Post: #1
Title: متاريس بطريق مدني الخرطوم وإغلاق تام ولمدة شهر كامل لأفطار الصائمين
Author: زهير عثمان حمد
Date: 04-14-2021, 10:10 AM
10:10 AM April, 14 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
من أمس ولمدة شهر سوف يتم قفل شارع مدني الخرطوم واجبار المسافرين علي النزول والتوقف وسوف تكون المتاريس علي امتداد شارع مدني الخرطوم ليس احتجاجا علي الاوضاع المعيشيه الصعبه ولا علي انقطاع التيار الكهربائي ولا علي ندرة المواد البتروليه ولكن اليوم القفل بنوع اخر يشهده كل مسافر علي الطريق المواعيد بعد الخامسه والنصف مساء حيث ينسي الناس كل الهموم ويصبح الهم الأوحد هو افطار الصائمين فتجد من يقف لك وهو محزم وملزم معرضا حياته للخطر وغالبا ما يكون الوقوف داخل الاسفلت وعندما تقول لسه الوقت بدري علي الفطور ياتيك الكلام الحاسم من شيخ محكر في طرف البرش يازول حرم تنزل حلل الطعام وواصل مشوارك ربنا يوصلك بالسلامه هنا قطعت جهيزه قول كل خطيب تنزل انت من سيارتك فيصيح اخر من الجلوس النسوان دخلوهن جوه مع الحريم هكذا عودنا أهل الجزيره بهذا الكرم الفياض مع المثقبه الواضحه علي الجميع لكن العصيده موجوده والبليله واهم من كل ذلك المباشره وتحقق المثل السوداني بليلة مباشر هم تعودوا علي ذلك ولن يتركوا اكرام الضيف واي ضيف انه ضيف الشهر الكريم فباذن الله لن نضام وان بعد العسر يسرا اهل الكرم والواجب اهل الجزيره كل عام وانتم بخير اهلنا في الجزيرة في النوبه والمسيد وفي الكاملين وفي ابوعشر وابو فروع والحصاحيصا واربجي وعمارة ابيد والقريقريب والدوينيب وعترة
لكم كل الحب ناس الجزيره وكل سنة وانتو طيبين ورمضان كريم علينا وعليكم..،
https://www.0zz0.com
|
Post: #2
Title: Re: متاريس بطريق مدني الخرطوم وإغلاق تام ولمد
Author: Nasr
Date: 04-14-2021, 04:46 PM
Parent: #1
المجد لإنسان الجزيرة المعطاء الكريم
المجد لأهل السودان
رمضان كريم للكل
والدعوات الخالصات أن يقيل الله عثراتنا
ويرفع البلا ويتم رحمته علينا
|
Post: #3
Title: Re: متاريس بطريق مدني الخرطوم وإغلاق تام ولمد
Author: ولياب
Date: 04-15-2021, 10:58 AM
Parent: #2
يسلموا أهل السودان المتكاتفين والمتكافلين في كل البقاع وهم يضربون مثالا للكرم والتعاضد والرحمة بينهم .
|
|