تحية محبة وود خالص الى المدينة الوادعة واهلها الكرام. (بحري) مرتع الصبا وجميل الذكريات.
كرهتونا ام درمان ام درمان..كلامكم ده تقولو ليهو لي ناس ماعندهم شعيرية.
بوست بعيد جدا عن التوتر.
Post: #2 Title: Re: كرهتونا ام درمان ام درمان.. التحية ليandquot; ب� Author: الشيخ سيد أحمد Date: 04-15-2021, 07:12 PM Parent: #1
يعني اذا الامام المهدي جا داخل بي خط الشرق وعبر من المتمة وفات بي شندي ووصلنا هنا في (بحري) كان هسه تغنو ظلموه.. الحاجة البترفع الضغط كل يوم جايبين ليهم زول في برنامج وكاتبين جنب اسمو (الباحث في التراث)..الغريبة التراث ده ياهو اغاني الحقيبة (اغنية ام درمان) ما عارف باقي (التراثات) "جفلن" وين ؟؟ ام درمان السودان المصغر ..ام درمان اغنية الحقيبة..ام درمان شنو ما عارف ..هريتونا هري... هسه اكلم (بكري اب صلعة) ونقوم نشيل (كورتنا) ونمشي نلعب في (بحري) وتاني تشوفو ليكم تختة تنشسنو عليها :) كرهتونا ام درمان ام درمان. النوريكم ( بحري الجمال) فيها شنو يا ناس ام درمان. بوست بعيد جدا عن التوتر ..يمنع منع باتآ اي تشجنات ..اذا رمضانك دخل الشريان التاجي والوريد الاوسط ... ننصحك بالتداخل بعد تشرب كباية القهوة وتدخن سيجارة الفطور.
Post: #3 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 07:17 PM Parent: #2
من الشخ (حمد ود ام مريوم) و الشيخ (خوجلي) لغاية الكدرو ..ولغاية الجيلي في رواية (اولاد شمبات) على امتداد هذا البراح يوجد جمال متفرد في كل المجالات. وماتنسو شرق النيل لغاية العيلفون و (ود اب صالح) و(ام ضوآ بان )برضو (خراجهم) يصب في بيتنا :)
Post: #4 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 07:20 PM Parent: #3
تميزت ام درمان بالمنابر الإعلامية لذلك كانت القبلة للعرض. طيب اذا مافي تلفزيون ولا اذاعة في امدرمان كيف كان ح يكون الوضع. كدي اتخيلو المنابر كانت في بحري ولا الخرطوم... كنا ح نجي ماشين في ام در (مارش).
Post: #5 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 07:30 PM Parent: #4
المشوار بعد الافطار من (الشعبية) لغاية صينية المظلات وعبور كوبري شمبات حتى اطراف الملازمين ومن ثم العودة وتناول (آيسكريم) في بقالة (عادل) ... طبعا يا ناس ام درمان بقالة (عادل ) تعتبر اخر نقطة في مشوارك نحو كوبري شمبات موقع عجيب والاعجب منو الىيسكريم والشاورمة ...مشوار محفز لمواصلة الصيام في اليوم التالي. المشوار ليس حكرآ على الشباب , هناك (بنوت) وكبار السن وزرافات ووحدانا من (المتوشورين). الوصفة في الحوار الدائر بين المجموعة ..والسر في (النسيم الفايح) وضارب ليك وشك و (عنقرتك). ياخي انا لمن ادخل حتة (الطيب سيد مكي) "ان شاء الله يكون الاسم صاح " بحس بي انو (مخنوق) عديل كده..ما عارف ناس بحري ليه ما انتدبو مهندسين لي ام درمان عشان خنقة البنيان دي :) دي لمحة بس وجاييكم لي باقي الحاجات اللذيذة في بحري.
Post: #6 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 07:41 PM Parent: #5
بمناسبة الايسكريم والشاورمة والحاجات المرتبطة بالاكل والشراب ومع شهر الصوم واحساس الجوع. نجد ان حبيبنا (بكري اب صلعة) يتفوق من ناحية (الكوارع:) ..يعتبر (اب صلعة) في الحلفايا امهر من يزبط كوارع ..حاجة ممكن تخلي اي زول يعمل حميل من مشوارو بعد يضرب الشوربات التقيلة. تعتبر لوكاندة (هافانا) لصاحبها همنا (الرشيد) في سوق بحري محطة فارقة لكل محبي (الشاي بالحليب) واحدة من اشهى اكواب الشاي بالحليب التي يمكن ان تتناولها في حياتك ويقبع بجانبها صحن من (اللقيمات) ياخي حاجة سمبتيك لي درجة...بالمناسبة السوق ده قريب لبيت ناس (عماد احمد) ملك التوثيق في الموقع. سمر السياحية لصاحبها المرحوم (عثمان احمد عمر) شارع البلدية بحري ..برضو حاجه بتاعة (مدن) ايسكريم وباسطة وكده...واكتر حاجه كانت عاجباني اللون البمبي :) بمناسبة الباسطة يا ناس ام درمان..اعترف ليكم بي باسطة (شريف) حاجة تفوق الوصف في الطعم واللذة.
بحري مدينة مكتملة الاوصاف.
Post: #7 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 08:57 PM Parent: #6
سوق_سعد قشرة.. واحد من الاسواق العريقة في بحري...كانت اكشاك من (الزنكي) ..لكن اتعرض لي حريق قضى على الزنكي وما يحويه من بضائع .فتم بناؤه من الطوب في فترة الثمانينيات. السوق يشكل لوحة استعراضية لاصناف مختلفة ..يعني مثلآ (كاميليو) امهر (ترزي بناطلين وقمصان) ..وعشان تفصل ليك بنطلون روعة مفروض اول حاجة تمشي سوق بحري الكبير لي (الحاج ياسين) رحمة الله عليه..اقمشة الحاج ياسين من انجلترا مباشرة والى بحري (حصريآ)..ناس الاذاعة والتلفزيون اظنهم كانو يجوا يتسوقوا من الحاج ياسين ويفصلو عند كاميليو:)...غير الكتير من المحلات من اولاد علوب واولاد باعو ..اللقطة هنا في المشوار نحو السوق والشلة والونسة والمواضيع المطروحة..طبعا المشوار كداري..يعني من النادر تركب مواصلات لأنو زي ماقلنا انو الزيت في المشوار.لانكم تمر بمواقع كان يسكنها ابو داؤود وسليمان فارس وشيخ ادريس كباشي. بالله شوفوا الاسم (سعد قشرة) وشوفوا اسواق ام درمان _سوق الجلود وسوق العناقريب _معقول يا جماعة عناقريب في وسط المدينة خخخخخ. ده انا لسه ما شربت حلو مر وبديت ليكم في ناس الكفر والوتر. بحري المدينة المظلومة . كسرة: حد يصحي عماد احمد يا جماعة
Post: #8 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 09:08 PM Parent: #7
لمن نفتح صندوق الفنزن في بحري..كأنو الزول فتح (سحارة) حبوبتو.. كمية من المطايب الشجية..ما ح تشعر بي اي فرق في الاستعراض.. بحري مدينة تشكلها الفنون... تخيلو في مساحة لا تتجاوز ال6 كيلو متر يكون متواجد فيها : ابو داؤوود والكابلي وخضر بشير وصلاح بن البادية و ايوب فارس والحوت (محمود عبدالعزيز) و محمد ميرغني وثنائي العاصمة..وفي نفس المساحة يكون متواجد عزالدين الصبابي وصلاح شكوكو وشيخ ادريس كباشي وعبدو الشيخ وسليمان فارس وياسر ابوورقة ونادر منصور وعاطف منصور وعلاء الدين والثعلب وجمال كدوس وحمد كمال وهيثم مصطفى وفيصل عجب. ياخي دي وزارة الثقافة ووزارة الشباب والرياضة عديل كده :) السحارة دي لمن نفتحا ح تفوح روائع وابداعات كتيرة...
Post: #9 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-15-2021, 09:26 PM Parent: #8
قوم لف بلا بحري معاك .... قال بحري قال ...
Post: #10 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 09:38 PM Parent: #9
Quote: قوم لف بلا بحري معاك .... قال بحري قال ...
هههههههههههه
واالله يا ابوحسين .. قبل كم سنه كنت في الشهداء لقيت لي شارع ومسكت ليك الشارع نظام انو اعمل Short cut تابعت ليك الشارع وماشي بعد شوية لقيت الشارع مقفول .. تخيل بيت عديل قافل الشارع. معقول يا جماعة..انتو مهندسين بحري ماجوكم بي هناك :)
Post: #11 Title: Re: كرهتونا ام درمان ام درمان.. التحية ليandquot; � Author: muntasir Date: 04-15-2021, 09:39 PM Parent: #9
ده شنو بوست الخيال العلمي ده كله كدي إتخيلوا كدي إتخيلوا 😂
Post: #12 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 09:47 PM Parent: #11
الله يحييك يا منتصر.
لازم الموسيقى التصويرية الصامتة لزوم الآكشن وكده.
كدي انت اتخيل معاي انو في وسط المدينة في سوق اسمو سوق العناقريب:) كلما اتذكر اسم السوق يتمارى لي فيلم همام في امستردام. بحري كلها فيها عنقريب واحد عند ناس حبيبنا (بكري اب صلعة) في الحلفايا العنقريب خاص ب (عبدالله جماع)...(عمارة دنقس) شال عنقريبو معاهو:)
Post: #13 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-15-2021, 10:34 PM Parent: #12
Quote: بحري كلها فيها عنقريب واحد عند ناس حبيبنا (بكري اب صلعة) في الحلفايا
زمن العناقريب ناس بحري ديل لسه ما جو من الضهاري .... 😂😂 و في مقولة بتقول ناس بحري بجو مملحين في القطر و بنطو في بحري هربا من الشرطة في الخرطوم و طاب ليهم المقام فيها ... حبيبك اب صلعة بكون واحد منهم زول قديم شديد .... 😂😂😂
Post: #14 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 10:53 PM Parent: #13
Quote: زمن العناقريب ناس بحري ديل لسه ما جو من الضهاري .... 😂😂 و في مقولة بتقول ناس بحري بجو مملحين في القطر و بنطو في بحري هربا من الشرطة في الخرطوم و طاب ليهم المقام فيها ...
ياخي على الاقل نحن عندنا قطر..ام درمان دي بي الهري الهاريننا ليهو لافيها قطر ولا فيها مطار. غايتو جبارتكم بقت بي الاذاعة والتلفزيون 😂😂😂 عليك الله يا ابوحسين شفت الجماعة البقولو عليهم باحث في التراث..ياخي في بحري ممكن تلقى ليك زول قاعد في (هافانا) ولا مستمتع في (ميدان عقرب ) بدوري التالتة ..ممكن يسرح ليك بي مذيع اي برنامج ويحكي ليك قصص تختو ليك في مقام( الفاضل سعيد)
Quote: حبيبك اب صلعة بكون واحد منهم زول قديم شديد .... 😂😂😂
عشان كده اديتكم لمحة من التاريخ و مملكة الفونج (عمارة دنقس وعبدالله جماع).
غايتو اذا عملنا اذاعة اوتلفزيون في بحري ..تاني (هلال مريخ) الا تشحنوها ديلفري 😂😂😂😂😂😂
Post: #15 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-15-2021, 11:04 PM Parent: #14
بالمناسبة يا ابوحسين انا لي كم سنة في البورض..يوم واحد بكري اب صلعه ما حصل (شعلق) لي بوست فوق محل الحاجات القاعد تبقبق ديك..فوق في واحده سمحة كده طوالي قاعد تجي ناطة ..والغريبة طوالي مبتسمة وفرحانه ماعارف صرفت صرفتا ولا اخدت تطعيم الكرونا😂. هسه باقي ليك بوستيني ده ممكن يتشعلق فوق...كدي عليك الله اتوسط لي عند بكري عايز اشوف احساس الزول وهو مشعلق بوست فوق.يمكن ياخي يفجر طاقات ابداعية انا ماعارفا😂.باقي بحري فيها طاقات ابداع وطاقات قماش وطاقات بيوت😂 بكري ما يكون غتيت ويشعلق لي البوست وكت اكون نايم 😂😂😂😂😂😂😂.
Post: #16 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-15-2021, 11:18 PM Parent: #15
Quote: هسه باقي ليك بوستيني ده ممكن يتشعلق فوق...كدي عليك الله اتوسط لي عند بكري عايز اشوف احساس الزول وهو مشعلق بوست فوق.يمكن ياخي يفجر طاقات ابداعية انا ماعارفا😂.باقي بحري فيها طاقات ابداع وطاقات قماش وطاقات بيوت😂 بكري ما يكون غتيت ويشعلق لي البوست وكت اكون نايم 😂😂😂😂😂😂😂.
كان طلبت منو طلب زي دا بشعلقك إنت من كرعينك Up side down
Post: #17 Title: Re: كرهتونا ام درمان ام درمان.. التحية ليandquot; � Author: Abureesh Date: 04-16-2021, 01:14 AM Parent: #16
سلام الشيخ وشكرا على البوست الرمضانى. بوست حلو مر..
أول مرة أجى الخرطوم من الضهارى سكنت فى بحرى فى حي المزاد، مع اتنين من أبناء عمى، واحد كان شغال فى وزارة المالية والتانى فى بوليس الحركة (سميا لاحقا شرطة المرور) وفى العصرية أمشى السوق اللى فى إتجاه النيل.. سوق كبير فيه قهاوى ومحلات.. الشوب بتاع اللبن الصافى organic وسكر زيادة لمن يعمل ليك عشراقة.. كان بشلن. ووجهاء المدينة بالجلاليب التترون الناصعة البياض، قاعدين فى القهاوى يشربوا الشاى والقهوة.. أتذكر يوم جات واحدة من الضهارى برضو، لابسة من دون هدوم خالص.. ولا صفقة أمنا حوة.. تلف على الجالسين وتقول إينعل دين أرب (دين العرب).. زول قال ليها عينك فى رأسك مافى بل أكرموها وواحد قعدها وطلب ليها حاجة.. بحالتها تلك.. المجتمع السودانى كان متسامح بصورة لا تصدق
Post: #18 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-16-2021, 01:45 AM Parent: #17
انت يا الشيخ سيد احمد .. هسي ده بوست احتفالي بي بحري و لا اغتيالي لامدرمان ههههههه
ما تخليك في بحريك .. و جيب لينا منها ما يدفعنا لعشقها !!
Post: #19 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-16-2021, 01:47 AM Parent: #18
انا ام درمان ..
Post: #20 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-16-2021, 05:34 AM Parent: #19
انا عارف؟؟ !!!!!
Post: #21 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-16-2021, 07:56 AM Parent: #20
Quote: انا عارف؟؟ !!!!!
انت ياتو يوم كنت عارف ... ؟؟؟ فترنا نعلم فيك و نوعي فيك و نثقف فيك و بدون اي فايدة ....
Post: #22 Title: Re: كرهتونا ام درمان ام درمان.. التحية ليandquot; � Author: adil amin Date: 04-16-2021, 09:32 AM Parent: #21
بلد اب صلعة بكري اسما حلفاية الملوك يا الشيخ ورمضان كريم يا رجرجة ام درمان الملوك سكنو بحري والرجرجة سكنو ام درمان جماهير الهلال وحزب الامة وجهين لعملة واحدة نحن بس التحرير وسكسك وميدان عقرب وقررط علي كده ده كلو كوم والدناقلة شمال كوم عبدالعزيز داؤد سكن الدناقلة شمال يا وهم مش قلنا ليكم بحري بلد ملوك
البغيظ الاغنية دي ما لقيتا غير في فضائية ام درمان سيك سيك معلق فيك يحلنا الحلا بله من ناس قبة ديل
Post: #23 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-16-2021, 12:09 PM Parent: #22
الحمد لله جقود طلع بحراوي ..... 😂😂😂😂 ضيف عليه توفيق تبقى آآآخر اليسطة ..... مبروكين عليكم 😂😂😂😂😂😂😂😂😂😂
Post: #24 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-16-2021, 12:26 PM Parent: #23
Quote: لمن نفتح صندوق الفنزن في بحري..كأنو الزول فتح (سحارة) حبوبتو.. كمية من المطايب الشجية..ما ح تشعر بي اي فرق في الاستعراض.. بحري مدينة تشكلها الفنون... تخيلو في مساحة لا تتجاوز ال6 كيلو متر يكون متواجد فيها : ابو داؤوود والكابلي وخضر بشير وصلاح بن البادية و ايوب فارس والحوت (محمود عبدالعزيز) و محمد ميرغني وثنائي العاصمة..وفي نفس المساحة يكون متواجد عزالدين الصبابي وصلاح شكوكو وشيخ ادريس كباشي وعبدو الشيخ وسليمان فارس وياسر ابوورقة ونادر منصور وعاطف منصور وعلاء الدين والثعلب وجمال كدوس وحمد كمال وهيثم مصطفى وفيصل عجب. ياخي دي وزارة الثقافة ووزارة الشباب والرياضة عديل كده :) السحارة دي لمن نفتحا ح تفوح روائع وابداعات كتيرة...
حاجاتك دي كوووووووولها في بلوك واحد من حي العرب بتلقى اكتر و اجود منها ... قوم لف بلا بحري بلا (كرتي) معاك .... 😂😂😂😂😂
Post: #25 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 02:07 PM Parent: #24
Quote: كان طلبت منو طلب زي دا بشعلقك إنت من كرعينك Up side down
اليشعلقني من صنقوعي ده ماعندي مشكلة..بس النشوف احساس الزول العندو بوست مشعلق فوق في راس المنبر يكون كيف. انا مع انو لي زمن في الحوش ده لكن لغاية هسه ماعارف معيار الشعلقة شنو:)
Post: #26 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 02:31 PM Parent: #25
Quote: سلام الشيخ وشكرا على البوست الرمضانى. بوست حلو مر..
أول مرة أجى الخرطوم من الضهارى سكنت فى بحرى فى حي المزاد، مع اتنين من أبناء عمى، واحد كان شغال فى وزارة المالية والتانى فى بوليس الحركة (سميا لاحقا شرطة المرور) وفى العصرية أمشى السوق اللى فى إتجاه النيل.. سوق كبير فيه قهاوى ومحلات.. الشوب بتاع اللبن الصافى organic وسكر زيادة لمن يعمل ليك عشراقة.. كان بشلن. ووجهاء المدينة بالجلاليب التترون الناصعة البياض، قاعدين فى القهاوى يشربوا الشاى والقهوة.. أتذكر يوم جات واحدة من الضهارى برضو، لابسة من دون هدوم خالص.. ولا صفقة أمنا حوة.. تلف على الجالسين وتقول إينعل دين أرب (دين العرب).. زول قال ليها عينك فى رأسك مافى بل أكرموها وواحد قعدها وطلب ليها حاجة.. بحالتها تلك.. المجتمع السودانى كان متسامح بصورة لا تصدق
عليكم السلام ورحمة الله ابوريش
الله يحييك ...قباني وابو حسين كرهونا البلي ...شابكننا ام درمان ام درمان.. قلنا نديهم لمحة من (بحري) الحنينة.
طيب يا ابو ريش..بالنسبة لي السوق على النيل القلتو ده...انت تكون قاصد سوق (السيد علي الميرغني) في آخر محطة للحافلات في (الشعبية) وبالتحديد تكون قاصد كاقتريا (شهيرة)...فعلا عندهم فول وشية وحليب زي الورد. بالله انت كنت بتنزل في المزاد _ معناها شفت (سلوى بوتيك) جنب استوب المؤسسة وفي المقابل بقالة (نعمة)..بالله شفت الاسماء كيف _بوتيك وبقالة وكافتريا..مش (عناقريب وجلود) :)
مشيت لي بورتسودان بداية الالفينات يا ابوريش...الشباب عزموني حاجة اسمها (مخبازة) روووووعة لدرجة...ادمنت الموضوع وبقيت امشي قبالهم لي محل المخبازة:) لمن جيت رجعت الخرطوم كلمت الشباب واضفيت على القصة عناصر تشويق _للاسف ماعرفت الخلطة والجلطة ومن الوكت داك مشتهي لي مخبازة.
يا ابو ريش في بحري حتى البوش عندنا ليه اماكن مميزة (البوش_فتة الفول)..لكن اذا من هواة الفول ...تمشي الختمية عند عمك (سليمان) فول لا يعلى عليه. واذا من هواة العصير...تمشي بي شارع المزاد وتنزل قصاد سوق الخضار _على يدك الشمال تلقى (كشك) بتاع عصير اسمو (كشك صلاح)..يا ابوريش ده عصير يدوك ليهو في (كوز) حاجة مهما اوصفها ليك مابتتخيل كيف روعتها...ماعندو كبايات (كوز ماكن ) اوعك تشرب منو قبل الفطور :) بالنسبة لي (العرديب) فيعتبر عمك (علي) في المحطة الوسطى بحري متخصص في هذا الصنف ..العرديب عندو رغوة يا ابوريش. اما اذا كنت من هواة الطعمية..ممكن تمشي في اخر شارع المزاد _قريب من الوطنية في (كشك) بيعمل طعمية_ قطر الدائرة حقها بنفس حجم البيرقر. تاكد انو ما ح تأكل طعمية زي دي. بحري لذيذة يا ابو ريش_تقول لي جلود وعناقريب:)
كسرة: عاصم علي مطلوب حضورك :)
Post: #27 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 02:44 PM Parent: #26
Quote: انت يا الشيخ سيد احمد .. هسي ده بوست احتفالي بي بحري و لا اغتيالي لامدرمان ههههههه
ما تخليك في بحريك .. و جيب لينا منها ما يدفعنا لعشقها !!
قباني يا قلب.
شبكتونا ام درمان ام درمان لمن نسيتونا الكربونات والباكنبودر زاتو:) عليك الله يا قبة شفت النسيم البيضربك وانت نازل من كوبري شمبات وانت داخل على بحري..ياخي حتى النسيم في بحري عندو نكهة. ام درمان دي انا برسم خرطتي على بيت (الازهري)..يعني اذا كتلت لي منو ملف بكون رحت عديل كده. واذا كنت جايي بالخرطوم برسم الخرطة بي عمك (السكي) في الموردة_ وفي شارع الاربعين برسم بي صينية المسلة. واذا ماشي على السوق الشعبي برسم بي استاد المريخ ..دي المعالم حقتي ...غير كده بكون طاشي عديل كده. ياقبة في زول اسمو (شريف) الزول ده بيعمل (باسطة) حاجة اصلو ما ممكن تتخيل كيف _رووووعة.خليكم متأكدين انو الزول ده اذا انتدبناهو في بحري تاني الا تشوفو ليكم حلاوة شعيرية تطعمو بيها خشومكم. انا غايتو ما عارف انت تكون بتعرف الزول ده ولا لا - قالو انت وابوحسين تحت تحت كده كنتو مع الازهري في رفع العلم :)
Post: #28 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 03:04 PM Parent: #27
Quote: انا ام درمان ..
قباني نحن ماعندنا كلام في الغنا السمح ده . بالله زينب الحويرص دي جبتها من وين- غايتو انت زول مسلط خلاص:) زمان كان عندها غنية كده قابضة الجو- كدي حاول اتذكر معاي وشوف الغنية كانت شنو.
تعرف يا قبة- لمن تمشي شمبات (المرسى) وتعاين كده لي ابروف وسوق الشجرة ووداللدر..بتذكر (الكتيابي و مصطفى سيدأحمد) واغنية (لمحتك)-يقال انو الكتيابي كتب القصيدة في احدى الحسان وكانت تقف على (القيفة-الشط) ..الحسناء كانت في المرسى (شمبات) والكتيابي في محل الزحمة والجوطة والكركبة الفي سوق ابروف:) واظنو بعداك ركب المركب في محاولة يائسة للحاق بها وتبيان تفاصيل شكلها. ولغاية هسه انا ما عارف انو لحق بيها ولا ما لحق...ان شاء الله يكون ما لحق بيها- هسه كان جانا وجاب عقابو معاهو وزحمو لينا المكان:) الزيت هنا يا قبة انو مخيلة الشعر والجمال مرتبطة بي (بحري)
هاك الاهداء ده...فتشتها بالعود لأنو فيها مزمزة لذيذة لكن ما لقيتها..جبتها ليكم بالفرقة الموسيقية كاملة.
Post: #30 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 03:11 PM Parent: #28
يا جماعة انا فازعكم (فزعة) ده موضوع خارج الاطار البوستاوي:) قباني ابوريش تتوسطو لي عند بكري عايز اشعلق لي بوست فوق محل الزولة السمحة الفوق ديك.
كدي اتشاورو لمن افطر واجيكم صاد ان شاء الله-
حبايبنا أحمد ياسين و عادل امين- الفطو ر على وشك عندنا افطر واجيكم صاد.
Post: #29 Title: Re: كرهتونا ام درمان ام درمان.. التحية ليandquot; � Author: Abureesh Date: 04-16-2021, 03:05 PM Parent: #27
Quote: طيب يا ابو ريش..بالنسبة لي السوق على النيل القلتو ده...انت تكون قاصد سوق (السيد علي الميرغني) في آخر محطة للحافلات في (الشعبية)
مشيت بعيد يا الشيخ.. السوق الأقصده هو كأنك راجع الخرطوم بشارع المزاد.. فى إتجاه الجامعة والفندق لاحقا.. لكن قبل ديل كلهم.. يعنى تمشى بشارع المزاد فى اتجاه الخرطوم وتلف شمال.. بس تلقى السوق.. أقل من 10 دقائق بالرجلين..
Post: #31 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 07:01 PM Parent: #29
Quote: انا عارف؟؟ !!!!!
هههههههه
أحمد ياسين يا زول يا حلو.
انا عارف دي ذكرتني قصة زول صاحبي اسمو (التاج). زول فنان في اي حاجة يلعب الكورة بي فهم واسلوب فيهو فن وزول غناي وبكتب شعر ..لكن مزاجي جدآ :).
يوم قاعدين بنتونس ومعانا مجموعة..قام مسك العود وبدأ يعزف ويغني كان يحب (أبو داؤود ) جدآ..وكالعادة جضم ليك الشغل بي صورة عجيبة أطربنا واطرب الناس القاعدين كلهم. واحد ماعارف طبعتو ..قال ليهو انا عارف لكن..قبل مايتم كلامو قالو ليهو انا زاتي عارف:) قلت ليهو يا التاج اظنك ماخد ليك شاكوش... قال لي- انا الشواكيش الفي راسي ده تفتح ليها مغلق :)
دحين يا احمد يا حبيبنا خليك في عرفتك- واوعك تقول لي ابوحسين عشان ما يقبقبني :)
Post: #32 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 07:23 PM Parent: #31
الله يحييك يا عادل رمضان مبارك عليك ياخي
Quote: بلد اب صلعة بكري اسما حلفاية الملوك يا الشيخ ورمضان كريم يا رجرجة ام درمان الملوك سكنو بحري والرجرجة سكنو ام درمان جماهير الهلال وحزب الامة وجهين لعملة واحدة نحن بس التحرير وسكسك وميدان عقرب وقررط علي كده ده كلو كوم والدناقلة شمال كوم عبدالعزيز داؤد سكن الدناقلة شمال يا وهم مش قلنا ليكم بحري بلد ملوك
هههههههه
اي عليك الله طقطق لي قباني وابوحسين كرهونا البلي زاتو :)
يا سلام على التحرير وايام المدربين - كابتن (علي سعيد) وكابتن (سليمان فارس) والاخوان الزملاء كربوج وموسى عجب وكمال سكر وبقية القعد الفريد. ويا سلام على الدناقلة شمال ومدرسة الدناقلة شمال واساتذتنا الأجلاء. وابو داؤود وأل شرفي وآل الشريف الختمي والسيد احمد الميرغني رحمة الله عليه. وضريح السيد الميرغني. ضريح المراغنة ده كان عندنا حبوبتنا كده..كل يوم جمعه لازم تمشي الضريح وتجي راجعة تغشانا في البيت..بتكون شايلة حاجتين واحده في يدها عباره عن كيس فيهو تراب من الضريح...الحاجة التانية كانت ربطة - حاجة (مكومة) في طرف التوب عبارة عن حلاوة. انا كنت اول ما تناديني ..اجيها ليك وبكتم نفسي لأنو بتشيل من التراب ده وتقع مسوح في وشي..الحاجه دي بتاخد ليها زي نص دقيقة كده. بعداك طوالي تفك الربطة بتاعة التوب وتطلع الحلاوة دي..حلاوة طاعمة لي درجة...الزيت وين يا عادل - كلما كنت صامت وساكت اثناء (جلبطة) الوش بالتراب بتديك حلاوة اكتر :) ياخي رجعتنا لي زمن عجيب. بالله انت اكان زول سمح زي ده - مالك ومال ناس (الخواض) اللي هسه يمسك نخرتو كلما يشرب البيبسي :)
Quote: البغيظ الاغنية دي ما لقيتا غير في فضائية ام درمان سيك سيك معلق فيك يحلنا الحلا بله من ناس قبة ديل
هههههههههه دي الذ لقطة في البوست الى الآن.
Post: #33 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 07:42 PM Parent: #32
Quote: حاجاتك دي كوووووووولها في بلوك واحد من حي العرب بتلقى اكتر و اجود منها ... قوم لف بلا بحري بلا (كرتي) معاك .... 😂😂😂😂😂
بالله شوفو الزول ده. بلوك شنو يا عمك.
انت عارف في دافوري كان معروف في المزاد يوم الجمعة اذا ما خانتني الذاكرة. فريق فيهو (شيخ ادريس) والفريق التاني فيهو (عبدو الشيخ). الدافوري ده ممكن عادي تنسى بتاع اللبن ماتمشي ليهو وتنسى بتاع الفرن وتنسى اي شئ بس عشان تجي تستمتع...دافوري فيهو اي حاجة ممكن يكون فيها سحر في الكورة. لكن ده مش الخلاصة..الخلاصة بتكون في (اللستك) بعد التمرين بين (شيخ ادريس) و (عبدو الشيخ).. بيجيبو ليهم (لستك) بتاع سيارة صغيرة..بيكون في المرمى..(شيخ ادريس) و (عبدو الشيخ) بيكونو في نص الميدان...كل زول بيشوت...بتصدق لو قلت ليك انو يكون كلو واحد فيهم كورتو جلت من اللستك حوالي عشرة مرات..الكلام ده مستمر على مدار سنوات ..ومرات المغرب بيأذن ويكونو متعادلين في النقاط. عمرك شفت حاجة زي دي..سحر راسو عديل .الكورة مش بيلعبوها من نص الميدان بي تحانيس ..شوت بي قوة يعني الوضع التشريحي للاقدام مفروض كانو يجيبوا ليهو دكتور . خليك من ده..انت عارف (سليمان فارس) في نادي التحرير..كان الوقت داك عمره حوالي 60 سنة..كان بيلعب الكورة في ملعب كرة السلة ..يضرب الكورة من الارض تدخل في السلة وترجع وتاني يضرب الكورة وتمشي وتدخل وهكذا لغاية (حمار الوادي يكورك)😂
تقول لي (حي العرب)..عرب شنو مع الفنيات دي 😂
Post: #34 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 07:55 PM Parent: #33
Quote: مشيت بعيد يا الشيخ.. السوق الأقصده هو كأنك راجع الخرطوم بشارع المزاد.. فى إتجاه الجامعة والفندق لاحقا.. لكن قبل ديل كلهم.. يعنى تمشى بشارع المزاد فى اتجاه الخرطوم وتلف شمال.. بس تلقى السوق.. أقل من 10 دقائق بالرجلين..
طيب يا ابوريش نمشي واحدة واحدة. انت متجه من المزاد للخرطوم..ح يكون على شمالك ميدان المولد..وبعد شويه ح يكون يمينك (الديوم) وعلى يسارك (الختمية) ح تمشي طوالي لغاية كشك العصير القلتو ليك ..وتواصل لغاية ماتوصل كشك الطعمية العجيبة على يسارك. اها بعداك الشارع اجباري يمسن او يسار..اذا مشيت يمين بتمسي على حلة حمد وحلة خوجلي. واذا مشيت يسار ج تمشي على الخرطوم. اول ما الحافلة تاخد يسار ح يكون على يمينك سينما (الوطنية) وعلى يسارك في محل باسطة وحليب ..هنا مافي سوق في محلات في البيوت ..انت تكون قاصد زولك المقابل سينما وطنية. يازول المحل ده اسعارو غالية 😂...الحقيقة شارع البلدية او شارع السيد عبدالرحمن ده كلو اسعارو غالية. عليك الله الزول ده عندو حليب خطير؟؟ باللاي شوف الزول ده - ما كان تكلمني 😂. حتى السينما يا ابوريش كنا بنمشيها بالعجلات..لكن لمن نكون راجعين ونوصل (كرش الفيل) كنا بنسكت ومابنتكلم مع بعض وكل واحد بي عجلتو يكون قايم سداري 😂 لغاية مانوصل اطراف الديوم حتى شوية الواحد يشيل نفسو.
Post: #35 Title: Re: كرهتونا ام درمان ام درمان.. التحية ليandquot; � Author: Abureesh Date: 04-16-2021, 09:04 PM Parent: #34
يا الشيخ كانت غلطة مطبعية.. اقصد تلف يمين ما يسار. يا زول انت بصحك تسألني عن كشك ومحل اسكريم .. لبلد اخر عهدى بيها كان سنة 1969؟ بإختصار كدا سوق المزاد لو كان دا اسمه.
Post: #36 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 09:34 PM Parent: #35
Quote: يا الشيخ كانت غلطة مطبعية.. اقصد تلف يمين ما يسار. يا زول انت بصحك تسألني عن كشك ومحل اسكريم .. لبلد اخر عهدى بيها كان سنة 1969؟ بإختصار كدا سوق المزاد لو كان دا اسمه.
هههههههه
مع انو سنة 1969 لم نولد بعد على هذه البسيطة لكن نشأنا في عهد (نميري)..وشفنا قماش (التريفيرا) وبطلون (الشارلستون)- تصدق يا ابوالريش كان عندي بنطلون (شارلستون) لونو اصفر :) تخيل زول ملبسنو بنطلون لون اصفر - عليك الله دي (أناقة ) ولا عقاب :) الواحد بتذكر من حاجات الطفولة في بحري - تدريب عساكر المظلات..يكونو (جاكين) من المظلات ويوصلو شارع المدارس حوالي 7 صباحآ..جاكين وعاملين جلالة (اناشيد الجيش) ومرات غنى راسو عديل. بتذكر من الاغاني: يا رمزة يلا يا رمزة - ده الديسكو الجنن الطلبة ( او حاجة زي دي ) ياخي زمن واحد وايقاع واحد ولبس واحد - حاجة روعه - الناس كلها رجال ونساء يطلعوا عشان يتفرجو.
تقول لي عناقريب قباني وابوحسين:)
Post: #37 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-16-2021, 09:48 PM Parent: #36
Quote: كان عندي بنطلون (شارلستون) لونو اصفر :)
عندك ظار ... ؟؟؟ 😂😂😂😂 عليك دينك لبست بنطلون شارلستون اصفر و جايي تقول لي كرهتونا ام درمان ... ؟؟؟
Post: #38 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 10:10 PM Parent: #37
ههههههههه بالله ماقريت (ملبسنو)..يعني مش لابس براهو. لكن الحكمة في انو حتى ناس بحري الكبار كانو مع الموضه. شوف الشغل ده:
https://top4top.io/
عليك الله سوق العناقريب الوقت داك كان فيهو بنطلون سااااي - خليك من شارلستون. الناس الفوق ديل (فرقة اسمها البوني إم)..ناس ام درمان يكونو الوقت داك ماسكين ايهم (شناط) بتاع عنقريب 😂😂😂😂 مع الموضه ياخي - حتى كبار السن يلبسو اولادهم مع الموضه. قال عناقريب قال 😂😂😂😂
Post: #39 Title: Re: كرهتونا ام درمان ام درمان.. التحية ليandquot; � Author: Salah Zubeir Date: 04-16-2021, 10:43 PM Parent: #36
الشيخ والضيوف سلام ورمضانكم صحة وعافية إن شاء الله ... آل كلاكله آل ... دا المصري وهو بنزل في جك الفول بالحبل من شقتو ٦ صباحا لي بتاع الفول تحت البناية في القاهرة .. المصري عاش ٦ شهور في الكلالة وضارباهو الجوعه يوميا لأنو قدرة فولنا ما بفتحوها إلا بعد ٩ صباحا ... آل امدرمان آل ... بالمختصر امدرمان دي بيوديني ليها الشديد القوي ... ومؤقتا كدا مش حا أنداح النشوف بتاع الملجا حا يوصلنا وين ... يا الشيخ السوق الذي يقصده ابوالريش هو سوق الختمية هم صفين من الدكاكين ٤ او ٥ دكاكين في كل صف فاتحين في بعض ... وانتا جاي من المزاد وبعد ما تفوت الخور الكبير الفاصل بين الختمية وكرش الفيل وشاقي الديوم أظن هنالك مسجد وبعديهو نادي الأمير ثم يوجد هذا السوق خلف دكاكين المغالق التي بنيت حديثا ... يعني لو اتحركت من المزاد بتكون في السوق دا في أقل من عشرة دقايق مشيا زي ما قال ابوالريش ...
Post: #40 Title: Re: كرهتونا ام درمان ام درمان.. التحية ليandquot; � Author: muntasir Date: 04-16-2021, 11:24 PM Parent: #39
يا عمو صلاح الوقت البوصف فيه أبوالريش ده الزمن داك الشيخ سيداحمد ما أندلى من مقاشي ما تشوفوا عامل فيها حاج الصافي التقول أنصار سنة وصفه كله باسطة وبسبوسة لا خلى شريف لا الطيب سيد مكي 😂
Post: #41 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-16-2021, 11:27 PM Parent: #39
ابو حسين قال' (انت ياتو يوم كنت عارف ... ؟؟؟ فترنا نعلم فيك و نوعي فيك و نثقف فيك و بدون اي فايدة) -؛؛ اهههههه...اها بالخبرة كدة..ابو حسين دا جموعي
Post: #42 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 11:29 PM Parent: #39
Quote: الشيخ والضيوف سلام ورمضانكم صحة وعافية إن شاء الله ...
بالله شوف الزول ده :) يا صلاح -بالله انداح وقشة ماتعتر ليك. الناس ديل من امبارح شغالين لي مقصات (قباني وابو حسين) :) انا لسه مافتحت ليهم فيديو و استريو سارة وتسجيلات استريو (يامن) وما اخدتهم (الوابورات) و ركبتهم البص النهري:). ياخي انا كان جبتهم شارع المدارس واخدتهم من عمارة طلب ومشيت بيهم عبر مدرسة الشهداء والصبابي و الاميرية لغاية ما اوصلهم مدرسة (عشمانة) متاكد انهم وهم راجعين ح يسالو من بيت للإيجار:)
قال سوق العناقريب قال :)
Quote: يا الشيخ السوق الذي يقصده ابوالريش هو سوق الختمية هم صفين من الدكاكين ٤ او ٥ دكاكين في كل صف فاتحين في بعض ... وانتا جاي من المزاد وبعد ما تفوت الخور الكبير الفاصل بين الختمية وكرش الفيل وشاقي الديوم أظن هنالك مسجد وبعديهو نادي الأمير ثم يوجد هذا السوق خلف دكاكين المغالق التي بنيت حديثا ... يعني لو اتحركت من المزاد بتكون في السوق دا في أقل من عشرة دقايق مشيا زي ما قال ابوالريش ...
تمام - كده وقعت لي تب.
Post: #43 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-16-2021, 11:37 PM Parent: #42
Quote: يا عمو صلاح الوقت البوصف فيه أبوالريش ده الزمن داك الشيخ سيداحمد ما أندلى من مقاشي ما تشوفوا عامل فيها حاج الصافي التقول أنصار سنة وصفه كله باسطة وبسبوسة لا خلى شريف لا الطيب سيد مكي 😂
هههههههههههههههههههه يا منتصر انت زول مجنون راسو عديل 😂😂😂
عليك الله احسن ليك استعرض ليك المطايب ولا اتكلم ليك عن العناقريب😂
ياخي ضحكتني ضحك -الله يسعدك يا منتصر.
Post: #44 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-16-2021, 11:42 PM Parent: #42
نرجع لى بحري ابوداؤد وكابلي غنوا (اجري يا نيل الحياة) من فوق خشبة المسرح صوتين ..باص وبارتون باص .... بعد انتهاء الاغنية وقف الجمهور لهما يصفق طويلا... وبعد انتهاء عاصفة التصفيق ابوداؤد قال ( شابكننا اولاد امدرمان. اولاد امدرمان ) شايفين؟ اولاد بحري ..( بلاك اند وايت) وهو يشير الى لون جلد يده
Post: #47 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-17-2021, 09:45 AM Parent: #44
يا شخشوخ ..
اديك سر ..
انا قريت سنتين في مدرسة المساكن الشعبية ..
و بالتبعية سكنا سنتين جنب سلوى بوتيك في تقاطع المؤسسة شخصيا بعد رجوعنا من مدني و انتظارنا لجاهزية بتنا في ود ارو ..
قريت تانية و تالتة كتاب هناك .. و كان في المدرسة في واحدة بتبيع سلطة اسود و تبش بالشطة .. مباااالغة ..
اما شقيقتي الكبرى فبيتهم لي هسي العماره الفيها اجزخانة الضواحي ..
فبحري و الله عندنا فيها لزوم .. لكن تبقى امدرمان .. أمدرمان .. و نبقى نحن كما قال عبد المنعم عبد الحي .. لو انسان صبح قصة .. أنا القصة يا امدرمان
Post: #45 Title: Re: كرهتونا ام درمان ام درمان.. التحية ليandquot; ب� Author: Amira Hussien Date: 04-17-2021, 08:10 AM Parent: #1
الاغنية كانت غزال الروض من على خشبة مسرح نادى الفنانين .....
Post: #46 Title: Re: كرهتونا ام درمان ام درمان.. التحية ليandquot; � Author: muntasir Date: 04-17-2021, 09:17 AM Parent: #45
يا سلام عليك يا أميرة غالباً يكون كلامك صاح لانه كابلي لي هسه بغنيها مع انه الشاعرين كيتن في العُزال من أم در كان التنقاري من عندكم في ودأرو وكان أبوصلاح من الموردة احمد يس كان داير يخليها من بحري كان يقول غنو يا زاهية من كلمات كابلي 😂
Post: #48 Title: Re: كرهتونا ام درمان ام درمان.. التحية ليandquot; � Author: اسامه العريفي Date: 04-17-2021, 10:06 AM Parent: #46
Quote: بمناسبة الباسطة يا ناس ام درمان..اعترف ليكم بي باسطة (شريف) حاجة تفوق الوصف في الطعم واللذة.
اخون الشيخ كل عام وانت بالف خير قلنا قيل مال البوست بتاعك ده يمشي الخور نعطيك بعض المعلومة صاحب محل شريف ده هو عمر مغدادي حجوج مسمي المحل علي ابنه الكبير شريف المصنع بتاع حلويات شريف في سوق الملازمين جنب بيت شيخنا احمد بتي له الرحمة والمغفرة ما تقول لي ما بتعرفه كنت يشتغل في هذا المصنع ايام الاجازات المدرسية ياحليل سوق الملازمين ياخي
Post: #49 Title: Re: كرهتونا ام درمان ام درمان.. التحية ليandquot; ب� Author: الزبير بشير Date: 04-17-2021, 11:33 AM Parent: #1
اخوي الشيخ
ياخي بوستك كله عيني ما وقعت الا في ذكر مولانا صاحب السيادة السيد علي الميرغني قدس سره .
بالغت يا ود سيد احمد ، يرقد في بحري اسد حلة خوجلي السيد علي الميرغني و ما تجيب ليه طارى .
بحري فيها السادة المراغنة .
بحري فيها اسد الحلفاية و الرجال الحوب مولانا شيخ علي زين العابدين .
بحري فيها شيخ عبدالروف حران .
بحري درجة الحرارة فيها اقل ب 2 درجة من الخرطوم و 6 درجات من ام در .
ياخي لي بكره ما حا نخلص .
بس ركز لينا علي اسيادنا في بحري هم بحري و بحري بهم .
الزبير الختمي
Post: #50 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-17-2021, 11:59 AM Parent: #49
Quote: قباني نحن ماعندنا كلام في الغنا السمح ده .بالله زينب الحويرص دي جبتها من وين- غايتو انت زول مسلط خلاص:)
زينب معانا هنا في كندا .. متزوجة الموسيقار عمر بولينو عرفني عليهم صديقي الجميل احمد الفرجوني في زيارته لينا في كندا قبل سنوات ..
نسى العيلفون .. و نسى خلوة العبيد ود بدر و نسى ام ضوا بان كلها .. و فطّا بحريكم .. لانه ما لقى فوقها شي ..
ثم قال رضي الله عنه :
مرة مرة يا نسَيم السحر .. هِبْ ليَّا من شاطي البحَرَ طوف الخِبا و جيب ليَّا من .. اُم دُر عبير ذات النَحَر
Post: #53 Title: Re: كرهتونا ام درمان ام درمان.. التحية ليandquot; � Author: أحمد محمد عمر Date: 04-17-2021, 12:17 PM Parent: #50
انتو دايرين الحق ولا الجمبو مكاناً بقطعوا له كبري دة مو نافع :)
سكنت امدرمان مرة واحدة بس في الخمستاشر زقلونا وتبت توبة نصوحة من الزحمة وصعوبة المواصلات غايتو الحاجة الكويسة الوحيدة هناك كانت كافتريا سماسم في محطة الرومي .. بنمشي ليها بعد العشاء نضرب الخشاف بالبسبوسة بحري سكنت السامراب بلد رايقة وكل زول في حاله ومناسبة للبورلتاريا الزينا. بعديها عرفت درب الخرطوم وبقيت اسكن الامتداد الصحافة الكلاكلة الأزهري وهكذا بمشي بحري أزور عمنا الكنت مؤجر منه زمان لكن امدرمان دي ما بوديني ليها إلا عزاء وما بدخلها سايق كان شنو داك
Quote: سكنت امدرمان مرة واحدة بس في الخمستاشر زقلونا
ود من شنو ده ؟؟
Post: #55 Title: Re: كرهتونا ام درمان ام درمان.. التحية ليandquot; � Author: MOHAMMED ELSHEIKH Date: 04-17-2021, 12:50 PM Parent: #54
عندي خيلان كانوا يدرسوا في الفرع وساكنين في بحري حلة حمد اصغر الخيلان كان في الوسطى ومعه ابن اخته ود خالتي قرروا السفر لاول مرة من الدامر للخرطوم وهناك وصفوا ليهم مطعم منى:" تركبو تكسي ب ١٥ قرش وتقولوا ليه مطعم منى" فعلا تمت الرحلة بنجاح .
بعد اسبوع وصل الجد والد الخيلان زيارة للخرطوم لغرض ما ونزل مع اولاده وحكوا ليه قصة وصول الطاهر وحسين وقالوا ليه لقيناهم قاعدين في مطعم منى ويتلفتوا
فرد الجد: "اوع تكونوا لقيتهم قاعدين فوق كرسي واحد؟ "
حتى اليوم مطعم منى موجود في بحري من بداية السبعينات
Post: #56 Title: Re: كرهتونا ام درمان ام درمان.. التحية ليandquot; � Author: أحمد محمد عمر Date: 04-17-2021, 12:56 PM Parent: #55
Quote: ود من شنو ده ؟؟
عندي صاحبي في الجامعة غنيان ونضييييف وراقي شديد، ساكن امبدة .. مكسر بنات الجامعة كلهن أها كلما بنت تسأله ساكن وين يقول ليها أمدرمان :) تحكها معاهو وين في امدرمان؟ يقول ليها أمدرمان ذاتا
Post: #57 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 01:22 PM Parent: #56
ازيكم يا حلوين.
رمضان مبارك عليكم...جاييكم واحد واحد. مع مداخلة ح تكون خاصة للاميرة (أميرة حسين) باعتبارها (حبة الكرز) التي زينت البوست. فلها مني كثير الإحترام والتقدير.
يا جماعة - ام درمان فيها (الطيب خوجلي) - بحري فيها (الكرين) للناطقين بغيرها :) اشرح ليكم. (الطيب خوجلي) محل بيع (العجلات). (الكرين) هو مكان بيع السيارات.
اها شفتو الفرق بين السيلرة والعجلة - فرق التطور في التعاطي مع تكنلوجيا العصر. ده ياهو الفرق بين ام درمان و بحري :)
قباني يا قلب - انت و ابوحسين لغاية هسه مغلوبين 6\صفر :)
Post: #58 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 01:28 PM Parent: #57
Quote: نرجع لى بحري ابوداؤد وكابلي غنوا (اجري يا نيل الحياة) من فوق خشبة المسرح صوتين ..باص وبارتون باص .... بعد انتهاء الاغنية وقف الجمهور لهما يصفق طويلا... وبعد انتهاء عاصفة التصفيق ابوداؤد قال ( شابكننا اولاد امدرمان. اولاد امدرمان ) شايفين؟ اولاد بحري ..( بلاك اند وايت) وهو يشير الى لون جلد يده
اي بالله ياحمد يا لذيذ.. كتر لينا من الحاجات دي - لأنو بي امانه قباني حتة الفن دي مافي زول بقدر (يداوسو) فيها.
Post: #59 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-17-2021, 01:38 PM Parent: #58
غايتو يا الشايقي فاكيها في روحك ساااااااااااااااااااااااااااي ...... 6\صفر بي أب صلعة و توفيق ....؟؟؟؟؟؟؟ قوم لف قال كرتي قال
Post: #60 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-17-2021, 01:40 PM Parent: #59
المداخلة السابقة إتكوجنت بدون قصد الروابط الظاهرة وجوه ضاحكة زي دي
Post: #61 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 01:44 PM Parent: #58
Quote: يا شخشوخ ..
اديك سر ..
انا قريت سنتين في مدرسة المساكن الشعبية ..
و بالتبعية سكنا سنتين جنب سلوى بوتيك في تقاطع المؤسسة شخصيا بعد رجوعنا من مدني و انتظارنا لجاهزية بتنا في ود ارو ..
قريت تانية و تالتة كتاب هناك .. و كان في المدرسة في واحدة بتبيع سلطة اسود و تبش بالشطة .. مباااالغة ..
يا قبة تصدق انو انا عرفت انو الحاجات الحلوة الفيك ده اصلها (بحراوي) بالله شوف الزول ده...يا زول انت قول لي الناس انك (منتدب) لي ام درمان :) وكمان جنب سلوى بوتيك- اصحى يا صلاح الزبير قباني كان ساكن في مضاربكم:) اي بالله يا قبة شفت التبش والشطة عجيبة كيف- ام درمان فيها تبش :)
تعرف امام مدرسة الاميرية بنات في الشعبية شارع المدارس- في حاجة كده متخصصة حلاة شعيرية- الوالده الله يدها العافية مع سندوتشات الفطر كانت بتديني (ريال ولا طراضة) ما متذكر. زامن مدرسة الاميرية ممنوع الخروج الا بعد انتهاء اليوم الدراسي - تدرس وتفطر وتصلي اي شئ جوة حوش المدرسة...اها نحن بعد الفطور البيكون الساعة عشرة صباحآ..بنكون شغالين حصص لغاية الساعة اتنين ظهر..مافي ليك اي طريقة زوغة عشان تشتري حاجة من خراج المدرسة. اول ما جرس نهاية اليوم الدراسي يدق بنطلع..اول حاجة انا بمشي اتكل (عجلتي) واقعد ليك جنب الحاجة بتاعة حلاوة الشعيرية دي- بكون قاعد زي الاستاذ الشغال تصحيح :) - افرتك ليك لفة ورا لفة وقاعد امعط ليك في الحلاوة دي معط عجيب- لغاية ما اقيف لمبة - واشتري بالباقي لفتين تلاته واتوكل على البيت - اكمل ليك الريال ولا الطراضة كلها في ربع ساعة اظنو. انت عارف بخيالات الطفولة العجيبة ديك- كنت بفكر جادي انو اعمل مصنع للحلاوة دي. بالمناسبة يا قبة - ام درمان فيها حلاوة شعيرية:)
Quote: اما شقيقتي الكبرى فبيتهم لي هسي العماره الفيها اجزخانة الضواحي ..
يا سلام ياخي- اجزخانة الضواحي دي يا قبة يقال انو الفنانة (منال بدرالدين) كانت شغالة فيها (بارتايمر). حتى في الوصفات الطبية بتلقى مقدم الخدمة في بحري فنان.. ام درمان فيها اجزخانة :)
Post: #62 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 01:55 PM Parent: #61
حياك الله الأميرة (أميرة حسين)
Quote: الاغنية كانت غزال الروض من على خشبة مسرح نادى الفنانين .....
تعرفي يا اميرة- واسمحي لي بالله اقول ليك إسمك بدون ألقاب عشان حق الزمالة في الحوش بتاع حبيبنا (بكري اب صلعة). تعرفي في الكورة في ناس اسمهم (الكشيفين)- الكشيفين ديل بيكتشفوا المواهب ويرشحوها يقوموا ناس الهلال والمريخ يسجلو اللاعبين. اها انا لي زمن لابس عباية الكشيفين ديل:)- وحاسي انك زولة عندك ملكة حوار جميلة خالص وطولة بال عجيبة ..لكن شابف مداخلاتك شحيحة جدآ - فبالله حاولي اتحفينا مرة مرة بي مشاركاتك منها الناس تستمتع بالحوارات معاك ومنها انفخ نفسي شوية واقول على نفسي كشيف بحق:) البوست ده انا قاصد فيهو ابوحسين وقباني لأنهم هاريننا هري بي ام درمان - ولا اقول ليك حاجه قاصد ام درمان كلها :) قلنا نديهم حاجة كده من نفحات بحري الجمال. غايتو تحت تحت كده - اظنك من بحري ومنتدبة لي أم درمان :)
كسرة: عندكم عنقريب من سوق العناقريب :):):)
إحتراماتي يا الأميرة.
Post: #63 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-17-2021, 01:57 PM Parent: #61
منتصر معقولة اخوك يغلط في كابلي وابوداؤد؟؟! يستحيل طبعا
Post: #64 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-17-2021, 02:10 PM Parent: #63
Quote: منتصر معقولة اخوك يغلط في كابلي وابوداؤد؟؟!
منتصر أوع يكون دا أخوك داااااك .....!!!!!!!!!!!!!!!!!!!!!!!!!!!!!!!
Post: #65 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 02:36 PM Parent: #64
Quote: اخون الشيخ كل عام وانت بالف خير قلنا قيل مال البوست بتاعك ده يمشي الخور نعطيك بعض المعلومة صاحب محل شريف ده هو عمر مغدادي حجوج مسمي المحل علي ابنه الكبير شريف المصنع بتاع حلويات شريف في سوق الملازمين جنب بيت شيخنا احمد بتي له الرحمة والمغفرة ما تقول لي ما بتعرفه كنت يشتغل في هذا المصنع ايام الاجازات المدرسية ياحليل سوق الملازمين ياخي
الله يحييك اخونا اسامة العريفي. مبارك عليك الشهر.
كويس انك اديتنا معلومة تاريخية وتوثيقية في نفس الوكت. طالما كنت بتعرف محل (شريف) معناها انت زول حلو..ولمن تكوت اشتغلت جوه المصنع معناها انت زول زايد حلاوة :). تصدق لغاية قريب ماكنت عارف الباسطة بعملوها كيف..كنت زول زي ما قال (منتصر) بتاع بلع سااااي :) غايتو يا سمسم انا اتخيل لي انو الزول الشغال في الخلطة والمعمل زول من بحري - لأنو الطعامة دي شكلها بحراوي :)
Post: #67 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 02:48 PM Parent: #65
حياك الله اخوي الزبير مبارك عليك الشهر الكريم.
Quote: اخوي الشيخ
ياخي بوستك كله عيني ما وقعت الا في ذكر مولانا صاحب السيادة السيد علي الميرغني قدس سره .
بالغت يا ود سيد احمد ، يرقد في بحري اسد حلة خوجلي السيد علي الميرغني و ما تجيب ليه طارى .
بحري فيها السادة المراغنة .
بحري فيها اسد الحلفاية و الرجال الحوب مولانا شيخ علي زين العابدين .
بحري فيها شيخ عبدالروف حران .
بحري درجة الحرارة فيها اقل ب 2 درجة من الخرطوم و 6 درجات من ام در .
ياخي لي بكره ما حا نخلص .
بس ركز لينا علي اسيادنا في بحري هم بحري و بحري بهم .
الزبير الختمي
غايتو يا الزبير انا بتذكر حبوبتنا الله يرحمها ويحسن إليها..(جلبطت ) لي وشي جلبطة بي تراب الضريح والمكافأة حلاوة ..وانت طفل صغير بتكون قاعد تصور في الأحداث دي وتخزن في ذاكرتك. ولا كمان الليلية والذكر وصوت النوبة - الحاجة البتحير في وسط الزحمة دي والاصوات الكتيرة دي ما بتلقى ليك زول زهجان ولا زول بيشاكل ليهو في زول- جو روحاني لدرجة.
اي بالله ادينا لمحات من شيوخنا في بحري عشان ناس ام درمان شوية يرفعو رجلينم من الابنص.
سبقك (عادل أمين) يا الزبير في التوقيع بإسم السادة المراغنة (الختمية)- انت كان لقيت وكت بالله تعال ادينا لمحة لي شيوخنا في بحري.
Quote: غايتو يا سمسم انا اتخيل لي انو الزول الشغال في الخلطة والمعمل زول من بحري - لأنو الطعامة دي شكلها بحراوي :)
تعرف اخونا الشيخ الزول البيعمل الخلطة بتاعت الباسطة دي اسمو موسي من ابناء كردفان اذكره جيدا وعندما يجهز عمل الباسطة يقوم الخال عمر مغدادي بتسقية الشربات علي الباسطة بقوم بالعمل هذا بنفسه ولازال علي هذا النهج ممنوع زول يقوم بالتسقية غيره
Quote: غايتو تحت تحت كده - اظنك من بحري ومنتدبة لي أم درمان :)
سلام الشيخ ،انت عكست انا من امدرمان ومنتدبة لى بحرى البوست جميل ويغرى بالنضمى قبل ايام مشيت سوق امدرمان مع اختى دايرا ليها عناقريب ، اتغير سوق امدرمان كتير وما بقى من سوق العناقريب سوى دكانين وعناقريب تعبانة ، كلهم رحلو الى حيشان فى المنطقة الصناعية وقالوا لينا فى واحد قريب جنب استاد المريخ أحمد يس ما بتغالط ......لكن اقول ليه انا حاضره الحفل العبدالعزيز فيه black and white فى اشارة ليه وللكابلى وكان نادى الفنانين الشمال الاذاعة ..... كنا نسكن بالقرب منه وبالنسبة للتسجيل الحايم لاغنية إجرى يا نيل الحياة بصوت الكابلى وصوت آخر ،الناس بيقولو صوت ابوداؤد لكن ده صوت فنان شاب اسمو الجبلى يخيل توفى قريبا رحمه الله فى حلقة من برنامج ايام لها ايقاع كانت عن ابو داود
Post: #68 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 02:55 PM Parent: #66
Quote:
زينب معانا هنا في كندا .. متزوجة الموسيقار عمر بولينو عرفني عليهم صديقي الجميل احمد الفرجوني في زيارته لينا في كندا قبل سنوات .. زينب صوت عجيب .. و الفرجوني شهادتي مجروحة ..
اها ياقبة - زينب دي عندها غنية واحدة كانت قابضة بيها الجو- اظنو لحنها ليها (الماحي سليمان)- ياخي حاجة لذيذة كده. كدي حاول اتذكر معاي - بالمناسبة ابوحسين زاتو زول مسلط في الغنا والمزيكة اليحاول يتذكر معانا الغنية دي.
Post: #69 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 03:10 PM Parent: #68
Quote: غنى ليها سرور ..
غنى ليها خليل .. قالوا فيها كلام اغلى من الدر .. و حلوه معاي يا ربوع ام در .. :)
اها يا قلب وين (ابو داؤود) لمن قال : في شمبات حليل مجلسنا الحيا والعفاف حارسنا. شمبات دي في بحري- الميزة الفي بحري انو الإبداع متوزع يعني كل منطقة عندها مبدع - ام درمان دي اذا عايز يسمعوك تقوم تمشي (سوق العناقريب:) والوصف غير مفصل لي المناطق الوصف للمدينة كلها -
Quote:
يا شخشوخ ..
جدك ود الرضي ..
نسى العيلفون .. و نسى خلوة العبيد ود بدر و نسى ام ضوا بان كلها .. و فطّا بحريكم .. لانه ما لقى فوقها شي
ههههههههههه عليكم الله شوفو ناس ام درمان حقارين كيف:) ود الرضي يا قبة قاصد الإذاعة- كدي إتخيل معاي انو الإذاعة كانت في بحري معقول كان يقطع الفيافي دي كلها عشان يمشي يسجل ليهو غنية. قلت ليكم من الأول جبارتكم بقت بالاذاعة والتلفزيون. الحاجة الفاقعة لي مرارتي الجماعة البيقولو عليهم باحث في التراث. غايتو دي الفايدة الوحيدة في سوق العناقريب انو الزول بيلقى ليهو عنقريب يقعد فيهو وحكمة الله بعداك يمشي الإذاعة على انو باحث في التراث. انتو عناقريبكم ده ناجرها ليكم استاذ من كلية التاريخ- هريتونا هري ياخي :)
اغنية زينب الحويرص بتقول قول النصيحة كلمنى مالك بالهجر مألمنى قول يا حبيب
Post: #71 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 03:20 PM Parent: #70
أحمد محمد عمر يا زول يا لذيذ. مبارك عليك الشهر.
Quote: انتو دايرين الحق ولا الجمبو مكاناً بقطعوا له كبري دة مو نافع :)
سكنت امدرمان مرة واحدة بس في الخمستاشر زقلونا وتبت توبة نصوحة من الزحمة وصعوبة المواصلات غايتو الحاجة الكويسة الوحيدة هناك كانت كافتريا سماسم في محطة الرومي .. بنمشي ليها بعد العشاء نضرب الخشاف بالبسبوسة بحري سكنت السامراب بلد رايقة وكل زول في حاله ومناسبة للبورلتاريا الزينا. بعديها عرفت درب الخرطوم وبقيت اسكن الامتداد الصحافة الكلاكلة الأزهري وهكذا بمشي بحري أزور عمنا الكنت مؤجر منه زمان لكن امدرمان دي ما بوديني ليها إلا عزاء وما بدخلها سايق كان شنو داك
اها يا جماعة شهادة احمد كيف معاكم؟ بالغت يا أحمد- كده خليت قباني وابوحسين يبلعو في ريقهم ولسه المغرب ما أذن :) غايتو (أميرة حسين) كان لاقتك بتديك بي الكمشة وفي رواية بالمفراكة في صنقوعك :)
قلت لي كيف يا احمد (الخمستاشر) وز قلونا- معقول يا جماعة دي اسامي المناطق في أم درمان. كدي شوف بحري والاسماء - الصافية -المزاد -الختمية - الشعبية. عشان كده ليهم حق يوصفو ليك بي سوق العناقريب :) الحالة لسه ما شربت الآبري الأبيض - شغال ليكم بي تنك ( الحلو مر)- اها النشوف بعد الإفطار القرب ده فهمكم شنو. كسرة: أم درمان فيها سينما؟؟ سؤال برئ- اوعكم توصفو لي بي سوق العناقريب :)
Post: #72 Title: Re: كرهتونا ام درمان ام درمان.. التحية ليandquot; � Author: muntasir Date: 04-17-2021, 03:26 PM Parent: #71
الشيخ سمعت بي سينما برمبل
Post: #73 Title: Re: كرهتونا ام درمان ام درمان.. التحية ليandquot; � Author: علي عبدالوهاب عثمان Date: 04-17-2021, 05:55 PM Parent: #72
حبيبنا سيداحمد .. نحن عندنا مشكلة كبيرة جداً معظم الاحياء المميزة تكون بأسماء لا علاقة لها بالوطن الرياض ، الدوحة ، المنشية ، المهندسين ، الطائف .... الخ ونستحي من اسماء سودانية اصيلة لها علاقة بالتاريخ والنضال
Quote: يا سلام عليك يا أميرة غالباً يكون كلامك صاح لانه كابلي لي هسه بغنيها
يا سلام عليك انت ، ابوداؤد برضو بغنيها والاتنين مسجلنها فى الاذاعة كل واحد براهو
Post: #75 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-17-2021, 07:10 PM Parent: #74
حكمة الله تدخل مناسبة فيها 100 شخصية و ما بتعرفهم لكن تقدر تفرز ناس ام درمان من طريقة كلامهم من طيبتهم من فهمهم حتى السماحة دي هم ظاهرييييييين ...
قال بحري قال ... قوم لف طلعت كلها حقت كرتي 😂😂😂😂
Post: #77 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 07:53 PM Parent: #75
محمد الشيخ يا حبيبنا مبارك عليك الشهر
Quote: عندي خيلان كانوا يدرسوا في الفرع وساكنين في بحري حلة حمد اصغر الخيلان كان في الوسطى ومعه ابن اخته ود خالتي قرروا السفر لاول مرة من الدامر للخرطوم وهناك وصفوا ليهم مطعم منى:" تركبو تكسي ب ١٥ قرش وتقولوا ليه مطعم منى" فعلا تمت الرحلة بنجاح .
بعد اسبوع وصل الجد والد الخيلان زيارة للخرطوم لغرض ما ونزل مع اولاده وحكوا ليه قصة وصول الطاهر وحسين وقالوا ليه لقيناهم قاعدين في مطعم منى ويتلفتوا
فرد الجد: "اوع تكونوا لقيتهم قاعدين فوق كرسي واحد؟ "
حتى اليوم مطعم منى موجود في بحري من بداية السبعينات
ههههههههه
مطعم (منى) ده الا اشوف (شكوكو) او (عماد أحمد) باقي سحارتم غريقة وعاملة زي جراب الحاوي:)
Post: #78 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 08:07 PM Parent: #77
Quote: الكرين يا شايقست مكان بتنزل فيه السيارات تنجم و تشرب ليها مويه و يجو أصحابها ناس أم درمان و بقية الحضر يسوقوها لي أماكنها الطبيعية قال كرين قال ......
سيارة تنجم وتشرب ..انت قايلو ده حمار (العمدة:) مفروض تعملو تكريم ل (الطيب خوجلي)..كان لغاية هسه تكونو شغالين - حاو و عر :)
Quote:
غايتو يا الشايقي فاكيها في روحك ساااااااااااااااااااااااااااي ...... 6\صفر بي أب صلعة و توفيق ....؟؟؟؟؟؟؟ قوم لف قال كرتي قال
انت عارف يا ابوحسين قلت ليك اتوسط لي عشان عايز اشعلق لي بوست فوق. جنب الزولة السمحة ديك - مكان الحاجات البتبقبق فوق - اها الزولة السمحة زاتا لحقت امات طه:) ماعارف مشت تجيب تلج ولا شنو:) بكري ده غتيت غتاتة - هسه يقوم يشعلق لي بوست ويكون جنبو زول وشو يلعن قفاهو :)
Post: #79 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 08:31 PM Parent: #78
Quote: سلام الشيخ ،انت عكست انا من امدرمان ومنتدبة لى بحرى أ
معناها خلاص اخدتي التطعيم البحراوي :)
Quote: قبل ايام مشيت سوق امدرمان مع اختى دايرا ليها عناقريب ، اتغير سوق امدرمان كتير وما بقى من سوق العناقريب سوى دكانين وعناقريب تعبانة ، كلهم رحلو الى حيشان فى المنطقة الصناعية وقالوا لينا فى واحد قريب جنب استاد المريخ
ههههههههههه ياخي ضحكت لي ضحك- الله يسعدك ياخي. شفتي كيف- اختك لأنها لسه قاعده في ام درمان عشان كده مهتمة بالعناقريب- انت في بحري ما عندك إهتمام بالعناقريب لأنو البيئة هنا بيئة حضر:)
Quote: أحمد يس ما بتغالط ......لكن اقول ليه انا حاضره الحفل العبدالعزيز فيه black and white فى اشارة ليه وللكابلى وكان نادى الفنانين الشمال الاذاعة ..... كنا نسكن بالقرب منه
يعني ناس أم درمان بيدخلو حفلات فنانين بحري- ماعندكم فنانين :)
تعرفي مرة كان جايينا زول من اهلنا زيارة من البلد- انا صغير الوكت داك. بعدما اتعشينا وخلاص عايزين ننوم- نقوم نسمع ليك مزيكة قريبة في حي إسمو (الميرغنية) الفنان كان العميد (أحمد المصطفى)- انا خلاص شغال اغمض وافتح عشان المدرسة تاني يوم. اها الزول الجايي زيارة جاني وقال لي: ارحكاكا. يا زول ارحكاكا وين في الصقط ده :) قال لي نمشي الحفلة. قلت ليهو ياخي الحفلة دي شكلها في الميرغنية وانا ما معزوم. قال لي بلا معزوم بلا فلسفة- ده احمد المصطفى ما عايز ليهو عزومة:) قلت ليهم طيب استنى استحم والبس - قال لي بلا حمام بلا فلسفة فاضية قوم ارح. قلت ياخي الزول ضيف النمشي معاهو. فعلا مشينا الحفلة- وكانت اول وآخر مرة اشوف فيها العميد (لايف) زول انيق لي درجة وغناي غناي غناي.
القصة دي تمهيد لي سؤالي يا اميرة - نحن الشباب لمن تكون في حفلة بنجهز هدومنا من بدري..البنات اظنهم بيكونو مجهزين تلاته لبسات ويقرروا يلبسو شنو في اخر لحظة- لي شنو يعني. انا غايتو بقول انك من المحظوظين انك حضرتي ابوداؤود لايف..بالله انقلي لينا صورة الحفلة دي ماتقولي لي ما متذكرة- لأنو ابوداؤود ما اظن زول ينسى حفلاتو.
Post: #80 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 08:42 PM Parent: #79
Quote: اغنية زينب الحويرص بتقول قول النصيحة كلمنى مالك بالهجر مألمنى قول يا حبيب
ايون -هي دي - لقيتك خطيرة يا اميرة. الزبير الختمي قال درجة الحرارة في بحري اقل من ام درمان والخرطوم. شفتي تاثير بحري على الذاكرة:)
Post: #81 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 08:45 PM Parent: #80
Quote: الشيخ سمعت بي سينما برمبل
والله يا منتصر ما سمعت بيها. لكن من الاسم حقها ده تكون بتعرض قطع غيار تراكترات:)
افصح يا منص:)
Post: #82 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 08:54 PM Parent: #81
حياك الله استاذنا الجليل علي عبدالوهاب مبارك عليك الشهر.
Quote: حبيبنا سيداحمد .. نحن عندنا مشكلة كبيرة جداً معظم الاحياء المميزة تكون بأسماء لا علاقة لها بالوطن الرياض ، الدوحة ، المنشية ، المهندسين ، الطائف .... الخ ونستحي من اسماء سودانية اصيلة لها علاقة بالتاريخ والنضال
لمن يكونو مسافرين الا يجو بحري - واذا عايزين يعملو نزهة يجو بحري -يركبو البص النهري خخخخخخ..ياخي ضل ماعندهم في ام درمان- يشوفو الخضرة والجمال لمن يجونا في بحري. تصدق انو ام درمان يحدها الخلا - وبحري تحفها الخضرة من حلة حمد ود ام مريوم لغاية ام ضوآ بان وعلى امتداد النيل حتى الجيلي. ليمون وجوافة سااااي يقيلو ويبيتو :) ديل حمام ميت ياخي :)
Post: #83 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-17-2021, 09:07 PM Parent: #82
Quote: قال بحري قال ... قوم لف طلعت كلها حقت كرتي 😂😂😂😂
ههههههههه بالله شفت جنس الحقارة دي- زول واحد يكون عندو 22 قطعة. وواحد تاني شال ليهو حجر ورماهو بعيد - وقال محل وقع دي حدود ارضي.
اللقطة وين انو ما مشى على الخلا وجا محل الخضرة والماء والوجه (العسل :)
شابكننا ام درمان ام درمان - هسه اذا عايزين تمشو رحلة تمشو وين؟ حديقة (نهي)- جنينة (نهي زندقي) عليك الله تاني وانتو جايين رحلة لي بحري جيبو معاكم (عناقريبكم) كسرتو لينا كنباتنا :) اتخيل معاي( قباني) شايل عنقريبو فوق راسو بي يد واحدة وفي اليد التانية ماسك ليهو عتوت لزوم الوليمة وكده. و(ابو حسين ) شايل عنقريب فوق راسو وفي اليد التانية شايل الكانون :) انا غايتو بجيب ليكم الفحم - شوف صلاح الزبير ولا احمد ياسين يجيبو ليكم الشربوت:) معقولة يا جماعة ده ماياهو زاااااتو كواسة الضل😂😂😂😂
Post: #84 Title: Re: كرهتونا ام درمان ام درمان.. التحية ليandquot; � Author: أحمد محمد عمر Date: 04-17-2021, 09:22 PM Parent: #83
Quote: الزبير الختمي قال درجة الحرارة في بحري اقل من ام درمان والخرطوم
يا عمك في بحري تركب شارع الصناعات راااااايق وهادي وفاضي يوصلك لحدي آخرها تقدر توصف لي شارع فاضي في امدرمان! زحمة زحمة .. زحمة خلق زحمة عربات في أي مكان أنا فوق قلت ليك ما بدخلها سايق عارف ليه! أنا ما حريف في السواقة .. اتعلمتها كبير .. وأصلاً ما عندي عربية في السودان بس بأجر وقت الحاجة أها يوم ربنا غضبان علي دخلت امدرمان وبحاول اعرف الدرب لقيتني في السوق الشعبي وحاااااااتك أنا اتصبيت صبة في الدنيا دي .. ركشة تجي داخلة بي تحتك، كارو قافلة الطريف، ناس ماشة في الظلط، عربات تقطع في الإشارة. لحدي ما الحركة وقفت دت قريب نص ساعة تطلع من العربية تشوف صفوف العربات بكل الاتجاهات غايتو اليوم داك كانت امنيتي الوحيدة تجي طيارة ونش تطلعني من الزحمة دي وتجدع العربية في أي خلا :) أها من ديك التوبة الياها قبل أسافر صاحبي أصر نمشي امدرمان لمن وصلت استاد الخرطوم قلت ليه بتعرف تسوق؟ قال لي لأ طواااالي دخلت ليك العربية جامعة السودان وقفتها في الباركنغ وقلت ليه يلا أرح على البصات
Post: #86 Title: Re: كرهتونا ام درمان ام درمان.. التحية ليandquot; � Author: علي عبدالوهاب عثمان Date: 04-17-2021, 10:19 PM Parent: #84
الحبيب سيداحمد .. أمدرمان في وجدان أهلنا في الشمال كل البصات فيها (( أمدرمان دنقلا وبالعكس )) موقف بصات الشمالية في امدرمان ما أرى بص أو لوري مكتوب فيها (( الخرطوم بحري أو حتى الخرطوم .. )) الي اليوم موقف البصات في أمدرمان ترحيلات عمر عبدالسلام ( يرحمه الله ) حتى في الكورة ما في فريق كده إلا فرق أمدرمان بحري ليست لديها شهرة خارج العاصمة مع أن في بحري حي الدناقلة وكمان الدروشاب مستعمرة دنقلاوية
تحياتي الشيخ .. بوست جميل .. حلوة الاخوانيات
Post: #85 Title: Re: كرهتونا ام درمان ام درمان.. التحية ليandquot; � Author: Salah Zubeir Date: 04-17-2021, 10:16 PM Parent: #82
عارف يا الشيخ أراد الله يمتحني امتحان عسير في حبي لي بحري وعدم وجود ما يربطني بي امدرمان ... مافي كراهية لكن مافي كيميا ولا فيزيا ولا برمبل ولا طرماي زاتو يربطني بالمكان ولا ناس امدرمان ... إرادة ربنا جعلت نسيبي أبو زوجتي يسكن الثورة الحارة ١٣ في نفس العام الذي قررت فيهو الزواج لأسباب (تجارية) تخصه ... غايتو الشي المتأكد منو ما حصل بيتا (نمتا) خارج بحري وانا موجود داخل المديرية او الولاية .. (دي لي ولدنا الزغير مونتا) ... عارف يوم العرس غادرنا بيت العرس ٣ صباحا واخدنا ترانزيت في فندق أراك في الخرطوم نص يوم ومن ثم إلى شهر العسل في بلاد برا ... رجعنا وكان الإجازة بقى منها ٥ يوم ... ال ٥ يوم دي كانت امتحان حقيقي ... العروس المفروض تقضي آخر أياما مع أهلا حيث ينتظرا اغتراب طويل ... وانا عندي مشكلة كتمت نفس كل ما ادخل امدرمان ... بقيت من ما تصبح ألقي (شوق السحابه الراحله) متملكني ادور ألقى رقبتي في امدرمان ... اقعد ساعة ساعتين نفسي اتخما ارجع بحري ... ساعة ساعتين ألقى رقبتي (بقيت ضعيف) تاني ادور على امدرمان ... عادي ٤ او ٥ مرات في اليوم تشيلني السحابة توديني وتلم فيني خمة النفس ترجعني ... شفتا بحري دي عذابا لذيذ كيف .. طبعا نسيبي اخد قرارو ومن أول إجازة رجعنا فيها لقيناهو استقر في بحري ... أنا غايتو على قناعة (تضامنية) بأن بحري هي الحارس الأمين لي عاصمة البلد وهي التي بها (أوتاد الأرض) الخليفة ود بدر شرقا وسيدي إبراهيم الكباشي شمالا والسيد المحجوب والشيخ حمد والشيخ خوجلي والسيد علي الميرغني وزي ما قال الخليفة الزبير (والدي رحمة الله عليه) بحري هي التي تبعد الشر عن العاصمة وقيل السودان كلو ... الملاحظة الجديرة بالاهتمام إنو لم يحصل في بحري أي نوع من أنواع الدشمانات والقتال الذي حصل في امدرمان والخرطوم على مر التاريخ المنظور ... عارف يا قبه بعض من طمأنينة النفس التي تعتريك وهي ظاهرة في ما تكتب هنا سببها السنتين القضيتم في بحري ... ابوحسين قتا لي ناس امدرمان سمحين ... ههههه ... عادي تقشرو بي حق غيركم ما الاعلام عندكم ....
بركات (الحفيان) ما عنده غير مقابر حلة حمد و درمة بتجدع بين حمد النيل و احمد شرفي و البكري
بالمناسبة بركات عايش ؟
Post: #88 Title: Re: كرهتونا ام درمان ام درمان.. التحية ليandquot; � Author: Salah Zubeir Date: 04-18-2021, 00:12 AM Parent: #87
هههههههه بركات راجل بسيط وكايس أجر ربنا فقط ... ودرمه العالمي مع أجر ربنا كايس النجومية مع المشاهير تخدمه الألة الإعلامية التي يبرع فيها أولاد امدرمان ... ياخي دا بقى انترناشنوال أيكون في شؤون الموتى بعد حادثة الحج في منى قبل كم سنة وصوره التي تناقلتها الأسافير ... ذهبت كثيرا لمقابر السيد المحجوب وحمد وخوجلي في الفترة الماضية ولم أشاهد بركات ... ربنا يرحمه إذا توفى ويشفيه إذا اقعده المرض ...
Post: #89 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-18-2021, 01:54 AM Parent: #88
Quote: بركات راجل بسيط وكايس أجر ربنا فقط ... ودرمه العالمي مع أجر ربنا كايس النجومية مع المشاهير تخدمه الألة الإعلامية التي يبرع فيها أولاد امدرمان ... ياخي دا بقى انترناشنوال أيكون في شؤون الموتى بعد حادثة الحج في منى قبل كم سنة وصوره التي تناقلتها الأسافير ... ذهبت كثيرا لمقابر السيد المحجوب وحمد وخوجلي في الفترة الماضية ولم أشاهد بركات ... ربنا يرحمه إذا توفى ويشفيه إذا اقعده المرض ...
الله يرحمه حيا او ميتا ..
بس كان قلبو حجر .. الناس تجعر وهو قاعد ياكل فوق تراب القبر ..
بركات ايقونه و الله يا صلاح ..
Post: #90 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-18-2021, 02:01 AM Parent: #89
Quote: اغنية زينب الحويرص بتقول قول النصيحة كلمنى مالك بالهجر مألمنى قول يا حبيب
هاك يا اميرة .. و تحياتي لكل الناس الحلوين المعاك ..
كلمات عزالدين هلالي و الحان و عزف الماحي سليمان
Post: #91 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-18-2021, 03:51 AM Parent: #90
Quote: حتى في الكورة ما في فريق كده إلا فرق أمدرمان
ما عندهم الحبة في الكورة ..
التحرير جاب جيمس فقط .. لعب للفريق القومي و جاب معاهم كاس افريقيا سنة 70
قبلو ناس سعد دبيبه و الزين قديم ..
بحري جابت السد العالي سليمان فارس و لعب في الهلال ..
بعد داك الترابة ما عندهم ..
التحرير و الاتحاد كانو ملطشة للمريخ و الهلال .. و بعد داك جات كوبر كنا بنديها بالتمانية ..
فهمهم يا عمك ..
Post: #92 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-18-2021, 03:56 AM Parent: #91
Quote: عندي صاحبي في الجامعة غنيان ونضييييف وراقي شديد، ساكن امبدة .. مكسر بنات الجامعة كلهن أها كلما بنت تسأله ساكن وين يقول ليها أمدرمان :) تحكها معاهو وين في امدرمان؟ يقول ليها أمدرمان ذاتا
ههههههه
انت متذكر نكتة التكّاسي الوقفوهو اربعه رباطين فتحو و ركبو و قالو ليو بي صرة كده " أمبده" بطل عربتو و قال ليهم : ام بده ليه؟ ما تدقوني و تشيلوا قروشي هنا !!
___________________________________________
و لا بنات الملازمين الصاحبتهم بت في الاحفاد و قالت ليهم ساكنة ام درمان .. بعد فترة جات واحده منهم جاريه و قالت ليهم : تتصوروا ؟ فلانة طلعت ساكنة في الثورة!!!
Post: #94 Title: Re: كرهتونا ام درمان ام درمان.. التحية ليandquot; � Author: adil amin Date: 04-18-2021, 05:35 AM Parent: #92
طبعا يا الزبير الناس الحاقدين ما معترفين بي الختمية ولانه جقود ختمي مركب مكنة حركة شعبية \ جون قرنق الله يرحمه سكن =شارع واحد في الحاج يوسف يعني البركة من ش واحد لحدي الميرغنية زيدان زاتو رحل من ام ردمان مشا الردمية الحاج يوسف لمن خستكت ام درمان زمن الكيزان ياخ ام درمان بلد ما فيها قطر ولا سكة حديدة فيها شيوعيين لي شنو؟؟؟ هم عينة قبة ومنتصر ده ...شيوعيين ساكت حرااااق روح والختمية سفينة نوح نركب البسابق الريح نمشي الخرطوم نستريح الطباخة تسوي الطبيخ وكل جمعة نزور الضريح بلالي بتين يجي يايمة بلالي بتين يجي
مالو كان مسحوك بي تراب الضريح يا الشيخ والله لو ما تراب الضريح ده كنت بقيت شيوعي ساكت
Post: #93 Title: Re: كرهتونا ام درمان ام درمان.. التحية ليandquot; ب� Author: Amira Hussien Date: 04-18-2021, 05:22 AM Parent: #1
Quote: هاك يا اميرة .. و تحياتي لكل الناس الحلوين المعاك .
Post: #95 Title: Re: كرهتونا ام درمان ام درمان.. التحية ليandquot; � Author: muntasir Date: 04-18-2021, 08:04 AM Parent: #93
سلام الشيخ انت سألت قلت أمدرمان فيها سينما سينما برميل دي عملها قديس عبدالسيد سنة ٤٦ الوكت داك إسرائيل ما قامت وسعد قشرتو لسه ما نمت تقول لي منى بتاعت اللبن وعربية الباسطة ، عمو صلاح الكان بجيبك من بحري لي أمدر ما شوق السحابة الراحلة دي نديهة أم در يا عريس لكن مرمي الله ما بترفع , عادل وماذا عن محمود محمد طه وصلاح أحمد إبراهيم وعبدالخالق وراتب المهدي الذي كنا نسمعه ندياً كل صباح من عند الضريح الفاح طيبو عابق
Post: #96 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-18-2021, 08:25 AM Parent: #95
اها انا من شمبات.. طوتلي شمال المظلات وصينية المظلات. مع طلعة كوبري شمبات محل الجنو في نفس الحتة الغنوا ليها.....وفيها ومنها.. تخيل نعيش في .. حتة كلها خضرة ومضرة وجناين وخيال رمانة على المجرى..غربك.. النيل..في مواجهة ابروف ياخي مشوار امدرمان دا خاصة حي الاسبتالية كان بعمل لينا دوار
Post: #97 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-18-2021, 08:31 AM Parent: #96
البوست دا.... حنقعدوا قعدة تاريخية وقبل كل شىء'- الناس لازم تعرف ان ناس بحري فيهم حنية وعاطفة قوية لى بعض وحتى جيرتهم مختلفة...نعم السودان اجتماعيا متعاون وجميل لكن ناس بحري اجمل واشمل
Post: #98 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 10:28 AM Parent: #97
حياكم الله يا حلوين. جاييكم صاد..أستاذنكم أبدأ بي حبيبنا (منتصر).
Quote: سلام الشيخ انت سألت قلت أمدرمان فيها سينما سينما برميل دي عملها قديس عبدالسيد سنة ٤٦ الوكت داك إسرائيل ما قامت وسعد قشرتو لسه ما نمت تقول لي منى بتاعت اللبن وعربية الباسطة ،
منص يا حبيب والله ما لاحظت لي سينما الوطنية ولا حلفايا عملوهم سنة كم. لكن طالما الخواجات جو داخلين بالقطر -قطع شك بيكونو بدأوا من بحري وبعدين مشو غادي غادي :)
Quote: وراتب المهدي الذي كنا نسمعه ندياً كل صباح من عند الضريح الفاح طيبو عابق
يا منص كلامك ده تقولو لي زول ماعندو ضريح:) بنسمع راتب الختمية (طازة) من الضريح (الغريبة المكرفونات القديمة الشكلها زي الجردل تسمع بحري كلها ) وإذا عندك رغبة في زيادة (عشق روحاني ) تمشي تصلي العشاء في (شمبات) مع المرحوم (خضر بشير) وتسمع بعد صلاة العشاء (المديح والذكر ) على اصولو. واذا عندك رغبة في قيام الليل في رمضان- تمشي جامع (الكوارتة) وتشوف البكا لمن يطفو النور بعد الساعة 2 ص والجرعات الإيمانية. تعرف يا منص بعد ما يولعو النور في جامع الكوارتة حوال الساعة 3 ونص صباحآ_ في شباب بيجو داخلين معاهم رقاق بالحليب لي كل المصلين مهما كان عددهم-- اظنو المسجد الوحيد في السودان البيكرم المصلين بالرقاق والحليب- ملح ساااااي :) بحري مدينة متشبعة بالروحانيات.
Post: #99 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 10:47 AM Parent: #98
Quote: يا عمك في بحري تركب شارع الصناعات راااااايق وهادي وفاضي يوصلك لحدي آخرها تقدر توصف لي شارع فاضي في امدرمان! زحمة زحمة .. زحمة خلق زحمة عربات في أي مكان
شفت كيف يا أحمد الفرق بين بحري وأم درمان. ابوحسين وقباني بيوقفو سياراتهم في ميدان الربيع ويركبو البصات:) منتصر بيوقف سيارتو تحت كوبري شمبات ويركب رقشة لي الشهداء:) انت قادر تتخيل حتة الشهداء والمسالمة وحي العرب - والغريبة اذا مشيت حي العمدة وأوعك تمشي بي شارع الدومة- مع انو (جدي) هو الزرع ليهم الدومة دي:)- ياخي دي زحمة مبالغة. انا غايتو شايف انو أم درمان قرية وفي رواية اخرى (بلدة) لكن قطع شك ليست مدينة:)
Post: #100 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 10:55 AM Parent: #99
Quote: الحبيب سيداحمد .. أمدرمان في وجدان أهلنا في الشمال كل البصات فيها (( أمدرمان دنقلا وبالعكس )) موقف بصات الشمالية في امدرمان ما أرى بص أو لوري مكتوب فيها (( الخرطوم بحري أو حتى الخرطوم .. )) الي اليوم موقف البصات في أمدرمان ترحيلات عمر عبدالسلام ( يرحمه الله ) حتى في الكورة ما في فريق كده إلا فرق أمدرمان بحري ليست لديها شهرة خارج العاصمة مع أن في بحري حي الدناقلة وكمان الدروشاب مستعمرة دنقلاوية
تحياتي الشيخ .. بوست جميل .. حلوة الاخوانيات
حياك الله أستاذنا الجليل.
اهلنا بيجوا عابرين فيها - لمن يحملو (التناكر) و يصلو ام درمان بيسمعوهم صوت الجاز :)
كيف ما عندنا كورة يا استاذنا- وين (إستاك- التحرير) ياخي كورتنا زاتا طعمها غير:)
Post: #101 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 11:02 AM Parent: #100
حياك الله صلاح
Quote: عارف يا الشيخ أراد الله يمتحني امتحان عسير في حبي لي بحري وعدم وجود ما يربطني بي امدرمان ... مافي كراهية لكن مافي كيميا ولا فيزيا ولا برمبل ولا طرماي زاتو يربطني بالمكان ولا ناس امدرمان ... إرادة ربنا جعلت نسيبي أبو زوجتي يسكن الثورة الحارة ١٣ في نفس العام الذي قررت فيهو الزواج لأسباب (تجارية) تخصه ... غايتو الشي المتأكد منو ما حصل بيتا (نمتا) خارج بحري وانا موجود داخل المديرية او الولاية .. (دي لي ولدنا الزغير مونتا) ... عارف يوم العرس غادرنا بيت العرس ٣ صباحا واخدنا ترانزيت في فندق أراك في الخرطوم نص يوم ومن ثم إلى شهر العسل في بلاد برا ... رجعنا وكان الإجازة بقى منها ٥ يوم ... ال ٥ يوم دي كانت امتحان حقيقي ... العروس المفروض تقضي آخر أياما مع أهلا حيث ينتظرا اغتراب طويل ... وانا عندي مشكلة كتمت نفس كل ما ادخل امدرمان ... بقيت من ما تصبح ألقي (شوق السحابه الراحله) متملكني ادور ألقى رقبتي في امدرمان ... اقعد ساعة ساعتين نفسي اتخما ارجع بحري ... ساعة ساعتين ألقى رقبتي (بقيت ضعيف) تاني ادور على امدرمان ... عادي ٤ او ٥ مرات في اليوم تشيلني السحابة توديني وتلم فيني خمة النفس ترجعني ... شفتا بحري دي عذابا لذيذ كيف .. طبعا نسيبي اخد قرارو ومن أول إجازة رجعنا فيها لقيناهو استقر في بحري ... أنا غايتو على قناعة (تضامنية) بأن بحري هي الحارس الأمين لي عاصمة البلد وهي التي بها (أوتاد الأرض) الخليفة ود بدر شرقا وسيدي إبراهيم الكباشي شمالا والسيد المحجوب والشيخ حمد والشيخ خوجلي والسيد علي الميرغني وزي ما قال الخليفة الزبير (والدي رحمة الله عليه) بحري هي التي تبعد الشر عن العاصمة وقيل السودان كلو ... الملاحظة الجديرة بالاهتمام إنو لم يحصل في بحري أي نوع من أنواع الدشمانات والقتال الذي حصل في امدرمان والخرطوم على مر التاريخ المنظور ... عارف يا قبه بعض من طمأنينة النفس التي تعتريك وهي ظاهرة في ما تكتب هنا سببها السنتين القضيتم في بحري ... ابوحسين قتا لي ناس امدرمان سمحين ... ههههه ... عادي تقشرو بي حق غيركم ما الاعلام عندكم ....
مفروض نطبع المداخلة دي ونوديها لي معتمد بحري- يعلقها في مداخل بحري كباري شمبات والنيل الازرق وكوبر ونسخة تكون معلقة في محطة القطر في الجيلي عشان الناس تعرف محبة الناس لي بحري. بالله كتر لينا من الحاجات دي- باقي ابو حسين وقباني ومنتصر قومو لينا نفسنا:) اي تعليق او إقتطاع لمداخلة صلاح الزبير - ح يفسد القضية وودها.
Post: #102 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 11:09 AM Parent: #101
Quote: اها الهانا التكاثر فندخل على المقابر؟
نعمل مقارنة بين بركات و درمة ؟
بركات (الحفيان) ما عنده غير مقابر حلة حمد و درمة بتجدع بين حمد النيل و احمد شرفي و البكري
بالمناسبة بركات عايش ؟
هههههههههههههههه
قباني يا قلب- ضحكتني ضحك:) غايتو مداخلتك دي تكون كتبتها وباقي للآذان ربع ساعة. قبلت بينا على المقابر -الله يدينا العمل الصالح. الموت حق- لكن الحياة حلوة في بحري:)
Post: #103 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 11:57 AM Parent: #102
Quote: هاك يا اميرة .. و تحياتي لكل الناس الحلوين المعاك ..
كلمات عزالدين هلالي و الحان و عزف الماحي سليمان
مشكور على الجمال يا قبة.
أميرة طلعت أميرة بحق - عندها أرشيف غنائي متميز. اظنو ده من تاثير بحري:)
Post: #104 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 12:15 PM Parent: #103
Quote: ما عندهم الحبة في الكورة .. التحرير جاب جيمس فقط .. لعب للفريق القومي و جاب معاهم كاس افريقيا سنة 70 قبلو ناس سعد دبيبه و الزين قديم .. بحري جابت السد العالي سليمان فارس و لعب في الهلال .. بعد داك الترابة ما عندهم .. التحرير و الاتحاد كانو ملطشة للمريخ و الهلال .. و بعد داك جات كوبر كنا بنديها بالتمانية ..
تعرف يا قبة (عيسى حياتو) كان رئيس الإتحاد الأفريقي - قال على القارة ألاوروبية أن تتوقف عن سرقة المواهب الأفريقية. دي ياها زاتا الإنطبقت علينا في بحري. كل ما تظهر مواهب بتكون عيون الهلال والمريخ مركزين معاها - والقصد طبعآ انو غفقار أندية بحري وتحديدآ التحرير من المواهب. انت عارف اذا مشيت رابطة (الدناقلة) وشفت الميادين والمواهب الموجوده كنت ح تعرف انو فعلآ بحري ولادة. كان المرحوم (طارق عبدالدائم) كالنحلة في تنظيم المنافسات ومتابعة النشئ. عارف شارع المدارس في الشعبية فيهو كم ميدان او ملعب كورة- ملعب فريق الجهاد وملعب فريق الصداقة وملعب فريق الأمراء بدون ما أحسب ليك الملعب المقابل لي بيت الأستاذ الكابلي جنب مدرسة القابلات. تخيل يا قبة ده شارع واحد- والشارع الواحد ده وتحديدآ ملعب فريق الجهاد أنجب (عزالدين الصبابي وياسر أبوورقة وصلاح شكوكو )- (إستاروستا) مدرب الفريق القومي قال انو عزالدين الصبابي امهر لاعب سوداني- عزالدين الله يرحمو كان مشارك في مباراة ليفربول ضد منتخب الخرطوم- والغريبة المدرب كان السد العالي (سليمان فارس). اما إذا مشيت ليك جهة ناس صلاح الزبير (المزاد) بتلقى المرحوم (شيخ إدريس) و (عبدو الشيخ) و (حمد كمال)- المساحة دي يا قلب بتتقطع في تلاته دقائق. اما اذا مشيت ليك على جهة ناس (المسلمي) هناك بإتجاه الصافية وغادي غادي :)بتلقى( هشام الطيب ومبارك سلمان و فايز نصرالدين و هيثم مصطفى ). يا قبة ماعايز اسوقك لي (كوبر) لأنو (جعفر عبدالرازق) ممكن يعمل ليكم (فلايت) انت وابوحسين ومنتصر :) ياخي بحري في الكفر لا تقارن- سرقتو مواهبنا وخليتونا نتلفت:).
Post: #105 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 12:32 PM Parent: #104
Quote: مالو كان مسحوك بي تراب الضريح يا الشيخ والله لو ما تراب الضريح ده كنت بقيت شيوعي ساكت
ههههههههههه
يا عادل المسوح ما بناباهو ابدآ طالما الجائزة كانت حلاوة:) الغريبة الحلاوة زاتا طعمها غير...مع انو كنت بحب جدآ حلاوة (قصب) لكن حبوبتنا ماعارف كانت من وين قاعد تجيب الحلاوة دي- قطع شك مش من ام درمان:) لا واللذيذة يوم الحولية كمان- ده بيكون يوم تاريخي لأنو فيهو دلع عجيب..الجماعة بتاعين (الطبليات) بكونو (قانصين) قدام المسجد- حلاوة أشكال والوان- اول حاجة تدخل الضريح وتسمع الذكر (دائرة) كبيرة جدآ والحيران لابسين أخضر وصوت النوبا يسمع المابسمع - صورة راسخة في الأذهان_ وانت بالك كلو في الطلعة والحلاوة الفي الطبلية ما تخلص:) اها لمن تجي طالع بتقعد تعزل في الحلاوة بالألون والأحجام والطعم. يا سلام على بحري ياخي.
Post: #106 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 12:51 PM Parent: #105
شكل المناسبات (الحفلات) في بحري متفرد- مابتلقاهو في اي حتة رغم انو العادات السودانية متشابهة. يعني اذا في مناسبة في الحلة و ح تكون في حفلة وكده -تمشي سوق بحري(حاج ياسين) وإشتريت ليك قماش ومشيت بعداك لي (كاميليو) في سعد قشرة عشان يفصل ليك بنطلون- تشوف ليك قميص ولا تي شيرت- لزوم الحفلة. لمن تمشي الحفلة من المستحيل تلقى ليك إتنين لابسين زي بعض- إختلاف الأذواق ده بيأكد ليك أنو بحري فيها تنوع جمالي فريد. حتى (البنوت) يكونو لابسات ألبسة مختلفة- طبعآ أكيد بعدما يجهزوا تلاتة أو اربعة لبسات - أصحي يا أميرة حسين :) شكل المشاركة في الحفلات الإجتماعية بين الشباب مختلف خالص- رقيص متزن بعيد عن (الشتارة)- مستحيل تلقى ليك زول في بحري زمنو فارق لانو نوبة الذكر في الضريح شكلت الإيقاع الاساسي للناس- ياخي حتى (القمري على الغصون) زمنو زابط :) في أم درمان بيكون في زول شليق كده بيقدم الفنان ويقول ليك (ما زال الليل طفلآ يحبو)- ما عارف الليل في أم درمان ح يمشي متين:) في بحري مافي كلام زي ده- مافي ليل يحبو ولا نهار جايي ناطي- مافي تقديم للفنان لأنو الفن عندنا هنا رسالة والفنان نجم مجتمع يطلع المسرح وتكون هناك عاصفة من التصفيق من الناس المتابعة...إذا عندك قروش محرقاك بتمشي تجيب مذيع راسو عديل يقدم ليك الحفل. شخصيآ شاهدت (عوض إبراهيم عوض) يقدم حفل عرس- وبتذكر عبارة قالها وهو ماشي على سيارتو لي ناس الحفل وهم بيوصلوهو لي سيارتو قال ليهم (ليت إحسانكم يجزيني شكرا) الحفل الوحيد الكان حضرتو وكان فيهو مقدم للحفل- غير كده ماعندنا البدعة دي:) قالو إبراهيم عوض عمل الموضه في قصة الشعر - الحلاق قطع شك كان من بحري:)
Quote: حتى (البنوت) يكونو لابسات ألبسة مختلفة- طبعآ أكيد بعدما يجهزوا تلاتة أو اربعة لبسات - أصحي يا أميرة حسين :)
متابعة يالشيخ لكن ما تبالغ امدرمان اصلا مهد الحضارة والاناقة من زمن الاتحاد النسائى وتياب التوتال سيداتا وبناتا ما بتلحقن ذوق ورقى واصالة
Post: #108 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 06:29 PM Parent: #107
Quote: متابعة يالشيخ لكن ما تبالغ
هههههههههه
الله يحييك يا أميرة. لازم شوية (آكشن) لأنو انا لاعب ضد تلاتة كلهم محترفين(أبوحسين و قباني ومنتصر:)
Quote: امدرمان اصلا مهد الحضارة والاناقة من زمن الاتحاد النسائى وتياب التوتال سيداتا وبناتا ما بتلحقن ذوق ورقى واصالة
اها يا اميرة بالنسبة للاناقة دي - ام درمان ما شفت فيها الجلاليب -وفي الجلاليب وانا قاطع جنب سوق العناقريب:) لكن بأمانه لمن اعاين لي (كابلي أو ابوداؤود أو صلاح بن البادية بشعر انو ساكن في الموقع الصحيح -لأنو بنقدر نستلهم من النماذج دي- الحالة لسه ما جيتك لي (باتا) في المؤسسة ولا بوتيك صلاح القاضي ولا بيت الازياء مع انو جديد نسبيآ.
اما بخصوص جنسنا الالطف - دي حاجة تانية ياخي.انا اتخيل لي الموضه كانت بتبدأ من (سلوى بوتيك). ام درمان دي البوتيك في عضمو خليهو إسم بوتيك ساكت ما حصل لاقاني:) اشهر (ترزي) نسائي في عموم الخرطوم وماجاورها هو (الطاهر) في الشعبية آخر محطة. هذا مع تقديرنا وإحترامنا ومحبتنا الكبيرة الى حواء في كل السودان.
قباني كان بيجينا في بحري يشتري من سعد قشرة ويمشي ام درمان يقبض الجو بالجماعة:)
Post: #109 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 06:44 PM Parent: #108
احيانآ ممكن تكون قاعد في حلة حمد وتسمع ليك حفلة كاملة بالمرحوم (حمد الريح) او ابراهيم خوجلي. مش انت براك- الناس كلها جو البيت وتسمع صوت الكمنجة والزغاريد. في الوكت داك بتخيل انو ناس ام درمان اذا قالو ليهم إختارو غنية لي (حمد الريح) ح يقولو (خليتني ليه عشت الشقا:) من تتحرك من شمبات و خضر بشير والأوصفوك_ بعد تنتهي تمشي لي قدام تسمع ودالبادية (من هواك). تتحرك شوية توصل محمود (الحوت) تسمع (يا عمر)- تلف منو يمين تلحق (كابلي) شغال في (حنانك يا حالم). قبل الساعة 12 تمشي على الدناقلة تحصل (ابوداؤود) بيغني (من زمان)_ ومنو على (ايوب فارس) يغني في (قلت ازور حبيبي). ده كلو إذا جيت ماري فيهو وعايز تشم هواء حلو- تتحرك على فندق قصر الصداقة وتسمع من توتي (حمد الريح). شوفو إمتداد الجمال ده. اها يا جماعة أم درمان فيها فندق- اوعكم من اللوكانده - عندكم فندق ولا نديكم فندقنا تدقو تدونا :)
Post: #110 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 08:36 PM Parent: #109
سلام اسامة العريفي. ياخي معليش - مداخلتك كانت محشورة في النص وانا شغال قاعد اطقطق ليك في الجماعة :)
Quote: تعرف اخونا الشيخ الزول البيعمل الخلطة بتاعت الباسطة دي اسمو موسي من ابناء كردفان اذكره جيدا وعندما يجهز عمل الباسطة يقوم الخال عمر مغدادي بتسقية الشربات علي الباسطة بقوم بالعمل هذا بنفسه ولازال علي هذا النهج ممنوع زول يقوم بالتسقية غيره
يا سمسم الزول ده من كردفان لكن قطع شك ساكن بحري وأخد الخلطة من بحري- حاجة طاعمة زي دي لازم تشبه بحري:)
أها يا اسامة- حصل يوم جيت علينا بي جاي في بحري- شيخ الزبير قال الحرارة في بحري اقل. يعني النسيم الفايح طيبو من تالا بحري:) تقبل اسفي لأنو اخرت عليك الرد- واهدي ليك الحنجرة البحراوية الأصيلة (ابوداؤود). وعبرك الاهداء إلى الاخ العزيز - الحاضر الغائب (معاوية محمد) يجده كما نتمنى بخير وعافية.
Post: #111 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-18-2021, 08:54 PM Parent: #110
Quote: ياخي مشوار امدرمان دا خاصة حي الاسبتالية كان بعمل لينا دوار
أحمد ياسين يا حبيبناوين الحي ده كمان_ غايتو تعيش كتير تشوف كتير. بالله عندهم حي اسمو الإسبتالية؟؟ ياخي بلدية أم درمان مافيها زول فنان كده بتاع تسميات. انت عارف تسميات زي دي ممكن تاخد ليك بيها سيك :)
Post: #112 Title: Re: كرهتونا ام درمان ام درمان.. التحية ليandquot; � Author: Salah Zubeir Date: 04-18-2021, 10:24 PM Parent: #111
اييييييه أبو داؤود ... بالله شوف الزول دا والتطريب الراقي والعالمي في البيت دا :- أنا في إنتظار عطفك مرت علي سنين ... مبااااالغه ... يا قبه ما عارف حضرتو في الخرطوم القديمة كان الأستاذ محمد توم التجاني بجيب ابو داؤود كل ثلاثاء في مسرح المدرسة جلسات إستماع ... وكيل وزارة التربية آنذاك كان مدمن للإستماع لأبوداؤود حد الثمالة ... وهم اللتنين من أولاد بحري ...
Quote: وين الحي ده كمان_ غايتو تعيش كتير تشوف كتير. بالله عندهم حي اسمو الإسبتالية؟؟
يازول انت جادي
Post: #114 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-19-2021, 01:18 AM Parent: #113
قالو العريس امدرماني فرحان لافي علي اهلو يعزم فبهم لي عرسو ... مشى لي واحد من اعمامو سألو العروس من وين ؟؟ العريس قال ليه من بحري ... العم قالو وشو اتغير .. مالك يا عمي ؟؟ و الله يا ولدي سيرة تقطع الكبري دي ماسيرة ... و عروس ما تقدر تمشي لي اهلها بالرقشة اخير منها العزوبية ... قال بحري قال ...... 😂😂😂😂😂😂😂😂😂😂
Post: #115 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-19-2021, 03:39 AM Parent: #114
نغني للسودان نخبتو الخُلّاص فيهم امدرمان ليها " وضعاً خاص " ..
Post: #116 Title: Re: كرهتونا ام درمان ام درمان.. التحية ليandquot; � Author: muntasir Date: 04-19-2021, 08:44 AM Parent: #115
ياخ الواحد طول من السودان توتي بقت تبع بحري ، ياخ عندك رمضان حسن ممكن تنسبوا لي بحري في فترة ما 😂
Post: #117 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-19-2021, 10:36 AM Parent: #116
الواحد ما لاقي وقت بحري...حنكتب عن ايييه ولا اييييه.ااييييه.او نكتب شنو ونخلي شنو نبدأ بى كابلي ولا خضر بشير...بالضواحي ولا وين؟
Post: #118 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 11:48 AM Parent: #117
Quote: أنا في إنتظار عطفك مرت علي سنين ... مبااااالغه ...
مبالغة نصاح هي لكن!! والعجيبة (محمد ميرغني) شال من (ابوداؤود) المكرفون وقال ليكم (عاطفة - ومعاها حنان كمان :) انت عارف يا صلاح (عاطفة وحنان) دي ممكن تقراها وتتلبس معاك بالجهتين زي (جلابية اهلنا الانصار:)
Post: #119 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 12:01 PM Parent: #118
Quote: يازول انت جادي
ههههههههههه
الله يحييك يا اسامة.
إسبتالية دي كلمة ( تركية) - عشان كده الزول مايستغرب من ام درمان لي هسه مع العناقريب والحقيبة:) معقول يا جماعة - ناس ام درمان ديل قولو ليهم الاتراك (شتتو ) زماااان:)
Post: #120 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 12:12 PM Parent: #119
Quote: قالو العريس امدرماني فرحان لافي علي اهلو يعزم فبهم لي عرسو ... مشى لي واحد من اعمامو سألو العروس من وين ؟؟ العريس قال ليه من بحري ... العم قالو وشو اتغير .. مالك يا عمي ؟؟ و الله يا ولدي سيرة تقطع الكبري دي ماسيرة ... و عروس ما تقدر تمشي لي اهلها بالرقشة اخير منها العزوبية ... قال بحري قال ...... 😂😂😂😂😂😂😂😂😂😂
😂😂😂😂😂
معناها عمك ما رضيان بالعروس- وشغل لي ولدو النغمة الحزينة :)
عليك الله يا ابوحسين شفت (الشليقين) بتاعين مازال (الليل طفلآ يحبو)..انت عارف ديل اذا جونا في بحري مابنقول ليهم اي حاجة- لكن لمن نجي نوزع العشا ب(نشخت - نتجاوزه ) عادي:) يقعد بي جوعو كده لمن يتخارج - اها مرة تانية لمن يمشي حفلة بيكون قاعد بدون شلاقة.
Post: #122 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 12:27 PM Parent: #120
Quote: نغني للسودان نخبتو الخُلّاص فيهم امدرمان ليها " وضعاً خاص " ..
تعرف يا قبة- اجمل حاجة في الفيديو الجبتو ده - صورتك البي جمبة دي. قميصك اللابسو مع البدلة دي - زي التقول شفت زيو كده لابسو (ودالبادية:) اظنك اشتريتو من (سعد قشرة ) 😂😂😂😂😂.
Post: #121 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-19-2021, 12:19 PM Parent: #119
Quote: إسبتالية دي كلمة ( تركية) - عشان كده الزول مايستغرب من ام درمان لي هسه مع العناقريب والحقيبة:) معقول يا جماعة - ناس ام درمان ديل قولو ليهم الاتراك (شتتو ) زماااان:)
يا شايقست ما أتراك بس .... معاهم هنود و أقباط و يهود كمان ..... خلطة ما تلقاها إلا في أمدرمان بلد الناس الحٌنان بعدين شايفك بتتريق من العنقريب و سوق العناقريب شكلك كدا جديد في الحنكشة يا شايقست وحات الله لو جربت العنقريب الهبابي في ضل الشجرة في نهار رمضان ما بتتريق كدا ....
Post: #123 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 12:37 PM Parent: #121
Quote: ياخ الواحد طول من السودان توتي بقت تبع بحري ، ياخ عندك رمضان حسن ممكن تنسبوا لي بحري في فترة ما 😂
😂😂😂
انت شفت حاجة يا منص.مع النسيم الهابي من تالا توتي وجايب ليك صوت المكرفون. يوم كده اشرب Turkish coffee في فندق قصر الصداقة. ح تجي راجع تقول (نمرة 2) تبع بحري 😂 يازول دي قعدة مامنظور مثيلا.
ام درمان فيها فندق😂😂
Post: #124 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 12:45 PM Parent: #123
ابو حسين والله عاد جلسة مافيها كلام. لكن ده عنقريب ولا ( زحلقانية :)- يا زول ده ما معتمد العنقريب ده - لأنو فيهو فتلة. ده ممكن يعمل ليك غضروف في الأضان :) تجيب لينا عنقريب.
Quote: يا شايقست ما أتراك بس .... معاهم هنود و أقباط و يهود كمان ..... خلطة ما تلقاها إلا في أمدرمان بلد الناس الحٌنان بعدين شايفك بتتريق من العنقريب و سوق العناقريب شكلك كدا جديد في الحنكشة يا شايقست وحات الله لو جربت العنقريب الهبابي في ضل الشجرة في نهار رمضان ما بتتريق كدا ....
قالو لكل مقام مقال- هسه حصل شفت ليك زول أكل ليهو قراصة بي (شوكة وسكينة :) هناك لمن نمشي جهة محل الترابلة وحتة الزراعة بنقعد ونتوهط في العنقريب- لكن هنا محل الرئيس حايم والقطر قايم والزهور صاحية_مش ممكن تكون نايم :)
Post: #125 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 02:25 PM Parent: #124
ابو حسين ومنص وقبة- وناس أم درمان. كدي شوفو العنقريب ده.
https://top4top.io/
ده ياهو العنقريب الهبابي...يستعمل مرتين صباح ومساء على الريف وليس على الحضر :)
الزول الصور العنقريب ده قطع شك ماسمع وصية من (حبوبتو) - لأنو في إشتراطات للإستعمال كالآتي:
المخده والنوم يكون على الجانب الآخر وليس على جانب الشناط . تمنع المراتب بالنهار- لزوم التهوية. يمنع الجلوس على المخدة.
عليك الله يا ابوحسين بالمعلومات دي مش عادي ممكن اكون زي الجماعة المورمين فشفاشنا -ناس باحث في التراث:) يا منص - أخد ليك نقلة من المعلومات دي ح تستفيد وانت داخل على السوق :)
Post: #126 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 08:18 PM Parent: #125
يا جماعة كدي اسمعو الغنية العجيبة دي. غنية احبها جدآ- وشوفو بالله الحتة بتاعت (أبدع في تفانينو). غنية فيها روح تأمل ونفس صوفي عميق جدآ. دي الحالة لسه مامشيت ليكم جهة (الشفيع وودالقرشي). شغال معاكم حدود شمبات بس. ده منتج حصري - شوفو ليكم عنقريب واقعدو اسمعو :)
Post: #127 Title: Re: كرهتونا ام درمان ام درمان.. التحية ليandquot; � Author: muntasir Date: 04-19-2021, 08:25 PM Parent: #126
يا بحراوي ما تتسلبط في الشفيع بيت الذكريات المربوع البعدنا
Post: #128 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 08:34 PM Parent: #127
https://top4top.io/
شاعر الجمال إدريس جماع.
كدي شوفو ليكم ضل واقعدو اقرو عن الزول ده و(عماد البليك) كاتب فيهو شنو.
Quote: لجمال السوداني وقصته مع "الحب"
ما لا تعرفه عن شاعر الجمال السوداني وقصته مع "الحب" تابع العربية. نت – عماد البليك نشر في: 17 ديسمبر ,2018: 03:04 م GSTآخر تحديث: 17 ديسمبر ,2018: 03:41 م GST
كثيرة هي الأساطير التي نسجت حول هذا الشاعر السوداني، لاسيما تلك التي يرددها أهل الخليج، وبعضهم يقف في معارض الكتب ليسأل البائع: "هل لديك ديوان شعر لذاك الشاعر السوداني الذي تغنى بالحب والجمال". "ذلك الذي تغزل في فتاة وقال إن رموشها قاتلة!" "ذلك الذي نعى حظه وقال إنه كدقيق منثور في يوم مليء بالغبار!" وقصص لا تنتهي!! بعضهم يتذكر اسمه والبعض لا، وقد يتذكرون أبياتًا من الشعر ليست له في واقع الأمر، فالقصص حوله لم تنته والأساطير المنسوجة المتعلقة به. حلفاية الملوك إنه إدريس محمد جماع (1922 – 1980) الذي ولد في مدينة الخرطوم بحري بالتحديد في حلفاية الملوك المتاخمة للمدينة من الشمال، التي تعرف بإرثها التاريخي وكونها كانت مقراً لحكام وسلطة ملوك العبدلاب منذ قرون خلت. لقد عُرِّف إدريس جماع كما يختصر اسمه بديوان شعر يتيم هو "لحظات باقية" الذي يعبر عن حال الشعر وهو ينسج الخلود لصاحبه، وعبر هذا الكتاب الوحيد ظلّ جماع حاضراً إلى اليوم في قلوب السودانيين سواء بشعره المسطور أو المغنى في الأغاني السودانية من قبل عدد من كبار المطربين.
كذلك فإن أجيالاً تعرف جماع عبر قصائده المقررة في مناهج اللغة العربية في مدارس البلاد. حياته تنقلت بين طفولته في حلفاية الملوك، حيث التعليم التقليدي الديني، ومن ثم المرحلة المتوسطة بأم درمان ثم كلية المعلمين ببخت الرضا، فالسفر إلى مصر، حيث أكمل تعليمه هناك بدار العلوم في مجال اللغة العربية، فالعودة للعمل بمجال التعليم في السودان في فترة المخاض الوطني باتجاه الاستقلال من الاستعمار الإنجليزي. رومانسية ووطنية وجمال وقد كان له طابع جمع بين التيارين الرومانسي والوطني في شعره، بيد أن قضية التغني بالجمال والحب كانت هي مركز قصائده التي تفيض بمعانٍ ساحرة في هذا الإطار. قضى جماع أغلب عمره في مهنة التدريس وهو يتنقل في العديد من المدارس بمدن السودان، قبل أن يقعده المرض الذي استهلك روحه وشعريته، وحرم الناس من إبداعه الذي كان ربما تدفق أكثر لو أن الرجل ظل على قيد الحياة. وقد تميز جماع بقوة التعبير الجياشة عن الذات من خلال شعره البسيط في المعاني والعميق في الدلالات، كما أنه تناول القضايا ذات البعد الوطني والقومي بذات الروح الجمالية. وعلى المستوى العربي فقد اشتهرت له قصائد مثل "أنت السماء" التي غناها المطرب السوداني الذي ذاع صيته في الخمسينات والستينات بالبلدان العربية، وهو سيد خليفة، وفيها يقول عن المحبوبة: دنياي أنت وفرحتي ومنى الفؤاد إذا تمنى أنت السماء بدت لنا واستعصمت بالبعد عنا هلا رحمت متيماً عصفت به الأشواق وهنا معاناة مع المرض النفسي لقد كتب جماع القصيدة التقليدية ذات البحور الخليلية، لكن المعاني عنده كانت تفيض بالإحاسيس والجمال وتحكي عن شقاوة الإنسان في هذا العالم وطموحه ولهفة العيش بسلام. وقال عنه الناقد المصري الدكتور عبده بدوي في كتابه "الشعر الحديث في السودان: إنّ أهمّ ما يميّز الشاعر جمّاع هو "إحساسه الدافق بالإنسانية وشعوره بالناس من حوله ولا شك في أن هذه نغمة جديدة في الشعر السوداني". وقد رحل إدريس جماع وخلّف وراءه فراغاً وجراحاً لدى الأصدقاء والمحبين، لاسيما أنه عانى من مرض نفسي لفترة طويلة، حتى إنه أدخل مستشفى الأمراض العصبية بالخرطوم بحري، وأرسل للعلاج أيضًا في لبنان دون جدوى.
Post: #129 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-19-2021, 08:56 PM Parent: #128
Quote: جانب الشناط
الشناط ... ؟؟؟ 😂😂😂😂😂😂😂😂😂😂 اسمو الكراب يا عربي يا وهم .... 😂😂😂😂
قلت لي ابو الشفيع ... ؟؟؟ شكلك كدا ما ناقش ... 😂😂😂😂😂😂
Post: #130 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 08:58 PM Parent: #128
Quote: يا بحراوي ما تتسلبط في الشفيع بيت الذكريات المربوع البعدنا
يا منص- الثنائي (علاء الدين حمزة و محمد عبدالكريم القرشي) من بحري- تحديدآ حلفاية الملوك. الشفيع سكن جنبهم وعمل الابداع ده كلو. حبيبنا بكري (اب صلعه) ان شاء الله يدخل البوست ده ويأكد ليك كلامي - واذا بكري عامل تقيل بي صلعتو البتلمع دي :) اهو معانا صلاح الزبير.
بحري فيها سر عجيب ياخي- بالله شفت نفحات الصباح والمرحومة (ليلى المغربي)- الشغل الجميل ده كان خلفه المرحوم (سعدالدين ) - برنامج شكل علامة فارقة في الإذاعة - اها يا منص (سعدالدين) من بحري وبرضو من الحلفايا. سعدالدين ده كتب ما كتب -لكن تبقى اغنية (العزيزة) هي الاشهر بين ما كتب من اشعار. ياخي تمشي على (الماحي سليمان وحمزة سليمان) ولا تمشي على (عابدة و اسامة الشيخ). ياخي بحري منبع إبداع لاينضب.
بعيدن يا منص سمعت غنية خضر بشير؟؟ ان شاء الله تكون آمنت :)
Post: #131 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 09:08 PM Parent: #130
Quote: الشناط ... ؟؟؟ 😂😂😂😂😂😂😂😂😂😂 اسمو الكراب يا عربي يا وهم .... 😂😂😂😂
انا طبعا مابقدر اغالطكم في اشهر منتجاتكم 😂
اها الشفيع عايزين تعملوهو منكم- الزول اصولو من شندي وجا الخرطوم بالقطر. اول حاجة نزل عندنا- ومشى كمل لفتو وزبط امورو في الإذاعة وجانا راجع وشكل (ون تو ) مع (ودالقرشي). زي ماقلت ليكم -إذا ما الإذاعة كان غنيتو ظلموه😂😂😂
Post: #132 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-19-2021, 09:31 PM Parent: #131
زمان بنمشي الفرن مجموعات- نسوان الحلة يكون قاعدات في بيت ويخبزو. اي واحده تطلع تنادي اول واحد تشوفو في الشارع يجي و يشيل ليهو صينية ويمشي على الفرن. الحلة كلها بتكون شغالة رايح جاي - اي سبيل في الشارع بتكون مويتو كملت.مافي زول بيكون صايم من العتالة ديل😂😂😂 الموضوع ده بيستمر تقريبآ من عشرة صباحا لغاية عشرة او حداشر مساء. تلاتة اصناف - بسكويت وكعك ناعم و بتيفور(النوع الاخير ده بيكون ما معروف في ام درمان😂 انا ماكنت بالحيل على الكعك والبسكويت...لكن عندي مزاج عجيب مع (البتيفور) و قصة الالوان الكتيرة دي- وفي واحد كده بيكون معاهو (كاكاو)- ناس البيت يوصوك توصية تقيلة - يا ولد -ماتأكل في الشارع البتيفور ده بيطلع من الفرن سخن - تعال البيت وخليهو يبرد واكلو. سخن شنو يا جماعة- حاجة بتعملوها مرة واحد في السنة معقول تقعد تنتظر- بإختصار كده الصينية بتجي أظنو ربعها منتهي 😂😂😂
منتصر بيكون شغال يعجن😂 ابوحسين (خبزتو) ولا لسه😂😂
Post: #133 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-20-2021, 01:26 AM Parent: #132
Quote: محمد عبدالكريم القرشي
😨😨😨😨😨😨😨😨😨😨😨 See me
Post: #134 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-20-2021, 01:37 AM Parent: #133
Quote: يا منص- الثنائي (علاء الدين حمزة و محمد عبدالكريم القرشي)
أعِــــدْ
Post: #135 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 02:57 AM Parent: #134
Quote: أعِــــدْ
Quote: see me
ههههههههههههههههه
عليك الله شوفو بتاعين سوق العناقريب :)
ماسكين لي في عبدالكريم بدل عوض الكريم.
انا كنت شغال ليكم بي تنك الحلو مر- بعد كده ح اغشى ليكم (كشك صلاح ) في المزاد. صوت الجاز خلاكم بقيتو شغالين مدرسين لغة عربية :)
كسرة: يا قبة عليك الله افضى لينا واتحفنا بي رائعة الشفيع (خداري) شرطآ بالعود من خشم سيدا. قدر ما فتشت غلبني القاها.
اها ما قلتو لي - خبزتو ولا لسه :)
Post: #136 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-20-2021, 09:01 AM Parent: #135
Quote: كسرة: يا قبة عليك الله افضى لينا واتحفنا بي رائعة الشفيع (خداري) شرطآ بالعود من خشم سيدا.
دي خداريكم الشاعرها من الابيض ..
و دي خدارينا الشاعرها عبد الرحمن الريح من امدر ..
Post: #137 Title: Re: كرهتونا ام درمان ام درمان.. التحية ليandquot; � Author: muntasir Date: 04-20-2021, 09:08 AM Parent: #136
يا قبة أبوداؤود ذاتو من بربر وبعدين لف بحري دي كلها ما لقى صديق صدوق إلا علي المك من البقعة
Post: #138 Title: Re: كرهتونا ام درمان ام درمان.. التحية ليandquot; � Author: Ahmed Yassin Date: 04-20-2021, 09:12 AM Parent: #137
والحالة لسع ما توجهنا صوب شرق النيل نواحي ..العيلفون ..والدبيبة
Post: #139 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-20-2021, 09:20 AM Parent: #138
Quote: يا قبة أبوداؤود ذاتو من بربر وبعدين لف بحري دي كلها ما لقى صديق صدوق إلا علي المك من البقعة
وفردته التاني برعي محمد دفع الله ذاتو ود امدرمان يا منص .. اتولد في امدر و مات في ام در ..
Post: #140 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-20-2021, 09:22 AM Parent: #139
Quote: والحالة لسع ما توجهنا صوب شرق النيل نواحي ..العيلفون ..والدبيبة
بحريكم كملت قمتوا تقابضو في شرق النيل و البطانه .. هههههههههههه
Post: #141 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 12:44 PM Parent: #140
Quote: يا قبة أبوداؤود ذاتو من بربر وبعدين لف بحري دي كلها ما لقى صديق صدوق إلا علي المك من البقعة
ههههههههههه
في حاجة كده في اللغة العربية- يقول ليك (جماعة تأبط شرآ) ناس أم درمان عملو جمعية جديدة إسمها (تشعبط نجمآ :)
يا منص - قبلتو على الأصحاب وخليتو (سيد المنقه ).
Post: #142 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 12:55 PM Parent: #141
Quote: وفردته التاني برعي محمد دفع الله ذاتو ود امدرمان يا منص .. اتولد في امدر و مات في ام در ..
ودالقرشي من الابيض. برعي من مدني. البيخلي ده من الابيض ود من ام درمان شنو. البتدوروهو تقطعوهو الزلط- المكجننو توصفو ليهو غلط :)
كسرة: مشكورة يا قبة على الشفيع.
Post: #143 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-20-2021, 01:44 PM Parent: #142
Quote: كسرة: مشكورة يا قبة على الشفيع.
هو الزول دا صايم و ل شنو ....؟؟؟؟
Post: #144 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 07:50 PM Parent: #143
Quote: هو الزول دا صايم و ل شنو ....؟؟؟؟
ههههههه
كويس انك نبهتني :) اظنو لمن كتبت المداخلة كان في باقي شوية في (الكربريتر :)
لك العتبى قبة يا حبيبنا.
Post: #145 Title: Re: كرهتونا ام درمان ام درمان.. التحية ليandquot; � Author: علي عبدالوهاب عثمان Date: 04-20-2021, 08:56 PM Parent: #144
حبيبنا الجميل الشيخ .. بوست اخوانيات رائع
كل أهلنا وأنا ذاتي مستقبلا في بحري ولكن يا الشيخ أمدرمان طعم خاص أنا حبي لأمدرمان عشان سيدي الشيخ الحسن الادريسي ودائرة الادارسة في الموردة يا سلام عندما توسعت دائرة الادارسة شملت بيت فوز وأصبحت ضمن الدائرة حتى كنت أداعب شيخ الادارسة الحالي دكتور تازي الحسن الادريسي اخصائي اطفال وأقول يا ريت كان تتركوا بيت فوز كما هو عشان قريبنا خليل فرح قال ( يا جميل يا نور الشقايق أملا كاسك وأصبر دقايق ) دي فوز وبيتها بقى ضمن الدائرة شوف جمال أمدرمان يا سلام رمز للانسانية والتسامح ما في تناقضات كل له دور فوز نور الشقايق .. والسلام للمهدي الامام .. شوف خليل كيف رفع من مقام فوز ودورها في النضال من أجل عازة (الوطن ) وفي نفس القصيدة يمجد المهدي والانصار ..
ليس ذلك فقط ولكن يمتد به العشق لدرجة القداسة لامدرمان .. عندما يقول ( من علايل ابروف للمزالق من فتيح للخور للمغالق قدلة يا مولاي حاف حالق ) خليل بالاحرام في امدرمان وكأنه في الحج كما بين الصفا والمروة ,,
====== تعرف يا الشيخ مروي ليها اثر وعمق أكثر بحري بل هي بمثابة امدرمان مدينة يعشقها الزائر شوف كابلي من بحري ( ما عارف ) ولكن تغنى لمروي وكأنها أمدرمان يا ناس القوز .. بعدين أنتو أهلنا الشايقية عندكم مشكلة ما تعرفوا ( تصلحوا موية التمر) كويس نحن في دنقلا نتفوق عليكم في الطعم والرغوة .. الفرق كبير كان ( اللهم اني صائم ) معليش ذكريات ... طيب الكابلي ده لو خلى القوز وأخذ كاس من ( موية دنقلا ) كان قال كلام آخر يا سلام رجعتنا أيام الشباب ..
======= والمهم كمان محمد عوض الكريم القرشي ده من عندينا من السليم شرق دنقلا من أجمل المناطق زراعة وبشر أذكره اخوه محي الدين عوض الكريم كان نزل في الانتخابات ايام نميري مجلس الشعب ضد احد افراد الادارة الاهلية .. وفي دائرتنا كنا معاه لأن كان كاريزما وحماسي جداً رغم أنه لم يكن مايوي .. وفاز في الانتخابات ..
في برنامج برش في قناة الخرطوم قبل يومين كانوا في امدرمان معظم الناس اصولهم من الشوايقة والدناقلة .. حتى المهدي
كمان مقابل ادريس جماع .. التيجاني يوسف بشير
الحبيب الشيخ شكرا كثير كثير يا جميل .. التراويح بقى مختصر عشان الكورونا بعدها على الطول رجعت للبوست
رمضان مبارك يا الشيخ بحسب تصنيف الامير الحائر توفيق نحنا ناس ضهارى ساى والاسم الاصح ناس اقاليم قبل ان تتفنن الانقاذ فى الاسماء وفى العملات فى السجل الدائر اقف على الحياد مشجعا اللعبه الحلوه والتعليق الظريف حتى الان وانت فريق الرجل الواحد تسجل صمودا وتقدم خفيف مع ظنى ان اولاد ام درمان لم يستخدموا اسلحه الدمار الشامل والهجوم الخاطف من الزوايا وعليك بتشجيع حلفائك(للدعم السريع ) للمؤازة والجرجره لنا وشيجه صله خاصه ب ام درمان حيث شهد المستشفى العسكرى ل قوات دفاع السودان (الاسم القديم لما يعرف الان ب القوات السودانيه المسلحه)ميلاد الوالده امد الله فى عمرها ونفعنا بها ورغم ذلك سنظل على حياد آمن وامين:)
Post: #147 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 10:12 PM Parent: #146
حياك الله استاذنا الجليل (علي عبدالوهاب).
Quote: حبيبنا الجميل الشيخ .. بوست اخوانيات رائع
كل أهلنا وأنا ذاتي مستقبلا في بحري ولكن يا الشيخ أمدرمان طعم خاص أنا حبي لأمدرمان عشان سيدي الشيخ الحسن الادريسي ودائرة الادارسة في الموردة يا سلام عندما توسعت دائرة الادارسة شملت بيت فوز وأصبحت ضمن الدائرة حتى كنت أداعب شيخ الادارسة الحالي دكتور تازي الحسن الادريسي اخصائي اطفال وأقول يا ريت كان تتركوا بيت فوز كما هو عشان قريبنا خليل فرح قال ( يا جميل يا نور الشقايق أملا كاسك وأصبر دقايق ) دي فوز وبيتها بقى ضمن الدائرة شوف جمال أمدرمان يا سلام رمز للانسانية والتسامح ما في تناقضات كل له دور فوز نور الشقايق .. والسلام للمهدي الامام .. شوف خليل كيف رفع من مقام فوز ودورها في النضال من أجل عازة (الوطن ) وفي نفس القصيدة يمجد المهدي والانصار ..
ليس ذلك فقط ولكن يمتد به العشق لدرجة القداسة لامدرمان .. عندما يقول ( من علايل ابروف للمزالق من فتيح للخور للمغالق قدلة يا مولاي حاف حالق ) خليل بالاحرام في امدرمان وكأنه في الحج كما بين الصفا والمروة ,, ======
والله للامانه يا استاذ علي - اقول ليك على مضض - فعلآ اولاد ام درمان (ابو حسين وقباني ومنتصر ) منحو البوست جمال وروعة بمداخلاتهم. لكن برضو ح ارشهم ليك رش تقيل :)
الأدارسة على العين والرأس يا استاذنا ما عندنا فيهم كلام. وتقديرنا الى آل المهدي الممتد.
Quote: ====== تعرف يا الشيخ مروي ليها اثر وعمق أكثر بحري بل هي بمثابة امدرمان مدينة يعشقها الزائر شوف كابلي من بحري ( ما عارف ) ولكن تغنى لمروي وكأنها أمدرمان يا ناس القوز .. بعدين أنتو أهلنا الشايقية عندكم مشكلة ما تعرفوا ( تصلحوا موية التمر) كويس نحن في دنقلا نتفوق عليكم في الطعم والرغوة .. الفرق كبير كان ( اللهم اني صائم ) معليش ذكريات ... طيب الكابلي ده لو خلى القوز وأخذ كاس من ( موية دنقلا ) كان قال كلام آخر يا سلام رجعتنا أيام الشباب ..
كابلي غنى لي (مروي) وسكن في بحري- ياخي أنا نشأت بيني وبين بيت كابلي ستة منازل. تخيل الصباح وانت طالع ماشي على المدرسة تشوف الزول البديع ده بإبتسامته الجميلة دي وتمشي مدرستك- ناس ام درمان (عجاجة) من قدام الباب لغاية مايصلو سوق العناقريب :) ياخي ام درمان دي فيها عجاجة تعمل صداع في (الركبة :) والعجب اذا مشيت جهة (جامع فيصل) ودخلت يمين - عندهم سوق هناك ماعارف اسمو سوق شنو- ده كمان فيهو عجاجة (دبل كابينة:)
Quote: بعدين أنتو أهلنا الشايقية عندكم مشكلة ما تعرفوا ( تصلحوا موية التمر) كويس نحن في دنقلا نتفوق عليكم في الطعم والرغوة .. الفرق كبير كان ( اللهم اني صائم ) معليش ذكريات ...
هههههههههه
اجمل تعليق يا استانا الجليل. جاييك بي مهلة - اتعشى واجيك راجع.
Post: #148 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 10:29 PM Parent: #147
Quote: والمهم كمان محمد عوض الكريم القرشي ده من عندينا من السليم شرق دنقلا من أجمل المناطق زراعة وبشر أذكره اخوه محي الدين عوض الكريم كان نزل في الانتخابات ايام نميري مجلس الشعب ضد احد افراد الادارة الاهلية .. وفي دائرتنا كنا معاه لأن كان كاريزما وحماسي جداً رغم أنه لم يكن مايوي .. وفاز في الانتخابات ..
تعرف يا استاذ (ودالقرشي) ابوحسين وقباني زرزروني فيه زرزرة- واحد كتب لي قابلني- والتاني كتب لي أعد:) طالما انو من الشمالية معناها جابو القطر ونزل عندينا في (بحري). اول حاجة الناس تنزل في بحري - وتمشي تحوم زي ما تحوم وتجينا راجعة.
الله يحييك استاذنا الجليل
Post: #149 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-20-2021, 10:56 PM Parent: #148
حياك الله اخونا عبدالرحيم. مبارك عليك الشهر.
Quote: رمضان مبارك يا الشيخ بحسب تصنيف الامير الحائر توفيق نحنا ناس ضهارى ساى والاسم الاصح ناس اقاليم قبل ان تتفنن الانقاذ فى الاسماء وفى العملات فى السجل الدائر اقف على الحياد مشجعا اللعبه الحلوه والتعليق الظريف حتى الان وانت فريق الرجل الواحد تسجل صمودا وتقدم خفيف مع ظنى ان اولاد ام درمان لم يستخدموا اسلحه الدمار الشامل والهجوم الخاطف من الزوايا وعليك بتشجيع حلفائك(للدعم السريع ) للمؤازة والجرجره لنا وشيجه صله خاصه ب ام درمان حيث شهد المستشفى العسكرى ل قوات دفاع السودان (الاسم القديم لما يعرف الان ب القوات السودانيه المسلحه)ميلاد الوالده امد الله فى عمرها ونفعنا بها ورغم ذلك سنظل على حياد آمن وامين:)
هههههههههه شفت كيف بالله فريق الرجل الواحد- ياخي انا مرات بحس اني بلعب في play station :) وكل مرة بكسب اسلحة جديدة في اللعبة- طقطقتهم ليك طقطقة شديدة :) اسلحة الدمار الشامل حقتم معروفة يا (عبدالرحيم) ح يقومو جارين للحقيبة. انا كان عارف الحقيبة دي ح تعمل فينا زي ده كان خطفتها من سيدا وسلمتها (اولاد شمبات) وخليت ليك خشماتم ملح ملح :)
انت قايل الوجع وين يا (عبدالرحيم) - الوجع كلو في (أبوداؤود)- ما باقي ليهم الا يعملو جزيرة عديل (مش كوبري) من الملازمين لي الدناقلة :) والغريبة التلاتة -قباني وابوحسين ومنتصر مكسرين في ابوداؤود. ما عارفين انو الواحد في بحري ممكن يكون خرمان للحنجرة الذهبية دي- يمشي ويقطع بيت (احمد الميرغني) ويصل الدناقلة ويسمع من خارج السور وكأنك داخل الحوش- تسمع كده وتطرب طرب عجيب- وترجع بيتك. هم اذا عايزين الكلام ده مابيقدرو يجو -لأنو الكلام ده بيكون في الليل- وفي الليل يمنع عبور (الكارو) للكوبري- ام درمان ما فيها سيارات الوكت داك :)
Post: #150 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-21-2021, 01:21 AM Parent: #149
Quote: والغريبة التلاتة -قباني وابوحسين ومنتصر مكسرين في ابوداؤود.
غريب انت يا شايقي يا وهم .... لغاية الآن ما اقتنعت بي انو ناس امدرمان ذواقين للفن و الفنانيين و عندهم المقدرة على تمييز الطيب من الغث ... ؟؟؟؟
Post: #151 Title: Re: كرهتونا ام درمان ام درمان.. التحية ليandquot; � Author: muntasir Date: 04-21-2021, 06:01 AM Parent: #150
يا سيدأحمد كمان انت قال نحن يجرمنا شنآن قوم أن نعدل ونقوم نقلل من قدر اب داؤود ولا خدر بشير كان كده انت ما بتعرف أم در ولا ناسها ياخ انت لي هسه ما جبت سيرة نور الجيلاني حدك في بحري الباسطة والبتي فور وبناطلين التريڤرا وتوتي ياخ أجر البوست ده لي عماد كان وراك بحري التي لم تعرف 😂
Post: #152 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-21-2021, 01:12 PM Parent: #151
Quote: يجرمنا شنآن قوم أن نعدل
دا شنو يا إريرا البوست دا بستحق زي كلامك دا ...؟؟؟؟ ثم إنت الكلام دا جبتو من وين ...؟؟؟؟ بتذاكر من ورانا و ل شنو ...؟؟؟
Post: #153 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 07:14 PM Parent: #152
Quote: غريب انت يا شايقي يا وهم .... لغاية الآن ما اقتنعت بي انو ناس امدرمان ذواقين للفن و الفنانيين و عندهم المقدرة على تمييز الطيب من الغث ... ؟؟؟؟
ذواقين شنو يا ابوحسين. كدي انتظرني شوية وانزل ليك قصة (التيس الامدرماني:) عشان تشوف بيئة أم درمان كيف بتاثر على الإنسان وبرضو على الحيوان.
التيس- هو ذكر الماعز :)
Post: #154 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 07:22 PM Parent: #153
Quote: يا سيدأحمد كمان انت قال نحن يجرمنا شنآن قوم أن نعدل ونقوم نقلل من قدر اب داؤود ولا خدر بشير كان كده انت ما بتعرف أم در ولا ناسها ياخ انت لي هسه ما جبت سيرة نور الجيلاني حدك في بحري الباسطة والبتي فور وبناطلين التريڤرا وتوتي ياخ أجر البوست ده لي عماد كان وراك بحري التي لم تعرف 😂
يا منص- انا لغاية هسه واقف في الحلفاية. لسه قدامنا الدروشاب والسامراب وبعدين نصل الكدرو ونفتح دفتر (النور الجيلاني). والله يا منص يا ريت عماد يجي يستلم- عشان يطقطقكم طقطقة صاح:) انا بي حالتي دي غالبكم لغاية هسه 6\صفر :) كان جاكم حبيبنا (عماد أحمد ) ممكن يقعد ليكم في شارع المعونة بس تلاتة صفحات- وكان بدأ ليكم في ودالبادية بتجيكم جلطة في النظر- وكمان اذا شرب ليهو كباية شاي وبدأ ليكم في ابوداؤود الا تنتظرو الربع الجاي :)
Post: #155 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 07:27 PM Parent: #154
تقول لي ام درمان محل الفن. كدي شوفو القصة الخيالية دي. مشينا لي زميلنا في ام درمان- في حتة كده انت ماشي من الشهداء على حي العمدة. لفينا لفلفة تقيلة لغاية ما حددنا انو ده بيكون المكان- المهم نزلنا وماشين قلنا نسال لينا زول من البيت- شارع فيهو كمية بتاعة (غنم) كتيرة جدآ- المهم ماشين في امان الله – بعد شوية كده واحد ماشي معانا جاهو من وراهو (تيس) اداهو ليك نطحة- الزول لمن إترتع قدامنا- لمن إتلفتنا ورانا لقينا ليك (تيس) اظنو جايبنو من (سباق الخيل :) حاجة كده كبيرة لدرجة- المهم قلنا نسرع شوية- التيس مبارينا ليك في خطراتنا- في النهاية ما لقينا حل غير انو نجري:)- نحن جارين والتيس فاتح ليك ورانا فتح مبالغة – جراي جري- واحد معانا سريع جدا –سبقنا هناك واتلفت قال لينا اسرعو اسرعو التيس ده قاعد ينطط وراكم :). وصلنا قريب من دكان- سيد الدكان شافنا فاتحين –جا طالع ومعاهو عكاز- خبط ليك العكاز في الشبك بتاع الدكان- التيس عمل ليك (كما كنت:) لكن قاعد يكشف لينا –صاحبنا السريع قال ياخي التيس ده نطاط نط اظنو بيلعب (كونغ فو :)-التيس واقف وجاري ليك فينا نور طويل وعمك بتاع الدكان واقف وشايل العكاز:)- بعد مسافة يا تيس السجم ده حتى اتخارج :) المهم بعد شوية كده شلنا نفسنا وهدينا- اتصلنا على زميلنا من تلفون الدكان. اها سلمنا عليهو واخبارك وقلنا ليهو نحن واقفين وين – عرف المكان وقال لينا انتو قريبين امشو كده كده بتلقو البيت. اللذيذة معانا واحد عندو( فوبيا ) من الكلاب قال لي دقيقة ما تقفل الخط - مسك السماعة وسلم على زميلنا وقال ليهو ان شاء الله ماعندكم (تيس) في البيت :)- عايز يقول ليهو ان شاء الله ماعندكم (كلب :). معقول يا جماعة دي بلد دي - يكون ساكيك فيها تيس:).
Post: #156 Title: Re: كرهتونا ام درمان ام درمان.. التحية ليandquot; � Author: ABUHUSSEIN Date: 04-21-2021, 07:54 PM Parent: #155
Quote: تقول لي ام درمان محل الفن. كدي شوفو القصة الخيالية دي. مشينا لي زميلنا في ام درمان- في حتة كده انت ماشي من الشهداء على حي العمدة. لفينا لفلفة تقيلة لغاية ما حددنا انو ده بيكون المكان- المهم نزلنا وماشين قلنا نسال لينا زول من البيت- شارع فيهو كمية بتاعة (غنم) كتيرة جدآ- المهم ماشين في امان الله – بعد شوية كده واحد ماشي معانا جاهو من وراهو (تيس) اداهو ليك نطحة- الزول لمن إترتع قدامنا- لمن إتلفتنا ورانا لقينا ليك (تيس) اظنو جايبنو من (سباق الخيل :) حاجة كده كبيرة لدرجة- المهم قلنا نسرع شوية- التيس مبارينا ليك في خطراتنا- في النهاية ما لقينا حل غير انو نجري:)- نحن جارين والتيس فاتح ليك ورانا فتح مبالغة – جراي جري- واحد معانا سريع جدا –سبقنا هناك واتلفت قال لينا اسرعو اسرعو التيس ده قاعد ينطط وراكم :). وصلنا قريب من دكان- سيد الدكان شافنا فاتحين –جا طالع ومعاهو عكاز- خبط ليك العكاز في الشبك بتاع الدكان- التيس عمل ليك (كما كنت:) لكن قاعد يكشف لينا –صاحبنا السريع قال ياخي التيس ده نطاط نط اظنو بيلعب (كونغ فو :)-التيس واقف وجاري ليك فينا نور طويل وعمك بتاع الدكان واقف وشايل العكاز:)- بعد مسافة يا تيس السجم ده حتى اتخارج :) المهم بعد شوية كده شلنا نفسنا وهدينا- اتصلنا على زميلنا من تلفون الدكان. اها سلمنا عليهو واخبارك وقلنا ليهو نحن واقفين وين – عرف المكان وقال لينا انتو قريبين امشو كده كده بتلقو البيت. اللذيذة معانا واحد عندو( فوبيا ) من الكلاب قال لي دقيقة ما تقفل الخط - مسك السماعة وسلم على زميلنا وقال ليهو ان شاء الله ماعندكم (تيس) في البيت :)- عايز يقول ليهو ان شاء الله ماعندكم (كلب :). معقول يا جماعة دي بلد دي - يكون ساكيك فيها تيس:).
رغم انو الحتة دي ما حتة غنم و تيوس لكن التيوس بتعرف بعضها .... 😂😂😂😂 اكون خاف علي منطقتو يشاركوه فيها تيوس تانين .... ديل ساكيهم تيس و جايين يحكوها كمان ... ؟؟؟؟
Post: #157 Title: Re: كرهتونا ام درمان ام درمان.. التحية ليandquot; � Author: muntasir Date: 04-21-2021, 07:57 PM Parent: #156
أو يكون به طرب تملكه وحب يقول يا غنم بحري قالوا بتحبوا مرة حبونا 😂
Post: #158 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 08:07 PM Parent: #157
Quote: رغم انو الحتة دي ما حتة غنم و تيوس لكن التيوس بتعرف بعضها .... 😂😂😂😂 اكون خاف علي منطقتو يشاركوه فيها تيوس تانين .... ديل ساكيهم تيس و جايين يحكوها كمان ... ؟؟؟؟
😂😂
يا زول كيف مافي غنم- هو في مكان في ام درمان مافيهو غنم وتيوس. ياخي حوش الإذاعة مليان غنم😂😂😂😂
Post: #159 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 08:15 PM Parent: #158
Quote: أو يكون به طرب تملكه وحب يقول يا غنم بحري قالوا بتحبوا مرة حبونا 😂
😂😂😂
الغنم في بحري يجو داخلين الساعة 6 الا ربع- يكونو واقفين عشان يفضو الحمولة. التيس بيكون شغال (أمين مخزن:) يكشف من بعيد😂 مافي زول جا طالع عشان يشوف الناس الفاتحة دي :) معقول يا جماعة- تيس ماسكين ليهو عكاز- طيب الكلب ح ترشو بي دوشكا يعني ولا كيف 😂.
انا اتخيل لي التيس ده حقكم يا منص😂
Post: #160 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 08:25 PM Parent: #159
ياخي عجاجة وغنم وتيوس- ونحن في بحرينا الحنينة نكون مهتمين بي (مجلة ماجد) تمشي أكشاك مكتبات بحري جنب المستشفى يوم الأربعاء- زحمة من الصبية منتظرين مجلة ماجد. بالله شوف الاهتمام- ناس ماسكة عكاكيز للتيوس وناس تفتش في مجلة للإطلاع😂 اذا لاقيت ليك واحد الوكت داك من ام درمان وسألتو اذا إشترى ماجد ولا لا؟؟ ممكن عادي يكون فاتح خشمو واول حاجه ح تجيهو في بالو ماجد لاعب المريخ😂 كرهتونا بي الباحث في التراث- ما كان تشوفو ليكم باحث في التيوس 😂😂😂
Post: #161 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-21-2021, 08:35 PM Parent: #160
بالمناسبة اتذكرت (عادل أمين - جقود) عندو قصة عن تيس المحطات😂😂😂
التيس بيتحرك بي أمر تحرك من محطة للمحطة للتانية. اها ناس ام درمان التيس عندهم زي ماقال صاحبنا بيلعب (كونغ فو😂 زي ده يعملو ليهو امر تحرك كيف - لازم يكون معاهو عكاز. انا ما عارف (حميركم وحصينكم ) المطلوقة في السوق دي بتوجههوها بي شنو- قطع شك حاجة اقوى من العكاز😂
Post: #162 Title: Re: كرهتونا ام درمان ام درمان.. التحية ليandquot; � Author: adil amin Date: 04-22-2021, 05:02 AM Parent: #161
الصراع محتدم بين ناس يا عذارى الحي ناس بحري "المرافعين" وناس اين مي ناس ام درمان "الصيص "
بخت ناس الخرطوم والله وعاملين فيها عثمان حسين انا والنجم والمسا
Post: #163 Title: Re: كرهتونا ام درمان ام درمان.. التحية ليandquot; � Author: يحي قباني Date: 04-22-2021, 09:35 AM Parent: #162
Quote: الغنم في بحري يجو داخلين الساعة 6 الا ربع- يكونو واقفين عشان يفضو الحمولة.
غنم سيدي ؟
Post: #164 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-22-2021, 06:36 PM Parent: #163
Quote: الصراع محتدم بين ناس يا عذارى الحي ناس بحري "المرافعين"
هههههههه صراع شتو يا عادل- ديل حمام ميت ياخي. الحالة انا سايق بدون (مرايات الجنب) ولسه خرمت ليهم ب (حلاة زوزو :) بديت ليهم بي آمنت - عشان يآمنو :)
كويس انك جبت سيرة عثمان حسين يا (عادل) لأنو عايز اسمعكم زول كده- لقيتو طاشي في النت وقدر ماقلبت في النت غلبني اعرف باقي الجلسة دي كانت وين. قباني طبعآ متخصص في الحاجات الحلوة دي - باقي اخد التيراب من بحري:) ابوحسين متخصص في البحث والتنقيب- اقول على مضض - اضانو نضيفة في السمع. منتصر - اقول على مضض ومضمضة زاتو:) - اضاتو ونخرتو برضو نضيفة. اصحو يا ولاد ام درمان وجيبو لينا خبر الزول ده اسمو منو - وجيبو لينا باقي الجلسة دي. cc ,ودالبشرى (ملك التقصي في البورض).
Post: #165 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 04-22-2021, 06:50 PM Parent: #164
كدي بالله اسمعو الزول ده. عمك القاعد في النص وبيعزف باحساس عالي جدآ- زابط شغل عجيب. قباني - عادل امين- ابوحسين - منتصر- معاوية محمد(الحاضر الغائب) ولكل من مر من هنا- ولكل محبي بحري:) النشوف رايكم. ابوحسين ياخي شوف لينا باقي (السمنة والعسل) محلها وين- جيب لينا باقي اغاني القعدة العجيبة دي.
Post: #166 Title: Re: كرهتونا ام درمان ام درمان.. التحية ليandquot; � Author: الشيخ سيد أحمد Date: 05-09-2021, 02:51 PM Parent: #165
