Post: #2
Title: Re: من يكتب التاريخ؟
Author: محمد البشرى الخضر
Date: 04-23-2021, 08:56 PM
Parent: #1
الجنا دا صغير ما حضر نميري ولا حتى بدتية الانقاذ! سمح جاب الكلام دا من وين؟
نميري احسن رئيس و عهده شهد انفجار التنمية ولا شنو و كتل زعيم الملحدين!
يعني عادي بعد سنتين تلاتة يجيك شافع زيه يشبكنا البشير فوقه النبي!
|
Post: #3
Title: Re: من يكتب التاريخ؟
Author: Asim Ali
Date: 04-23-2021, 09:01 PM
Parent: #2
الولد دا مقدم تجربه فى (عمةمها) جيده ومتميزه هاصه فى مرحله الانتشار لكن بدا لونو يظهر فى مراحل لاحقه بعد ما اسس قاعده ومتابعين فى اوساط الشباب بسبب اسلوبو الشبيه باسلوب (شيخ قوم ياعاطل) او قول نسخه شبابيه سبور ليهو خارج اطار المباشر فى الدين
|
Post: #4
Title: Re: من يكتب التاريخ؟
Author: محمد البشرى الخضر
Date: 04-23-2021, 09:07 PM
Parent: #3
عنده كم حلقة كدا يا عاصم في نقد اتفاق المبادئ و نقد سيداو و الهجوم على الحكومة الانتقالية كان كسر رقبته دا ما كلامه! وواضح نفس الجماعة في السكريبت!
زي ما قلت بعد ما بدا شرامي و ردام و ما براعي الالفاظ و جمع متابعين حاجة من اتنين اما عايز يستثمر القناة و باع لمن يدفع أكثر و المشتري من الكيزان او انه دا خطه الاساسي و كان عامل #################### ساي في الاول لحدي ما جاب متابعين كفاية!
|
Post: #5
Title: Re: من يكتب التاريخ؟
Author: Gafar Bashir
Date: 04-23-2021, 09:10 PM
Parent: #4
ههههههههههههه
الذ حاجة متابعينه كلهم
ارمي قدام ارمي قدام
زول سالوا ساي قال ليهو انت قريت التاريخ ده وين مافي
معقولة عمرو ما سمع بي طيش حنتوب في سيرة نميري دي
|
Post: #6
Title: Re: من يكتب التاريخ؟
Author: محمد البشرى الخضر
Date: 04-23-2021, 09:18 PM
Parent: #5
برضو يا دفعة بتكون لاحظت النغمة بتاعة شيطنة الاحزاب عموم دي! وللاسف رايجة وسط الشباب ما عارف عايزين ديمقراطية كيف؟
قال في زمنو انتشرت الاحزاب الدينية الاخوان المسلمين و انصار السنة و الختمية 😀
|
Post: #7
Title: Re: من يكتب التاريخ؟
Author: Asim Ali
Date: 04-24-2021, 04:08 PM
Parent: #6
سؤال فى اهميتو اعمق من الارموطى وتاريخو لنميرى .
القضيه هى مع انتشار الوسائط واصبحت وسيله توثيق والاعلام وتعليم من دون ضوابط تضبط كل ماينشر من مواد مقروءه او مسموعه او مرئيه حتى يصبح مع الزمن للتاريخ والتوثيق نسخه/نسخ رسميه مضبوطه علميا عبر مؤسسات ودى ربما تكون متاحه لشرائح محدوده من المهتمين .اما السنه الشعبيه للتاريخ والتوثيق حتكون غايه فى التضارب محكومه بسلبيات الجهل والغرض ...الخ
الهاجس الاكبر ان النسخ الشعبيه للتاريخ والتوثيق وحتى الاعلام هى السائده والمنتشره مع تراجع دور الاعلام الرسمى والمحترف (حكومى وخاص) فى توجيه وتنوير المجتمعات بعد ان تحولت لقنوات اعلانات واذاعات ونسه ودردشه هاتفيه وغاب عنها النخب وصفوه العلم والثقافه
|
Post: #8
Title: Re: من يكتب التاريخ؟
Author: محمد البشرى الخضر
Date: 04-24-2021, 06:58 PM
Parent: #7
نعم يا عاصم دا السبب الحقيقي للبوست مش الفيديو فقط، في زمن اعلام الوسائط و الكاميرا الامامية الكثير من الشباب وحتى الشيب تركوا التلفزيون نهائي و كذلك الجرائد
بلوقات اليوتيوب و فيديوهات التوك توك القصيرة و السنابات وانستقرام صارت اعلام بديل وشامل
نعم توجد قنوات محترمة بتقدم محتوى متعوب عليه لكن يعيبه احيانا عدم الدقة او المراجعة الناريخية، و تحيانا كثيرة صاحب القناة يروي التاريخ و الاحداث حسب نظرته و تفسيره لها لا كما جرت فعلا! خلي الناريخ حتى فتاوي رمضان الناس بقت تكوسها في اليوتيوب!
نفس الحال عند الحديث عن الصحف و الفيس بوك مثلا!
|
|