Post: #1
Title: رمضان كريـم يابكري ابوبكر ..اوله مغفرة ووسطه رحمة،
Author: HAIDER ALZAIN
Date: 04-22-2021, 07:03 AM
Parent: #0
07:03 AM April, 22 2021 سودانيز اون لاين
HAIDER ALZAIN-
مكتبتى
رابط مختصر
وتقبل الله واعانكم على الطاعات ،،
الفيسبوك يابكري..
نافذة الفيسبوك يابكري ابوبكر
عاطف عمر وبقية الاخوة من اعضاء المنبر الكرام والذين كانوا يجملون المنبر بمشاركاتهم وملحهم ومشاداتهم ومناكفاتهم..
بالاضافة لانه الزمن زمن ثورة وتغيير وحرية وسلام وعدالة ومشاركة..
وعلى ما أذكر فإنك قد قمت بإستشارة واستطلاع رأي الاخوة بالمنبر عندما قررت إضافة نافذة الفيسبوك..
ثم لم تستشير او تسأل عند حذفها!!!!
أرجو في هذا الشهر الكريم ولبسط روح المحبة وتقبل الآخر والعطاء والمشاركة ان تعيد النافذة مرة أخرى..،
وممكن نفتح باب كفالة بعض اعضاء نافذة الفيسبوك ..!
أرشح احمد 2010 لكفالة شيخ عاطف..
وانا بكفل ليك ابوبكر المستنير ؛)
تحياتي
|
Post: #2
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 07:06 AM
Parent: #1
إلحاقاً بالطلب أعلاه..
يا حبيب اطلق سراح المدعو حاتـم ابراهيـم ايضاً
خلاص كفاهو وبيكون هنق لي هسه
صراحة برضو وجوده كراعي ترفيـه وإثارة مهم جداً وعامل قوي في تقصير نهارات الصيام..
ودا بكفله ليك أنا برضو كفالة تعويضية :) :)
لكن المستنير خليهو تحت بس ..
|
Post: #3
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 07:08 AM
Parent: #2
المهم ارجو من الاخوة في المنبر العام التعبيـر عن رأيهم ومساندتهم وتثنيتهم لهذين الطلبين بخصوص النافذة والمدعو حاتم ابراهيـم
وأتمنى انه اي زول موافقني في طلبي ورأي دا يعبر ويكتب تثنيتهم بوضوح وصوت عالي..
والمعترض يريحنا من الكتابة و يستغفر ويحمد الله في قلبه سراً ؛)
|
Post: #4
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 07:11 AM
Parent: #3
وإن بقى المسألة انه زول مل زول
يعني عشان ترجع زول لازم توقف عضو
فأرجو انك ترجع لينا الفيسبوك والموقوفين وتوقف جقود وفوق ليهو شيل الخروف فوق البيـعة..
وشكراً
ــــــــــــــ
اللهم اني صائم ،
|
Post: #5
Title: Re: رمضان كريـم يابكري ابوبكر ..اوله مغفرة ووس
Author: muntasir
Date: 04-22-2021, 07:33 AM
Parent: #4
شيخ عاطف مطبول أنا قايله معتكف 😂 وبريمة ده برضوا زيد ليه مشاركاته وفك حظره حتى نسمع صوت الجنجويد
|
Post: #6
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 07:51 AM
Parent: #5
والفحل يا منتـصر ..
عزالدين عباس الفحل بكل زخم ابوظبي والآيــفون والزيزفون والمحلب والحمريــب المعطر عنده مداخلة واحدة يا منتـصر ..
|
Post: #7
Title: Re: رمضان كريـم يابكري ابوبكر ..اوله مغفرة ووس
Author: Ali Alkanzi
Date: 04-22-2021, 08:09 AM
Parent: #6
اخ حيدر
رمضان كريم
واثني رأيك
+++++
اما قول الاخ منتصر عن الاخ بريمة
| Quote: شيخ عاطف مطبول أنا قايله معتكف 😂 وبريمة ده برضوا زيد ليه مشاركاته وفك حظره حتى نسمع صوت الجنجويد |
انا بفتكر
بريمة دي حوبتو بعد مقتل ديبي
الرجل ملم باحوال المنطقة وارهاصاتها السياسية
وانا من معجبي بريمة
|
Post: #8
Title: Re: رمضان كريـم يابكري ابوبكر ..اوله مغفرة ووس
Author: معاوية المدير
Date: 04-22-2021, 08:43 AM
Parent: #7
كلام زين من ود الزين، بالحيل نقيف معاهو .
وشِي الكِتاب مُهم جداً خاسةً ناس الحِلة التِحِت في حاجات بيقولوها
ناس الحِلة الفوق ما بيقدرو يصرحو بيها، وأهو نقول رأي آخر وصوت
لا بُدّ أن نسمعه .
أما أكان بقت علي حاتم أخيّر حمدوك ...
|
Post: #13
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 09:18 AM
Parent: #8
تشكر يا ودالمديـر وفعلاً وش الكتاب مهم احياناً والاخوة ما قاعدين يقصروا تجاه اي تجاوز
بالاضافة لانهم مؤنسننا ؛)
| Quote: أما أكان بقت علي حاتم أخيّر حمدوك ... |
علييييك الله باركها .. اللخو دا بكفله ليك يرجع مؤدب ..وفي النهاية لجامه طرفه هنا ؛)
|
Post: #9
Title: Re: رمضان كريـم يابكري ابوبكر ..اوله مغفرة ووس
Author: أحمد محمد عمر
Date: 04-22-2021, 08:44 AM
Parent: #7
| Quote: أرشح احمد 2010 لكفالة شيخ عاطف |
إني استخرت الله وقبلت كفالة موكلك البكر الرشيد على المنبر المسمى بيننا والحضور شهود على ذلك والله خير الشاهدين
ثم أما بعد
أبشرك
أول حاجة حيعملها بكري بعد يصحى يلحس البوست .. والله صحي
|
Post: #14
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 09:20 AM
بكري .. علييييكك الله ما تحذف البوست دا
أرجوك 
اخذل احدهم دا بالله ..
|
Post: #12
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 09:15 AM
Parent: #7
وعليكم السلام ورحمة الله اخي علي الكنزي
رمضان كريم وتقبل الله..
اتفق تماماً معاك في ضرورة زيادة كوتة بريمة ..
Quote: بريمة دي حوبتو بعد مقتل ديبي
الرجل ملم باحوال المنطقة وارهاصاتها السياسية |
بريمة وقت يقعد للكلام والحكي قاعد يتجلى فعلاً
تحياتي
|
Post: #10
Title: Re: رمضان كريـم يابكري ابوبكر ..اوله مغفرة ووس
Author: Biraima M Adam
Date: 04-22-2021, 08:44 AM
Parent: #6
| Quote: وبريمة ده برضوا زيد ليه مشاركاته وفك حظره حتى نسمع صوت الجنجويد |
شوف جنس الكلام دا .. منتصر بقي يشتاق لصوت الجنجويد ..!!
أها نديك النجيضة .. صار الفيلسوف رئيس لدولة مالي .. وهو عربي .. ومن المفترض تشاد يكون رئيسها هو رئيس البرلمان .. وهو عربي .. جنجويدي أصلو بلادو ..
والشيخ موسي هلال .. وضع يده علي يد رجال شجعان .. في جبهة العزة والكرامة .. أنضم لها الرائد رضوان ورجاله .. وأنضم لها العميد جلحة قائد حركة الشجعان .. وأبناء الشمال يأتون أفواجا ..
والشيخ موسي .. ذهب جبل مرة وإلتقي القائد عبد الواحد محمد النور ..
وهناك علي ما أظن من خلال الخطاب الجاري .. شبه إجماع نحو تأمين شعب المساليت في غرب دارفور والفلاته في جنوب دارفور .. ومحاولة ضم أبناءهم لجبهة العزة والكرامة ..
أيضاً يتراءي لي أن هناك حراك لتأمين وجود أبناء الشمال في الجبال الغربية .. وهى مناطق جبلية ما بين جنوب كردفان وغرب كردفان .. لتأمين دعمهم لوجستياً .. وفتح حوار مع عبد العزيز الحلو حتى لا يصطدم بهم.
في وجهة نظري الشخصية .. هذه الخطوات الجبارة ينقصها .. وجود الدعم السريع .. وهنا يؤول المرء علي أبناء الشمال في جبهة العزة والكرامة لتطمين السيادي حميدتي والقائد عبد الرحيم دقلو .. بأن التغيير جزء منه .. لدورهم في التغيير الذي حدث .. عندهم "كرديت".
وسمعت نداء موجه لأبناء الشمال والشرق .. بأن يسارعوا الخطي بالأنضمام وتبني جبهة العزة والكرامة .. كبديل مخلص للشعب السوداني من العصابة .. ويكونوا يد واحدة ضد من يسرقون ثورة الشعب ..
وفحت نايمة في العسل .. والكنجيمورو في المزرعة مدورة ..
وعلي ناشطي قحت ... ترك قحت والأنضمام إلي جبهة العزة والكرامة ..
إذاعة صوت الجنجويد .. صوت كل جنجويدي حر ..
----------------------
وناقل الكفر ليس بكافر
بريمة
|
Post: #11
Title: Re: رمضان كريـم يابكري ابوبكر ..اوله مغفرة ووس
Author: muntasir
Date: 04-22-2021, 09:03 AM
Parent: #10
سلام بريمة سمعت تسجيل قالوا القصة في تشاد مدورنها عيال عمك عيسى جادالله ومحمد صالح نضيف الكلام ده ككيف صحي دايرين تعملوا مملكة ( رد بي كبة بكرة لحدي ما بكري يفك القيد 😂)
|
Post: #15
Title: Re: رمضان كريـم يابكري ابوبكر ..اوله مغفرة ووس
Author: HAIDER ALZAIN
Date: 04-22-2021, 10:56 AM
Parent: #11
بريمة email y اي رد ليك على اللخو منتصر ممكن ترسله على haideralzain@gmail
وبكرة ان شاء الله كما شفت في المنام انه بكري حا يفك قيودكم..
تاني منتصر الا يجري بحري بس
|
Post: #16
Title: Re: رمضان كريـم يابكري ابوبكر ..اوله مغفرة ووس
Author: محمد البشرى الخضر
Date: 04-22-2021, 11:03 AM
Parent: #15
طلع حديث اوله واوسطه وآخره حديث ضعيف يا ود الزين!
كله رحمة وكله مغفرة وكله عتق من النار.
المهم:
شيخك والمستنير اكان دايرين فلياخدوا او يستعيدوا العضوية ويكتبوا مع الناس الفوق
|
Post: #17
Title: Re: رمضان كريـم يابكري ابوبكر ..اوله مغفرة ووس
Author: زهير عثمان حمد
Date: 04-22-2021, 11:13 AM
Parent: #16
نرحب بهم أعضاء فقط لكي يحاسبوا
نافذة الفيس جرحت اعضاء كرام هنا
|
Post: #18
Title: Re: رمضان كريـم يابكري ابوبكر ..اوله مغفرة ووس
Author: Yasir Elsharif
Date: 04-22-2021, 11:19 AM
Parent: #17
للأسف نافذة الفيسبوك بدل أن تكون إضافة جميلة إلا أنها استخدمت للإساءة والسخرية والتحقير من عدد قليل من مستخدميها.
الإساءة والتحقير ليست حرية.
|
|