Post: #1
Title: نقنع ولا الفهم شنو ؟؟
Author: طارق محمد الطيب
Date: 04-12-2021, 03:56 AM
03:56 AM April, 11 2021 سودانيز اون لاين
طارق محمد الطيب-السودان
مكتبتى
رابط مختصر
السلام عليكم .. رمضان كريم على كل الامه الاسلاميه وكل عام والجميع بخير ،،
ماهو سبب التدهور المتكرر للمعيشة بالسودان ؟
هل هذا الفشل مقصود ام ان القياده بشقيها لا زالت في مرحلة تعلم المشي ؟؟
هل هنالك أمل ؟؟
اسئله صعبه
|
Post: #2
Title: Re: نقنع ولا الفهم شنو ؟؟
Author: زهير عثمان حمد
Date: 04-12-2021, 04:28 AM
Parent: #1
القصة مؤلمة جدا فيه الفشل وفيها التفشيل
بس انا في المكتب برجع ليك بالمهله
|
Post: #3
Title: Re: نقنع ولا الفهم شنو ؟؟
Author: طارق محمد الطيب
Date: 04-12-2021, 05:12 AM
Parent: #2
في انتظار رايك استاذ زهير
وان كنت لمحت بعض الشئ ..
اهم شي رايك حول وجود أمل من عدمه .
تحياتي
|
Post: #4
Title: Re: نقنع ولا الفهم شنو ؟؟
Author: Ali Alkanzi
Date: 04-12-2021, 08:10 AM
Parent: #3
سلام عليك يا طارق
فقد جئتنا طارق تتسال
| Quote: نقنع ولا الفهم شنو ؟؟ |
يعني انت لسا ما قنعتا ؟
يا اخوي لو البحصل دا كلو ما قنعك تاني شئ في الدنيا دي ممكن تقنع منو مافي
يعني لو قالو ليك ح تعيش عمر نحو ؟
ما ح تقنع من مثل هذا القول
وانت لم تقنع من حكومة الفشل
اسوأ من البشير بالف الف مرة
ولا خير فيها ولا من اتت بعده
بالله حكومة تستلم السلطة ولتر البنزين ب ٢٧ جنيه واسا تبيعو ٦٧٥ جنيه ومافي
الرغيفة كانت بجنه اسا انا اشتريتا ب ٤٠ جنيه اي والله الرغيفة لسندوش الفطور لابنائي ب ٤٠ جنيه وكل واحد عايز رغفتين
الغاز كان بسبعين امس الاحد ١١ ابريل ٢٠٢١ جابو لي انبوبتين من امبدة (ملء فقط ) باربعة الف جنيه للواحدة و ٢ الف ترحيل من امبدة لمنزلي
تاني دايرني اقول ليك شنو
اسا هذه الصباح جا اللباني ادانا ٥ ارطال لبن ب ٦٠٠ جنيه
ب
حقو تسأل : من أين لاهل السودان من موارد مالية لتغطية هذا الفحش في الاسعار؟
|
Post: #5
Title: Re: نقنع ولا الفهم شنو ؟؟
Author: طارق محمد الطيب
Date: 04-13-2021, 00:43 AM
Parent: #4
استاذ علي الكنزي تحياتي على المداخله المفعمة بالحقائق المحبطه ،،
هل هذا التدهور طبيعي و كل هذا الفشل هو وليد لأخطاء الكيزان فقط ام ان هنالك نواحي اكبر من تعليق الفشل على فئه غابره ؟؟
صراحة الواحد بقى يفكر ان الخير والنعيم الذي عشناه في السودان كان السبب فيه بصمة المستعمر لم يكن لنا كسودانيين اي يد فيه
الدليل على ذلك الحال الذي وصلنا اليه .. فشل x فشل
الله المستعان
|
Post: #6
Title: Re: نقنع ولا الفهم شنو ؟؟
Author: Elhadi
Date: 04-13-2021, 03:37 AM
Parent: #5
Quote: هل هنالك أمل ؟؟[/QOTE]
أخونا طارق محمد الطيب ـ للأسف النظام الحالي هو امتداد لنظام الإنقاذ ونظام عمر البشير مع تغيير بعض الوجوه هنا وهناك بغرض التعمية وذر الرماد في العيون.
النظام القديم موجود بكامل أجهزته ومؤسساته ـ وهي للأسف الشديد نفس الأجهزة التي مارست القتل والقمع و الفساد طيلة عهد البشير وما حدث صبيحة الحادي عشر من أبريل هو محض انقلاب قصر داخل نظام عمر البشير ـ قضى بإدخال بعض الوجوه للسجن ( لانتهاء دورهم )
وبغرض الحفاظ على عظم النظام من الانهياروالحيلة والخديعة انطلت على الكثيرين ولازالت مستمرة ـ وحمدوك وشلته ديل ناس طاير ليهم ساكت وما عندهم مشكلة في أداء دور الكومبارس وإضفاء بعض المظهر المدني والليبرالي الخارجي دون المساس بجوهر مؤسسات النظام القديم
عشان كده أنا بقول ليك لو ما قنعت لحدي أسي أقنع يا أخوي ـ أقنع تب، وشوفة عينك حتى هؤلاء المدنيين الكومبارس سيتحولوا لفاسدين كبار يوازي فسادهم فساد قادة الإنقاذ الذين هم بالسجون الآن إن لم يتفوقوا عليهم
أقنع يا طارق دي حكومة بت ستين كلب..
|
Post: #7
Title: Re: نقنع ولا الفهم شنو ؟؟
Author: طارق محمد الطيب
Date: 04-13-2021, 11:35 AM
Parent: #6
لنظام القديم موجود بكامل أجهزته ومؤسساته ـ وهي للأسف الشديد نفس الأجهزة التي مارست القتل والقمع و الفساد طيلة عهد البشير وما حدث صبيحة الحادي عشر من أبريل هو محض انقلاب قصر داخل نظام عمر البشير ـ قضى بإدخال بعض الوجوه للسجن ( لانتهاء دورهم )
-------------------------------
الاستاذ الهادي لك التحيه ..
تموت الحيه بفصل راسها
الكيزان ميتون , علي الاقل سريريا"
هل الكيزان بهذه القوه لدرجة انهم لازالوا يسيطرون علي قوت المواطن الي حد الان ؟؟
ربما كان النظام الحالي امتداد لنظام الاسلامويين من حيث الفشل الاداري و التمكين وماالي ذلك لكن اعتقد ان الوجود الاسلاموي بالسودان انعدم وباي شكل من الاشكال
بل قل ان الدين زاول مكانه الصحيح ليصبح بين العبد وربه (نقطه اخرى تحتاج للمراجعه) .
البوست دا تعيس والله
اسف جدا
|
|
|