس، وزير الرى. يا أخى أرحم حرف ال Author: منتصر عبد الباسط Date: 05-06-2021, 02:05 PM Parent: #4
Quote: ده الحرف الوحيد نحن الرطانة نتفوق فيهو علي اصحاب الشئ
السبب هو أن السودانيين اتعودو وورثوا النطق للقاف بصورة دارجية قريب من نطق الكاف ذكر هذا النطق ابن خلدون وقال بعض آل البيت كان يعتبره هو النطق الصحيح عموما هو نطق مشهور في الجزيرة العربية خاصة الحجاز وحضرموت باليمن ونلاحظ الحضارم يعتزون بهذا النطق ويعتمدونه في خطبهم الرسمية وهنا السودانيين لأنهم مستلبين لا يتمسكون بهذا النطق الأصيل ويسعون للمحاكاة والتشدق في النطق بما لا يحسنون السبب الأساسي في عدم قدرة السودانيين على النطق الصحيح لبعض الحروف هي تلك المؤسسات التعليمية الكرتونية التي أسسها الأنجليز ولا تحسن غير تخريج العطالة والمعطلين حتى عن النطق الصحيح للحروف الخلوي والمعاهد القديمة بالسودان كانت مؤسسات صارمة في التعليم أما مدرسة المبشر كانت ولا زالت هي سبب مخازينا
Post: #6 Title: Re: د. ياسر عباس، وزير الرى. يا أخى أرحم حرف ال Author: منتصر عبد الباسط Date: 05-06-2021, 03:48 PM Parent: #5
وكذلك من الدارجية العربية المشهورة حتى في الجزيرة العربية ومصر وغيرها وليس السودان وحده هي نطق الذال دال وعندنا ضاد أيضا ونطق الثاء تاء والقاف كقا وهذه هي الثلاثة حروف التي يواجه السودانيين مشكلة في نطقها وإن كان ربما حتى غير السوانيين من العرب لكن بنسبة أقل وسبب المشكلة وجود نطق دارجي تعودوا عليه الحل أن يكون مدرسين اللغة العربية للمراحل الأولية كرياض الأطفال و الابتدائي من خريجو الخلاوي
Post: #7 Title: Re: د. ياسر عباس، وزير الرى. يا أخى أرحم حرف ال Author: Hafiz Bashir Date: 05-06-2021, 03:59 PM Parent: #6
Quote: من خريجو الخلاوي
من خريجي يا منتصر
Post: #8 Title: Re: د. ياسر عباس، وزير الرى. يا أخى أرحم حرف ال Author: منتصر عبد الباسط Date: 05-06-2021, 04:40 PM Parent: #7
Quote: من خريجي يا منتصر
صحيح لأنني لست من خريجي الخلاوي ومن ضحايا مدرسة المبشر لكن الحمد لله في نطق الحروف الثلاثة أفضل حالا مشكلتي في النحو أكبر لكن الخطأ في النطق في الحروف التلاتة حامض اكتر هذه الخلاوي والمعاهد التقليدية القديمة التي أغلقها وعطل عملها اليساريون والقوميون العرب في بداية حكمهم في عهد مايو وفي مصر القريبة دي لا زالت تعمل مافعله اليسار السوداني في السودان من ضرر في سنوات قليلة جدا ليس أقل ضررا مما فعله الكيزان في ٣٠ عام
Post: #9 Title: Re: د. ياسر عباس، وزير الرى. يا أخى أرحم حرف ال Author: Abureesh Date: 05-06-2021, 05:40 PM
شكرا لكل من مر من هنا
ويا استاذ بدرالدين لا تستطيع الدفاع عما لا يمكن الدفاع عنه. آلاف السودانيين مخارج الحروف عندهم سليمة ويملؤون فمهم بالكلمة.
ومن السودانيين المشهورين: 1. الأستاذ محمود محمد طه.. فى جميع محاضراته المسجلة 2. السيد الصادق فى جميع خطبة 3. الدكتور الترابي حسب الذى سمعته من أحاديثه 4. مريم الصادق هؤلاء مستلبون؟ وغيرهم كثيرون جدا.. ينطقون القاف سليمة ومبرأة من الغين. إذا حدوتة (نحن سودانيين ياخ) لا تنفع وفيها تجنى على السودانيين. لو نحن زى اهل اليمن متجانسون إثنيا كان ممكن نقبل انه هذه لها اسباب من حبال صوتية متوارثة او أى سبب من هذه الشاكلة.. ولكن السودانيون الذين لا ينطقون القاف فيهم العربى والافريقى والاسيوى .. من كل مناطق السودان.. فلم يبقى إلا أن السبب هو المدرسون الأوائل الذين تخرجوا من بخت الرضا ثم تشتتتتت جحافلهم فى كل بقاع السودان. وفى ذلك الوقت فإن هؤلاء المدرسين كانوا تلاميذ أستاذ العربى فى بخت الرضا الذى لم يكن ينطق القاف.. ولو تفرغ باحث مقتدر لتعرف على اسم ذلك المدرس.
Post: #10 Title: Re: د. ياسر عباس، وزير الرى. يا أخى أرحم حرف ال Author: Hafiz Bashir Date: 05-06-2021, 06:47 PM Parent: #9
Quote: السيد الصادق فى جميع خطبة
أنا كمان جني وجن الزول الما بيعرف يفرق بين كتابة هاء الغائب والتاء المربوطة.
Quote: ولكن السودانيون
وجني وجن الزول الما بيعرف إن ّ وأخواتها ولا يعرف عملهن.
Post: #11 Title: Re: د. ياسر عباس، وزير الرى. يا أخى أرحم حرف ال Author: Abureesh Date: 05-06-2021, 07:07 PM Parent: #10
Quote: أنا كمان جني وجن الزول الما بيعرف يفرق بين كتابة هاء الغائب والتاء المربوطة.
حافظ.. انت زعلت واللا شنو.. "كمان"، "جنى"، "بيعرف" هل تستطيع إعراب هذه الكلمات؟ ليست عربية.
طيب أنا جنى وجن الزول الما بيعرف الفرق بين كتابة مقال أو رسالة وهو جالس فى مكتبه، وبين كتابة مداخلة بالتلفون. وجنى وجن الزل الما بيعرف أن قوقل يغير الكلمات وأنت تكتب، فيكتب كلمات خطأ محل الصحيحة التى كتبتها أنت، فتصحح بعضها ويفوت عليك البعض الاخر. المداخلة هذه إكراماً لشخصك رغم ان ما خطه قلمك أو ضربه كيبوردك لا علاقة له بالموضوع المطروح.. نقول ليك درق سيـدو؟ ولو تحدثت عن الأخطاء النحوية فى فيديو السيد الوزير لكانت كارثـة.
رجاء خاص نقاش القاف والغين.. وهو موضوع البوست. ما عندى مانع أناقش معك المواضيع الأخرى لو تكرمت بفتح بوست بها.
Post: #12 Title: Re: د. ياسر عباس، وزير الرى. يا أخى أرحم حرف ال Author: Abureesh Date: 05-06-2021, 07:09 PM Parent: #11
بدر الدين الأمير كتب:
Quote: مشكلتنا شنو لوجاء زيد اوذهب
قول بسم الله الرحمن الرحيـم. من طالب بذهاب أو مجيئ زيد أو عبيد؟
Post: #13 Title: Re: د. ياسر عباس، وزير الرى. يا أخى أرحم حرف ال Author: Hafiz Bashir Date: 05-06-2021, 07:18 PM Parent: #11
Quote: المداخلة هذه إكراماً لشخصك رغم ان ما خطه قلمك أو ضربه كيبوردك لا علاقة له بالموضوع المطروح.
شكراً ليك كتير والله يا أبو الريش، لكن كمان فرمالتك بتاعة الغين والقاف دي ناقشناها معاك خرشومية مرة، عشان كدا كنوع من التنوع الحواري خلينا نوسع دائرة الحوار شوية.
Quote: هل تستطيع إعراب هذه الكلمات؟
أعرب دي شنو كمان؟ أنا زي ناس عروة بن الورد والشنفرة، ما بعرف إعرب لكن لمن أقوم علي اللغة العربية بطقطقها ليك كما طقطقها الناس فبل أبو الأسود الدؤلي. النحو والإعراب ديل بتاعات غير الناطقين بها.
Post: #14 Title: Re: د. ياسر عباس، وزير الرى. يا أخى أرحم حرف ال Author: HAIDER ALZAIN Date: 05-10-2021, 10:15 AM Parent: #13
Quote: السبب هو أن السودانيين اتعودو وورثوا النطق للقاف بصورة دارجية قريب من نطق الكاف ذكر هذا النطق ابن خلدون وقال بعض آل البيت كان يعتبره هو النطق الصحيح عموما هو نطق مشهور في الجزيرة العربية خاصة الحجاز وحضرموت باليمن ونلاحظ الحضارم يعتزون بهذا النطق ويعتمدونه في خطبهم الرسمية وهنا السودانيين لأنهم مستلبين لا يتمسكون بهذا النطق الأصيل ويسعون للمحاكاة والتشدق في النطق بما لا يحسنون السبب الأساسي في عدم قدرة السودانيين على النطق الصحيح لبعض الحروف هي تلك المؤسسات التعليمية الكرتونية التي أسسها الأنجليز ولا تحسن غير تخريج العطالة والمعطلين حتى عن النطق الصحيح للحروف الخلوي والمعاهد القديمة بالسودان كانت مؤسسات صارمة في التعليم أما مدرسة المبشر كانت ولا زالت هي سبب مخازينا
يامنتصر مافهمتك عاوز تقول انه العلة في شنو أو هل اساساً في علة؟
بديت كلامك انه نطق القاف وراثة وبعض آل البيـت كان بيعتبره صحيح.. قلنا خير وبركة والحمد لله دي خطوة في اثبات علويـة آل السودان وعلاائقنا البيمن والحضارمة والحجاز..
لكن مشيت قدام ورميت اللوم في الإنجليز انهم ما كانوا صارمين ومؤسساتهم التعلمية خربت لينا مخارج الحروف..
وبعد من بديت بإنها ميزة وأصيلة.. ختمتها بضرورة العلاج وانه الحل يكون في إدراج الخلاوي في وزارة التربية والتعليم ..!
Post: #15 Title: Re: د. ياسر عباس، وزير الرى. يا أخى أرحم حرف ال Author: HAIDER ALZAIN Date: 10-24-2021, 02:54 PM Parent: #14