Post: #2
Title: Re: هع اب دربين
Author: صديق مهدى على
Date: 04-16-2021, 05:59 AM
Parent: #1
اب دربين شيال التقيلة
راجل بيت وراجل قبيلة
ما بهمو القال والقيلة
ولا فكر ضارباهو الحيرة
ولا يحمل افكار دخيلة
افكاره محلية اصيلة
|
Post: #3
Title: Re: هع اب دربين
Author: صديق مهدى على
Date: 04-16-2021, 06:05 AM
Parent: #2
اب دربين دا حزب الامة
من قام لا خان وطن
ولا ضرب زخيرة
يسلم حزب الامة
كوادر وقيادة
ودائما شعبيته كبيرة
|
Post: #4
Title: Re: هع اب دربين
Author: صديق مهدى على
Date: 04-16-2021, 06:11 AM
Parent: #3
دا الحزب الماسك الزمام
دائما برمى لقدام
برنامجه تمام
هاكم ليهو فى خمسة نقاط:-
اسلامى بلا جمود
تقدمى بلا الحاد
افريقى باللون والسلالية
عربى بلا عنصرية
وطنى بلا انغلاق
اها فى واحد عنده كلام
|
Post: #5
Title: Re: هع اب دربين
Author: خضر الطيب
Date: 04-16-2021, 06:41 AM
Parent: #4
Quote: اب دربين دا حزب الامة
من قام لا خان وطن
ولا ضرب زخيرة |
و الدخل المرتزقة سنة 1976 لأمدرمان ,ديل كانو منو يا صديق؟
|
Post: #6
Title: Re: هع اب دربين
Author: adil amin
Date: 04-16-2021, 08:22 AM
Parent: #5
| Quote: و الدخل المرتزقة سنة 1976 لأمدرمان ,ديل كانو منو يا صديق؟ |
شوف بتاع طلائع مايو لسه بسميهم مرتزقة .....
ديل انصار وكيزان وجماعة الهندي كلهم كانو سودانيين وقائد العملية محمد نور سعد ضابط نظيف جدا في الجيش السوداني الاصلي
جنسيتو خضرا...
صحح المعلومة دي اول حاجة
لكن \مع ذلك كمان صديق كراع ديك طلسك فالصو
حزب الامة نسخة الصادق المهدي نسخة مضروبة بي فيروس الاخوان المسلمين من زمن اتشعبطو الترابي نجم اكتوبر المزيف
بالمصاهرات ولوث الحزب وطرد مؤسسنه الصادق المهدي واضحي اول كوز يجندو الترابي في حزب الامة
وحزب الامة الجدير يالتمجيد هو حزب الامة جناح السيد الهادي المهدي الذي قتلته حثالة مايو وخدم المخابرات المصرية وانتهت 1970
تماما وتوفي ايضا الحزب الشيوعي السوداني بعده بي سنة بنفس الطريقة عبدالخالق محجوب والشفيع احمد الشيخ
وهسة البحكموك الزلام المخابرات المصرية ايتام بابكر عوض الله وايتام الترابي عفن الماسونية العالمية
والسودان بلا هوية وبلا سيادة
خضر البطة وصديق كراع الديك
وجهين لعملة واحدة
والله لماكم يا المتعوس وخايب الرجا
عشان اعمل فيكم دبل كيك ذى ده
بالله قاعدين كلكم في قحت وتترافسو لي شنو
كلكم تحت جذم المخابرات المصرية وكمان براعم الخليج بن سلمان وبن زايد جيل النيدو و البامبرز ديل
وحايمين معاهم بلا سروال وتهرولو ليهم بي سبب وبلا سبب
تفرسو في شنو
الغزالة الفوق في السلم بس
الختمية سفينة نوح ونسحة جعفوري والحركة الشعبية جناح الحلو وعبدالواحد نور والجمهوريين ايضا
|
|