زميلنا إبراهيم بقال امتشق سيفه وقال هل من مبارز.. ولا ظهر زول.. والسيف الأفرنجى أعجبنى وتمنيت أن أقتنيه كتحفة أثريـة. يا إبراهيم لو عندك نسخة طبق الأصل أدينى خبر,
Post: #2 Title: Re: إبراهيم بقال سراج.. عنتر شايل سيفه (فيديو) Author: Mahjob Abdalla Date: 04-30-2021, 11:38 AM Parent: #1
سلام ابوالريش, قالو في حادثتين او ثلاثة من قبل, كان عندو مسدس و في كل المرات تم تجريده من مسدسه و تعافي من كدمات خصومه مع الرأفة. يبدو انو غير التكتيك و قال يجرب يبقى ابو سيف.
Post: #3 Title: Re: إبراهيم بقال سراج.. عنتر شايل سيفه (فيديو) Author: Abureesh Date: 04-30-2021, 11:52 AM Parent: #2
أظن يا محجوب يحمد له أنه لم يستعمل المسدس.
Post: #4 Title: Re: إبراهيم بقال سراج.. عنتر شايل سيفه (فيديو) Author: mohmmed said ahmed Date: 04-30-2021, 01:51 PM Parent: #3
في رحلة لبورداب الخرطوم الى جبل اولياء قبل سنوات بقال كان يحمل كاميرا فديو وحرص على تصوير كل كبيرة وصغيرة وكل كلمة
من اليوم داك انا شاكي فيهو انو جاسوس للامن وهسا ظهر على حقيقتو
ابوربش تحياتي يا جميل يقول الفيلسوف كارل ماركس ( قدس الله سره) التاريخ يعيد نفسه مرتين المرة الاولي كمأساة و المرة الثانية كملهاة بمعني المأساة في المرة الاولي لكن !!! اعادتها و تكرارها بنفس المعطيات في المرة الثانية دون الاستفادة من التجربة الاولي هي الملهاة تمشي علي رجلين نرجع للموضوع فيديو ابراهيم بقال سراج
نفس الفكرة بس !! مقلوبة تتذكر أيام الثورة الزول السنو مكسورة الشايل مسدس بهدد في المتظاهرين (الراجل اليطلع الشارع كان ما خليناهو زي اختو يكون البشير ما جايبني) كان مقطع في حينها (قمة الماسأه) ابراهيم بقال سراج : (نحنا مرقنا .. جينا و حنفطر في راسك) و كأن التاريخ يعيد نفسه بصورة معكوسة و بشكل كوميدي او (قمة الملهاه)
ان كانت هنالك فعلا دولة سيادة قانون ابراهيم بقال سراج من خلال هذا المقطع ظهر بوضوح و شاهرا سلاح (علي عينك يا تاجر) كمهدد للامن المجتمعي .... انه ارهابي بما لا يدع مجال للشك ويبقي السؤال المجنن بوبي هل تمت محاكمة المأسآة (الاصلية) حتي حتي نطالب بمحاكمة الملهاه ؟ الايام حبلي