Post: #1
Title: شاهدوا مسرحية إنهيار دولة السودان
Author: Abureesh
Date: 04-18-2021, 07:50 PM
07:50 PM April, 18 2021 سودانيز اون لاين
Abureesh-أمريكا
مكتبتى
رابط مختصر
على خشبة المسرح الآن.. بدون تذاكر. دراما مستوحاة من فلسفة العبث. بيت ينهار على ساكنيه.. والذين يدمرونه سكانه.
يدمرون بيتهم وهم بداخله. خربانة أم بناية قش. قالها الشيخ فرح ود تكتوك حلال المشبوك.
|
Post: #2
Title: Re: شاهدوا مسرحية إنهيار دولة السودان
Author: منتصر عبد الباسط
Date: 04-18-2021, 08:10 PM
Parent: #1
أفصح أبن
أشرح
|
Post: #3
Title: Re: شاهدوا مسرحية إنهيار دولة السودان
Author: منتصر عبد الباسط
Date: 04-18-2021, 08:11 PM
Parent: #1
أفصح أبن
أشرح
|
Post: #4
Title: Re: شاهدوا مسرحية إنهيار دولة السودان
Author: اخلاص عبدالرحمن المشرف
Date: 04-18-2021, 08:19 PM
Parent: #3
سنهوري وساطع ومريم ويوسف صديق
وكل من فاوض اللجنة الامنية وحميدتي
هم من ضيع البلد
|
Post: #5
Title: Re: شاهدوا مسرحية إنهيار دولة السودان
Author: Abureesh
Date: 04-18-2021, 10:21 PM
Parent: #4
شكرا للجميع على المرور..
دكتورة إخلاص،
نحن كلنا كنا ضحايا خدعة كبرى من عمل مخابراتى.. بدأ بزيادة سعر الرغيف فى أتبرة. اللاعبين الأساسيين
كانا الفريق طه عثمان الحسين والفريق قوش.
ستُبْدي لكَ الأيّامُ ما كنتَ جاهلاً
ويأتِيكَ بالأخبارِ مَن لم تُزَوِّدِ
ويَأتِيكَ بالأخبارِ مَنْ لم تَبِعْ له
بَتاتًا، ولم تَضْرِبْ له وقتَ مَوعِدِ
|
Post: #6
Title: Re: شاهدوا مسرحية إنهيار دولة السودان
Author: منتصر عبد الباسط
Date: 04-19-2021, 01:54 AM
Parent: #5
Quote:
نحن كلنا كنا ضحايا خدعة كبرى من عمل مخابراتى..
بدأ بزيادة سعر الرغيف فى أتبرة.
اللاعبين الأساسيين
كانا الفريق طه عثمان الحسين والفريق قوش |
أخيرا بدأت الناس تعرف الحقيقة
الحمد لله
بس لا زال هناك فرصة لإفساد المخطط
لكن ناس إخلاص ديل صعب يقتنعوا
لأنو قوش ثقله داخل المدنيين وليس العسكر
|
Post: #8
Title: Re: شاهدوا مسرحية إنهيار دولة السودان
Author: adil amin
Date: 04-19-2021, 04:28 AM
Parent: #7
هسة يقول واي واي خرب لي بوستي
https://top4top.io/
انت ما كنت معجب بي امريكا واسرائيل قبل يومين وقلت ماشي اسرائيل
شوف الدول دي دلالين وقوادين للمشروع الامريكي الاسرائيلي من الاساس
مصر السعودية الامارات
وقطر وتركيا
وادوات الادوات دي في السودان حثالة مايو الشيوعي والبعثي والناصري وايتام الترابي في الشعبي والجبهة الثورية اللا عمد ولا اطيان
امريكا هي امريكا
والبنك الدولي هو البنك الدولي
واسرائيل هي اسرائيل
ونحن شعب الله المحتار فعلا
انشتاين قال لا يمكنك اجرا تجربة مرتين بي نفس الادوات وتتوقع نتائج مختلفة
وهسة نفس الناس ونفس الادوات مدورين بي السودان بعد العراق وسوريا واليمن وليبيا
وتتوقع نتائج مختلفة كيف ؟؟
|
Post: #9
Title: Re: شاهدوا مسرحية إنهيار دولة السودان
Author: Abureesh
Date: 04-19-2021, 06:52 AM
Parent: #8
أبدا والله، ما قلت فى حياتى واى، ومافى زول علمنى ليها، لا من ناحية الأب ولا من ناحية الأم. بس أفتح بوست وحتقول إنت الواى..
وأمريكا بلدى ومعجب بيها وأدافع عنها.. إنت بس واصل أرمى فشلك من الإستقلال وحتى اليوم فى شماعة أمريكا وإسرائيل.. كويس؟ كرر نفس التجرية بنفس الشروط
يمكن تقع فى نتيجة مختلفة.
|
Post: #10
Title: Re: شاهدوا مسرحية إنهيار دولة السودان
Author: adil amin
Date: 04-19-2021, 10:05 AM
Parent: #9
Quote: أبدا والله، ما قلت فى حياتى واى، ومافى زول علمنى ليها، لا من ناحية الأب ولا من ناحية الأم. بس أفتح بوست وحتقول إنت الواى..
وأمريكا بلدى ومعجب بيها وأدافع عنها.. إنت بس واصل أرمى فشلك من الإستقلال وحتى اليوم فى شماعة أمريكا وإسرائيل.. كويس؟ كرر نفس التجرية بنفس الشروط
يمكن تقع فى نتيجة مختلفة. |
امريكا بلدي دي حلوة شديد الرقاصة المصرية برضو تلد ولدا في امريكا وتخلي حضارة 7000 سنة عشان يكون زيك كده عنده جواز امريكي
في ناس امريكا بلدهم وبنقدوها نقد علمي مؤسس واشهر واذكي منك
طال ما انت امريكي وحرقتك واي واي نترجما بي الانجليزي
why .,,why he spoils my posts
اقراها بي صوت عالي الان
اكيد ما علمتك ليها امك البوليوجية او ابوك البيولجي
علمك ليها مدرس الانجليزي
هسة نفهم كده انت وحمدوك عايزين تجيبو لينا امريكا واسرائيل في السودان مش كده ؟؟؟
عليك تحمل النتائج في الدارين ..
|
Post: #11
Title: Re: شاهدوا مسرحية إنهيار دولة السودان
Author: adil amin
Date: 04-19-2021, 10:11 AM
Parent: #10
| Quote: شاهدوا مسرحية إنهيار دولة السودان |
واشاهد ليه يا مواطن واتفرج....
وتنهار الدولة ليه في السودان؟
يعني مافي حاجة غير
اهل الرجس الكيزان ملعونين والديهم
وهل السفاهة الشيوعيين المتحولين سياسيا في السودان
وحركات الزفت ارزقية الامارات وقطر لا عمد ولا اطيان؟؟
ما في غير الكعوك ده ابدا في السودان ؟؟
طيب الثورة الثقافية م م طه كيف؟
الحركة الشعبية الاصل كيف ؟
الختمية و كيف ؟؟
قلت امريكا بلدك مش كده
طيب اسرائيل دي لازمتا شنو انت فلاشا اظنك وما عارفين
|
Post: #12
Title: Re: شاهدوا مسرحية إنهيار دولة السودان
Author: منتصر عبد الباسط
Date: 04-19-2021, 02:26 PM
Parent: #11
| Quote: منتصر قلت أخيرا الناس بقت تعرف الحقيقة.!!كدى شوف دى وأدينا خبر الناس عرفت الحقيقة متين.. |
صحيح أنك كنت من الذين ينظرون للأمور من خارج
الصندوق وهذا جعل مواقفنا ليست متباعدة
تجاه قحت لم أكن أعنيك أنت
أنت تنظر للأمور مثلي من خارج صندوق صلاح قوش
صندوق قوش الذي حشر فيه الجميع إلا من رحم الله
قحت ما هي غير لعبة أو مسرحية سخيفة
من صناعة مخابرات قوش
الراجل الضكران الرافض لهذه اللعبة من القوات المسلحة
وهو من أصدق الضباط هو شمس الدين الكباشي
عشان كدا صبيان قوش موجهين ضده حملات رعناء
هم وبعض الحمقى والامعات
|
Post: #14
Title: Re: شاهدوا مسرحية إنهيار دولة السودان
Author: منتصر عبد الباسط
Date: 04-19-2021, 04:03 PM
Parent: #13
المطلوب من الوطنيين الصادقين
يصحوا ويوحدوا الصف
لإيقاف هذه المهازل
بالمطالبة بانتخابات عاجلة
وجعل الشرعية لأي جهة
فقط بالانتخابات الحرة المباشرة
لكل الشعب
هناك خديعة وكذبة بأن الانتخابات
مطلب كيزاني والحقيقة عكس ذلك
|
Post: #15
Title: Re: شاهدوا مسرحية إنهيار دولة السودان
Author: Abureesh
Date: 04-19-2021, 04:36 PM
Parent: #14
Quote: قلت امريكا بلدك مش كده
طيب اسرائيل دي لازمتا شنو انت فلاشا اظنك وما عارفين |
أيوة أمريكا بلدى.. عندك مانع؟ وما فى زول محتاج يكون مواطن اسرائيلى عشان يزور اسرائيل.. هل زرت أو عملت فى أى بلد خارج السودان؟ طيب لازمتا شنو؟
إسرائيل دولة زى أى دولة تانية، ولا أستطيع أقول ليك ما تمشى فى قطيع العرب .. على كيفك. بس لا تحاول تجر غيرك لمفاهيمك المملاة من زمن عبدالناصر. طيب
ليه ما سألت نفس السؤال المعوج عن زيارتنا للإمارات واسيا وأوروبا.. وانا أيضا لست مواطن هناك.
أخيراً الفلاشــا مالهم؟ موش بشر زيك؟ على الأقل هم عارفين هويتهم موش زى بعض الناس الماعارفين هم شنو زاتو وحتى الان يتصارعون فى نحن عرب ونحن أفارقة.
بالمناسبة لقيت أفضل حل لطريقة ردودك من نوع تفنجغ وما عارف شنو، هو ان أى كلمة تقولها حترجع ليك بعدد حروفها.. بس أختار أى تعبير تحب ان يعاد اليك .
ونصيحتى ليك أقرأ اسلوب من تحاوره ورد عليه بذات الأسلوب.. مهما أختلفت معه فى الفكر والسياسة. نصيحة فى الهواء واللا مسكتها أو تركتها تفوت.
|
Post: #16
Title: Re: شاهدوا مسرحية إنهيار دولة السودان
Author: اخلاص عبدالرحمن المشرف
Date: 04-19-2021, 05:13 PM
Parent: #15
كباشي اسوأ الجميع يا منتصر.
الانقاذ وصلت نهاياتها والكل عارف
الطبخة كثرت فيها الايادي نعم
الا ان الفاعل الاساسي هو الشعب وحتمية
السقوط وضحت ، البشير لعب اخر كرت
وغير داعمينه وذهب لمعسكر اخر ودي غلطة عمره
|
Post: #17
Title: Re: شاهدوا مسرحية إنهيار دولة السودان
Author: Abureesh
Date: 04-19-2021, 10:18 PM
Parent: #16
Quote: البشير لعب اخر كرت
وغير داعمينه وذهب لمعسكر اخر ودي غلطة عمره |
أتفق معك يا دكتورة.. زيارته لروسيا وطلب الحماية من أمريكا جابت خبره.. بدأ يلعب فى ميدان الفيلـة.. داسوه.
|
Post: #18
Title: Re: شاهدوا مسرحية إنهيار دولة السودان
Author: adil amin
Date: 04-20-2021, 04:27 AM
Parent: #17
يوجد مشروعين علي مستوي عالمي
صدام الحضارات امريكا الغرب اسرائيل منافقين العرب والخليج المجرمة
طريق الحرير ...حزام واحد طريق واحد الصين ودول بريكس والامم الحرة الصاعدة
الناس الجو مسكو الفترة الانتقالية ادوات للمشروع الامريكي والاسرائيلي المفضوح والمدمر
تقول لي امريكا كويسة واسرائيل كويسة ليه ؟؟؟
انا عارف هوتي وبرنامجي واتجاهي وموقفي ثابت ومستمر ومن محل وقف جون قرنق ومنصور خالد
بلدي دولة وحضارة ورسالة وقبل الكعوك ديل يقعدو في راس الشباب حددت المحاور والدول المفروض تتعامل معها ثورة الشباب
وهسة انا نسقت ليك المحاور في اول مداخلة
وزعلتك البردعة وخليت الحمار
الاجدى والاهم والافيد للشعب السوداني يا ادوات الزمن الضجر
المحكمةالدستورية
المراجع العام
الجنسية الخضراء
الاقاليم الخمسة
الانتخابات الاقليمية ثم المركزية ثم الراسية باسس جديدة
التكامل مع دولة جنوب السودان
الشراكة مع الصين للتنمية الجبارة والمشاريع الكبري من سكة حديد وغيره
نقطة سطر جديد
الامر ما شخصي....
الفلاشا لو واعين ارض الميعاد هي كوش السودان الكبير دول الايقاد والحزام المدراي وليس ارض كنعان واسرائيل المزيفة
|
|