Post: #1
Title: I'm the worst handyman in Canada
Author: النصرى أمين
Date: 04-11-2021, 08:33 PM
Parent: #0
08:33 PM April, 11 2021 سودانيز اون لاين
النصرى أمين-كالغرى, كندا
مكتبتى
رابط مختصر
اضطرتنى الظروف امس امشى ال Home Depot .
دخلت محل الخشب lumber...طوالى قلت للزول المسؤول عن القسم بانى ابلد صنايعى فى الدنيا ولازم يطول باله معاى ؛ ابتسم و سالنى ماذا اريد ...حاولت الشرح مصحوب بفيديوهات وصور عن احتياجاتي؛ باختصار قطعة خشب plywood
قال لى هنا امامك .. فوجئت بانها سعرها مية دولار !! ليه ؟ البلد دى كلها شجر.
المهم ..قلت ليه محتاج تقطع لى منها قطعتين سته قدم فى واحد قدم .
انتهيت من المهم الصعبة دى ؛ مشيت قسم تانى اشترى مفصل يربط القطعتين ديل (شكله زى الاكورديون)
بعدها مشيت اشتريت البوهية بعد ان عذبت الزول المسؤول فى القسم .
طلعت من المحل اشعر بالفخر ..انجاز كبير انجح فى شراء هذه الأشياء البالغة التعقيد 😅
يلا تعال شوف المعاناة عشان اسمر القطعتين دى مع بعض ..
عذاب شديد ..
قلت فى سرى يا رب انزل على رحمتك انا عبدك الضعيف .
تاااااخ جرس البيت ضرب ..
فتحت الباب .لقيتو الموسيقار عمر منصور و زوجته ...
يا عمر ..انت هبة السماء لى ..تعال شوف الكوجين البعمل فيهو !!
لانه موسيقار واى موسيقار حريف ..طوالى عرف المشكلة..انا مركب المفصل بالقلبة .
اضطريت افك زى 300 مسمار صغير باليد مع انه عندىdrill كهربائي ما عارف الbits حقته طارت وين
غايتو بعد معاناة ستة ساعات ركبت الخشبتين مع بعض ...
انا أسوأ صنايعى فى كندا وفى الكرة الأرضية زاتو .
واى زول ما handyman should be ashamed of himself
|
Post: #2
Title: Re: I'm the worst handyman in Canada
Author: خضر الطيب
Date: 04-11-2021, 09:00 PM
Parent: #1
| Quote: handyman should be ashamed of himself |
ما بالضرورة يا النصري
ادي الخبر لخبازو و ريح دماغك
|
Post: #3
Title: Re: I'm the worst handyman in Canada
Author: Mahjob Abdalla
Date: 04-11-2021, 09:05 PM
Parent: #2
Quote: ما بالضرورة يا النصري
ادي الخبر لخبازو و ريح دماغك |
سلام نصرى و خضر
اغلب المشاريع الصغيرة حول البيت ممكن تعملها براك Do It Yourself (DIY)
لو عايز تدى الخباز, شئ بسيط بكلفك الشئ الفلانى.
في اشياء معينة لو ليها علاقة بالموية ما بهبشها لانو زمان عملت شئ و كلفنى اكثر.
|
Post: #4
Title: Re: I'm the worst handyman in Canada
Author: Abureesh
Date: 04-11-2021, 09:12 PM
Parent: #3
هم القطعتين ديل موش كانوا قطعة واحدة أساساً؟ طيب قلت لبتاع هوم ديبوت أقطعهم ليه؟
ناس غاوية شقاوة
رمضان مبارك عليك يا النصرى.. مقدماً كدا..
|
Post: #5
Title: Re: I'm the worst handyman in Canada
Author: النصرى أمين
Date: 04-11-2021, 09:38 PM
Parent: #4
يا خضر
اغلى حاجة عندنا هنا الصنايعية
فنى الكهرباء ممكن يعمل 200 الف دولار فى السنة..
السباك ساعته بثمانين دولار
ميكانيكي السيارات ستين دولار.
البلد دى صناعية يحكمها الصنايعية
|
Post: #6
Title: Re: I'm the worst handyman in Canada
Author: يحي قباني
Date: 04-11-2021, 09:40 PM
Parent: #4
| Quote: هم القطعتين ديل موش كانوا قطعة واحدة أساساً؟ طيب قلت لبتاع هوم ديبوت أقطعهم ليه؟ |
داير يعملهم فولدنج دورز عشان كده جاب مفصلات يا محمد ..
النصري .. كيفنك :)
|
Post: #7
Title: Re: I'm the worst handyman in Canada
Author: جلالدونا
Date: 04-11-2021, 11:12 PM
سلام يا نصري
يا اخوى الدردحة ليها تمن
عندى بيريس تويوتا 2015 وديت لى صنايعي عشان يغّير لقم الفرامل
جاط ليك الشغلة جوطة شديدة خلاص
المهم خشيت اليوتوب لقيت الشغلة شى تانى خالص
حفطتها تمام و جيتو
اعمل كده و ادينى مفناح عشرة و مفك نجمة
المهم شغلتو مستجد
و قالت كده الشغلة ظبطت
و من ديك و عيك
اى حاجة بقع اليوتوب
حتى مديدة الدخن
و كمان اليومين ديل اشتريت لى مكنة بوهية
و عامل فيها احسن بوهيجى فيك يا اريزونا
اقع اليوتوب كل مشاكلك بتتحل
_____
اهم خطوة فى تغيير لقم الفرامل ___ البادز ... فصل صباع النار بتاع البطارية
ده للتويوتا بيريس
|
Post: #8
Title: Re: I'm the worst handyman in Canada
Author: امتثال عبدالله
Date: 04-12-2021, 00:34 AM
Parent: #7
والله يا ابو الريش انا كنت عاوزة اساله نفس السؤال واقول ليه:
انت الشقاوة ليك شنو تقول ليه اقطع الخشبة قطعتين وانت ماشي
تلصقهم مع بعض!!!.
لكن نصيحة خضر نصيحة اوسكار : ادي الخبز لخبازه وريح دماغك
خصوصا حاجات شغل البيت....
لكن حكاية do it yourself بتنفع في السيارات...يعني اذا اتعلمت
ميكانيكا سيارات يكون افضل شئ عشان اذا انت سايق عربيتك واتعطلت
في الخلا تصلحها براك،،،وجلالدونا مثال نموذجي ،فاقتدوا به...
|
Post: #9
Title: Re: I'm the worst handyman in Canada
Author: النصرى أمين
Date: 04-13-2021, 07:50 PM
Parent: #8
نفطر و نشرب شاى اللبن و نجيكم بمزاااااااااااااااااج
رمضان كريم عليكم و على أسركم
|
|