Post: #1
Title: طمنونا على حال هذه الرمز المتميز
Author: Asim Ali
Date: 05-01-2021, 00:04 AM
00:04 AM April, 30 2021 سودانيز اون لاين
Asim Ali-
مكتبتى
رابط مختصر
اليومين ديل شايف كلام ولغط عن وضع وحاله رفقه واحده من اشجع رموز الثوره مع تداول صوره لها
اخر من تناول موضوعها واحده من الاعلاميات
.
ماحقيقه مايثار ؟
|
Post: #2
Title: Re: طمنونا على حال هذه الرمز المتميز
Author: Asim Ali
Date: 05-01-2021, 00:51 AM
Parent: #1
عفوا
للناس الما واقع ليها الاسم
نديكم الصوره
|
Post: #3
Title: Re: طمنونا على حال هذه الرمز المتميز
Author: Asim Ali
Date: 05-01-2021, 01:16 AM
Parent: #2
تعرضت رفقه للاعتداء بالضرب ن قبل سائق حافله بسبب موضوع تعرفه المواصلات
بعض النكهنات حول شخصيه السائق كونه كان ضمن قوى نظاميه ايام الثوره
للاسف رمز من رموز الثوره وبعد التضحيه والبذل وبعد سنتين ابسط حقوقه منتهكه كمواطنه وكمراه
.
|
Post: #4
Title: Re: طمنونا على حال هذه الرمز المتميز
Author: خضر الطيب
Date: 05-01-2021, 02:02 AM
Parent: #3
مرحب استاذ عاصم
و رمضان كريم
من لا يعرف رفقة بلاشك لا يعرف رموز الثورة
هذه البنية السنبلة نشرت و كتبت عنها مواقع عالمية
معروف ان غاز البمبان غاز سام و العلبة بتكون مسخنة جداً و حارقة
ايامنا البمبان كان ذي علبة الصلصة لونو احمر هو اعرض من علبة الصلصلة و اطول منها شوية
و فيهو سقاطة بترفعا لي فوق و بتفكها , في الغالب السقاطة لو ماركزتا معاها و اتعوجت ما بحصل اشتعال للعبوة
لما العساكر يفكو مثلاً خمسة بكون في واحدة او اتنين جاتنا ميتة و معووجة السقاطة
بنديها لواحد من الشفوت بمشي داخل الحلة و بجي للعساكر من ورا
لانهم الملاعين بكونو عاملين ارتكاز في انو الرياح تجي في اتجاهنا
لما هو يكون وراهم الرياح مؤكد بتكون في اتجاه العساكر
بقوم الشفت دا بعمل شنو ؟ في زقاق بدق اقرب باب بفتحو ليهو بيقول ليهم خلو الباب فاتح
بطلع في الشارع قصاد العسكر بستعدل السقاطة و فكها فيهم و طوالى بدخل البيت عادي
قامو العسكر الملاعين جابو نوع جديد لونو رمادي وطويل ذي علبة البيبسي
اصلو ما بجلي بشتعل يعني بشتعل كنا بنستلمو و بنرجعو ليهم عادي
اكتر واحد كان حريف في الشغلانة دي صاحبنا وزميلنا في الثانوي اسمو الطاسي الله يطراهو بالخير
كان لاعب فريق السلة في المدرسة ما اطول منو الا منوت المخلوق دي ايديهو قدر الطالوش
قبل ما يستلم بقول وروني العدو و اقعدو فراجة , في اربعة عساكر كانو قاعدين في العربية ورا
فكاها ليهم في النص , غايتو الملاعين ديل اتجهجهو جهجهة , غايتو الطاسي دا لحدي هسي بكونو بفتشو عليهو هههههه
ايام كانت كانت يا سلااام
|
Post: #5
Title: Re: طمنونا على حال هذه الرمز المتميز
Author: زهير عثمان حمد
Date: 05-01-2021, 03:06 AM
Parent: #4
السودان: القبض على سائق مركبة عامة اعتدى على «صائدة البمبان
قالت الثائرة السودانية، رفقة عبد الرحمن، الشهيرة بـ “صائدة البمبان”، انها دوّنت بلاغاً جنائياً في مواجهة احدى سائقي المركبات العامة، وذلك لتعديه عليها بالضرب، الأربعاء الماضية.
ووجدت الحادثة استنكارا واسعا من رواد مواقع التواصل الإجتماعي، وذلك عقب نشر فتاة لوقائع الإعتداء على رفقة من قبل السائق خلال مشوار لها وسط الخرطوم.
واشتهرت رفقة خلال ثورة ديسمبر، بتلقفها لعبوات الغاز المسيل للدموع، وإعادتها لقوات مكافحة الشغب، حتى اصبحت تُعرف بـ “صائدة البمبان”.
وكتبت رفقة على منشوراً على موقع التواصل الإجتماعي (فيسبوك)، الجمعة، أكدت فيه تدوّينها بلاغاً جنائياً ضد السائق الذي اعتدى عليها.
كما أكدت القبض عليه بواسطة الشرطة وايداعه حراسة القسم الشمالي بالعاصمة الخرطوم.
وأشارت إلى أن البلاغ تم تدوينه تحت المادة 143 من القانون الجنائي السوداني المتعلقة بإستخدام القوةالجنائية.
وتعود حيثيات الحادثة إلى خلاف بين رفقة وسائق المركبة حول تعرفة الرحلة، ما دفع السائق للإعتداء عليها بالضرب.
وجرى نقل رفقة للمستشفى لتلقى الإسعافات المطلوبة، وذلك بعد استخراج استمارة فحص جنائي – طبقاً لرواية الشاهدة على الحادثة.
وأوضحت رفقة في منشورها، انها بأِشرت اجراءت البلاغ لتثبيت حق النساء السودانيات في حياة آمنه وحفظ حقوقهن الاجتماعية والقانونية.
وطمأنت الجميع على استقرار حالتها الصحية رغم اصابتها بالأذى النفسي من الحادثة.
وكان وزير الخارجية البريطاني، دومينيك راب، قد أشاد بالثائرة السودانية، رفقة عبد الرحمن، خلال زيارته للسودان مؤخرا.
وقال إنه يستمد جرأته وشجاعته من الثائرة السودانية، رفقة عبد الرحمن.
وتعد رفقة عبد الرحمن واحدة من الإف النساء السودانيات اللواتي استبسلن خلال ثورة ديسمبر 2018.
وكانت مشاركة المرأة السودانية التي باتت تسمى كنداكة إحدى عوامل نجاح الثورة التي قادت للتغيير.
»
|
Post: #6
Title: Re: طمنونا على حال هذه الرمز المتميز
Author: Asim Ali
Date: 05-11-2021, 08:24 PM
Parent: #5
حلثه مع رفقه صائده البمبان السابعه مساء اول ايام الغيد
|
|