Post: #1
Title: البعشوم ينتفض ويوجه الضربات القاضية
Author: عمر التاج
Date: 04-27-2021, 03:51 PM
Parent: #0
03:51 PM April, 27 2021 سودانيز اون لاين
عمر التاج-KHT
مكتبتى
رابط مختصر
أمر مُخجل من حزب المؤتمر السوداني وقطاعه القانوني بالزج بنفسه في قضية خاسرة، كان الأولى به أن يشكر البعشوم على كشفه للمستندات والفساد الذي فيها وأن يفتح أولاً بلاغات ضد الشركة لا ضد من نشر فسادها خصوصاً أننا لم نذكر لا الحزب ولا كادره ولا نعرفه من الأساس حتى نستهدفه، رغم النضالات العظيمة لبعض كوادر الحزب إلا أن مثل هذه التصرفات تضر بالحزب أكثر مما تنفعه عليه لا يلومني من ينتمي للحزب مخلصاً ومؤمناً بقضية على ما سأفعله بحزبه فحزبه من بدأ. وما سأفعله كالآتي حلقات كلها بالأدلة والبراهين عن المواضيع والأسئلة الآتية:
- مفهوم الهبوط الناعم والأحزاب والكيانات التي تتبناه.
- هل قيادات حزب المؤتمر السوداني كانت مع إسقاط حكومة البشير قبل انطلاق الثورة، ام كانت مؤمنة بالانتخابات واستمرار البشير في الحكم. (ولدينا فيديو كامل نستدل به على ذلك).
- تمويل حزب المؤتمر السوداني، هل يأتيه من الخارج وهل هنالك دول ومؤسسات بعينها تقوم بتمويله ؟ "بالأدلة"
- هل هنالك عملاء ممن ينتمي للحزب من القيادات لدول من اجل تحقيق مصالحها على مصلحة السودان.
- هل اجتمع حزب المؤتمر السوداني ببعض أعضاء المجلس العسكري اجتماعات غير معلنة؟.
- ما دار في قضية ترشيح رئيس الوزراء وما كان يدور في التنسيقيات واللجان.
- إستثمارات وأملاك آل الشيخ.
- استثمارات وأملاك آل الدقير. وتفاصيل خلاف "الدقير" مع الإمارات.
- هل تورطت "بعض" قيادات الحزب في فض الإعتصام؟
وكثير من الملفات الأخرى التي سننشرها،
فتح حزب المؤتمر السوداني على نفسه باباً سيجعله يفقد الكثير من عضويته لا محالة. فهذا ليس حزب من اجل الوطن، بل من أجل شخوص. وسيمحو كل مواقف جيدة قام بإتخاذها. وعند الإنتخابات القادمة بعد ثلاثة سنوات عندما يسال من ينتمي لحزب المؤتمر السوداني سبب خسارتهم لها ستكون الإجابة "البعشوم".
فلترخي السنبلة قشرتها ولينحني خالد سلك والدقير وإبراهيم الشيخ لسوط العنج.
|
Post: #2
Title: Re: البعشوم ينتفض ويوجه الضربات القاضية
Author: مازن سخاروف
Date: 04-27-2021, 10:28 PM
Parent: #1
يعتزل الجلد دي يفهمو منها شنو. قناة البعشوم على اليوتيوب شغالة. ولا هو قاصد الجلد في موقع تاني؟
|
Post: #3
Title: Re: البعشوم ينتفض ويوجه الضربات القاضية
Author: زهير عثمان حمد
Date: 04-27-2021, 10:38 PM
Parent: #2
تعرف يا عمر التاج
في البداية تحياتي
من شوية بدا كل الاساتذة والعباقرة في الحزب العظيم بالكلام عن انو البعشوم وزهيرعثمان ديل صنائع الهالك صلاح قوش شوف السذاجة بالله
المهم أعتبروا الحاصل الان حملة ضد حزبهم العظيم بالرغم أن هناك تصريحات من المؤتمر الشعبي بأن هذا الحزب هم الذين أوجده بالساحة
المهم تعال نرصد ح نسمع عجائب ونري الحقائق بعين الباحث عن الحق
|
Post: #4
Title: Re: البعشوم ينتفض ويوجه الضربات القاضية
Author: محمد البشرى الخضر
Date: 04-27-2021, 10:58 PM
Parent: #3
ياتو شركة دي البتكلم عنها البعشوم؟
وهل الكلام دا جديد ام قديم؟
|
Post: #5
Title: Re: البعشوم ينتفض ويوجه الضربات القاضية
Author: Hafiz Bashir
Date: 04-27-2021, 11:07 PM
Parent: #4
| Quote: وهل الكلام دا جديد ام قديم؟ |
Friday, September 6, 2019 at 6:59 PM
|
Post: #6
Title: Re: البعشوم ينتفض ويوجه الضربات القاضية
Author: Abdelrahim Mohmed Salih
Date: 04-27-2021, 11:55 PM
Parent: #5
جهلا منى كنت اظن تكرار معلومات او وقائع قديمه بسبب الشفقه واللهفه لنشر خبر مثير
حاليا تغير الوضع ....هناك من ينشر وينقل اخبار بتوقيت معلوم لتهيئ الراى العام فى احتقار الاجسام الديمقراطيه اى كانت والقبول ب مؤسسه عسكريه وطنيه تتضمن جنجويد صلح عملهم وغسلوا ايديهم فى النهر الخالد بعثا جديد
|
Post: #7
Title: Re: البعشوم ينتفض ويوجه الضربات القاضية
Author: محمد البشرى الخضر
Date: 04-28-2021, 02:16 AM
Parent: #5
مولانا البياخة دي شنو! ما عارفنو قديم ومعتت! جبتها في شكل استفسار من باب سمح الغنا في خشم "سيداو"*
* التصحيف مقصود في اشارة لبيت البكا الجديد بعد مولانا رفع الفراش هنا قبل أوانه🙂
|
Post: #8
Title: Re: البعشوم ينتفض ويوجه الضربات القاضية
Author: Hafiz Bashir
Date: 04-28-2021, 03:27 AM
Parent: #7
هي من ناحية بياخة فهي فعلاً بياخة وبياخة بايخة كمان لأنها غير متعوب فيها.
كل تكافتها كوبي بيست كليك، والنتيجة لم تستغرق غير 0.51 ثانية على ذمة قوقل.
نوع البياخة دي بعد تعملها ما بكون عندك أي إحساس بجمال الاستباخة.
رفع الفراش مبكراً فيه تمنى بأن يكون الفراش القادم على مستوى من التحدي.
الدنيا رمضان والصيام حوالي 50000 ثانية ودايرين لينا حاجة تاخد زمن عشان نعدي بيها الوقت.
|
Post: #9
Title: Re: البعشوم ينتفض ويوجه الضربات القاضية
Author: محمد البشرى الخضر
Date: 04-28-2021, 10:04 AM
Parent: #8
الفراش الجديد ح يكون عن سيداو و كدا، وإن كان اقوال ايدام و مختار ح تأخره قليلا لمن له ماء زجه يخشى اراقته!
فمهما كان لا يليق ان تفرش على دعاوي حقوق و مساواة المرأة مثلا وتعمل رايح في قتل الروح!
|
Post: #10
Title: Re: البعشوم ينتفض ويوجه الضربات القاضية
Author: أحمد محمد عمر
Date: 04-28-2021, 10:25 AM
Parent: #9
بتبالغ في اعتقادك دة!
لخصلة شعر ظاهرة من رأس امرأة أشد على عمر التاج من قتل ألف مواطن
|
Post: #11
Title: Re: البعشوم ينتفض ويوجه الضربات القاضية
Author: muntasir
Date: 04-28-2021, 10:44 AM
Parent: #10
يا أحمد زي ده تسوقوا السويد تفكوا في شاطي في الصيف يا إستنار يا فك عرمتو دي
|
Post: #12
Title: Re: البعشوم ينتفض ويوجه الضربات القاضية
Author: يحي قباني
Date: 04-28-2021, 11:03 AM
Parent: #11
Quote: بتبالغ في اعتقادك دة!
لخصلة شعر ظاهرة من رأس امرأة أشد على عمر التاج من قتل ألف مواطن |
الغريبة الكيزان ديل كانو كبكابين و بكايين مع البنّوت ايام الجامعة ..
الواحدة كان بس وصلت و قالت ليو (يا شيخنا) .. يرقد موية ..
و كانوا اكتر طرّاحات شغالة النشاط - داخلية البنات و بالعكس ..
هسي بعد ( التمكين ) .. نفضوا ريشهم ..
|
Post: #14
Title: Re: البعشوم ينتفض ويوجه الضربات القاضية
Author: أحمد محمد عمر
Date: 04-28-2021, 11:19 AM
Parent: #12
ما اتغير شئ
ياهو نفس الحال
الكواريك بتاعة استروا النسوان ومكانهم البيوت دي ما ياها جرسة العرمة القالها منتصر دي
نسيبي دقنه للسرة من قامت الثورة قبل تجي الحكومة ذاتو ما عندو شغلة في الفيسبوك غير انحلال البنات والعلمانية والأفكار الغربية الحتخرب لينا ديننا
بكتب بمعدل 3 منشورات يومياً في العلمانية ومخالفتها للدين
قبل كم اسبوع رسل لي رابط هجرة لي كندا عشان أقراهو واقدم ليه فيه وكل يومين تلاتة يسألني عملت لي شنو في موضوع كندا
|
Post: #13
Title: Re: البعشوم ينتفض ويوجه الضربات القاضية
Author: محمد البشرى الخضر
Date: 04-28-2021, 11:09 AM
Parent: #10
| Quote: لخصلة شعر ظاهرة من رأس امرأة أشد على عمر التاج من قتل ألف مواطن |
انت بس حدد الالف مواطن ديل كيفنهن؟ إسلاميين ولا ساي
|
Post: #15
Title: Re: البعشوم ينتفض ويوجه الضربات القاضية
Author: عمر التاج
Date: 04-28-2021, 11:49 AM
ماشاء الله شلة الشنافة كالعادة تتلم حول قطعة السكر لكي تلحس رأس القارئ بتوافه الخبر
١٠ مداخلات ومافي زول اتداخل الا في موضوع التاريخ - بخلاف زهير طبعا-
حقائق من نار اتجاهلتوها عشان تقولوا كلام البعشوم ليهو سنة ..
وفي ديباجة البوست انا ارفقت كلام صريح عن التاريخ-قبل المداخلة الاولى زااتو-
عشان الناس تركز في الموضوع، ولكن كالعادة في ناس ما بتهمهم الا توافه الأمور ..
ماعلينا .. ثم ماذا بعد كل ذلك الحديث عن حزب المؤتمر؟
يلا جاوبوا أو استعينوا بجديد نفس بوست البعشوم
|
Post: #16
Title: Re: البعشوم ينتفض ويوجه الضربات القاضية
Author: محمد البشرى الخضر
Date: 04-28-2021, 12:32 PM
Parent: #15
اوكي ما مشكلة!
طيب انت جبت بوست عن مستندات فساد شركة ما كشفها البعشوم و يفهم من حديثه ان القطاع القانوني في المؤتمر قاضاه او هدد بذلك!
طيب ادينا تفاصيل الحاصل شنو و الشركة دي ياتها و المستندات شنو و بما ان الموضوع قديم فا ورينا انتهى على شنو؟
ولا عايز الناس تعلف اي شي و تعطي عقولها اجازة و تقع لخ في المؤتمر ساي كدا بدون ما نفهم الموضوع.
|
Post: #17
Title: Re: البعشوم ينتفض ويوجه الضربات القاضية
Author: عمر التاج
Date: 04-28-2021, 12:51 PM
Parent: #16
Quote: - مفهوم الهبوط الناعم والأحزاب والكيانات التي تتبناه.
- هل قيادات حزب المؤتمر السوداني كانت مع إسقاط حكومة البشير قبل انطلاق الثورة، ام كانت مؤمنة بالانتخابات واستمرار البشير في الحكم. (ولدينا فيديو كامل نستدل به على ذلك).
- تمويل حزب المؤتمر السوداني، هل يأتيه من الخارج وهل هنالك دول ومؤسسات بعينها تقوم بتمويله ؟ "بالأدلة"
- هل هنالك عملاء ممن ينتمي للحزب من القيادات لدول من اجل تحقيق مصالحها على مصلحة السودان.
- هل اجتمع حزب المؤتمر السوداني ببعض أعضاء المجلس العسكري اجتماعات غير معلنة؟.
- ما دار في قضية ترشيح رئيس الوزراء وما كان يدور في التنسيقيات واللجان.
- إستثمارات وأملاك آل الشيخ.
- استثمارات وأملاك آل الدقير. وتفاصيل خلاف "الدقير" مع الإمارات.
- هل تورطت "بعض" قيادات الحزب في فض الإعتصام؟
وكثير من الملفات الأخرى التي سننشرها |
الكلام ده بالمناسبة موجود في المداخلة الأولى نفسها..
|
Post: #18
Title: Re: البعشوم ينتفض ويوجه الضربات القاضية
Author: Hafiz Bashir
Date: 04-28-2021, 01:21 PM
Parent: #17
| Quote: حقائق من نار اتجاهلتوها عشان تقولوا كلام البعشوم ليهو سنة .. |
| Quote: هل هنالك عملاء ممن ينتمي للحزب من القيادات لدول من اجل تحقيق مصالحها على مصلحة السودان. |
إنت يا كافي البلا ما قريت عربي؟
ما أدوكم إنو الكلام ينقسم إلى إنشاء وخبر؟
هل دي من ادوات الإستفهام، لذلك ما ممكن تبدأ كلام بهل وينتهي بنقطة.
مفروض ينتهي بعلامة إستفهام.
|
|