Post: #2 Title: Re: السيدة التي تم إرجاعها من مطار القاهرة في Author: Elhadi Date: 04-25-2021, 08:54 AM Parent: #1
too much
Post: #3 Title: Re: السيدة التي تم إرجاعها من مطار القاهرة في Author: Elhadi Date: 04-25-2021, 08:55 AM Parent: #2
السودانيين كلهم ( الناس القاعدة تسافر) ممكن يدفعوا التمن بسبب تصرف غير مسئول لزوجة أحد المسئولين والوزراء في الحكومة الحالية
Post: #4 Title: Re: السيدة التي تم إرجاعها من مطار القاهرة في Author: Elhadi Date: 04-25-2021, 09:00 AM Parent: #3
لو لفيت العالم ده كلو دولة دولة.. المتقدم منه والمتخلف..
لن تجد مثل هذه التصرفات غير الأخلاقية وغير المسئولة إلا في السودان
Post: #5 Title: Re: السيدة التي تم إرجاعها من مطار القاهرة في Author: Elhadi Date: 04-25-2021, 09:02 AM Parent: #4
كيف يعني انت عندك كورونا..
وانت عارف إنو انت عندك كورونا وتجي كمان تركب مع الناس !!!
wtf ؟؟
ياخي ما تخلونا نتلفظ في رمضان ده
Post: #6 Title: Re: السيدة التي تم إرجاعها من مطار القاهرة في Author: Elhadi Date: 04-25-2021, 09:06 AM Parent: #5
Post: #7 Title: Re: السيدة التي تم إرجاعها من مطار القاهرة في Author: الزبير بشير Date: 04-25-2021, 09:15 AM Parent: #5
اتلفظ عادي
استحقوا ال .....................
Post: #8 Title: Re: السيدة التي تم إرجاعها من مطار القاهرة في Author: اخلاص عبدالرحمن المشرف Date: 04-25-2021, 03:02 PM Parent: #7
ما فهمنا شئ.
هل الطائرة التي وصلت القاهرة تبع الخطوط الجوية السودانية وهل بها ركاب اخرون؟
Post: #9 Title: Re: السيدة التي تم إرجاعها من مطار القاهرة في Author: Maawya Hussein Date: 04-25-2021, 03:35 PM Parent: #8
تصرف غبي من السلطات المصريه ،، اصابه الكرونا ممكن تحدث في المطار او الطائره نفسها ،، ممكن كانو يلزمو السيده بحجر نفسها في فندق او مركز عزل لمده عشره يوم زي ما بتعمل كل الدول المحترمه ،،
Post: #10 Title: Re: السيدة التي تم إرجاعها من مطار القاهرة في Author: اخلاص عبدالرحمن المشرف Date: 04-25-2021, 03:58 PM Parent: #9
سمعت تسجيل منسوب لكابتن الطائرة بقول خطأ من موظف الكاونتر . فعلاً تصرف مطار القاهرة غريب . واظن الكابتن اتصرف صاح
Post: #11 Title: Re: السيدة التي تم إرجاعها من مطار القاهرة في Author: Amira Hussien Date: 04-25-2021, 04:01 PM Parent: #1
بالظبط كانو يدخلوها مركز عزل .....اها والباقين الجو معاها من الخرطوم مخالطين عملو ليهم شنو
Post: #12 Title: Re: السيدة التي تم إرجاعها من مطار القاهرة في Author: Asim Ali Date: 04-25-2021, 05:32 PM Parent: #11
اعتقد المصريين اذا دخلو مشتبه فيهم بالاصابه من القادمين من الهارج بيدفعوهم مقابل بعدين اعتقد ان الوضع الصحى فى مصر قاسى واضغط على الامكانات المتاحه والاحصاءات فى مصر اليوميه عاليه جدا قبل يومين اكتر من 800 اصابه ولنا ان نتصور حال مراكز العزل والمستشفيات الخاصه بكورونا هناك بتذكر وانا بعاين للمعدل اليومى فى ليبيا (اكتر من الف اصابه يوميا) ومصر وصمت الجهات الرسميه هنا . قدر شنو ممكن يكون معدل انتشار كورونا فى السودان مع حاله عدم الالتزام والفوضى حتى اثناء الفحص
Post: #13 Title: Re: السيدة التي تم إرجاعها من مطار القاهرة في Author: muntasir Date: 04-25-2021, 06:29 PM Parent: #12
Post: #14 Title: Re: السيدة التي تم إرجاعها من مطار القاهرة في Author: اخلاص عبدالرحمن المشرف Date: 04-25-2021, 06:52 PM Parent: #13
من زماااان يا muntasir قلنا وقفوا الطيران لمصر رفضتو لما دخلت الكورونا .
Post: #15 Title: Re: السيدة التي تم إرجاعها من مطار القاهرة في Author: muntasir Date: 04-25-2021, 07:25 PM Parent: #14
إخلاص بهتيني متين رفضت 😂
Post: #16 Title: Re: السيدة التي تم إرجاعها من مطار القاهرة في Author: اخلاص عبدالرحمن المشرف Date: 04-25-2021, 07:40 PM Parent: #15
👍😹😹😹😹
Post: #17 Title: Re: السيدة التي تم إرجاعها من مطار القاهرة في Author: Maawya Hussein Date: 04-25-2021, 07:47 PM Parent: #16
هل المصريين عندهم امكانيه فحص كرونا بتدي النتيجه خلال ساعه ؟
Post: #18 Title: Re: السيدة التي تم إرجاعها من مطار القاهرة في Author: اخلاص عبدالرحمن المشرف Date: 04-25-2021, 08:36 PM Parent: #17
موظف الكاونتر الذي سمح بمرور الراكبة يجب ان يسأل ، بهذه الطريقة يخرج المجرمون والمطلوبون للعدالة ويهرب الذهب
مطار الخرطوم يحتاج لغربلة وان يحدث
Post: #19 Title: Re: السيدة التي تم إرجاعها من مطار القاهرة في Author: محمد البشرى الخضر Date: 04-25-2021, 09:24 PM Parent: #17
ما احتاجوا يفحصوها يا معاوية! دا كيس غريب جدا اظن اول مرة يحصل في العالم! الزولة شايلة شهادة مكتوب عليها انها مصابة و مفروض لا يسمح لها لا بصعود الطائرة ولا دخول مصر! ما نقدر نلوم المصريين لو حاولوا يساعدوها ما يقدروا دي اجراءات و قوانين لا يسمح بدخول الدولة الا لمن يحمل سهادة تثبت خلوه من الاصابة! هسي الاجراءات المتبعة بعد ما تبرز الشهادة الدولة الانت داخل ليها بتغحصك ولو طلعت مصاب ما بترجعك بتحجرك عندها زي ما حصل مع تنقو في الامارات ومع خالد بخيت اليوم في الدوحة
Post: #20 Title: Re: السيدة التي تم إرجاعها من مطار القاهرة في Author: كمال عباس Date: 04-25-2021, 09:51 PM Parent: #19
إذا كان المريضة كانت تحمل شهادة تثبت بانها مصابة بالكرونا
فهذا يثبت حسن النية لدي المريضة فهي لم تزور ولم تلفق- ولم تقوم بشراء شهادة تثبت ان نتيجتها كانت سالبة ( ويقال والله اعلم - ان الشهادات المضروبة. بقت زي كروت الحمراء. الصفراء زمان -دولار -ريال كرت حمي مختوم '
ويثبت ان المعمل الذي قام بالفحص كان أميناً ولكن هل قام بنصح المريضة وكشف محتوي الفحص ونصحها بإرجاء السفر ؟ ام ترك الأمر لها ؟ ولكن السؤال اين موظف الخطوط من فحص الشهادة ؟ وبالمناسبة هل كاونتر خطوط الطيران هو من يفحص الشهادات الصحية ام ان هناك. هناك سلطة. اخري مختصة بفحص. الشهادات الصحية ؟ هل الممكن ان يكون الامر قد فات الجهة المختصة بفحص الشهادة باعتبار انه من غير المنطقي ان يقوم مريض راغب في. السفر في إبراز ما يثبت. عدم أهليته في ركوب الطائرة. والسفر ؟ - وإذا كان الامر كذلك وسلمنا ان المسافرة هي حرم الوزير - فما هو خطا الوزير وجريمته ؟ وماهو خطأ السيدة المسافرة -سوي الجهل بمحتوي نتيجة فحصها ؟
Post: #21 Title: Re: السيدة التي تم إرجاعها من مطار القاهرة في Author: Amira Hussien Date: 04-25-2021, 10:09 PM Parent: #1
شهادة الكورونا بيشوفوها ناس الكاونتر مع التذكرة قبل ما يدوك كرت الصعود للطائرة وافتكر الناس الفى الكاونتر دى شركات غير شركات الطيران ......المهم الاحظتو مؤخرا الفورم البتملاهو وانت مغادر اتلغى يعنى بتمشى لى ضابط الجوازات بس بى جوازك وطبعا تاشيرة خروج مافى اجراءات ساهلة وبسيطة جدا
Post: #22 Title: Re: السيدة التي تم إرجاعها من مطار القاهرة في Author: مرتضي عبد الجليل Date: 04-25-2021, 11:10 PM
QUOTEاين موظف الخطوط من فحص الشهادة ؟ وبالمناسبة هل كاونتر خطوط الطيران هو من يفحص الشهادات الصحية ام ان هناك. هناك سلطة. اخري مختصة بفحص. الشهادات الصحية ؟QUOTE
حسب الاجراءات المعروفة ,موظف الطيران المسوؤل من البوردينق باص ,هو المفروض يشيك على الشهاده .