من الاخر كدا أعرفوا الحبش عندهم ضهر وأمريكا معهم #

10:51 AM April, 14 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

حقيقة حصدنا الوهم عشان نحن لا بنعرف نقيم وضع ولا نحلل كويس وأدارة الازمة عندنا جوطة وكلام الملء الثانى بقي واقع جد ما ح يكون مجرد تخزين 13 مليار متر مكعب خلف السد، لكنه ليها تداعيات رهيبة ح يحدد
وضع كل بلدان النيل ونفوذها السياسي عليهو وهنالك خرائط سياسية واقتصادية جديدة، مع قوي دولية وأثيوبيا نحن ندفع الآن بالتأكيد فاتورة أخطاء كارثية ارتكبناها من سنيين وكذلك المفاوضات المضحكة خلال العشر سنين اللي فات وأكثر مع
إثيوبيا وقعنا معها اتفاق إعلان للمبادئ، لكننا وقعنا معهم خلاص بعد دا نشوف أمطارنا وين والموية الجوفية وين ونحدد مستقبلنا المائي فضرب السد مع مصر وتحالف عسكري وتسويتو بالتراب ودا ما حل الحل الوحيد الذي لم يعد أمامنا غيره
مهما كانت التبعات والتحديات موية المطر والعودة لمشروع قناة جونقلي مع الاشقاء في جنوب السودان
الواقع الحالي بالجد سوف يعطي إثيوبيا حق الملء بدون توقيع اتفاق قانوني ملزم لا مقابل تعهدها باحترام نصيبنا من المياه ولا زفت
والان هنالك من قدم الدعم لينا في السر والعلن ويقول أنه معنا من دول الخليج والافارقة يعمل علي فرض واقع الملء علينا
خلاص نحن عندنا قناعة بأن السودان لن يعطش ولكن علينا تدبير أمورنا بالامطار والعمل علي وضع سياسة جديدة لاستهلام المياه
نحن مشكلتنا في ساستنا

سلام وتحية استاذ زهير.

شوف من الآخر كده المصريين اخر ناس يحبوا لينا الخير.
وسد النهضة السودان هو الأكثر استفادة منه.
- ضمان جريان للنيل طول العام.
- مافي فيضانات تاني.
زراعة مساحات ضخمة جدا بكل انواع المحاصيل ومن ثم التصدير للعالم.
كهرباء رخيصة من اثيوبيا واستقرار فيها.
- حبس الطمي المضر من كل سدودنا.
و و و و الخ.

المصريين ساقونا بالخلأ.

سد النهضة هو لنهضة اثيوبيا والسودان

دكتور أحمد
تحياتي وتصوم وتفطر علي خير أنشالله
تعرف انا ما معا توجه الحكومة أيضا أري مصلحتنا في هذا السد ولكن من يقنع هؤلاء

حرب المياه ما اظن حتكون قاصره على الصراع مع الحبش ومن خلفهم .
هل فى خضم الصراعات وعدم الاستقرار السياسى فى السودان حنقدر نستفل المساه الجوفيه فى السودان - الخزانات الجوفيه فى غرب وشمال غرب السودان - بحيث يشكل اضافه حقيقيه للتنميه والاقتصاد فى البلد ؟

Quote: مهما كانت التبعات والتحديات موية المطر والعودة لمشروع قناة جونقلي مع الاشقاء في جنوب السودان

مشروع قناه جونقلى قد يكون ليهو فوائد فى توفير فاقد المساه لصالح مصر والسودان
لكن ماعارف هل تمت دراسات على الاثار البيئيه والتنوع الاحيائى فى منطقه المستنقعات على المنطقه وتقديم حلول لاى اثار سالبه

أنا مع اثيوبيا في حقها الأبدي بقلم:شوقي بدرى
لا ادري لماذا يحب بعض السودانيين تبول مصر على رؤوسهم ؟ انها بلاوي السودان من البشير البو الى البرهان العنبج . عندما يموت العجل او يولد ميتا . يقومون بسلخ جلده وملئه بالقش حتى لا تتوقف البقرة من اعطاء الحليب . البو شيئ فارغ . العنبج هو حزمة الطرور الذي هو نبات ضخم الحجم وزنه خفيف جدا . وهذه بلاوي يمتحن بها الله اهل السودان . اليس من المخجل أن يقول العنبج أن حلايب شوكة في خاصرة العلاقات السودانية المصرية . حلايب خاذوق في مؤخرة الشعب السوداني مثل الخاذوق الذي مات به ملك سنار عندما اتى المصريون كخدم للباشا الاوربي محمد على باشا وكان معه الفرسان المغاربة ولهم حي في ام درمان بالقرب من مكي ، رافقهم كل الانكسشارية من ضباط مدفعية اوربيين الى الباحثين عن الاسلاب ،الاغتصاب
https://sudaneseonline.com/board/505/msg/1618396353.html