Post: #1
Title: سخاريف مازن سخاروف.
Author: سيف النصر محي الدين
Date: 04-20-2021, 03:11 PM
03:11 PM April, 20 2021 سودانيز اون لاين
سيف النصر محي الدين-
مكتبتى
رابط مختصر
جا علينا زمن كان الواحد بقرا كل حرف يخطه احدهم او تخطه احداهن في المنبر العام
وما يزال عائما. لكن مؤخرا ومع تعدد الوسائط وتنوع وتوزع الاهتمامات اصبحت القراية
في المنبر العام انتقائية selective. مازن سخاروف هذا كعضو جديد الشي الوحيد
الذي حرضني على فتح بعض بوستاته هو لقبه "سخاروف". الرجل كاتب جيد بدون شك
من حيث اللغة والاسلوب والذخيرة الثقافية ورغم ذلك فالافكار بالية والادعاء بامتلاك الحقيقة
يكاد يقفز من بين السطور.
الظاهرة السخاروفية تكررت عبر السنين في هذا المنبر العام، يأتي احدهم وفي باله انه مبعوث
العناية الكونية لانقاذ اعضاء وعضوات المنبر من تفاهتهم وتفاهتن ولرفع المستوى الثقافي لهم
ولهن والارتقاء بهم وبهن الى مصاف الفكر الراقي والثقافة العالية ومع الزمن يدرك هذا القادم
الجديد ان هناك الكثير out there ليتعلمه ويضطر اخر الامر ان يقعد في واطة المنبر وياخد
ويدي مع الناس.
It’s just a phase, my friend 😊
|
Post: #2
Title: Re: سخاريف مازن سخاروف.
Author: Nasr
Date: 04-20-2021, 03:47 PM
Parent: #1
براحة شوية علي مازن يا سيف
طول مكوث في هذا البورد
(والحرد من الوسائط الأخري "البدع" )
علمني أن البورد يحتاج لنقل دم ثقافي في كل مرة
ولأنه ما في زول بريح للآخر في هذا الدنيا
فلنرحب به صوتا جديدا علنا نستعيد بعضا من حيوية البورد التي كانت
لقد إفتقدنا الكثير من الأصوات والمساهمين الجادين
إذن دعنا نرحب به ونحاوره بقدر من نستطيع
|
Post: #3
Title: Re: سخاريف مازن سخاروف.
Author: سيف النصر محي الدين
Date: 04-20-2021, 03:53 PM
Parent: #2
مراحب يا نصر
طبعا سنحاوره لما يمل. البوست ده ترحيبي بالاخ مازن على فكرة 🤓
|
Post: #4
Title: Re: سخاريف مازن سخاروف.
Author: أحمد محمد عمر
Date: 04-20-2021, 05:29 PM
Parent: #3
شغال بلخ ساي من طرف زي ما تجي تجي لسة ما اتزرزر
يوم بلم فيه محمد البشرى مطرف بشهيهو العافية 
|
Post: #5
Title: Re: سخاريف مازن سخاروف.
Author: سيف النصر محي الدين
Date: 04-20-2021, 06:41 PM
Parent: #4
نرجو ان يعدي المرحلة دي بسلام يا ابوحميد 😀
|
Post: #6
Title: Re: سخاريف مازن سخاروف.
Author: محمد البشرى الخضر
Date: 04-20-2021, 06:48 PM
Parent: #4
هوي يا أحدهم دا كان زمان ايام الشباب و "اللياقة" اسي براعي ساي واقول مخير الله!
|
Post: #8
Title: Re: سخاريف مازن سخاروف.
Author: سيف النصر محي الدين
Date: 04-20-2021, 08:42 PM
Parent: #6
ابو حتحوت ان احدهم دي زعلتك وللا شنو؟ والله ما قاصدبها شيتاً كعب 😀
|
Post: #7
Title: Re: سخاريف مازن سخاروف.
Author: أبوذر بابكر
Date: 04-20-2021, 08:14 PM
Parent: #1
ازيك يا سيف
كيف الحال
وتحية للزملاء
اعتقد- شبه جازم- انه اخونا سخاروف هو نفس العضو في موقع سودان دوت نت
موقع اخونا معاذ عطا السيد
اول موقع حوار وتلاقي الفيفي
الموقع الموؤد
نفس العضو المكتب ب اسم الشارد وبرضو ب اسم الثعلب
نفس المواضيع ونفس النكهة والاسلوب
|
Post: #9
Title: Re: سخاريف مازن سخاروف.
Author: سيف النصر محي الدين
Date: 04-20-2021, 08:47 PM
Parent: #7
سلامات يا اباذر المطر
ايوة هو في واحدة من البوستات اشار لسجالات خاضها في سودان نت.
|
Post: #10
Title: Re: سخاريف مازن سخاروف.
Author: أحمد محمد عمر
Date: 04-20-2021, 08:50 PM
Parent: #9
"أحدهم" دة أنا يا سيف :)
بحسب رواية عمر التاج ذات زنقة
|
Post: #11
Title: Re: سخاريف مازن سخاروف.
Author: محمد البشرى الخضر
Date: 04-20-2021, 10:07 PM
Parent: #10
وحاة الله يا سيف بعد قريتها قلت الدكتور دا مطول من البورد اسي يفتكرها ليه ولو كانت "اللياقة" زي زمان كان كتبت مداخلة تانية للتنبيه لكن كالعادة راعيت ليها واكتفيت ب مخير الله 😀
|
Post: #12
Title: Re: سخاريف مازن سخاروف.
Author: أحمد محمد عمر
Date: 04-20-2021, 10:34 PM
Parent: #11
أها طلعك داير تشتهر على حسابه يا دكتور :)
طبعاً جاتني رغبة ملحّة أرقد ليكم بيه في زقاق
الأيام دي الزمن ممحوق بس الوعد في الذمة :)
بمناسبة الزقاق النحكي ليكم القصة الحقيقية دي
عندنا حكم في الجزيرة اسمه عمر .. عمك كبير في العمر وقلبه كبير :)
اليوم داك طرد ليك محمد ولد من حلة جمبهم بالكرت الأحمر
الولد شباب وعضلات الناس ماسكينو وههم محمر ليك في عمر وشغال ليه من الميدان دة أنا بطلع لكن انت إلا تطير من الحلة والله ألاقيك في زقاق إلا أشربك دمك واكسر ليك كرعيك
أها عمك عمر طلع من الاستاد قلبه طاير وماشي يتلفت لحدي ما وصل أبو الولد وقعد يقول ليه انت عارف الشباب ديل متهورين ودي كورة الطرد فيها عادي لكن الولد دة عليك الله عقّله ما يعمل حاجة تضره وخليه يتجاوز الموضوع دة
أبو الولد قال خلاص ما تشيل هم أنا بكلمو ما يتعرض ليك
بعديها بي يومين عمك عمر ماشي في زقاق من زقاقات حلتهم والشارع فاضي وفجأة يظهر ليك محمد في طرف الزقاق سادي عليه الطريق
عمك وقف في نص الزقاق وكورك ليه يااااا محمد .. أبوك أبوك كلمك؟
|
Post: #13
Title: Re: سخاريف مازن سخاروف.
Author: Ahmed Yassin
Date: 04-20-2021, 10:46 PM
Parent: #12
د. سيف وشركاه
تحياتي واحتراماتي
| Quote: وفي باله انه مبعوث العناية الكونية لانقاذ اعضاء وعضوات المنبر من تفاهتهم وتفاهتن |
بالله نحن وصلنا المرحلة دي !!!!!
|
Post: #19
Title: Re: سخاريف مازن سخاروف.
Author: سيف النصر محي الدين
Date: 04-24-2021, 07:22 PM
Parent: #13
| Quote: بالله نحن وصلنا المرحلة دي !!!!! |
سلامات يا ابوحميد
في ناس بدخلوا المنبر وفي بالهم انهم جايين هنا لانهم عندهم حاجة بقية
الناس هنا ما عندها وهم غالبا بكونوا جايين من مكان اتعودوا فيه ان يكونوا
متحدثين لجمهور من المستمعين لا يتفاعل معهم الا مصفقا وباصما بالعشرة
على ما يقولون ايا كان ذلك.
|
Post: #14
Title: Re: سخاريف مازن سخاروف.
Author: أبوذر بابكر
Date: 04-21-2021, 05:08 AM
Parent: #9
تحياتي يا سيف
في سودانت برضو في عضو غامض جدا وعجيب
اسمه رضا البطاوي وبنشر اشياء غريبة وعجيبة
ومعظم شكوك الاعضاء شبه الأكسدة هناك حسب ما عرفت
انه موست بروببلي يكون نفس العضو صاحب الأسماء الاتنين برضو
|
Post: #15
Title: Re: سخاريف مازن سخاروف.
Author: سيف النصر محي الدين
Date: 04-21-2021, 04:45 PM
Parent: #14
Quote:
وحاة الله يا سيف بعد قريتها قلت الدكتور دا مطول من البورد اسي يفتكرها ليه ولو كانت "اللياقة" زي زمان كان كتبت مداخلة تانية للتنبيه لكن كالعادة راعيت ليها واكتفيت ب مخير الله 😀 |
بارك الله في احمد عمر وراني مصدر "الاحدهم" دي 😊
وبيني بينك اللياقة بالجد بقت تعبانة.. حقو نعمل معسكر ياخ.
|
Post: #16
Title: Re: سخاريف مازن سخاروف.
Author: سيف النصر محي الدين
Date: 04-23-2021, 02:10 PM
Parent: #15
Quote: في سودانت برضو في عضو غامض جدا وعجيب
اسمه رضا البطاوي وبنشر اشياء غريبة وعجيبة
ومعظم شكوك الاعضاء شبه الأكسدة هناك حسب ما عرفت
انه موست بروببلي يكون نفس العضو صاحب الأسماء الاتنين برضو |
الغريبة انو بكري من زمااان قرر انه يلغي حكاية الالقاب والاسماء الحركية والnicknames
دي ويسجل الاعضاء الجدد باسمائهم الحقيقية المدعومة بالوثائق الثبوتية.
غايتو سخاروف دي بكون سخر ليهو جان وللا حاجة عشان يجينا كشخص مجهول
في منبرنا العام ليمارس فيه سخاريفه بكل برطعة. 😀
|
Post: #17
Title: Re: سخاريف مازن سخاروف.
Author: حيدر حسن ميرغني
Date: 04-23-2021, 03:23 PM
Parent: #16
سلام د. سيف
التفاعل في المنبر العام ، في عمومه، قائم على تراكم التجارب ( دواس ، مفاكرات )
يستحيل يجي عضو جديد ويختصر الحاجة دي في اول بوستاته وبعدائية شديدة كمان
|
Post: #18
Title: Re: سخاريف مازن سخاروف.
Author: سيف النصر محي الدين
Date: 04-23-2021, 04:08 PM
Parent: #17
سلامات يا حنين ومشتاقين
فعلا لخصت الموضوع وصورته كما هو تماما.
|
Post: #20
Title: Re: سخاريف مازن سخاروف.
Author: mohmmed said ahmed
Date: 04-25-2021, 08:52 AM
Parent: #18
اخونا بكري
مفترض يحسم القصة دى
ولا يسجل اى عضو الا باسمه الحقيقي
لا ادري ما الحكمة من الاختفاء خلف اسماء مبهمة
حاجة مريبة
|
Post: #21
Title: Re: سخاريف مازن سخاروف.
Author: محمد عبد الله الحسين
Date: 04-25-2021, 11:58 AM
Parent: #20
تحياتي الأخ سيف و ضيوفك الكرام
الأخ محمد
Quote: اخونا بكري
مفترض يحسم القصة دى
ولا يسجل اى عضو الا باسمه الحقيقي
لا ادري ما الحكمة من الاختفاء خلف اسماء مبهمة
حاجة مريبة |
قبل كم سنة كتبت بوست عن الذين يتخفون وراء الأسماء الحركية و الألقاب و تساءلت مماذا يخافون و لماذا يتسترون خلف أسماء حركية
وقد تداخل الكثيرين رافضين الفكرة في ذلك الوقت..و لكن قليلاً قليلا شايف أصبحت هناك مطالبات بذلك.
الحقيقة المنبر اجتماعي في المقام الأول لا أدري السبب في جعله حفلة تنكرية لدى البعض.
|
Post: #22
Title: Re: سخاريف مازن سخاروف.
Author: mohmmed said ahmed
Date: 04-26-2021, 07:58 AM
Parent: #21
سلام اخ محمد
اتفق معك المنبر منبر اجتماعي علنى
لا يوجد سبب للتخفي
كيف لنا مخاطبة شخصيات مجهولة
بعد ثورة الاتصالات وضعت قوانيين للنشر والحماية
لذا لابد من ان يكتب كل شخص باسمه الحقيقي ويتحمل التبعات القانونية لما يكتب
|
Post: #23
Title: Re: سخاريف مازن سخاروف.
Author: سيف النصر محي الدين
Date: 04-26-2021, 02:56 PM
Parent: #22
سلام محمد عبد الله ومحمد سيد احمد
شكرا لكما واتفاقي الكامل مع ما تفضلتما بطرحه.
|
Post: #24
Title: Re: سخاريف مازن سخاروف.
Author: سيف النصر محي الدين
Date: 04-26-2021, 05:07 PM
Parent: #22
سلام محمد عبد الله ومحمد سيد احمد
شكرا لكما واتفاقي الكامل مع ما تفضلتما بطرحه.
|
Post: #25
Title: Re: سخاريف مازن سخاروف.
Author: Hassan Farah
Date: 04-26-2021, 06:04 PM
Parent: #1
دكتور سيف وضيوفه سلام
لى سؤال للاخ مازن: ماذا تقصد بلقبك سخاروف؟ هل له علاقة باسم الاكاديمى الروسى مصمم القنبلة الهيدروجينية
؟Сахаров, Андрей Дмитриевич
|
|