Post: #1
Title: ود المدير والذين خرفوا في المنبر .. كيف تعرف إنك لحقت أمات طه
Author: حيدر حسن ميرغني
Date: 04-22-2021, 11:12 PM
11:12 PM April, 22 2021 سودانيز اون لاين
حيدر حسن ميرغني-Colombo -Srilanka
مكتبتى
رابط مختصر
كيف تعرف إنك لحقت أمات طه..
لو شفت عبد الله خليل
قبل ما يبقى محطة ..
لو شفتة ازهري
قبل ما يبقى صينية و حي جنوب الخرطوم ..
لو درست في الخرطوم شرق الاولية قبل ما تبقى بنك البركة ..
لو أتفرجتة على عبدالكافى فى برى أو جيمس فى التحرير او عبدة موسى فى النيل ..
لو حضرت حفلة الكريسماس و راس السنة فى النادي الكاثوليكي قبل ما يبقى دار المؤتمر الوطنى ..
لو رقصت مع جاز الديوم (حاجة كولن كولن)..
لو شربت لبن كافوري من القزاز
لو أتغديت في اتنيئ ..
لو اكلت ايس كريم او طورطة من بابا كوستا ..
لو حضرتة حفلة لفرقة الجيلاني الواثق او كمال كيلا او عامر ساكس فى الكريساهورس فى المقرن ..
لو أتفرجت علي خالد طلعت و فريد طوبيا و عادل ميرزا فى بطولة الجمهورية للتنس
لو أتفرجت علي وليم أندريه بلعب باسكت و بغنى ..
لو ساهرتا فى سانت جيمس او ال GMH و اتعشيت فى أحمد سعد أو أبو العباس ..
لو شفتة ممدوح بعوم ضد كيجاب و معاهم سارة جادالله ..
لو سمعتة ما يطلبة المستمعون لايف ..
لو دخلت فيلم جانوار او تسرى منزل او عودة دجانقو ..
لو بتتذكر طعم الدبل كولا و الشيكان كولا و جنزبيل السكة حديد ..
ولو حفلة عرسك مسجلة في شريط بيتاماكس (واطاتك اصبحت) ..
لو اشتريت فول من اليمانى و قلتة ليهو كب لينا فيهو موية جبنة ..
لو شفت العربيه بدوروها بالمنفله (أكتب وصيتك) ..
لو اشتريت الخضار و اللحمه من زنك الخضار (مول الواحه الان) وشلتهم في القفه ..
لو دخلتة السينما الدور التاني ..
لو سمعتا الزول الراكب الحمار بكورك (المعا صفائح المعا قزاز) ..
لو ركبت طراحة لامدرمان من المحطه الاسطي الخرطوم ..
لو ركبت بص ابو رجيله و الشركة ..
لو كنت شاطر في المدرسه ووزعوك المدارس الحكوميه واصحابك المجموعهم تعبان ودوهم المدارس الشعبية ..
لو اكلت في مطعم وقلت عاوز وصله ..
لو الحلاق عمل ليك القطعيه بالموس البسنوها بالجلد ..
لو شفت بص الورديه التانيه بتاع مصنع النسيج و بص سودانير ..
لو ردفت عشان حصة التسميع ..
لو عيان ومشيت المستشفي وصرفت الدواء بالمجان ..
لو حبوبتك او امك قالو ليك امشى جيب تكسى من الظلط ..
لو قالو ليك جيب فتيل فاضى من النسوان الفارشين قدام الاسبتالية للدواء .. (انت كدة كومر اصلى) .
لو رسلوك تجيب طايوق للعواسة او ملح الاندروس بتاع الهضم و النفاخ .. (إقتنع انك دناصور) ..😲😲
-
منقول من وش الكتاب -- حسين يوسف حسن
|
Post: #2
Title: Re: ود المدير والذين خرفوا في المنبر .. كيف تعر
Author: حيدر حسن ميرغني
Date: 04-22-2021, 11:15 PM
Parent: #1
| Quote: لو دخلت فيلم جانوار او تسرى منزل او عودة دجانقو |
دخلناهن سوا في العيد 
|
Post: #3
Title: Re: ود المدير والذين خرفوا في المنبر .. كيف تعر
Author: وليد زمبركس
Date: 04-22-2021, 11:53 PM
Parent: #1
سلامات حیدر و شكرا علی البوست الخفیف اللطیف.
وحاتك الكومر دوروهو بالمنفلة قدامی لا مرة لا مرتین و بی كدا اشیل الفاتحة علی نفسی و انا مطمئن الخاطر و البال.
سینما الدور التانی دی لو فی كوستی وضعها شنو ؟
زنك اللحمة قدیم لكن ما لی درجة ابو رجیلة كمان و الطراحة دی ما عرفتها عربیة طرحة ولا شی تانی. ارجو اذا امكن التوضیح.
|
Post: #4
Title: Re: ود المدير والذين خرفوا في المنبر .. كيف تعر
Author: حيدر حسن ميرغني
Date: 04-23-2021, 00:01 AM
Parent: #3
مرحبا وليد
فعلا المنفلة ما قديمة شديد .
طرحة دي اعتقد يركب في التاكسي اكثر من راكب ماشين لنفس الاتجاه او إتجاهات معاكسة وكل واحد يدفع اجرته حسب الاتفاق مع السائق
|
Post: #5
Title: Re: ود المدير والذين خرفوا في المنبر .. كيف تعر
Author: حيدر حسن ميرغني
Date: 04-23-2021, 00:01 AM
Parent: #3
حذف للتكرار
|
Post: #6
Title: Re: ود المدير والذين خرفوا في المنبر .. كيف تعر
Author: علي عبدالوهاب عثمان
Date: 04-23-2021, 00:18 AM
Parent: #5
الحبيب حيدر بوست جميل
رغم أننا ناس ضواخي الدنيا
99 % لا علم لنا ..
إلا الاندروس
| Quote: ملح الاندروس بتاع الهضم و النفاخ |
كان فوار برغوة كثيفة
كيجاب وسارة جادالله شاركوا في سباق ودنميري دنقلا ايام نميري
في السبعينات
تحياتي بوست رائع
|
Post: #7
Title: Re: ود المدير والذين خرفوا في المنبر .. كيف تعر
Author: ABUHUSSEIN
Date: 04-23-2021, 00:39 AM
Parent: #6
| Quote: طرحة دي اعتقد يركب في التاكسي اكثر من راكب ماشين لنفس الاتجاه او إتجاهات معاكسة وكل واحد يدفع اجرته حسب الاتفاق مع السائق |
سلام لكل الكوامر
الطراحة او الطرحة تكسي بتحرك بين محطتين المحطة الاوسطى الخرطوم الى المحطة الاوسطى امدرمان مثلا
بشوارع معروفة و بركبو فيه 5 ركاب و بدفعو كل واحد مبلغ معين .....
|
Post: #8
Title: Re: ود المدير والذين خرفوا في المنبر .. كيف تعر
Author: معاوية المدير
Date: 04-23-2021, 06:22 AM
Parent: #7
Quote: مرحبا وليد
فعلا المنفلة ما قديمة شديد . |
المنفلة نوعين، وآحدة بيدوروها باليد مباشرة ؤ دي حضروها الديناصورات،
والتانية بيدوروها بالسلبة، أها الّلت السلبة دي أكان حضرتها تمسك
أبو حسين دا من إيدو ؤ دربكم عديل علي المتحف ...
|
Post: #9
Title: Re: ود المدير والذين خرفوا في المنبر .. كيف تعر
Author: ABUHUSSEIN
Date: 04-23-2021, 07:32 AM
Parent: #8
Quote: والتانية بيدوروها بالسلبة، أها الّلت السلبة دي أكان حضرتها تمسك
أبو حسين دا من إيدو ؤ دربكم عديل علي المتحف ... |
السلبة حقت اللواري يا اصلع ...
و دي بتعرفوها انتو ناس الضهاري ...
😂😂😂😂
|
Post: #10
Title: Re: ود المدير والذين خرفوا في المنبر .. كيف تعر
Author: وليد زمبركس
Date: 04-23-2021, 08:35 AM
Parent: #8
یا ود المدیر منفلة السلبة دی من اسمها كدا بتاعة بابور لستر مثبت فی قاع البیر.
|
Post: #11
Title: Re: ود المدير والذين خرفوا في المنبر .. كيف تعر
Author: يحي قباني
Date: 04-23-2021, 09:52 AM
Parent: #10
يا حيدر ..
تصدق من اللستة دي كلها .. بس عبد الله خليل الماشفتو .. رغم اني حضرت فيما بعد عرس في بيته و العقد للرسان الكاذب الضليل رحمه الله ..
ازهري في اول 69 عاصر فراش جدي محمد سعيد القباني ي ود ارو و انحنا صغار كنا بنلم كبابي الشاي و الموية الفاضيات ..
الخرطوم شرق قريت فيها 3 سنوات .. و دفعتي فيها اولاد هاشم ضيف الله احمد و امين .. و امير شفيق شوقي .. و محمد كامل قباني و عمرو الحكيم و ايهاب فتحي حسن كاشف و يوسف زغله و عمرو الحكيم و اسامة ادريس و عمر علي طه و ولاء الدين ابراهيم خوجلي ..
و ركبت ابو رجيلة .. افتح ورا ..
و ركبت الطراحة بي 4 قروش و نص و سواق التكس بياكل التعريفة عادي ..
و اكلت في الاتني لغاية ما انا طالب في الجامعة ..
و الجيب الولز حق الوالد (عربية الحكومة) كان بدور بي منفلة في مدني ..
شربت الدبل كولا و الشيكان و الحرية و اللويزو و كيتي كولا .. و عمك سليمان شعيب صاحب مصانع الحرية كان جارنا الحيطة بالحيطة في ود ارو ..
و بعت قزاز لامن فترت ..
و حضرت بروفات الجيلاني الواثق لانه كمال حمدي عازف البيز و فاتح كردي عازف الجيتار كانوا اصحابي .. و جيلاني كان متزج اخت كمال
و و و ووووووووووووووووووووووووووووووووووووووووووووو
|
Post: #12
Title: Re: ود المدير والذين خرفوا في المنبر .. كيف تعر
Author: الشيخ سيد أحمد
Date: 04-23-2021, 11:58 AM
Parent: #11
حياك الله يا حنين.
مبارك عليك الشهر.
|
Post: #13
Title: Re: ود المدير والذين خرفوا في المنبر .. كيف تعر
Author: وليد زمبركس
Date: 04-23-2021, 03:39 PM
Parent: #12
اللستة ناقصة القطر البخاری و اللوری التیمس و تلاجة الجاز و الكافینول و الریحة الصاروخ و الرتینة و حلاوة كسلا و اغانی عبد العزیز المبارك فی الطهور و ساردین المدرسة و سجایر البینسون صنع خصیصا للسودان.
|
Post: #14
Title: Re: ود المدير والذين خرفوا في المنبر .. كيف تعر
Author: بابكر قدور
Date: 04-23-2021, 04:11 PM
Parent: #13
الله يجازي محنك ياحيدر حسن ميرغني
ده زمان ماقبل البيبسي كولا
|
Post: #15
Title: Re: ود المدير والذين خرفوا في المنبر .. كيف تعر
Author: بابكر قدور
Date: 04-23-2021, 04:21 PM
Parent: #14
 وليد زمبركسقبل سجير بنسون صنع خصيصاً للسودان .. كانت السيجارةالأولى المفضلة للسودانيين هي سيجارة "بحاري" وما كانالفلتر معروف إلى أن ظهرت سيجارة "ماتينيه" وسيجارةروثمان كنج سايز فلتر ....
|
Post: #16
Title: Re: ود المدير والذين خرفوا في المنبر .. كيف تعر
Author: وليد زمبركس
Date: 04-23-2021, 04:44 PM
Parent: #15
بابكر قدور.
سجایر ما قبل الفلتر دا اكید هو السجایر الكان المهدی بجلد عشانو الناس.
الصندوق ذاتو لیهو هیبة یقف شامخا كمجلد لكتاب تاریخی عریق.
شكرا للمعلومة و مثل هذه الصور حقا تحتاج لوضعها بمتحف خاص.
|
|