رمضــان دخل العضــم

07:32 PM April, 13 2021

سودانيز اون لاين
Abureesh-أمريكا
مكتبتى
رابط مختصر

إنتهاز فرصـة الصيام لتصحيح السلوك.. فى غير رمضان الواحد لو ماعرف يعمل شنو يمشى يأكل واللا يشرب.. الحين مافى أكل وشرب. وسيضطر
أنو يعمل حاجة.. فليكن ما نعمله خيرا للناس، وقبل الناس لأنفسنا.. لا نسخط إن حرمنا، ولا نفرح إن وجدنا. * قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ *
السنة كلها عايشين برة.. فرصة ندخل جوة.. نعمل صيانة.. عمرة كاملة لدواخلنا. ننقى النيات.. نطهر الطوية.. نتصالح مع أنفسنـا. الكلب ينبح بعض الناس ولا ينبح اخرين..
لأن الكلب لا ينبح الشخص وإنما ينبح كلب اخر داخل ذلك الشخص.. ولو سكت الكلب الداخلى سيسكت الخارجى.

ارجو كل واحد وواحدة يتذكر حكمة أو تذكرة فى هذا البوست.

يا حليلوا يا محمد خلاص انتهى .. باقيلو بس عشرتين و تسعه ..

خلو الجرسة...اليوم الاول لسه ما انتهى.... هههههههههه
وحالتو انتو عايشين في الجو الربيعي .. الما بتشعروا فيه بعطش ولا جوع
يعني ناس السودان وناس السعودية والسخانتهم بتفقع الراس يقولوا شنو!!؟؟

كل سنة والجميع بخير و ان شاء الله
من صوامه وقوامه.

كل سنة وانت طيبة د. اخلاص
وان شاء الله نتلم دائما في ساعات الخير
ونسال الله ان يرفع البلاء عن العالم...بلاء الكرونا..
والله يديك الصحة والعافية

بقى من الزمن عشرون دقيقة

غايتو رمضان دا الله يدينا الأجر ساى.. لا جوع لا عطش.. ولا تشعر انك فوت وجبة زاتو. رغم اننا صمنا حتى الان 15 ساعـة والحمد لله.