قبل دقائق كنت في قنصلية جدة .. الوضع في الحضيص

08:05 AM April, 11 2021

سودانيز اون لاين
علي عبدالوهاب عثمان-جدة
مكتبتى
رابط مختصر

المئات في صفوف ( جلوس ) من داخل السفارة حتى خارجها
في الشارع العام والسفارة محاطة بالمراجعين ( كالسبحة )
بعضهم حضر الساعة الثالثة صباحاً ورقمه (75)
اختلط الأمر الكتروني وغير الكتروني ..
الشرطة السعودية منزعجة جداً وهي تنظم الصفوف خارج السفارة
المشكلة في العائلات والاطفال .. احتراز الكورونا ( زيرو)
رغم ( ممنوع التصوير ) بعض الشباب ما مقصرين

الشرطة السعودية خارج السفارة في معاناة شديدة

أحد الاخوة تناول موضوع رسوم الامتحانات ( مرحلة الاساس والشهادة السودانية)
للحصول على رقم الجلوس التكاليف :
بالنسبة للشهادة الثانوية = 100 دولار
للشهادة الاساس = 200 دولار
يبدو أنه ملم بالموضوع سألته عن سبب التفاوت في السعر
قال لي كلام غريب (( الشهادة الثانوية تابعة لوزارة التربية والتعليم ))
ولكن شهادة الاساس (( تابعة لولاية الخرطوم ))
وما ادهشني هو ( أن الرسوم في السودان للاساس يساوي 3 دولار فقط )
هذا الاخ لديه ابنة في الشهادة السودانية وأخرى في الاساس يعني ( 300 دولار)
هذا المبلغ يعتبر ضخم مع الكورونا وركود الشركات .. خاصة للعمال والمهن العادية

داخل السفارة ضجيج وصراخ للآخر
حضور الموظفين الساعة الثامنة صباحاً ( شاي قهوة ) ثم المكتب
القنصل كان من مفروض يكون في جولة داخل السفارة لتطمين الناس
معظم هذا التكدس لتجديد الجواز

المشكلة في الصفوف خارج مبني السفارة ( درجة الحرارة والرطوبة مرتفعة جداً في جدة)
على الأقل كان يوزعوا مياه الشرب .. لاحظت عدم وجود بقالة أو مطعم قريب بالاضافة لا يمكن مفارقة الصف

بؤس ما بعده بؤس
عشان يجدد الجواز

Quote: بؤس ما بعده بؤس عشان يجدد الجواز

الحبيب جعفر تحياتي
حاجة تدمي القلب .. معاناة أمهات وأطفال
بعضهم قادم من خارج جدة حتى من تبوك وجيزان
فضيحة صفوف متراصة خارج السفارة ( حول سور السفارة بالكامل)
طبعاً التصوير ممنوع ( الشرطة السعودية )
احياناً تتوقف السيارات لمشاهدة هذا المنظر الغريب
مئات الناس .. والخدمات المتاحة داخل السفارة محدودة ( حمامات )
المسجد قريب من السفارة لكن الحمامات مغلقة ( احتراز كورونا ) إلا وقت الصلاة

المؤلم اندهاش المارة وتوقفهم للفرجة على هؤلاء الغلابا

داخل السفارة ( 2) عربة مرسيدس فخامة
عدد (6) عربات شفرولية وماركات أخرى في ظلال الاشجار والناس في الشمس
مستحيل تجد موقف قريب للسيارة والمشكلة إذا كنت برفقة العائلة
الاطفال كمان اكثر معاناة .. لاحظت أننا لا نعامل الاطفال برفق ( يلا يا ولد امشي .. يا بت امشي )

تحياتي الحبيب جعفر .. معاناة حقيقية

أثناء عودتي في الطريق (السفارة المصرية ) في حي الروضة
لا يوجد ولا واحد حول السفارة هدوء للاخر
وكذلك سفارة فلسطين ..

الظاهر السر في هذه المعاناة هي الجباية

الحل هو
صلاحية الجواز على الأقل 7 سنوات
الهنود ثلاثة اضعاف السودانيين ( السفارة هادئة بدون أي ضجيج )
اثيوبيا ضعف السودانيين ( هدوء للاخر )

والغريب والاغرب في الأمر بعد توريد الرسوم واستلام الايصال
الموظف المسئول يقول ( تحضر قبل الامتحان بثلاثة أيام لاستلام رقم الجلوس )
الكلام شفهي وبصوت مرتفع لكل من يهمهم الأمر
اتضح أن البعض لا يعرف حتى تاريخ بداية الامتحان
اذا صادف التاريخ ( الجمعة أو السبت ) ماذا سيكون ؟

كان من الافضل ان يكتب تاريخ المراجعة في الايصال ( مثلاً حضور بتاريخ .... لاستلام رقم الجلوس)

فقط وبصوت مرتفع ( يا جماعة المراجعة قبل ثلاثة أيام من بداية الامتحان لاستلام رقم الجلوس )

موجة من الضحك والسخرية وسط الناس ( طيب لو يوم جمعة أو سبت الى اين المفر ؟؟ )

من المفترض (( الحضور يوم .... في المكتب رقم ................ لاستلام الرقم )

ولسلسا ليه ناس السفارة السودانية في السعودية يتحصلوا على الرسوم بالدولار والعملة
في السعودية هي الريال السعودي ،،،ام ان السعودية غيرت عملتها
للدولار،،،
مفروض يكون صلاحية الجواز السوداني ٦٠ سنة ، متوسط عمر الانسان السوداني
عشان عذاب تجديد الجواز ما يتكرر الف مرة،،،
وحتى اذا عملوا صلاحية الجواز ١٠ سنوات كبقية دول العالم المحترنة فيجب
ان يكون تجديد الجواز عبر البريد وليس الحضور شخصيا للسفارة،،،
الله يكون في عونكم وعون السودان،،،،

الأخ الفاضل / علي عبد الوهاب عثمان
لكم خالص التحيات القلبية

أين ذلك الأخ الفاضل ( مكين حامد الأمين ) الذي ظل يردد تلك العبارات المنمقة ويوهم المغتربين بتلك التباشير والجوائز الكبيرة من قبل حكومة السودان الحالية ؟؟؟ ،، بالله عليكم ماذا كان يضير حكومة السودان إذا جعلت رسوم التعليم ورسوم أرقام الجلوس وخلافها مجاناَ ودون مقابل من الأموال لأبناء المغتربين السودانيين في كافة سفارات السودان بالخارج ؟؟؟؟ ،، وذلك في مقابل تلك الهبة والوقفة الرجولية التي كانت من قبل هؤلاء الأبطال أبناء السودان المغتربين ؟؟ وفي هذه اللحظات تعج البنوك والمصارف السودانية بالمليارات والمليارات من العملات الصعبة بفضل هؤلاء الأبطال من أبناء السودان ،، هؤلاء المغتربين الأبطال من أبناء السودان يثرون الخزانة العامة بتلك العملات الصعبة التي عجزت عنها الحكومة المؤقتة في يوم من الأيام ،، وفي نفس الوقت يدفعون تلك الجبايات والضرائب ويدفعون تلك الرسوم في مقابل استخراج وتجديد الجوازات والتأشيرات ،، وهؤلاء البخلاء في تلك الحكومة الانتقالية المؤقتة ( السخيفة ) يبخلون برسوم التعليم والامتحانات على فلذات أكباد هؤلاء الأبطال من أبناء السودان !!!!!!!!!! ,, وعزة الله فإن تلك الحكومة لا تستحق مثقال ذرة من تلك المساندة والدعم في لحظة من اللحظات ،

كان الشعب السوداني يتوقع نوعاً من المكرمة المقرونة بالرجولة والشهامة من قبل هؤلاء المسئولين في تلك الحكومة الانتقالية المؤقتة ،، ولكن اتضح للشعب السوداني أن تلك الحكومة ( كالمنشار ) يأكل دموع وكد المغتربين طلوعاَ ونزولاَ !!!!! فيا عجباَ ويا عجباَ من حكومة لا تعرف مثقال ذرة من تلك المكارم ومقابلة الإحسان بالإحسان !! .

وفي الختام لكم خالص التحيات

Quote: ولسلسا ليه ناس السفارة السودانية في السعودية يتحصلوا على الرسوم بالدولار والعملة في السعودية هي الريال السعودي ،،،ام ان السعودية غيرت عملتها للدولار،،، مفروض يكون صلاحية الجواز السوداني ٦٠ سنة ، متوسط عمر الانسان السوداني عشان عذاب تجديد الجواز ما يتكرر الف مرة،،، وحتى اذا عملوا صلاحية الجواز ١٠ سنوات كبقية دول العالم المحترنة فيجب ان يكون تجديد الجواز عبر البريد وليس الحضور شخصيا للسفارة،،، الله يكون في عونكم وعون السودان،،

الابنة امتثال .. شكرا لحضورك ..
السعر بالدولار تدفع مقابله بالريال السعودي ممكن
هذه الايام تضاعفت المعاناة ..
المشكلة التي لم استوعبها هي ان رسوم الجلوس لامتحان الاساس (200) دولار للفرد
في ناس عندهم أولاد وبنات .. نفس الرسوم في سودان (700جنيه ) تقريباً 3 دولار
والعائلات هنا في معاناة حقيقية لظروف كورونا وتقلص الوظائف وفرض الرسوم

تحياتي الابنة امتثال .. الله يكون في العون

الحبيب عمر عيسي .. تحياتي
يا سلام على اسلوبك الراقي والسرد الجميل ( زول موهوب)
يا ريت الحبيب عمر .. مكين كان مغترب وكان يمثل دور المناضل المنحاز للشعب
لقد عرفت حقيقة بعد عمرنا هذا (( النضال والصراخ والهتاف من أجل المنصب فقط ))
قبل يومين تقريباً عقد مؤتمر فخم في فندق السلام .. ماذا كانت النتيجة ؟؟
تخيل (( توقيع مذكرة تفاهم مع شركة لا أذكر اسمها ومعهات تبريرات لم أفهمها ))
لا فرق بين كرار التهامي ومكين

شكرا اديبنا الرائع عمر حروفك جميلة

Quote: والغريب والاغرب في الأمر بعد توريد الرسوم واستلام الايصال الموظف المسئول يقول ( تحضر قبل الامتحان بثلاثة أيام لاستلام رقم الجلوس )

معقول واحد يجي من جيزان (مثلا ) لجدة عشان يستلم رقم جلوس او موعد ؟؟؟؟؟؟؟؟
لا واتس اب ولا خدمات اون لاين
في قنصلية الجن دي

يبدو انو الحال من بعضه
شوف ناس ولاية الخرطوم

https://twitter.com/UmniaIbrahim/status/1380882237814624260؟s=1002https://twitter.com/UmniaIbrahim/status/1380882237814624260؟s=1002
Twitter
𓇾𓐮𓇿 تاسيتي
الليلة مشينا انا والقروب اللي معاي عشان نقدم للولاية سيستم صممناه يقلل الفساد في الوحدات الإدارية اتفاجأت انو اي سيستم خطر على بالي موجود اي سيستم حرف...
لما سألت ليه الأنظمة دي ما شغالة وما عرغنا بيها ليه
طلع العرقلة من الناس الكبيرة
والبعض من المواطن
العقليات القديمة دي لو

فعلا


لا فرق بين كرار التهامي ومكين

أديبنا الرائع التيجاني
نعم لا فرق .. هكذا نحن
ما عارف ولا أبريء نفسي أو حتى اخواني
كلنا نحب easy money والوظيفة والبوبار ... الخ
المهم الطريقة التي تصل الشخص الى المنصب .. الفيلا والعربية والمصروف
صراخ .. سلاح .. كفاح ... الخ

تحياتي الحبيب التيجاني

حبيبنا Al Sunda تحياتي يا جميل
شكرا دائما حضورك مفيد ..
الحبيب منافذ التحصيل وحدها (7) منافذ
عليها (7) محصلين .. ماذا لو تم تفعيل تحصيل اللكتروني
أمامي وفي حضوري دفع شخص 380 ريال مقال (100) دولار يعني الباقي 5 ريالات ( الدولار 275 ريال )
قام المحصل من كرسيه يسأل ( يا جماعة فكة عشرة ريال ) وأخيراً قال للشخص
( بعدما ما تخلص الاجراءات وانت طالع تعال خذ الخمسة ريال ) ضحك الشخص واخذ ايصاله
وخرج من القاعة يردد خليها ( صدقة )

تخيلوا (7) منافذ و (7) موظفين .. كم مركز التكلفة مقارنة بالتحصيل الالكتروني

ربما التحصيل الالكتروني صادق لأن الكمبيوتر أصدق من اي صدوق
ما تقول لي لا شيخ لا أمام مسجد لا غيره كلهم الكمبيوتر أصدق منهم

تحياتي الحبيب

عم علي مسكاقمي
الغريب اننا بنسمع بتحسن في الخدمات المقدمة في السفارات مؤخراً

لكن يبدو انها محض اشاعة

المغترب بيطبق القانون والنظام بحذافيره لمن يكون برا

وحتى برا، للأسف بمجرد وصولو لسفارة بلده، بيبدا الخرمجة ويطلع العشوائي اللي جواه

نحنا شعب همجي الطبع، زي ما قال بلدياتنا (ولّن بربرِيَا مل)

تحياتي سامر

الحبيب سامر مسكافمي ووو اشري ..
أول أيام نعم كان في تحسن لأن ضغط العمل ربما كان خفيف
اليوم يا سامر عشرات العشرات تجديد جوازات
لأن الجواز قبل شهور كان يستغرق استخراجه ثلاثة شهور ما بين السودان وجدة
مما خلق تكدس غير مسبوق ..
الناس ليهم حق تخيل واحد من تبوك أو جيزان مع العائلة أقل شقة مفروشة (200) ريال في الليلة
مع ضيق المعايش والدخل ( كورونا )..

الحل سريان جواز السفر يكون 10 سنوات

تحياتي ووو اشري ..

يا أخ على دى معاناة غير مقبولة البتة.. ياخ قنصلية لا تحترم مواطنيها دى قنصلية شنو.. بس مع الأسف الشديد المواطن السودانى زاتو متخلى عن حقوقه.
ومن يهن يسهل الهوان عليه.. يا ريت لو صورت من برة. بأى طريقة.

Quote: لليلة مشينا انا والقروب اللي معاي عشان نقدم للولاية سيستم صممناه يقلل الفساد في الوحدات الإدارية اتفاجأت انو اي سيستم خطر على بالي موجود اي سيستم حرف... لما سألت ليه الأنظمة دي ما شغالة وما عرغنا بيها ليه طلع العرقلة من الناس الكبيرة

دة الزيت
والمشكلة إنه موظفين القنصلية ديل قاعدين فيها من زمن حفروا البحر .. بتغير القنصل لكن الناس كلها موجودة وبنفس العقليات القديمة
مافي دماء جديدة دخلت القنصلية عشان تنقلها للعصر الرقمي
كمثال ليه الدفع ما يكون بنظام سداد ؟ أهو متااااح وشغالة بيه كل أنظمة السفارات هنا .. وممكن يكون ببطاقة مدى اللي هي بطاقة الصراف الآلي العادية دي! دة طبعاً غير خيار الدفع بالبطاقة الائتمانية اللي أصلاً موجود في كل الأنظمة المحاسبية

مافي أي أدلة إرشادية في القنصلية! يعني لوحات ارشادية في ورق عادي ممكن توفر زمن كتير .. وفي الحقيقة شاشات الإعلانات بي 3000 ريال
مشكلة الخدمة المدنية والحكومية ما في الأنظمة الالكترونية وإنما في العقلية الإدارية نفسها .. ما فيها أي ابداع وتحس بيهم دايرين يتركوا الوضع كما هو عليه عشان ما يضروا جيش الموظفين العايش على حس الإزدحام دة
أنا مشيت جددت الجوازات
الإجراء هو إنك تديهم الجواز القديم، تدفع الرسوم، تمشي تتصور وتبصم. وبس
الموضوع دة مفروض ما ياخد أكتر من 3 دقايق لكن أنا أخد مني يومين
القنصلية عندها موقع وسيستم وببساطة ممكن يكون التقديم للجواز من منازلهم: ترفق صورة جوازك القديم في السيستم وتدفع اونلاين وتمشي القنصلية زول صورة بس

بالمناسبة البصمة دي ما عرفت ليها أي سبب!! يعني ممكن في خلال الخمسة سنوات الفاتت تكون بصمتي اتغيرت؟!!!!!

حبيبنا احمد تحياتي
شكرا للاضافة وإظهار المزيد من المعاناة
لقد وضعت بدك على الجرح (( نوعية الموظفين )) نفس الشخوص من سنوات
حتى عمراً لا يمكن تطويرهم ورفع مقدراتهم .. الظاهر كما ذكرت اعداء للكتنولوجيا
حتى في المعاملات البدائية اليدوية بطيء وتسويف

والمصيبة الكبيرة في الصور الفتوغرافية ( 4 صور ) وكمان كتابة الاسم خلف الصورة
القصة دي بالنسبة للممتحنين للشهادة .. وغيرهم ..

أما الدفع بالكاش والخزنة وباقي الريالات ( الفكة ) أمرها غريب


تحياتي الحبيب أحمد .. نحن لن نبلغ أي مستوى من التقدم لا في الوطن ولا في خارجه

حبيبنا ابريش .. تحياتي
أنا كان في خاطري النظام الالكتروني ولم أكن أتوقع أن الأمر بهذا الشكل
بمجرد أن وصلت على مشارف القنصلية وجدت تكدس العربات بلا حدود
ثم اعداد من البشر .. صدقني فضيحة حتى سكان الحي مستغربين لأن القنصلية نفسها
في حي سكني مع أن لدينا مبنى ملك الحكومة القنصلية القديمة يمكن اعادة بناءها
سكان الحي في حيرة من أمرهم ..
الموضوع أكبر خالص ولا يصدقه إلا من شاهد

خارج السفارة طبعاً الأمن والسلطات السعودية مراقبتهم مكثفة خاصة حول السفارات

تحياتي الحبيب ابريش ..

عمنا الحبيب على وضيوفو سلام عليكم
دى فوضى ماعارف المسئولين دائما فى بلدنا يعقدو الامور على المواطت ؟
ابسط حل اتباع تنظيم الحضور للاجراءات عن طريق الواتس او صفحه فيس (لو مادايرين يعملو موقع للمعاملات مع المواطن خاصه انو السعوديه عدد السودانيين كبير ويحتاج تنظيم ونظام على المدى البعيد)
يعنى مثلا يتم استقبال 100 من المراجعين كل يوم حسب عدد الموظفين على منافذ الخدمه ويتحدد تاريخ الحضور عبر الواتس/ صفحه على الفيس وكدا يتحفظ للمواطن زمنو وكرامتو وسلامتو من الكورونا وتكون سمعه السودان مصانه بدل ظهور واجهاتنا الرسميه بمظهر الفوضى .
حقيقه مشكله النظام الادارى و اعداد موظفين عبء على الدوله وعلى المواطن حتى فى داخل السودان نفس القصه

عندهم موقع اليكتروني وسيستم وأي حاجة يا عاصم
consj.org

الله يهديهم بس

Quote: ابسط حل اتباع تنظيم الحضور للاجراءات عن طريق الواتس او صفحه فيس (لو مادايرين يعملو موقع للمعاملات مع المواطن خاصه انو السعوديه عدد السودانيين كبير ويحتاج تنظيم ونظام على المدى البعيد) يعنى مثلا يتم استقبال 100 من المراجعين كل يوم حسب عدد الموظفين على منافذ الخدمه ويتحدد تاريخ الحضور عبر الواتس/ صفحه على الفيس وكدا يتحفظ للمواطن زمنو وكرامتو وسلامتو من الكورونا وتكون سمعه السودان مصانه بدل ظهور واجهاتنا الرسميه بمظهر الفوضى . حقيقه مشكله النظام الادارى و اعداد موظفين عبء على الدوله وعلى المواطن حتى فى داخل السودان نفس القصه

الحبيب عاصم .. تحياتي
عدد الموظفين في القنصلية ما شاء الله
لأن معظم العمل يدوي تقليدي .. مما يرفع من درجة الازدحام
المشكلة للناس القادمين من خارج جدة يا الحبييب عاصم
الحكاية مكلفة بالنسبة لهم .. تكاليف الاقامة في الشقق المفروشة أو الفنادق
مع ابنائهم ..

الله يكون في العون
التحية الحبيب عاصم

Quote: والمصيبة الكبيرة في الصور الفتوغرافية ( 4 صور ) وكمان كتابة الاسم خلف الصورة القصة دي بالنسبة للممتحنين للشهادة .. وغيرهم ..

آخر مرة اتصورت لي إجراء حكومي في السعودية متين يا عم علي؟

للما عارفين الصورة الأخدوها ليك في المطار يوم دخولك بتلقاها قاعدة في كل الاجراءات .. تاني مافي زول بسألك من صورة
يعني مشيت تعمل رخصة ما بقولوا ليك اتصور لا لا بتلقى صورتك الغبشاء بتاعة المطار ديك نزلت تلقائياً في الرخصة

المفروض الناس تسأل جدوى الصورة الورقية شنو؟ وليه الطالب دة ما يرفق صورة بموبايل الله والرسول دة!
وهو أساساً عندو صورة في الرقم الوطني اللي مفروض إنه مربوط بي أنظمتهم
وليه يتم تسليم أوراق الممتحنين يدوياً في حين إنه كلها ممكن يتم ارفاقها اليكترونياً؟
وليه ما تترسل بطاقة الجلوس للامتحان برضو اليكترونياً ويطبعها الطالب بمعرفته
أحسن يخسر ليه ريال ولا ريالين في طباعة ملونة من مصاريف سفر ومبيت في جدة
وليه مبلغ قدر دة عشان طالب يجلس لي امتحان!! مفروض إنه التعليم مجاني في زمن الثورة

دة كلو كوم والعملوهو في المدينة المنورة كوم تاني

_______
بالمناسبة ما لقيت شقة لي أسرة بي أقل من 250 ريال في اليوم جمب القنصلية .. 200 الكاتبها فوق ديك إلا عزابة

Quote: وليه يتم تسليم أوراق الممتحنين يدوياً في حين إنه كلها ممكن يتم ارفاقها اليكترونياً؟

أنا قاصد الأوراق المطلوبة من القنصلية